香港長跑網  - 長跑長友

 找回密碼
 註冊
搜索
查看: 25805|回復: 484

e.c. 的飲食跑步日誌

[複製鏈接]

升級   90%

該用戶從未簽到

發表於 2009-4-24 11:21:14 | 顯示全部樓層 |閱讀模式
麥子,名兜,字仲肥,愈大愈肥,後來仲肥....
呢個就係我啦.

2008之前都有做下gym打下波,但因為肥 + 鼻敏感,好唔鍾意跑步.
2008年朋友第一次拉我去一齊玩渣打10k, 因為俾左錢,抱住唔好浪費的心情去跑.我既第一次好辛苦, 目的只係唔想跑超過2小時連證書都無 + 唔想要d朋友掉低我.最後順利完成.但痛左我成個星期.
之後因為一位舊同學,識左一班愛好戶外活動的朋友,係咁玩,開始由一個唔運動既人.多左好多運動.
又因為同一個朋友話nike的跑衣很好看,再去報名跑 nike 10k,
一次同小學同學聚舊,又係俾佢笑我肥.我的起心肝買左個nike sport kit黎迫自己準備nike 10k,雖然已經跑多左,不過準備還是不足,最後抱住參加左就要去完成既心態去完成.第一次見到葉伯,見到佢雖然辛苦,落後很多.但依然繼續努力.看得我非常慚愧.之後再去報渣打,剛好見到poly的running squad,第一次真正上training.開始發現跑步的樂趣.可惜...2009年的渣打, 都係好慢.睇見自己張肥相.好驚.但就因為四圍搵相,見到長跑網.因為家住將軍澳.見到有逍遙跑.
第一次逍遙跑, 又缺水, 又想暈, 好在有各位團友. 也遇上超好人的文ching. 見我無帶水死死下去7-11買左支甘露來. 後來陪住龜速的我跑又指點我上斜要小步及留意不要愈跑愈快.
仲有山比的親切。
及後的逍遙跑, 仍是要各團友睇住我. 跑跑下又要停下.
從小氣管有問題. 疑似有鼻敏感. 跑步時呼吸很容易亂, 於是很快就會很累及有窒息的感覺...
自從邪神神箱開左, 膽粗粗問左呢個問題, 在分享會邪神教我應該點做, 又講俾我知小明都有鼻敏感.
講解左點樣去解決各樣問題.
尋日又俾朋友睇住我不自控的食完又食.好想好想食少d,瘦番d...我都知依家咁唔多健康.
我要定時定候上來報告飲食同運動量...明知自己無恆心,一向都唔敢做
但在ee同山比鼓勵下...決定來做做.希望各位多多支持!

升級   20.75%

該用戶從未簽到

發表於 2009-4-24 11:23:55 | 顯示全部樓層
emma 講得出,果然做得到
加油呀~~~

賀一賀先

升級   0%

該用戶從未簽到

發表於 2009-4-24 11:25:25 | 顯示全部樓層
emma 開blog 大吉,加油~ 我同你身同感受,所以好明白你既心情,大家一齊努力  " />" /> " />" />

升級   0%

該用戶從未簽到

發表於 2009-4-24 11:28:31 | 顯示全部樓層
emma ctse,我會支持你架...
剛起步跑得慢不打緊...
只要有信心及堅持,你定能成功修身 + 跑出好成績呀....

升級   0%

該用戶從未簽到

發表於 2009-4-24 11:29:00 | 顯示全部樓層

賀 !~ 你要好好加油丫 !

升級   53.45%

該用戶從未簽到

發表於 2009-4-24 11:34:07 | 顯示全部樓層

emma ctse, 我既鼻敏感幾嚴重, 日日都塞到透唔倒氣, 而且鼻敏感既人好易累, 體能差d...我而家改睇中醫, 希望有好轉啦.
雖然鼻敏感對跑步有影響, 但亦有唔少人跑步多左而令鼻敏感好左, 我都正向著哩個目標進發
其實你都唔係好肥... 不過如果想減, 試下跑多幾日, 每次跑少少 (半小時倒), keep 住做帶氧運動啦, 加油啦

升級   0%

該用戶從未簽到

發表於 2009-4-24 11:39:56 | 顯示全部樓層
e.c.師姐都開左blog, 有大家鼓勵+支持+鞭策,一定可以做到o架!努力呀~ !

升級   90%

該用戶從未簽到

 樓主| 發表於 2009-4-24 12:08:52 | 顯示全部樓層
原帖由 囧山比 於 2009-4-24 11:23 發表
emma 講得出,果然做得到
加油呀~~~

賀一賀先
原帖由 kcchu 於 2009-4-24 11:25 發表
emma 開blog 大吉,加油~ 我同你身同感受,所以好明白你既心情,大家一齊努力  <img src=" />" />" />" /> <img src=" />" />" />" />
原帖由 曲奇 於 2009-4-24 11:28 發表
emma ctse,我會支持你架...
剛起步跑得慢不打緊...
只要有信心及堅持,你定能成功修身 + 跑出好成績呀....
原帖由 ee_tpk 於 2009-4-24 11:29 發表

賀 !~ 你要好好加油丫 !
原帖由 schnix 於 2009-4-24 11:34 發表

emma ctse, 我既鼻敏感幾嚴重, 日日都塞到透唔倒氣, 而且鼻敏感既人好易累, 體能差d...我而家改睇中醫, 希望有好轉啦.
雖然鼻敏感對跑步有影響, 但亦有唔少人跑步多左而令鼻敏感好左, 我都正向著哩個 ...
原帖由 WinggniW 於 2009-4-24 11:39 發表
e.c.師姐都開左blog, 有大家鼓勵+支持+鞭策,一定可以做到o架!努力呀~ !

咁多位...謝謝... 睇到我標哂眼水, 我份人好眼淺... 嚇親同事...
好多時都諗住"由得佢啦""算啦" "我係咁架啦"...
但... 原來我真係要好好諗下自己應該點食野... 唔好再咁唔檢點...
今朝我仲食左mcdonald... >_<
schnix... 我睇起黎..你係估唔到我重過好多師兄好多架... 尋晚聽朋友講起佢親戚幾高幾重,已經係肥仔...
高過我, 聽重量同我差唔多... 不過, 可能越唔願去面對越易氣餒...
心理上我要調節下先... 唔知點解硬係覺得男仔好重又唔會咁嚇人, 我試過同朋友講起我有幾重, 佢地都話完全睇唔出... 唉
點都好,都要加油...

升級   77.6%

該用戶從未簽到

發表於 2009-4-24 12:30:36 | 顯示全部樓層
ctse 加油.

小弟由睇左長跑網兩個幾月, 都被這裡氣氛感染. 因為自已體重都有一定斤兩, 雙膝有自知之明, 所以只能間歇跑步, 同時加埋單車同行樓梯, 而家都減左 10 磅.

我早餐同午餐都好自律, 但晚上都有時要平衡工作壓力, 都會在外用餐, 真係有時唔肥唔食, 上星期一晚食左鳳城半隻炸子雞, 前兩日仲係大埔群記整左碗肥腩伊, 仲清埋個牛骨湯.

不過有權利就有義務, 食完我都會計番要跑番幾多. 我都希望可以唔駛帶住條車肽同三十磅腩肉去讓賽.

若果氣管問題, 我睇開都有好o既耳鼻喉專科, 我自細鼻敏感都係佢睇好, 撻我個朶可能會有平 D (我就唔駛 $). 有需要就 PM 我, 可以比資料你.

祝瘦身成功, 大家加油加油

升級   25.26%

該用戶從未簽到

發表於 2009-4-24 12:56:41 | 顯示全部樓層
ctse我都支持你呀
我以前都係唔鍾意跑步, 覺得要捱, 好辛苦.
而家練跑我都好辛苦, 因為我身型都重磅.
不過我相信天下無難事.
ec ctse請加油, 一定要堅持, 祝你發掘到跑步既樂趣

升級   0%

  • TA的每日心情
    難過
    2013-12-19 15:19
  • 簽到天數: 1 天

    [LV.1]初來乍到

    發表於 2009-4-24 13:40:28 | 顯示全部樓層
    e.c.
    雖然未見過妳, 唔知道妳有幾肥......支持妳!
    小妹起初為減肥而開始跑步, 約跑十次有九次都跑包尾, 參加約跑得到好師兄師姐鼓勵同提醒,
    越跑越輕磅, 越跑越修身, 越跑越有興趣. 妳都做得到.
    當然減肥一定要改變唔好的飲食習慣, 身體健康最重要.

    升級   0%

  • TA的每日心情
    奮鬥
    昨天 00:00
  • 簽到天數: 977 天

    [LV.10]以壇為家III

    發表於 2009-4-24 14:07:16 | 顯示全部樓層
    e.c.

    Add oil ah!  U can do it!

    http://hk.myblog.yahoo.com/blurmax

    升級   100%

    該用戶從未簽到

    發表於 2009-4-24 14:35:29 | 顯示全部樓層
    提示: 作者被禁止或刪除 內容自動屏蔽

    升級   100%

  • TA的每日心情
    鬱悶
    2013-11-7 18:51
  • 簽到天數: 1 天

    [LV.1]初來乍到

    發表於 2009-4-24 18:04:49 | 顯示全部樓層
    Emma,

    恭喜你開blog大吉!

    支持你為健康而運動及控制飲食!

    我本身是個為食之人,最喜歡同志同道合的朋友四圍去揾美食,
    臨瞓前又愛吃宵夜,仲要喜歡飲啤酒,所以未跑之前都幾肥吓!

    不過跑步的確很有效減磅,我跑了個多月,便減去了11磅,雖然
    現在傷了沒有跑幾個月,但保持住每星期做一至兩次gym,暫仍
    可維持住102磅,當然比有操練時的97磅重了些,但仍可接受。
    所以你以運動去減磅的話,我相信反彈的磅數也會有限及慢些。

    大家都一齊努力去減磅及keep住啦!

    升級   0%

    該用戶從未簽到

    發表於 2009-4-24 18:48:46 | 顯示全部樓層
    Emma
    開blog大吉,恭喜恭喜~
    事不宜遲,依家就訂下短期目標,向目標進發~
    記住你有我地一大班長跑網友支持,你一定成功ga~
    加油呀~

    升級   90%

    該用戶從未簽到

     樓主| 發表於 2009-4-24 22:10:15 | 顯示全部樓層
    Coleman, Carey, Blurmax, Runrun, Oscar, 叮叮噹, 火仔謝謝你們支持!!
    今日o係公司一路睇一路
    其實我好介意自己既身型, 最最重要係, 當慢慢年長, "我發覺我體質彷似下降",
    好多野想做, 無健康既身體就咩都做唔到, 睇到大家對我的分享, 好似打左針一樣
    短期目標.... 我諗我要一星期跑到3次先, 每次最少40分鐘.
    食物方面. 我要諗諗點樣記低自己食左咩, 點樣可以易d 睇見自己亂咁食野, 警惕自己.
    依家就去跑先
    跑完啦 ~ 跑左之前逍遙跑個短腳圈(5.5k果個), 第一次真係可以自己跑得完. 好開心~hgj091" />" />hj
    不過原來跑咁耐都係無左 330 kcal... 今朝食果個火腿扒芝士漢堡都未cover到...
    午餐同朋友飲茶, 晚飯雖然係媽媽精心弄的健康晚餐, 但因為太夜番屋企, 成9點先食...
    唔怪得我會越跑越脹啦....
    聽ee講記低食咩真係有用哦....

    [ 本帖最後由 e.c. 於 2009-4-25 00:01 編輯 ]

    升級   90%

    該用戶從未簽到

    發表於 2009-4-25 00:15:44 | 顯示全部樓層
    恭喜開blog大吉
    加油呀Emma萬事起頭難嘛,我都係個肥妹,又係一個原本唔肯運動的人,都知控制飲食真係好為難的事...
    每每越唔比自己食野,個肚會越餓...但都要忍口呀!!!控制飲食真係好重要的...
    不過我最近都放縱左,都要話下自己啦...
    我地齊齊努力啦!!!

    升級   0%

    該用戶從未簽到

    發表於 2009-4-25 00:25:17 | 顯示全部樓層
    原帖由 e.c. 於 2009-4-24 22:10 發表
    Coleman, Carey, Blurmax, Runrun, Oscar, 叮叮噹, 火仔謝謝你們支持!!
    今日o係公司一路睇一路
    其實我好介意自己既身型, 最最重要係, 當慢慢年長, "我發覺我體質彷似下降",
    好多野想做, 無健康既身 ...

    emma~ 早餐考慮下食其他野... 麥皮(低脂奶 + 無糖).. or 兩片方包... 再加隻蕉... 呢個早餐夠我一個早上... 早餐盡量少食快餐.. 高鹽高糖食物

    下午果餐如果可以.. 帶下飯.. 食得夠 d... 如果一定要出去食... 都要少 d 肉.... 自己響 office 擺個生果.. 補番 d 纖維
    晚上如果遲食... 就食少 d 飯.. 食多 d 菜.. 都可以飽肚.. 食少0左飯咁就唔會吸收到咁多糖份..吸收唔晒會轉化為脂肪做 storage

    升級   90%

    該用戶從未簽到

     樓主| 發表於 2009-4-25 00:29:24 | 顯示全部樓層
    原帖由 Qoo 於 2009-4-25 00:15 發表
    恭喜開blog大吉
    加油呀Emma萬事起頭難嘛,我都係個肥妹,又係一個原本唔肯運動的人,都知控制飲食真係好為難的事...
    每每越唔比自己食野,個肚會越餓...但都要忍口呀!!!控制飲食真係好重要的...
    不過我 ...

    Qoo多謝你...
    一齊努力!

    升級   90%

    該用戶從未簽到

     樓主| 發表於 2009-4-25 00:37:30 | 顯示全部樓層
    原帖由 ee_tpk 於 2009-4-25 00:25 發表

    emma~ 早餐考慮下食其他野... 麥皮(低脂奶 + 無糖).. or 兩片方包... 再加隻蕉... 呢個早餐夠我一個早上... 早餐盡量少食快餐.. 高鹽高糖食物

    下午果餐如果可以.. 帶下飯.. 食得夠 d... 如果一定要出去食... 都 ...

    ee , 知道, 我會記住啦!
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2016-12-8 19:58 , Processed in 0.261941 second(s), 26 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表