|
|
9.27荃灣國慶盃 心跳回憶
點解心跳? 咪因為起步條勁斜既路, 今年冇咩練斜路, 所以早少少到場行一轉, 雖則話行但都走左幾步, 未到頂已經氣喘如牛, 心跳加速, 雙腳發軟, 行番落黎已成了水人, 知道唔容易征服, 亦唔可以用平路既步速去走, 起步前係起步點遇到 景民兄, 景民兄係近幾年一齊作戰之跑友, 因為大家paging差唔多, 所以經常於賽事中一齊拍跑, 亦互有勝負, 近大半年景民兄都好少參加比賽, 今次參真係因為環頭老細拉隊參加, 所以一定要比面派對, 景民兄仲話想唔再玩比賽, 真係有點可惜, 一來少左位跑友, 二來冇左位對象又少了些鬥志, 講番比賽, 起步都企得唔太後, 人群中左面見到Sue 弟同Parco爸霸到個好位, 起步冇奈大家都好有鬥志咁闊步向前, 開始上斜...人群中開始慢起來, 原先計劃係順勢跑, 上到頂再追, 但人群既paging愈來愈慢, 走到自己覺得不自在之感覺, 於是改變策略, 試圖加速避過人群, 但上了大半自己既喘氣聲仲大過腳步聲, 不得不放慢腳步...好不容易才上到引水道, 餘下半條人命, 見到第一個1K牌, 按下錶上手制, 嘩....嚇一跳....5'08", 睇怕今日都未能達標, 唯有邊走邊追時間...前面一位熟悉之身影...應該係....蔡兄, 蔡兄既步速輕巧靈敏, 好似唔洗力咁係前面高速奔馳, 於是幾個箭步上前, 搭蔡兄既順風車, 經過數個S形灣灣的引水路, 見到7兄及平兄, 今日黎做義工攝記, 真係唔話得, 搭左一輪蔡兄既順風車, 個人開始有番少少力, 於是加點速度, 終於見到轉拆點, 再按手錶...第4K又係5'08", 冇理由.... 就算自己慢, 以蔡兄既步速冇可能走5'/K, 再睇清楚手上時計, 原來計時器停了, 全因第一次帶隻錶作賽, 所以按錯了制.....
轉拆點後見到原來B哥早在前面, 與前領對手互片, 當中亦見景民兄與B哥走在同一集團, B哥今年進步了不少, 年初跟大夥兒走南生圍, 已經知道B哥既功力深不可測, 一路跑一路吹水, 仲可以係前面跑到談笑風生, 轉拆點後開始見Sue弟, 及差唔多paging既Parco爸, Parco爸今次跑快左好多, 見佢好認真咁跑, 叫左佢一聲加油唔知佢聽唔聽到. 陸續見到長跑網大隊殺到, 好彩回程都有些少風, 最後最開心係見到7兄, 即係代表仲有些少路程可以跑完.
賽後同MJ兄, 公牛兄, 蔡兄, Blurmax兄, 吹吓水分享跑步歷程, 一樂也, 之後跟Parco爸大隊, 去汀九海灘淋了一個開放式的天體浴, 感覺so good. 最後多謝Parco爸送我一程返主場及蔡兄載了兩轉順風車(一轉賽中一轉賽後,麻煩哂....希望下次有機會再搭過 )
|
|
發表於 2009-9-9 14:08:38
樓主
發表於 2009-9-25 20:24:59
Gills Ching,
....狀態都係得六成左右, 睇黎9.27都係玩下當熱身賽喇