復活節去清遠旅行------換來一肚氣

華哥

前日星期六同蓮姐、 Joey 及她一個朋友在皇崗會合，乘旅遊巴士經廣深高速、京珠高速，共花咗差不多４個鐘頭車程，到咗清遠市佛崗縣羊角山，森波拉奇妙世界主題公園酒店，自稱５星級酒店，望落去幾靚，前年開業，所以Ｄ嘢好新，俾按金時，唔收 VISA ，只收現金或中國其中一間銀行的 VISA。
放低行李去酒店的森林餐廳午膳，食品同服務質素只係一般，飯後入去主題公園玩，個公園以恐龍做主題，但好假，又少，公園內機動遊戲只有５一６個，但係似足以前荔園及啟德遊樂場甘懷舊，即係舊版的機動遊戲，但只有２個玩得，其他仍在興建中！個樂園好細，準時下午６點正關門休息。
玩完又要去酒店的森林餐廳晚膳，因為呢度係鄉村中鄉村，方圓幾公里都無得食，所以焗住去，點知佢哋將成個餐廳安排晒俾旅行團，搞到我哋Ｄ自由行散客無位，放是改去西餐廳，我哋叫雞扒同牛扒，黑椒汁無黑椒香味，燒汁仲誇張，完全唔係日式燒汁，只係將薯仔同蕃茄熱溶咗就叫做燒汁，Ｄ羅宋湯同忌濂渴都唔知用乜嘢煮，Ｄ味好怪，飲唔落，仲衰過香港Ｄ茶餐廳！
食完去溫泉區浸溫泉，有７０幾個露天溫泉，其實只係煲熱Ｄ水喉水，假溫泉，Ｄ水仲唔多乾淨，有好多白色漿狀浮沉物。
晚上１１點返回酒店房間，竟然無冷氣，只有風，我查詢，酒店經理回覆，有住客投訴冷氣凍要加被、外面好清涼，大约１６度，酒店要環保，所以關掉中央冷氣系統，只有風，無冷氣。
我叫佢睇吓房間空調控制器上我房間現時係２５度，佢叫我打開露台門便清涼，我話呢度係２樓，外面全部係草同山，有好多蚊，佢俾２個電蚊拍俾我哋自己拍蚊，仲俾２支清水俾我哋飲。呢Ｄ就叫做５星級酒店，幾經爭取，酒店先至重開中央冷氣系統，間房先至舒服Ｄ，諗住有覺好瞓，點知瞓到凌晨４點，熱醒咗，原來又無冷氣，間房有２４度，於是又找個經理，原來之前個經理休息，而家換咗另一個經理，佢話外面好清涼，唔需要開冷氣，所以關掉中央冷氣系統，呢次又要同佢理論，後來又要開中央冷氣系統，呢Ｄ酒店管理層真係無得頂。
朝早去森林餐廳食早餐，又要同旅行團爭位。食完立即決定盡快離開呢Ｄ鬼地方，自費搭的士去廣州探朋友，原來酒店無的士來，佛崗縣又極之少的士，係酒店代為電召的士來，要俾１００元按金，驚你 CALL 咗來又唔搭。來咗架好殘舊的士，沿途水滾，幾驚去唔到廣州，幸好一行４人平安到廣州，朋友已經係酒樓準備好十餸一渴等我哋來，食完專車送我哋去天河車站搭火車返深圳，夜晚係深圳食日本自助餐，４個人飽到行唔郁。

timothywongtw

1.酒店要環保，所以關掉中央冷氣系統
2.佢俾２個電蚊拍俾我哋自己拍蚊

3.仲俾２支清水俾我哋飲


咁呢間酒店咪幾好!!! 

http://www.shampoola.com/cn/sljj.asp

[ 本帖最後由 timothywongtw 於 2009-4-13 21:18 編輯 ]

比因

又好似幾好喎 (睇相)

細明哥

小弟也剛剛星期五去過清遠,自己從廣州包車去,睇一啲比較原始風景

登錄/註冊後可看大圖

TerrySze

CHING,
大陸D野質素好參差．
返大陸玩我會睇 http://www.ctrip.com/
有好多評論同建議.去旅行我會仗做足功課,睇d人blog同相片,免得同期望有出入.

華哥

櫻花山只係種咗Ｄ櫻花樹，看來是剛種無幾耐，櫻花就欠奉。
如果你哋以前去過荔園及啟德遊戲場玩，就有似曾相識感覺。
最好玩都係水中滾筒，１０元５分鐘。
個火山表演只有１０秒，噴一噴火就玩完。
無任何交通工具可以離開酒店。

witchycatcat

"佢俾２個電蚊拍俾我哋自己拍蚊，仲俾２支清水俾我哋飲"

lee個好搞鬼.....怪唔知得ching你一肚氣啦~~

華哥

Ｄ房租價錢一Ｄ都唔平，拍得住國內正直５星級酒店，就當佢係４星級酒店，佢攞得個電蚊拍上來俾我，即係佢早就知道打開露台門就一定有蚊飛入來。
難道叫個客人俾成仟元的房租，自己成晚唔使瞓係度拍蚊？

peter6565652003

ching,大陸D嘢係咁上下貨仔,呢D山卡啦地方,都唔好存有太大期望,不過ching呢間酒店的確係唔多掂喎.....五星级酒店?收费多少呢ching?

lewischan

勇敢
勇氣可加......