|
各位,尤其是係馬王,謝謝大家對貓貓的關心~~
貓貓取名為"安安",因為我同vv都希望他將來能平平安安,有好人家與他渡過晚年,其實,獸醫估計安安大約8-9歲,但養貓人都知,如貓貓養得好,可以活到19-20歲都有~所以,我們都希望安安能夠快d食肥番,開開心心甘與新主人一同改寫可憐的前半生的生命~~
好多人怕老貓會好快死,怕傷心而唔收養,但我個人認為,如果你與安安真的有個快樂的時光,死亡並不會阻隔你們之間的愛,怕失去而不敢去擁有,這不是真正的愛吧....
報告下安安最新情況:
安安的大便報告已出,他驗出有2種寄生虫:球虫及一種C字頭既虫(這個英文好長,但e生忘記了中文名),e生開了另一種抗生素予安安杜虫,說這2種虫在動物身上都是常見的,會直接影響安安的腸胃,令他肚all及all爛c,抗生素要食14日左右,如杜唔清就要再繼續療情,直至便便正常番就是成功的先兆~~~
安安很好胃口,每天早上及晚上我放工後,他見我手執罐頭便兩眼放光,他又挑食,大罐較便宜的罐頭,只食一餐,第二餐就唔"so",因為他太過瘦,只有2.9kg(陰公!!),加上而家杜緊虫令肚仔唔舒服,所以我只好忍痛餐餐開極品貓罐頭俾佢"嘆",好多時他更食2-3罐~~而長期放在籠中的乾糧,安安就唔多食~~當然,有美味既罐罐,俾我都唔食乾糧啦~~
我希望安安快d肥番,因為肥番先有更多抵抗力,到時我便會將罐頭減量,否則佢一定食窮我~~~~~~安安......你真係...食窮姐姐啦~~嗚嗚...加上,我家中個8隻大帝,個個睇到安安食罐頭都睇到口水流,我又要多開1-2罐,滿足下8個大帝,否則,又話我偏心~~~我呀,自己食素又慳,有時一餐都唔使$10....
至於安安既cc方面,現在仍然是all爛c,不過,新一輪療情才剛剛開始了1日多,仍all爛c都是正常的~虫呀虫~安安一定可以杜絕你既~~
另外,有關安安既脾性,佢真係一隻好純又乖既貓,我一個人用毛巾包住他食藥都ok,餵藥時他當然有"嗚嗚"的不滿聲,但從來沒有咬或抓我,佢應該知道姐姐餵他食藥都是為他好啦~~~每天早晚,當我清潔籠子時,我會放佢出來行下及食罐頭,佢食完就乖乖甘坐在床邊的地上,睇我做清潔,又邊發出"古古"的滿足聲,從不會跳窗或逃走,所以佢應該是人家養熟而被人遺棄的貓~~
[ 本帖最後由 witchycatcat 於 2009-3-23 09:31 編輯 ] |
|