2019.9.21 Norway Oslo Marathon 娜威奧斯陸馬拉松

brompton · 發表於 2019-2-19 23:28:08

本帖最後由 brompton 於 2019-2-19 23:45 編輯

https://oslomaraton.no/

全馬，六小時限時，$850 HKD報名費。有多種距離的比賽，同日舉行。有全馬，半馬，十公里，fun run。半馬限時係三小時三十分。

我會先飛去瑞士，蘇黎世，玩九天瑞士鐵路遊。我已去過瑞士兩次，所以新鮮感應已經無。去幾次都係主要去行山，去Zermett，影金頂。然後，由蘇黎世，飛去娜威奧斯陸，停卵三天跑馬。跑完馬就鑼架租車，係娜威玩行山，影相，航拍共十一天。九天瑞士加十三天娜威，總共二十二日行程。機票約$8000，三程機，瑞士鐵路遊套票約$3200，娜威租車約$7000(一架車)。加埋食住玩，大約$27，000，每人全程。我今日睇過旅行社，剩係玩瑞士12日，去Zermett，都要$27,000，還未計加遊加餐，導遊和稅。如加上十天，北歐四國，又要成$30,0000。如跟團，總共要$60,000，簡直係搶錢。

娜威馬拉松，可以獨立成團，唔洗先飛去瑞士。但因為假期的安排，一次過飛兩個國家，唔洗分兩次長假期去，所以才連埋一齊。今次咁去，會比較跑土耳其馬拉松，然後夾玩希臘/愛琴海，貴些。

都係個句："可以跑馬的時間太少，地球太大，要趁還有青春時，向全世界出發。"

(P.S. 跑完2019渣打全馬，又濕又狀態唔得，懶返終點。一年又完跑季。會約單車友，去韓國踩單車，由首爾踩落去釜山，踩4 rivers trail。全程約650公里，當off season唔跑步，玩單車長途鬆腳。正好是韓國櫻花期，希望一路踩，一路有靚影，可以影相/航拍。)

brompton · 發表於 2019-10-16 22:51:40

本帖最後由 brompton 於 2019-10-16 23:50 編輯

跑完挪威，回來。調整了個多星期，才同各網友分享。

係挪威全馬，以Oslo陸市政廳為中心點，左右打個蝴蝶八字型。這個八字型的大圈圈要重覆跑兩次就係全馬。我跑左咁多個外國比賽，首次係重覆跑兩轉。全馬參賽人數唔多，約三千唔夠，全程限時六小時。要上四次大坡，每個六十米至六十五米高，頗鑼命。我覺得，比渣馬還難跑。挪威賽路的安排，合國際標準，雖然參加人數唔多，但水站/食物/能量野，充足。跑全馬，可以乜都唔洗自己帶，到時水站/補給站，鑼都得。
可能人少，如跑得慢，要識得認路，唔好跑錯轉灣口。因為，工作人員，真是有限公司，有幾段路祇是用馬鐵閘，去間出條賽路。如跑到啤啤夫，可能入錯街口。一般外國的賽事，都會出現咁情況，見怪已不怪。我就無出現蝦碌的場面，祇是猶疑過一秒，是否前面要轉灣。如果，想PB，這條賽路絕不適合。比賽完賽牌，都係一般貨色，無驚喜。比賽前，後安排，順利和序，係終點可以任影想，工作人員唔會趕你走。但係終點，並無計時大鐘，你話神唔神奇？！祇是一個"FINISHED"的拱橋橫Banner。

我去左挪威玩十八天，和，跑完之後飛左去瑞土玩左九天。旅遊比跑馬精神。總共行左百多公里的山徑，風景靚絕。我租左架車，繞在挪威南半地區一圈。挪威的冰蝕地型，海峽，有別於瑞士的雪山/草原/冰湖，的風景。實在是驚喜。我去左，老鷹之路/精靈之路，海峽海灣，和，重頭戲的"聖壇石"。"聖壇石"要行上四公里多的高山，約三小時上坡，落坡又要兩小時。全部都是天然山路，並不是像香港的人造山徑。Oslo市中心，我位處歌劇院的位置，見到我做左幾十年人，最最最美的黃昏。如果，各網友有睇過"立喊"這幅名畫，就係畫出OSLO的美麗黃昏。真係，無得頂。

轉左過去瑞士，今次我已第三次去。我買左瑞士八天乘車卷。去左Rigi Mountain，"策馬特洪峰"，坐冰雪列車，"雪朗峰"，和行了四天山。每次，都行到好甘。上去Rigi Mountain，行到差唔多missed尾班的落山cable car。真是一額汗。如果趕唔切，就要摸黑行兩小時行山徑落番賓館。

係挪威渣車自駕遊，有一定的危險性。彎多，路窄，有好些路段，並無分隔線，而好通常入左郊野段，要慢慢去避對頭車。還有要提一提，就係要經過要過隧道。唔好以為是好像香港的海底隧道，獅子山隧道咁。短短地，就行曬。挪威的隧道，係十公里，二十公里，二十五公里長。而且隧道，有些照明不足，唔好以為是"香港標準"，隧路內是祇有一排燈仔係隧道頂，而且有些隧道連中間分隔線都無。我渣一日，都唔知要渣過幾多條隧道。我唸，都有十幾二十條隧道，都可能唔止。還有，是渣車過游輪，我都坐過十次，八次。係整個挪威trip。

係挪威行山有一定的危險性，因遊人不多。我行左四日山，有兩日大約二十公里深入山中，可以一個人都見唔到。四野無人，那種孤單感，缺乏安全感，可想而知。還有，挪威的行山徑，祇有入口是有個簡單的山徑介紹牌，一行入去，就乜指示都無，而且分叉路，多如天上的星星。所以，我覺得，迷路極有可能和容易。沿途想問下人，唔知點行，都不可能，因為，是唔會撞到其他遊人的。

係瑞士，就比較上好。沿途都有指示，但指示唔密。瑞士行山，最大的危險是行上山頭，會missed左尾班落山cable/tram，如唔好好掌握個行程。我有朋友，幾年前，就試過，行到上山發現尾班車已落左山。天又黑，又凍，又無帶燈。無可能行多兩三小時，摸黑落山徑。祇好call直升機救援。收費是，六萬港元。係瑞士，行山意外頗多，如迷路。我係Rigi Mountain正趕尾班cable car，快腳半行半跑，上山頂時，遇到四五個行山的人仕。他們給左幅相我睇，問我有無見過相中的行山客。我多問，是乜事？原來是行山迷路失蹤。他們說，已先蹤左兩星期。我心唸，瑞士晚上，森林內零度，又大霧，落雪落雨，睇怕都兇多吉少。係瑞士行山，如同挪威，頗多分叉路，而且又不是人造山徑。落雪，落雨之後，又或者，過大石灘，大草原，根本唔會見到條山徑。又或者，會見到前面好全部都係行山徑。迷路，一點都唔出奇。我經常去外國行山，都會行錯路，入錯分叉，預唔到時間，等等的蝦碌野。我每次入山，都好小心，驚迷路。係挪威/瑞士，唔好以為手機有sim card就一定會收到訊號，亦唔好以為，手機一定會收到gps。因為，山林密，天氣唔穩定，這些都是靠唔住。
我同班跑車友，都係咁講。唔好見我常去國外行山，就以為好似係香港行山咁樣，是完全唔係個回事。係挪威/瑞士，或國外行山，就算係家樂徑，以為係，都會迷路和死人。所以，我勸"長跑網"跑友，唔好睇完我的文章，就膽粗粗去外國行山。如準備互足，意外祇是一線之隔。我都唔想，太美化係國外行山的浪漫和歷險，會吸引到跑友，係唔夠經驗和裝備之下，去行山。挪威/瑞士，行山意外，數之不盡，祇是新聞唔會賣，所以，遊人有錯覺，行山可以是旅遊的一部份，而無左警覺性。我帶行山的路線，唔會太難，但山中天氣變化，多變有雪有雨有泥有河有水，就算是平坦小路，一落起雪或狂風雨，可以即刻變死亡陷阱。
今次，全程二十八天，全包，約用左唔夠三萬。這個價錢，跑馬團，旅行團，行山團，攝影團，絕對做唔到這個價。當然，係唔計手信，係瑞士如買Rolex，包包，分分鐘二十幾三十萬才可落樓。

我下次跑福崗日本馬，然後去韓國馬。日韓馬，都是間下期，無乜期望。下月去福崗，都會係九州，行幾日山。到了明年，可能去跑冰島。又去影相，行山，和，跑馬拉松鑼。
都係個句，"世界太大，可以跑馬的時間太少。"，要珍惜每次出遊的機會，向世界的盡頭出發。
送上挪威的風景、供各網友參考：https://www.youtube.com/watch?v=_nE8AhurAs0

brompton · 發表於 2019-3-10 23:02:14

本帖最後由 brompton 於 2019-3-10 23:52 編輯

已買左機票，香港>奧斯陸(挪威)>蘇黎世(瑞士)>香港，$54xx。淡季機票唔貴。Check過期內的天氣，約6度(晚上)至26度(正午)，唔會太凍。先去奧斯陸，玩西南部份，繞一個大圈，回奧斯陸。跑完馬，就飛去蘇黎世，開始瑞士旅程。整個行程要加長到24日。
我參考過香港去挪威的旅行團，發現旅行團玩挪威，祇是玩好細段，係奧斯陸繞個好細細圈圈，幾日貨仔。我今次，係整個西和西南部，掃個大圈，全程要12日。12日的行程，祇是緊緊夠。如界要去埋北邊，12日做唔到。所以，我計劃行程，頭都太曬。初時唔知挪威原來係好大。以為12日，可以玩整個挪威。真傻瓜。挪威的境點，車程遠，又要坐車，又要坐船，又要坐火車。我覺得，好複習。係計劃行程，頭都大曬。暫時未book係Oslo，近馬拉松起步點的旅館。這類冷門馬拉松，一向book住宿唔洗太急，或者要搶。唔同去跑日本馬，要一報名confirmed，就要鬥快去搶。

瑞士就反而易搞，一張火車套票，$3xxx，就七日內任坐，非常抵玩。瑞士就無乜驚奇和期望，因已經去過二次。上二次，玩不同主題，覺得瑞士一般般。唔係話唔靚，但睇多幾日之後，就無曬感覺。今次，第三次，去，有點悶。我第一次，係跑Amsterdam Marathon，由阿姆斯特單，渣車去。第二次去，係跑Budapest Marathon，由匈牙利渣車，玩巴爾干半島，意大利北部，入瑞士。今次去瑞士，就唔渣車，當玩下瑞士出名的冰雪列車，鐵路遊。瑞士的境點，我到遊的淡季，冷冷清清，無乜人氣。

這些年黎，計一計，我已跑過六隻歐洲馬。Berlin Marathon, Amsterdam Marathon, Barcelona Marathon, Budapest Marathon，Edinburgh Marathon和Istanbul Marathon。如跑埋今次Oslo Marathon，已是第七隻歐洲馬。時光過得真快，歲月不等人。

下一個馬拉松的里程，我可能會轉而計劃跑"一帶一路"。我已跑過，絲路的終點，Istanbul Marathon，亦跑過絲路的起點，Beijing Marathon。中間的絲路國家馬拉松，要計劃一下去跑。