香港長跑網  - 長跑長友

 找回密碼
 註冊
搜索
樓主: billy_yau

從口輕輕出發

[複製鏈接]

升級   0%

該用戶從未簽到

 樓主| 發表於 2009-4-28 19:55:06 | 顯示全部樓層
原帖由 jsmleung02 於 2009-4-28 16:14 發表
哦,6點半左右我先係香港收工,所以我通常都會在9點才跑。 你6點半落去係咪好多時都會見到吹水會果斑跑友囉?其實佢地唔係咁快架, 比起長跑網斑快腳師兄仲有幾大段距離。



我係成日都見到果班師兄...不過唔知佢地係咪吹水會.....

你下次同埋我地一齊約跑啦...見見面聯絡下...

升級   0%

該用戶從未簽到

 樓主| 發表於 2009-4-28 20:12:56 | 顯示全部樓層
27 Apr 2009  10.7km


尋日一收工就返屋企, 換埋衫就落街跑步, 由於一早同屈師兄約好落鄧記拎碟, 所以路線一早定好, 就係跑落屯門然後去鄧記拎碟. 一開始跑左腳又再傳黎陣陣陰陰痛既感覺, 一直跑希望跑鬆左會無咁痛, 可惜去到藍地, 隻腳依然係痛, 所以就決定唔跑去屯門西鐵站返轉頭, 而係直接以澤豐做終點.

去到鄧記見到一大班師兄師姐已經開始緊做熱身同踢腿, 當我見到屈師兄果一刹, 佢就嘩左一聲並講出忘記帶我想要既野, 不過都無計啦, 佢尋日成個下晝都唔見人, 我又無再提佢, 無帶到咪算囉. 之後我就打算响鄧記休息一陣然後返屋企. 不過一大班師兄/姐都叫我跟住一齊玩下, 咁我就跟左佢踢下腿同埋慢跑左4個圈, 之後知道佢地開始衝圈, 咁我响場邊踢左一陣腿就離開鄧記, 跑去兆康西鐵站坐西鐵返屋企喇.

香島中學 --> 澤豐  53'18"
鄧記 x 4圈
澤豐 --> 兆康西鐵站  6'04"

[ 本帖最後由 billy_yau 於 2009-5-11 23:14 編輯 ]
27-04-2009.jpg

升級   100%

該用戶從未簽到

發表於 2009-4-28 20:17:13 | 顯示全部樓層
提示: 作者被禁止或刪除 內容自動屏蔽

升級   0%

該用戶從未簽到

 樓主| 發表於 2009-4-28 20:29:49 | 顯示全部樓層
原帖由 大坑人gary 於 2009-4-28 20:17 發表
billy....好叻,識得收腳係好重要。



腳痛...有咩計丫....

升級   76.8%

該用戶從未簽到

發表於 2009-4-29 11:48:18 | 顯示全部樓層
這個星期未有跑過,今晚時間許可會到球場慢走. 明天會跟大隊走430荃西入屯門, billy師兄到時若見面打個招呼吧. (吹水會師兄們叫我做阿明)

升級   0%

該用戶從未簽到

 樓主| 發表於 2009-4-29 12:39:19 | 顯示全部樓層
原帖由 jsmleung02 於 2009-4-29 11:48 發表
這個星期未有跑過,今晚時間許可會到球場慢走. 明天會跟大隊走430荃西入屯門, billy師兄到時若見面打個招呼吧. (吹水會師兄們叫我做阿明)




我聽日負責行李一車, 你都可以過黎同我打過招呼架

升級   0%

該用戶從未簽到

發表於 2009-4-29 14:11:37 | 顯示全部樓層
billy兄:
好耐冇睇ching個blog,你對腳冇咩問題嗎?
聽晚真係有努你幫手運行李...謝謝~

升級   0%

該用戶從未簽到

 樓主| 發表於 2009-4-29 23:19:57 | 顯示全部樓層
原帖由 大圍新跑手 於 2009-4-29 14:11 發表
billy兄:
好耐冇睇ching個blog,你對腳冇咩問題嗎?
聽晚真係有努你幫手運行李...謝謝~



其實都唔知乜樹...估計係同個仔玩果陣撞到, 卒下跌打酒睇下點先....

升級   0%

該用戶從未簽到

 樓主| 發表於 2009-5-4 19:37:39 | 顯示全部樓層
01 May 2009  邪神分享會 9

當日係假期黎既, 玩完430攪到好鬼晏先至起身, 4點零鐘就開始起程去跑馬地, 諗住上堂前跑返一陣, 點知咁早出發去到馬場都係要成六點半, 換完衫見到堅堅, 就同佢吹左陣水, 跟住就上堂.

邪神知道當晚好多師兄/姐都有參加430約跑, 所以整晚既訓練都只係著重執下我地做踢腿有無做錯, 至於體能訓練就無乜啦.

完左堂因為一早約左人食晚飯, 所以就無同邪神佢地去食飯, 返緊屋企果陣先留意到有人send左sms比我, 話香港已經確診左有一個感染豬流感既人, 希望香港唔會有大流感大傳染發生啦.
20090502_0535dcb0cf4b2a0a60d671zYP8ECy14f.jpg

升級   0%

該用戶從未簽到

 樓主| 發表於 2009-5-4 20:21:53 | 顯示全部樓層
03 May 2009   9km  

5月2號响長跑網吹吹下水, 亞平師兄就話不如出黎跑下, 咁我地幾個人吹吹下就落實在呢次十二人約跑.

一大清早就起身, 8:40 我就去到鄧記, 換好衫踢埋腿就開始起程, 官方全程係大約19k, 不過我一早就已經約好左way師姐同埋法蘭兄會响中途上輕鐵, 開始跑無耐, 隻左腳又再傳黎陣陣痛, 去到洪水橋稍事休息果陣, 腳痛反而比跑緊果陣重痛, 當時已經決定左, 去到天水圍北就一定要上車回航, 慢慢跑慢慢跑終於都去到流浮山消防局, 隻腳實在係太痛, 所以我就先開口問, 係咪坐叮叮返去呀?法蘭同way就同意一齊坐輕鐵返鄧記.

返到鄧記再同法法 & way一齊踢神腿, 可能大家都有d懶, 只係踢左頭三式就收工去沖涼, 沖完涼各位師兄師姐都已經返齊鄧記, 再等佢地沖完涼就齊齊去左建生既羊城酒家搶包山, 我地叫左個十人餐, 真係估唔到咁抵食喎, 十個點心 + 兩碟(碗)麵/飯, 食到個個都飽飽收工, 席間突然有人提出, 不如上菠蘿山咯, 一陣和應聲之下, 我地十個人就一齊上左菠蘿山, 唔上去都唔知原來真係咁斜, 但係响途中見到七兄un下un下咁跑上去, 我就腳痕痕跟左一少少段, 發覺其實跑上去都唔係咁辛苦咋喎, 心裡即時盤算, 搵日搵亞平師兄私奔下先, 行完山跟住大班師兄/姐又話要去飲茶, 咁我地又去左田景村某餐廳食tea, 嘩...一見到平兄個粉就彈左呢個單字出黎, 真係好大碗, 由於我真係唔係好肚餓, 所以就只係叫左個雞扒薯條沙律就算, 飲飽食醉之後, 因為一早應承左帶亞way同法法去新威, 其他d師兄姐聽到就話一齊去, 跟住又一班人落左新威, 佢地兩個都買到心頭好, 而我都睇到心思思想買返對, 不過心諗今日玩左成日先返屋企, 如果重帶對新鞋返屋企, 容乜易得對鞋可以入境, 而我就要响車訓架, 所以就忍一忍手, 等有好機會先至再去新威買.
03-05-2009.jpg

升級   0%

該用戶從未簽到

 樓主| 發表於 2009-5-7 22:12:46 | 顯示全部樓層
06 May 2009  11.04km

尋日一如我既計劃, 一放工返屋企換衫去跑步. 左痛既痛楚好似有好轉, 一路跑都只有有少少痛. 由香島中學起跑去到流浮山消房局返轉頭, 再沿著大坑渠跑去運動場. 到左運動場之後, 稍稍休息左一陣, 再响運動場第一線跑左十個圈, 之後就响運動場開始踢腿, 整個神腿六式做到最後一式果陣, 場邊果d學生姐居然同埋佢地個教練對住我係咁笑, 唔通我既神腿做錯左, 唯有聽日上邪神堂既時候要好好地睇清楚應該點做至係岩. 離開運動場之後, 就沿住原路跑返去香島中學.

香島中學  -->  天水圍運動場  4.6km  28'01"

運動場第一線 x 10  4km

02'15"  02'12"  02'17"  02'21"  02'15"
02'19"  02'21"  02'21"  02'15"  02'01"

神腿六式 x 4

天水圍運動場  -->  香島中學  2.5km  15'53"
07-05-2009.jpg

升級   0%

該用戶從未簽到

發表於 2009-5-7 22:40:56 | 顯示全部樓層
原帖由 billy_yau 於 2009-5-4 20:21 發表
03 May 2009   9km  

5月2號响長跑網吹吹下水, 亞平師兄就話不如出黎跑下, 咁我地幾個人吹吹下就落實在呢次十二人約跑.

一大清早就起身, 8:40 我就去到鄧記, 換好衫踢埋腿就開始起程, 官方全程係大約19k ...


到夏季時,會夜跑波羅山,到時約你同ken兄一齊私奔下..

升級   0%

該用戶從未簽到

 樓主| 發表於 2009-5-7 22:46:09 | 顯示全部樓層
原帖由 亞平 於 2009-5-7 22:40 發表


到夏季時,會夜跑波羅山,到時約你同ken兄一齊私奔下..



好呀...期待中...

升級   0%

該用戶從未簽到

 樓主| 發表於 2009-5-9 13:44:55 | 顯示全部樓層
08 May 2009  邪神分享會 10


唔想一件事作兩篇文, 一於copy邪神分享會後感過黎就算數

1400m = 6m15s
1000m = 4m28s
400m   = 1m48s

一直以黎都知自己無乜速度...今堂聽到要跑大圈.. 本來都諗住都幾好丫...點知邪神講明要摶盡...當比賽或者追巴士...個心當堂涼左一下...我平時都唔坐巴士既...無啦啦我都唔會咁摶法啦...但係諗還諗...都係要架跑啦...除低風褸...等邪神發施號令...準備起步...


快活谷 8-5-2009 邪神杯賽事 :

一開閘...呢隻老馬比利就由左擋彈出...跑左二三百米之後..就見到呢隻老馬開始雙腳乏力呼吸混亂..但係都死頂住咁繼續跑落去...當去到第1個轉彎位既時候老馬既右面橫隔膜又再開始隱隱作痛...唯有用練馬師邪神所教既方法...老虎蟹都渣實...個橫隔膜...好唔容易老馬終於跑完條大直路...點知去到大石鼓轉彎既時間...老馬同廐既 it 馬駿駿駿從後趕上...初時老馬比利都盡力跟住駿駿駿既馬尾黎跑..可惜去到1000米既時間...老馬開始見到駿駿駿既馬影開始離自己越來越遠...鬥心當堂無埋....直到最後一個彎位既時候...從老遠傳黎練馬師既呼喚 跑呀...爆埋佢呀...跑呀" 老馬一聽到練馬師咁講..心諗如果唔爆..今晚果碟芝士魷魚會唔會無我份架...唯有即時快馬加鞭...爆埋最後果百零米...過終點既間係 6分15秒...岩岩輸左比跑6分14秒既駿駿駿一個馬鼻飲恨快活谷.

無記電視記者周身痕既報導


今次大家都係做左一輪熱身/體能運動之後先至去跑...但係正如邪神所講...就係因為我地有做之前既熱身....至令到今日都無因為尋日特如其來既激跑而有任何酸痛...再次証明我地所學所做係對我地有莫大既幫助.


紀錄返今堂做左d乜先, 引用自提督引用肥哥哥既餐單

- 慢跑15分鐘熱身
- 踢腿六式 3組
- A 扒地摺膝 30秒 + 加速跑
- B 單腳跳 半足球場來回 1次
- C 原地跨跳 30秒 + 加速跑
A,B,C 為一組,共3組
之後就大家一齊<上路>,出去石屎路跑1400m
- 拉根

[ 本帖最後由 billy_yau 於 2009-5-9 15:55 編輯 ]

升級   0%

該用戶從未簽到

 樓主| 發表於 2009-5-11 23:01:28 | 顯示全部樓層
11 May 2009  11.84km


今日收左工, 重要幫公司去元朗攪d野, 所以攪到成六點幾七點先至開始跑步. 見時間唔係咁多, 所以決定跟上次一樣, 由香島中學先跑去流浮山消防局, 再調頭由大坑渠跑去運動場. 到左運動場休息左一陣, 就開始跑圈, 跑左十二個圈, 見d時間係咁跌, 所以就收腳開始踢腿, 做完神腿六式之後, 拉埋筋就開始回航, 由運動場跑返屋企.

今日跑圈既時間, 比起上次快左d, 我自己覺得係因為星期五响跑馬地跑過400m-1m28s, 所以都盡量放少少咁跑, 不過可惜第二組放快左, 令到完成第三組有d吃力, 所以無做到心目中既五組就收工.

香島中學  -->  天水圍運動場  26'55"

運動場第一線  x  12
2'05"  2'07"  2'07"  2'05"
1'59"  2'07"  2'09"  2'06"
2'05"  2'15"  2'16"  2'06"

神腿六式  x  4set

天水圍運動場  --> 香島中學  15'44"

[ 本帖最後由 billy_yau 於 2009-5-11 23:18 編輯 ]
07-05-2009.jpg

升級   100%

該用戶從未簽到

發表於 2009-5-12 00:03:12 | 顯示全部樓層
提示: 作者被禁止或刪除 內容自動屏蔽

升級   0%

該用戶從未簽到

發表於 2009-5-12 00:05:29 | 顯示全部樓層
原帖由 billy_yau 於 2009-5-11 23:01 發表
11 May 2009  11.84km


今日收左工, 重要幫公司去元朗攪d野, 所以攪到成六點幾七點先至開始跑步. 見時間唔係咁多, 所以決定跟上次一樣, 由香島中學先跑去流浮山消防局, 再調頭由大坑渠跑去運動場. 到左運動場休息 ...


睇你D時間,5.17 都係睇唔到你尾燈啦。

升級   0%

該用戶從未簽到

發表於 2009-5-12 01:01:57 | 顯示全部樓層
同5月5日400x10比,進步左好多喎...好快跌穿2分啦.

升級   0%

該用戶從未簽到

 樓主| 發表於 2009-5-23 14:40:50 | 顯示全部樓層
17 May 2009  必達夏日長跑 8k 賽  46m16s (大會時間 : 47m19s / 46m17s)

上星期日, 訓左三個鐘, 就拖住疲累既身驅, 由天水圍出發去馬鞍山. 七點八九個字去到運動場, 報左到寄埋行李, 就拿拿聲開始做熱身, 先係慢跑運動場, 由於去到已經開始左封閉半邊運動場, 所以就用半個場來來回回咁跑, 跑到身體開始覺得熱同埋出汗, 就開始踢腿, 雖然心裡面好記得邪神吩咐過我地, 比賽前千其唔好傾計, 不過我都係忍唔住同身邊既長跑網友一邊做一邊傾計, 直到八點半前, 就同蘭茜師姐一齊行到去人籠既後面, 因為我地知道大家都係慢腳, 所以就唔想阻住人地, 而留响籠尾.

雞聲一响, 前面既跑手開始起步, 由於人數眾多, 我地都等左成分鐘, 隊頭既跑手都開始出運動場, 先至開始起跑, 頭1k由於人多, 根本就起唔到腳跑, 由於個步速又唔係行又唔係跑, 攪到好唔舒服, 所以就決定開步左閃右避咁向前面進發, 去到將近2k既位置, 見到肥哥哥既背影, 咁我就同打左個手勢, 繼續向前進發. 一路跑一路跑, 去到3k水站見自己都唔口渴, 所以就無停底攞水, 4k至到5k發覺自己開始精神出現問題(編按:唔係精神病), 越跑就越想訓, 經過5k水站果陣就拎左杯水, 半飲半淋咁解決左佢, 當見到6k牌既時候, 蘭茜師姐就响我側邊講左句:我返黎啦, 跟住佢就繼續向前進發, 但係我自己心裡面就開始掙扎, 天氣咁熱我又咁眼訓, 不如放棄啦, 個人開始有d渣唔定主意, 好在响繼續與放棄既掙扎之間, 我決定乜都唔好諗, 只係專心咁數節奏, 1212咁跑落去, 好唔容易先見到個1k牌(因為我見唔到7k牌, 不過按推理知道1k咪即係7k), 心悝面果道火終於都開始有d煙啦, 知道都跑左7k啦, 終點離我不遠啦, 腳下開始發力, 步履亦都開始放大, 當跑到入運動場跑道既時間, 我就即係用眼去搵返蘭茜師姐, 好想好想响呢三百米追返佢, 但係當時我地既距離最少都有一百米, 我無理咁多繼續加速, 一路追一路加速, 去到最後一百果陣, 腦裡面突然響起前個星期跑馬場果陣, 邪神大叫既聲音, 咁我既雙腳都好不由自主咁, 好似當日响馬場一樣, 不斷加速直衝去終點, 雖然最後都係追唔到蘭茜師姐, 亦都達唔到自己定下既目標 sub 45, 不過咁熱天氣之下都可以响極度唔夠訓去完成呢 8k , 我自己都覺得好滿意架喇.


1k - 6'10"
2k - 5'22"
3k - 5'41"
4k - 5'50"
5k - 5'54"
6k - 5'58"
7k - 6'05"
8k - 5'13"

升級   0%

該用戶從未簽到

 樓主| 發表於 2009-5-23 15:13:30 | 顯示全部樓層
21 May 2009  15.24km


難得有兩晚唔洗返兼職, 所以就跑返一晚. 未落街前已經諗住今晚要跑長少少, 所以就帶埋新買果個可以裝水既腰袋, 裝滿一樽清水出發.

老行線又再响腦袋泛起, 所以都無咩點諗過, 就由香島中學出發, 向住濕地公園方向出發, 一路跑去到近水邊圍就沿住輕鐵路線向屯門方向進發, 當去到澤豐站果陣, 心裡就諗起今日係樂華操練喎, 不如入去鄧記探下班啦. 入到運動場一班師兄/姐己經開始左衝, 初初既時候都無諗住跟佢地跑既, 見到花子師兄自己响第八線跑, 咪諗住跟下佢囉, 點知原來佢操緊2min, 跟左佢兩個圈我已經頂唔順, 唯有自己行埋一邊休息夠就開始踢腿, 做完哂神腿六式, 本來係諗住收工返屋企既, 咁咪行埋衝緊圈既師兄果邊諗住吹兩句就走, 不過見佢地好似玩得好開心咁, 自己又心郁郁想試下, 所以又跟佢地跑左組半咁大把, 不過都真係幾甘, 但係跑完又唔係好抗拒喎, 第日有機會都試下跟佢地跑下先.

天水圍 -->  澤豐  11.84k  1h09m37s

運動場 6 圈

神腿六式 x 4

澤豐  -->  兆康  1k
2009-05-21b.jpg
2009-05-21.jpg
您需要登錄後才可以回帖 登錄 | 註冊

本版積分規則

香港長跑網

小黑屋|手機觸屏版|電腦版|Archiver|香港長跑網 |網站地圖

GMT+8, 2024-3-29 13:04 , Processed in 0.250504 second(s), 25 queries .

Powered by Discuz! X3.2

© 2001-2013 Comsenz Inc.

快速回復 返回頂部 返回列表