脂深港燦---第一季

kan

劇目：脂深港燦
人物介紹--男主腳--脂深港燦(kan 飾)．身高--5呎7吋(可能唔夠)．體重180磅(多數唔只)．年齡40(唔記得幾耐之前)
故事背景--深圳福田區
劇情簡介--一個肉球起深圳"碌"來"碌"去的悶爆事跡

第一集 - 剪腳甲 (2009年6月23日)
哎呀~~你借過得唔得呀?人地想剪腳甲呀!你知唔知你好大隻阻住人地o架, 又推你唔開, 收你唔埋, 你檢討下自己啦!! .....唔答人仲震下震下咁囂張, 信唔信我買起你, 要你起地球上消失, 從來未事過咁火, 豈有此理...做o野~~換衫、著鞋, 落街..活動下身體關節, 伸展下身體根肌, 肉球就起如此衝動的剪腳甲不爽反應之下開始向前慢..慢慢滾出左第一步
「豈有此理, 買起你, 一定搞死你, 咁囂張, 點都唔信搞你唔到」, 一路慢慢滾一路口中念念有詞, 大約滾左300米左右已經鬧唔到, 無論幾大力透氣都好似吸唔到氣咁, 地球好似冇哂聲, 只得自己好似法拉利引擎高速轉動咁快..好好快..快到就o黎爆o既心跳聲, 火未消已經無力抵抗...唯有由慢慢滾改成慢慢"碌"仲慢過平時行路, 係咁大大力呵~呵~~呵呵~~左約200米, 靈魂開始返來, 定一定神又由慢慢"碌"加速到慢慢滾,未夠300米又覺得開始休克咁樣, 透唔到氣、聽唔到聲(除左自己超高頻心跳聲外)、有o的眼花、頭漲漲咁樣, 好辛苦, 又再"碌"過, 仲"碌"遠過之前, "碌"左過300米先開始回魂, 回哂魂再加速過, 再到300米左右又頂唔順, 但係死頂住頂呀頂, 頂到差唔多500米開始覺得橫隔膜同小腌好叉痛..夾硬撐多一陣停低左, 好難受, 郁唔到, 全身都唔受控制, 唔識形容喇~行左一陣掉頭返歸, 回程過程中係咁鬧自己點解廿年前會參加美國佬個"自願買兇慢性謀殺自己免息供款計劃"廿年來不斷供款買佢地o的產品, 什麼萬寶路、健牌、駱駝、乜乜叉叉都用過哂, 原來呢o的產品係令自己最唔需要佢地時先有效果同威力, 好後悔...供左咁多錢~~~~~~~~~~
返到屋企沖完涼即訓...訓醒對大腿有o的酸痛, 但係好奇怪....上手麒麟臂比大腿更酸痛, 到夜晚大腿已經復完唔痛喇,不過......手臂越來越痛,痛鬼左三日先退

待續..........

mill

kan ching 加油, 長跑網的每一位ching/ctse都支持你.

nc

好攪笑的一篇blog

恭喜kan ching開blog大吉
長跑長友

stanwong

恭喜Kan ching開blog大吉
好生鬼風趣，期待續集！

豆豆媽

恭喜晒「 脂深港燦」開blog大吉

內容幽默!精彩!
大家一齊加油啦!

[ 本帖最後由 豆豆媽 於 2009-7-15 16:34 編輯 ]