家豪教練的說話～

Ting5

https://www.facebook.com/250588241690539/posts/1977643472318332/

家豪教練的說話～

今日好多學生比賽，有人創佳績也有人未發揮得好，其實PB 唔係必然，好多因素配合，可以練習好好，比賽跑唔到，當中包括中途發揮，甚至係前兩日休息睡眠狀態，今日也眼見住學生比賽前50分鐘仲食緊早餐，呢d細微細節的野都係影響緊比賽發揮⋯⋯⋯

言歸正傳，片中人湯樂榆（懵魚）
不負隊友，潔貞同我所望，今日好驚險地以37‘39秒，兩秒之差破左14年前由神童吳曦雯所創的 37’41秒的女子青年紀錄，最尾500米見到真係有機會做到，我一直在賽道外大叫，好多人望住，叫完仲有少少後嚨痛。

話說早幾日小魚續日追問我，「教練你會黎睇比賽架可？」「你黎比d壓力我啦！」「10k 我唔夠信心, 過嚟比啲信心我阿..」「阿sir.. 你幾點到？」嘩，睇得出佢幾緊張呀，佢曾經仲講過想聽我把聲。

所以今日四點幾起床都覺得值得，教練既存在原來好重要架。

再想表達既係，訓練方法唔需要好特別，一年前她狀態差時同一年後狀態好時的訓練大至差不多，但係當狀態差時就會埋怨訓練計劃是否不好，胡思亂想（少女總是吧），當狀態好時就唔會咁諗，記住，你係咁練人地又係咁練，點解人地進步，自己唔進步，當自己進步即時候又唔會諗人地點解唔進步⋯⋯⋯


進步好難預計，我們只能以你訓練情況時間身體反應而評估


總知，不要在低谷時候胡思亂想，只有正面才能走出低谷@滑嘟嘟，壞的時間總會過去，大家加油。


一個人之成功不是靠一個人，隨了教練隊友仲有屋企人，贊助商，主辦單位等等


講住咁多先，仲想我寫落去嗎？


下一篇寫運動員之所以成功事。


88