|
|
原帖由 711MF 於 2009-2-11 10:58 發表
梁兄,
請問雖要什麼裝預???,
如鞋,是否平時跑跑個對都可以??
7兄可以參考下~~
1. 衣著
i, 褲 - 最好鬆身長褲,唔好著牛仔褲或緊身褲,會阻礙活動.
如果唔怕蚊咬短褲更好.
ii, 衫 - 短袖TEE,要吸汗好,最好多帶一件活動完畢後替換.
- 保暖衣如風褸/衛衣,山上溫差大,小心保暖.
- 要選擇淺色衫,容易散熱,同埋容易俾其他人見到.
iii, 鞋 - 行山鞋比較好,起碼都要著跑鞋已經足夠,薄底鞋,布鞋,拖鞋都不適宜,因為長時間步行如果腳底卸力唔夠好易傷關節,嚴重者可能無法行走.
- 唔好太緊,行山鬆身鞋比較好.
iv, 襪 - 越厚越好,著兩對都無妨
- 緊少少都唔緊要,行起上黎更舒服,緊記襪緊鞋鬆.
2. 其他裝備
i, 一定要帶背囊,背囊平行最好,除非比賽有補給唔駛帶咁多野至可以用腰袋,斜孭袋果D絕對唔好用,會浪費好多氣力.
ii, 防晒 - 帽/太陽鏡/太陽油,視乎自己情況.
iii, 行山杖 - 上山用行山杖可以節省氣力,亦可防衛,山上有機會遇到ii同野生動物如馬騮,野狗,蛇,牛,行山杖可以幫忙保護自己.
iv, 毛巾 - 抹身,抹面及其他用途.
v, 雨具 - 如果可以既話帶定遮或者輕便雨褸,雖然聽日落雨機會唔大,晌山上落雨無雨具好呢 he~~
vi, 蚊怕水 - 視乎個人需要
vii, 照明 - 日行或夜行都應該帶備照明工具,晚間固然必須,日間都有機會用得著,而且就算預計只係日間行程都有可能因為種種原因延誤到天黑.
viii, 水 - 清涼天氣一般 1lit/10km 已經足夠,夏天至少 1.5lit/10km. 最好用水壺,一來環保,二來即棄膠樽相對大機會因為擠壓或者溫度轉變而漏水. 水袋更佳.
ix, 食物 - 帶備少量食物,如水果,餅乾,麵包,朱古力,以備不時之需.
3. 注意事項
i, 身體不適,食藥期間最好唔好去.
ii, 跟大隊,唔好離開大隊大遠.
iii, 發覺自己走失/迷途,企晌原位等待救援,如果我懷疑有人走失會去主動尋找,亂搵路線有可能越走越遠.
iv, 遇到野生動物保持冷靜,一般野生動物都唔會主動襲擊人,儘量避免眼神接觸,唔好挑釁佢地或者玩D動物BB,如非必要唔好用武力對付. |
|
[複製鏈接]
發表於 2009-2-11 11:05:03
" />" /> 
" />" />ghj 
樓主
，只係上年10月先開始跑，跑過5.5k一次
.gif)
" />" />hjkhbnmj
發表於 2009-2-16 13:03:57