香港腳-英國跑

Yuk

我係新會員.首先自我介紹下先啦.

我係英國讀書.一年都會返黎香港一兩次
而我既跑齡只有個幾月..之前我只係有踢波同埋做健身
可以話冇咩接觸過帶氧運動
一次機緣之下開始接觸到跑步,發覺跑完步成個人好舒服好精神
而且見到自己每一次跑都有少少進步,呢個推動力令我開始左有跑步既習慣了

Yuk

第一戰:clapham common 10km series


成人以來第一次參加跑步比賽.之前train左個半月.每星期2次
前一日12點訓,可惜1點幾俾flatmate嘈醒,6點半起身唔夠精神.
比賽當日好大風,去到我跑到第5km風先到停.
個地係multi地,有石地草地同泥地,又有D小草坡,幾好玩既地不過對做時間不利.而且草同泥都仲係有d濕.
9點去到等10點開始.又大風又凍,做極熱身都係熱唔到身,又食多2隻蕉.搞到臨比賽既狀況係唔夠精神,唔夠熱身,加未消化好.
一開始跑頭2km用返跑機既speed,過左好多人.不過2km之後用晒blood glucose就開始趺晒walt, 慢晒落黎俾好多人追返.之後跑既感覺可以用個挨字黎形容,又大風.由於係multi地,所以我選擇左係草地泥地慢跑休息,石地谷既strategy.見好多跑手都係用呢個strategy. 不過我谷都係慢,追唔到人.似乎要練下跑3-5km練下沖次.
挨既時間有2次想嘔既感覺,以後臨跑之前都係唔食蕉喇.最後2km就谷埋佢.不過都係只過到1,2個人. 下次起步都係唔好跑咁快了..
目標時間係入50分,最後48:26.排12x-13x/31x. 算係完成目標.
今次overall都係唔在狀況,而且場地不利做時間. 下次應該有進步既空間.
下次賽事應該係wembledon audi 10km. 貪心少少, 目標係入46分鐘.

Yuk

我4月會返黎香港半個月呀
唔知到時有冇約跑或者比賽呢?

cu83

放心...每個月都有約跑同比賽
得閒可留意吓 "本土賽事召集區" 或者 "網友約跑區"!!

Yuk

比賽9點半起跑,我6點鍾起左,食左2隻蕉同一杯奶做早餐.之後就出發去Wimbledon, 用左1個鐘頭,8:10點去到.佢既late entry counter 8點開..我岩岩去到佢已經話得返10個位,咁都reg到真走運.又用£7買左佢地件tee, 全因有大大個Audi logo印左係心口.

拉下筋加jog左1.幾公里做熱身, 今次醒目..食完早餐之後都冇食過野.臨跑之前15分鐘灌左支Powerade, 儲定d carbohydrates and electrolytes.

9時半準時起跑, 排係前列位置, 今次帶住(HRM) heart rate monitor跑,第一公里限住自己既speed,等自己唔駛爆偈.

全靠個HRM,頭5k跑得好舒服,大約4分半分鐘1K. 直到第5K,冇啦啦有條500M-1K既長命斜, 有維景道咁斜, 上左4分1大脾已經勁酸.真係攞命.呢1K跑左5分幾鐘. 上完斜已經冇晒力,想飲水,不過點解冇水站咖!

之後就落返山,見好多人係度加速,我好累只可以係度放慢休息.落完山我休息夠又加返速.太陽射住眼睇唔到路, 睇HRM.見到自己跳120/MIN( SUPPOSE係165以上), 有冇搞錯..點解冇啦啦測唔到!?

唔理啦. 唯有靠自己感覺跑,第8.5 公里決定爆發interval力量, 過左好多人. 但到9.5KM突然急速跌Volt, 雖然得返500米但力不從心, 俾好多人過返.

最後45:48過終點, 一過終點差d即刻坐左係度. 排143/936. 比目標快左1分鐘.



下次比賽, 諗緊參唔參加香港4月12號果個比賽..

如果參加,target 45分鐘中間啦.

如果唔參加, 就等考試之後既5月了, target睇到時狀態再set.