|
衝出元朗 - 青山公路汀九段6k
之前parco爸同我講荃灣西鐵跑去汀九橋底, 只係6k多少少, 我見果樹原途風景秀麗, 於是就一口答應搵日去跑啦, 典知跑前果一日, 佢先同我講話唔係6k.....係8k先真 死啦, 我最盡都只可以跑5k, 剩低果3k行返黎咩...... 是但啦, 試左先算, 已有定隨時
掉頭既心理準備...
放工去左荃灣公園, 換好衫, warm跑都無做, 剩係做左幾下拉筋就開始跑啦.
今次我想嘗試跑快少少, 所以開始時唔再係用超龜速, 但去到2k多d開始唔掂啦, 雙腳勁無力, 都係要減返做超龜速啦
跟住再跑多幾百米, 真係頂唔住, 要休息一下, 灌左幾大啖水, 做左幾下拉筋, 大約休息左2分幾鐘, 之後就決定掉頭回程
回程全程都係hea, 對腳已經完全無力提唔起, 額頭d汗不斷流入雙眼, 好辛苦, 我已經拿住毛巾仔一路跑一路抹架啦, 唔通真係要戴head band大約到4k開始有好肚餓既
感覺, 到大約5k 心口突然好痛, 好想停低, 又驚一停會休克, 都唔知點好, 唯有暗住心口
繼續hea返去.....
Rider 12 試後感 :
老實講, 感覺真係同我果舊對200幾蚊既無分別, 初初著時係feel到後踭位輕左, 但其實跑到咁上下都無特別感覺, 不過最少唔會著到唔舒服囉.
瘦日紀錄 :
繼上星期因為食左飯而重左, 之後都警惕住自己一定唔可以再食飯, 今個星期終於可回落3磅 不過都係有排先到我既目標 |
|