|
樓主 |
發表於 2009-2-9 23:26:39
|
顯示全部樓層
...一過30km就攞左包最後仙藥--奔肌出黎,邊行邊捽右小腿,左大腿後面都少少扯住,都捽左幾野,拉左幾下筋就繼續,跑得郁既話時間就慳得就慳~~
雖然仲有1:23 跑12km,如果精精神神就好輕鬆,又想起上年last 12km用左1:40,個心寒一寒,又極力去做6min 1km,做到1k 得1k,儘量去做~~
除左西隧上斜果2k 做6分幾之外,其餘都做到約6min 1k,個心就越來越緊張,去到38km 大約3:28,仲有32min 要做4km,只要跑得郁就應該無問題,只係怕腳痛到突然跑唔郁,個心都未定呀~~
仲有3k度(都唔知有無記錯距離)就有一位ching 打氣,諗起終點前有好多ching ctse 同我地全馬跑手打氣,真係一種力量,見到有人去到果D 位都頂唔住要行,個心就諗如果佢地係跑網既人就一定唔會晌呢度行~~
跟住見到Ken ching,又再醒一醒~~
轉埋彎上天橋仔,有個41km 牌,即係仲有1.2km,仲有15min,行都行番到去啦馬!抽筋都單腳跳番去啦馬,心情就輕鬆晒,對腳都好似唔痛咁(其實好痛)~~
見到第一班ching ctse,感動,激動,衝動,真係唔知點形容,好開心,我舉起4隻手指,sub 4成功在望啦,走左埋去同大家擊掌,幫公司比賽時都有好多啦啦隊支持,都好感動,但感覺真係大不同...果種投入感真係大家都feel 到架~~
轉頭仲有驚喜仲有兩位ching 既大cam 同另一組ching ctse,由第一位獨行ching 影相去到終點,真係高潮跌起,好睇過正場賀歲片~~
過終點,3:51:58,好開心,差不多等於爭標份子攞獎既心情呀~~
今次達到自己既目標,都幾辛苦,除左自己本身好多事忙仲要抽時間練之外,安排訓練,改進技術同事前準備都落左d 功夫,多得自己公司隊友指點同上左長跑網同各位ching ctse 交流,晌呢度都真係學到好多野,同得到大家互相支持鼓勵,好在12月決定登記,如果唔係都未必做到自己滿意成績~~
總結呢次達標,有d 野覺得做得幾好~~
-最後幾個星期每星期有70km 訓練,如果想做好成績應該要做80-100,但70勉強可以.
-做左少少衝刺訓練,衝圈,索K,衝斜路,係做得唔係好夠,不過以前操山為主從來無做過,做幾次已經感覺到有D 成效,希望今年多做D.
-體重不嬲都好重視,今年一路keep 得ok,但年年臨過年就算唔重都減唔到,因為太多派對,今年病左,因禍得福,輕左約2磅.
-最後幾日食野以碳水化合物為主,之前玩毅行苗圃都做到真係幾有用,今次食得仲多,好耐未食過神枱咁滿既飯.
-休息都做得幾好,三四日都做到至少7小時睡眠,呢樣野一兩一定做唔到,要成個星期前開始較時間.
-比賽日水份o岩o岩好,全個比賽都無唔夠水既感覺,比賽前去完全程都唔駛去,o岩o岩好,呢樣真係無得學,人人體質唔同,要自己調較,今次終於調較得最好.
-隊友提點,power gel 唔好太遲食,如果唔係吸收唔切,我10K,半馬,30K 各一包,效果幾好.
尋日真係好開心,希望晌呢度繼續同大家交流,向大家多多學習,努力改進,今年大家都做好D 成績,各位長跑長友都長跑長有!!! |
|