我有2對藍色同一對紅色,著咗足有一年,完全無問題,當初見蓮姐D asics 鞋,對對都過千,幸好有朋友去開日本幫手買D季下貨,所以平D,佢著咗幾年 asics ,佢話好著,舊年契女亞雪介紹我試吓呢款鞋,我見呢款鞋只係500元,同 M 記鞋差不多錢,尤其以前我著開個款 M 記鞋已經無貨,試咗幾隻款都唔啱自己,亞雪叫我放膽試一次,因為佢試過話啱我,甘我就試吓買對跑吓,原來呢款鞋啱晒我174磅身型,緩震效力比 M 記好好多,佢前掌收窄些少,包著前掌同腳趾,唔俾佢哋係鞋籠內周圍郁。
我而家唔會著 M 記鞋。
以前有D人講,當你著過 asics 鞋,係唔會返轉頭著返 M 記鞋。
我覺得一半一半啦,因為 以前 asics 日本版真係幾貴,而 M 記就大眾化D。尤其 M 記鞋有好多款,幾吸引。
你不妨買對呢款鞋試吓。