超業餘跑10KM, 有健康問題想請請教!

膠山有福

小弟今年報左渣打馬拉松10KM, 都玩左六年, 但最快時間都只係60分鐘 (超級業餘水準, 見諒!) 

今年同同事作一場賭博, 邊個能夠少於60 分鐘內完成10KM就可以擦餐勁 (佢地都係AROUND 60 MIN完成). 

今年小弟的起心肝, XMAS前開始操 .. 一直操得幾好, 去到年30果晚, 我可以 < 55 MINS 跑完10KM (跑運動場直路, 無上斜) , 跑完都仲無乜倦意,肌肉都仲未抽, 諗住今年可以穩操勝卷, MEET 到TARGET

點知..好景不常, 就響果日中招...果日年30太冷啦, 我應該跑完後"攝親", 到左前3日, 我感冒到七彩, 行路既氣力都無, 頭又暈, 之後去左睇西醫, 到依家, 我一唔食藥, (藥力過後), 就繼續覺得累, 行樓梯都氣"村",  咳得好犀利

我心知要完全康復, 絕對唔係3,4日可以既事 (已睇中醫), 問題係: 

1. 大家有無類似既經驗可以SHARE下, 我星期日應該跑嗎? 
2. 洗唔洗好番之後TRAIN多一次, 等MUSCLE可以從新適應? (本來諗住TRAIN埋今日就算, 依家無啦!!) 
3. 點樣可以RECOVER得快 D同令肌肉可以回復狀態呢? 依家我D肌肉都仲有痛 (感冒無清既症狀)

TRAIN得最好係今年...可惜...唉

唔該晒各位 

肥哥哥KC

小弟覺得ching 都係唔好諗個場賭博, 好似你話齋, 好番都唔係3,4日既事, 就算好番狀態要回復到最高都唔係一朝一夕..

如果你覺得個日係好番得八八九九都可以去跑下ge, 但都唔好計較成敗, 享受下比賽

我兩三個星期前都感冒左一排, 無練兩個星期, 之後跑番都跌晒watt, 而家都未可以回復到最高狀態, 所以今次渣打 (我都係10k )都係平常心算了

ching 而家最緊要既都係好好休息, 感冒好番先再諗啦

rayray

原帖由 kcchu 於 2009-2-1 23:16 發表

                               
登錄/註冊後可看大圖

小弟覺得ching 都係唔好諗個場賭博, 好似你話齋, 好番都唔係3,4日既事, 就算好番狀態要回復到最高都唔係一朝一夕..

如果你覺得個日係好番得八八九九都可以去跑下ge, 但都唔好計較成敗, 享受下比賽

我兩三個星期 ...

同意師兄所講

到星期日身體ok gei, 可以一跑...記住著夠衫...唔好冷親/

到時至在參於, 慢慢跑...或者行
感受下比賽氣氛都好

  我都驚到時要行......唔知膝頭痛好返未

alfredyu

如果呢幾日好翻d,可以輕鬆跑3K-5K左右兩次, 星期日應可以跑, 只不過體力未必能恢服,但亦可能有機會60分鐘內完成.香港10公里賽事仲有好多, 三月份都有,可以補翻數. 好多賽事比渣打更好玩.

膠山有福

先謝過各位既寶貴意見, 我一定好好參考.
其實我對場賭博都唔重視, 最重要既, 係唔想再60分鐘先跑完, 話晒跑過5次, 唔想一D進步都無 ..