|
2009.10.1 國慶長跑 10公里比賽 (大美督). 63'12"
祝大家國慶及中秋節快樂
第一次參加大型比賽 氣溫由27,28度昇到上32-33度都有.
之前一晚訓唔到, 唔係因為緊張.係因為自己生活習慣唔好, 又夜訓,
所以要早起身時就訓唔著.0330 先至訓先得著,0530 就起身,而且好似無訓過咁..
0620已經去到九龍塘等上車,食左一大條香蕉+水當早餐.
上車時都幾混亂,等左20分鐘都未見有旅遊巴, 又唔見有工作人員,
D人見到旅遊巴, 就沖過去"目弟"下係咪大會車,
車頭又無任何記認,唯有人上我上,上車時先至有工作人員查票,
0720巳經去到大美督,換左網衫,早少少熱身同埋影下相(感謝各位師兄師姐義工)
仲見到好多O係網上面見過O既師兄師姐,
記存行李時,見大部份人都有準備大膠袋黎防水, 又學到野,
0830 奏起國歌後比賽立即開始,起跑時天陰涼快,自己知自己事,跑得慢,企係人群較後o既位置起步,
頭段有氣有力,仲嫌人跑得慢,過左好多人,我記得仲過左KIN ching 添, 去到水壩大約一半就見到有跑手回程,
而我去到2哩迴旋處回頭仍然大把氣力,
點知大約跑到第5哩就好似跑極都唔去咁,好似度步咁,跑到轉入去山路果邊仲死,
係咁比其他跑手追過, (KIN ching 過返我頭,一路跑仲一路大叫加油,勁!!)好似係呢個時候就開始出猛大陽,好熱, 好晒 !
好喇~ 最後兩哩由壩尾跑返去終點仲狂比人過頭,
而且係keep唔到平時o既腳步,仲係好似度步咁,
last 幾百米, 有一位長跑網攝影義工幫我影相,之後同我講:師兄加油,
仲有幾百米咋,仲 give me 5 添. (當時時間一大約係60分鐘多o的)
就係因為呢位師兄,(多謝你o既打氣呀) 我就衝返去,卒之用63'12過終點,
一停步o既時候我就反胃,個胃抽抽下,想嘔,可能衝得勁過頭,立即就跑去左邊無咁多人o既地方諗住嘔梗 gala,不過好彩卒之又無嘔到.
咁見到有人排隊我又排啦,排左好耐先至知係"羅"記念品同埋交晶片o既,
咦?? 好口渴喎... 過左終點無水飲o既?
見到好遠果度有人派水,又唔行得開,驚要由龍尾排過隊咪死,
唯有叫我後面位仁兄幫幫我睇住個位,先至敢去"羅"支水飲,之後又要再排一次隊"羅"行李.
排左兩條隊又晒又"支力"個胃又唔舒服,都係走人先, 去到大埔就食大X樂早餐,食完個胃先至好D.
今次比賽, 有視力障礙人士參加,我覺得佢地真係跑得好好,小弟自愧不如.
唔知大家有無佢地o既web比小弟參考一下呢?
期間見各跑手都有互相鼓勵,真係好好氣氛.
另外覺得好奇怪, 點解無警察封路都無單車入去主壩? 果度假日簡直就係單車徑黎.
Oct so far 10K.
[ 本帖最後由 coxswain 於 2009-10-4 01:02 編輯 ] |
|