香港長跑網  - 長跑長友

 找回密碼
 註冊
搜索
查看: 4881|回覆: 16

從高峰到谷底, 再爬起來

[複製鏈接]

升級   61.1%

該用戶從未簽到

發表於 2009-2-9 22:39:02 | 顯示全部樓層 |閱讀模式
說到我長跑歷史的第一個高峰期, 便是2004年底, 至2005年頭的2場全馬.

之前3年, 由10公里青雲直上, 在4年內由完全不懂跑步, 變成能完成全馬. 首次全馬在澳門以4:54'完成, 之後再以4:36'完成2個月後的香港馬拉松, 個人紀錄至今未破.

可是, 其後的1年, 因工作需要長時間站立, 再之後1年, 飲食欠節制, 1年間重了10磅, 狀態開始走下坡. 2次無法在限時內完成, 1次無法完成, 1次剛病好未清上陣. 不算無法完成的那場, 3場比賽都用了超過了5小時, 佔了當時參賽全馬數量的一半.

若要再次檔堂正正地完成比賽, 第1件要做的, 是回復之前的體重. 半年內由145磅減至130磅, 加上高膠質的飲食方式, 我誓要奪回失落了的獎牌! 而這個機會, 就在2007年底.

無巧不成話, 當時的比賽, 賽前的訓練中發現左膝間中出現不穩現象, 迫使當時的我不得不採用保守的策略, 成績其次, 完成為先. 套用賽車之中常4用的一句話, 在馬拉松之中亦合用: "If you want to finish the race first, you must finished first." (如你想以第一名完成比賽, 你要先完成比賽).

結果, 保守的跑法, 成為當時完成比賽的保命符, 全無抽筋, 並在最後500米奮力衝刺之下, 我做到了歷來第2快的4:40'.

此後的比賽一直保持在現在的水平, 先要保住不再向下. 之後再另覓跑法, 尋求突破.

升級   0%

該用戶從未簽到

發表於 2009-2-9 22:52:45 | 顯示全部樓層
請問比因兄,怎樣是"高膠質的飲食方式"?

你今次渣打前的操練里數足夠嗎? 小弟覺得要在全程馬拉松中突破自己,最首要係訓練量要夠多,這是最基本的。

升級   61.1%

該用戶從未簽到

 樓主| 發表於 2009-2-9 23:03:46 | 顯示全部樓層
食多D含有筋/高蛋白質既野, 牛筋, 鳳爪, 豬手等等.

呢年來保住唔受傷為先, 無特別加大訓練量, 諗住穩打穩紮, 唔好超過5小時.

升級   0%

該用戶從未簽到

發表於 2009-2-9 23:10:54 | 顯示全部樓層
原帖由 比因 於 2009-2-9 23:03 發表
食多D含有筋/高蛋白質既野, 牛筋, 鳳爪, 豬手等等.

呢年來保住唔受傷為先, 無特別加大訓練量, 諗住穩打穩紮, 唔好超過5小時.


比因兄現在的傷勢如何?
傷病對運動員來說,真的是控制範圍以外,很難完全被勉
不過正統的操練方式,例如改善跑姿等都可以減少受傷的機會,比因兄有無考慮過上一些跑步課程?

升級   61.1%

該用戶從未簽到

 樓主| 發表於 2009-2-9 23:18:00 | 顯示全部樓層
我現在是無已知的傷的, 個次既都唔算真正的傷, 係膝頭有D唔聽話, 而家都無左

我既跑姿應該係咁耐以來自學自跑出來的, 要改應該會幾難下.

升級   66.4%

該用戶從未簽到

發表於 2009-2-9 23:23:36 | 顯示全部樓層
師兄要繼續努力啊!我地重有好多地方要向師兄學習架...

升級   61.1%

該用戶從未簽到

 樓主| 發表於 2009-2-9 23:36:20 | 顯示全部樓層
原帖由 細明哥 於 2009-2-9 23:23 發表
師兄要繼續努力啊!我地重有好多地方要向師兄學習架...


細明兄言重啦!

升級   0%

該用戶從未簽到

發表於 2009-2-9 23:42:27 | 顯示全部樓層
4:36係你PB? 我覺你實力唔止係咁喎, 問題係...你自已滿唔滿意先?

升級   61.1%

該用戶從未簽到

 樓主| 發表於 2009-2-9 23:52:25 | 顯示全部樓層
我骨頭重, 雙腳脂肪多, 睇真D我既身型比例係腿偏短既. 加上我練跑時多數練上落山, 變左放係 "扭力" 方面發揮既力量會多左.

所以係咁既訓練方法之下, 又要保住唔受傷, 我係有所取捨.

升級   0%

該用戶從未簽到

發表於 2009-2-10 00:09:34 | 顯示全部樓層
原帖由 比因 於 2009-2-9 23:52 發表
我骨頭重, 雙腳脂肪多, 睇真D我既身型比例係腿偏短既. 加上我練跑時多數練上落山, 變左放係 "扭力" 方面發揮既力量會多左.

所以係咁既訓練方法之下, 又要保住唔受傷, 我係有所取捨.


我唔係好識...想問下:

1) 練上落山會唔會唔增加受傷機會?
2) "扭力"係乜?

另...不如師兄開個blog分享下, 等d高手比下意見.


[ 本帖最後由 onon 於 2009-2-10 00:16 編輯 ]

升級   0%

該用戶從未簽到

發表於 2009-2-10 01:51:45 | 顯示全部樓層
比因ching已有多次跑全馬的經驗..
相信日後慢慢再操番,能創下更好的成績呢....

升級   93.4%

該用戶從未簽到

發表於 2009-2-10 10:50:05 | 顯示全部樓層
其實跑全馬時間因素好多,千奇唔好同其他人比,大家體格及放於練習時間不同.
我亦係2005年第一個渣打全馬, 06年成績退步左, 07年暫停比賽,去年和今年才再超越. 原因是參加了跑步訓練班.原本參加訓練班是給自己一個新的體會,郤真的有所收穫.
或者長跑網好多一齊練習機會,互相交流也是一個提高的機會.

升級   92.05%

  • TA的每日心情
    開心
    2024-1-21 15:18
  • 簽到天數: 12 天

    [LV.3]偶爾看看II

    發表於 2009-2-10 18:32:36 | 顯示全部樓層
    比因兄, 就跑步技術的層面,小弟真的不懂得給你甚麽有用的意見。
    如 Alfred 兄所講,可能參加跑步訓練班或跟一些長跑教練練習,或許對提升速度會有正面的幫助。
    無論如何,如果你下定決心要取得更佳的成績,我想總有辦法的:

    Where there is a will, there is a way!

    我深信你還有很大進步空間的。

    升級   61.1%

    該用戶從未簽到

     樓主| 發表於 2009-2-10 21:05:16 | 顯示全部樓層
    原帖由 onon 於 2009-2-10 00:09 發表


    我唔係好識...想問下:

    1) 練上落山會唔會唔增加受傷機會?
    2) "扭力"係乜?

    另...不如師兄開個blog分享下, 等d高手比下意見.


    1. 好難一刀切而論, 最重要係識落山的方法
        個人經驗, 擺手同雙腳節奏配合, 能有效減低雙腳負荷
        雙腳要有返咁上下強壯, 對承受下山重力有幫助.

    2. 小弟天生雙腳與驅幹比例, 雙腳偏短, 要比快的話我是輸定的. 可是在山頂盧吉道訓練中, 發覺我很適合跑上山, 或者需要時收時放的多彎路段, 這便是雙腿短, 但力量傳遞路徑 (肌肉 --> 地面) 短而帶來的另類 "長處".

    blog 我是有的, 但並不是所有內容都與跑步有關. 所以不便太公開地放在 "香港長跑網" 之中.

    或者我可以把有關跑步的章節轉過來, 分享一下!

    [ 本帖最後由 比因 於 2009-2-11 21:32 編輯 ]

    升級   9%

  • TA的每日心情
    開心
    2014-3-4 00:07
  • 簽到天數: 1 天

    [LV.1]初來乍到

    發表於 2009-2-10 22:04:15 | 顯示全部樓層
    比因ching,我現在都係在谷厎,愈跑愈冇信心,
    成績每年差過一年,我都有徊yahoo blog
    大家西環友得閒傾吓啦

    升級   61.1%

    該用戶從未簽到

     樓主| 發表於 2009-2-10 22:17:06 | 顯示全部樓層
    作為運動員 (即使係業餘), 低潮係會有.

    學會調整, 再接再厲, 不要怕輸, 長跑長友!

    [ 本帖最後由 比因 於 2009-2-11 21:31 編輯 ]

    升級   0%

    該用戶從未簽到

    發表於 2009-2-11 09:36:53 | 顯示全部樓層
    原帖由 比因 於 2009-2-10 22:17 發表
    作位運動員 (即使係業餘), 低潮係會有.

    學會調整, 再接再厲, 不要怕輸, 長跑長友!


    說得對~~
    比因兄加油,今年多D 一齊練跑,出年再闖高峰~~
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2024-3-29 14:22 , Processed in 0.134092 second(s), 25 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表