我與九歲孩子一齊跑步及比賽的經歷

alfredyu

我個仔九歲，前幾年我跑渣打佢都會去終點等我，不過對跑步的興趣就唔大。同佢玩捉就可以，但單跑佢會覺得悶。舊年十二月南區沙灘跑有個一公里比賽同佢報左名，但之前都唔肯點練習，不過都算跑左第一次。一月份有個大潭水塘四公里比賽，我又同佢報左名，一月初我跑完中國沿岸，唔知點解一問佢去練習就應承去，仲好勸力兩個星期練左五次，當然跑完要帶佢去食餐好野。

我係元老組同少年組一齊起步，都係四公里，我跑左20分鐘，佢都努力跑完，唔太辛苦，慢我九分鐘，比練習時快了。

呢兩個比賽都有兒童或少年組，比賽係對任何人包括小朋友都有一個刺激鼓勵作用。長跑可以培養一個人意志和毅力，對一個人成長好重要，小朋友跑三至五公里己經好夠，可以幫到佢地身心發展。

alfredyu

星期日跑渣打全馬，孩子來終點等我，衝過終點一刻幫我拍照留念。跟住好開心一齊合照，好似佢都有份跑咁, 又幫我同的朋友映相。再一齊飲茶。

3月份有個3.2k慈善跑步比賽，問佢參加仲即刻一口答應。我想營造跑步歡樂氣氛，讓孩子聯想起跑步便是樂事。

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

alfredyu

雖然我比我九歲的兒子跑快得多，不過我用佢速度同佢跑都唔會覺得係浪費左我的時間。有時慢速跑下其實好舒服，係享受。我地一家三口一齊報名參加左3月16日星期日一個三公里比賽，我同個仔一個星期會跑兩至三次，大約半個鐘，有時中間休息下，任佢跑幾快都得。昨天與他從北角跑至太古城他同學家去玩，大約廿五分鐘。平時去維園跑完就比佢買D鐘意食D野，咁就有動力去跑。
我個仔唔係運動型，相反係書生型，以前經常擔心佢唔夠運動。但竟然舊年十二月底參加左第一個跑步比賽就有左興趣，我同太太都好安慰了。
下星期再同大家講下我地比賽成績。

alfredyu

3月16日亞仔第一次全程全完三公里比賽，比練習快好多。佢仲問我下一次比賽幾時，於是又報左四月底南區沙灘跑。呢個比賽係Jessica雜誌舉辦，係籌款活動，好多贊助。亦好多小朋友跑，唔錯。

alfredyu

跑完左跳起影張相，好勁!

michaelyw

真不簡單~
我9歲時400米都未必跑得到。
謝謝分享

[ 本帖最後由 michaelyw 於 2008-3-21 08:20 編輯 ]

Alfred

ching, Jessica 我有幫手，係第一個turning point，見到D小朋友跑真係好鬼開心，小女就唔肯跟我跑！！

alfredyu

呢一個月小兒跑步興趣少左,又要出新招。約左佢同班同學一同學仔一齊練跑,一個星期一次,跑下玩下,起碼一個鐘 . 另外一個星期約另一個朋友仔一齊游水,咁都可以保持住基本運動量, 小朋友興趣要係有得玩,約他的朋友一起是一個好辦法, 我除左帶住個仔, 又可以幫多一個小朋友多d運動, 一舉兩得!人地家長亦好感激呢。

[ 本帖最後由 alfredyu 於 2008-4-21 20:22 編輯 ]

bluesky

原帖由 alfredyu 於 2008-4-21 20:21 發表

                               
登錄/註冊後可看大圖

呢一個月小兒跑步興趣少左,又要出新招。約左佢同班同學一同學仔一齊練跑,一個星期一次,跑下玩下,起碼一個鐘 . 另外一個星期約另一個朋友仔一齊游水,咁都可以保持住基本運動量, 小朋友興趣要係有得玩,約他的朋友一起是 ...

You are right. It's a good idea to let him practise running with his friends. More fun.

alfredyu

星期日一家三口參加左南區迎奧運火炬跑,有一千人參加,可能係政府有多d錢贊助,所以唔駛報名費又有件衫送 - 我個仔十歲個組係跑一公里, 我太太半跑半行完成左佢第一次比賽-4公里,我地一早就到左沙灘玩 - 我個仔跑完又問下一個比賽幾時, 可能係九月沙田個三公里又係迎奧運比賽，今年呢d親子比賽真係多，希望來年都會有，唔好完左奧運就唔攪。
其實小朋友只要練一星期練兩次,20分鐘就可以跑得好好。只係大人唔肯帶佢地跑 - 多數大人過左30歲，體能愈來愈差, 冇辦法。

alfredyu

星期日參加奧運歡樂跑, 呢次我係陪住個仔跑,所以唔辛苦,佢就勁辛苦,因為佢雖然今年都跑過幾個比賽,但未試過30度氣温太陽勁曬下跑步, 過左水站後基本上都係急步行, 條氣順番又衝一輪•塊面紅到發紫•跑完休息左十幾分鐘都仲係面紅紅.
不過真係比賽先能激發到呢種動力,夏天長跑對訓練小朋友意志力會好有用.
我太太則急步行畢全程 .

alfredyu

奧運歡樂跑兩張相, 睇番真係幾辛苦 -

rockstarman

跑步總好過玩虛無的遊戲機呢 ，小弟還未有己出，真的千萬分之替各位大哥開心呢 。願祝各位大哥的兒女健健康康快高長大，聽聽話話，在人生的長跑道上，永遠是社會上領先的一群 。

alfredyu

暑假同個仔游水多,佢都終於可以1'30"游到50公尺。我亦係自己教個仔游水。我覺得咁對父子感情同關係建立有好大作用。
今個月亦開始同仔仔練番跑步，佢同意左參加12月中淺水灣三公里比賽。仲有四個星期練。

alfredyu

這個星期跑了兩次，每次約1.2公里，跑去最近的籃球瑒，然後打一小時籃球。

cu83

you are very energetic as well.

alfredyu

終於跑完南區沙灘跑，阿仔時間１９’３０”，　三公里。　唔快，但佢係以一個好穩定的速度跑完，不急不燥。這樣他會保持一個健康的體格。