寒酸東亞運半馬

MrMoonLight

係將軍澳運動場出面兜圈, 咁兒戲學乜野人攪運動會?
http://orientaldaily.on.cc/cnt/news/20090909/00176_090.html

佐治男孩

原帖由 MrMoonLight 於 2009-9-9 10:08 發表

                               
登錄/註冊後可看大圖

係將軍澳運動場出面兜圈, 咁兒戲學乜野人攪運動會?
http://orientaldaily.on.cc/cnt/news/20090909/00176_090.html

香港體壇的悲哀！

TerrySze

"一封路就會引發大塞車" <--- That is main point
不如係運動場跑53圈啦...........

花子阿DEE

我都o岩o岩睇到,兜圈賽?邊有癮架,不如直頭唔好出街跑52.75 個圈算啦~~


政情：跑半馬來回兜圈東亞運又甩轆

本文重點

• 運動員恐影響表現

由香港主辦嘅東亞運動會，未開幕已接連爆出負面消息，首先有健美比賽項目因種種原因被迫臨時抽起，之後又有火炬傳送風波同田徑賽場豆腐渣工程疑雲。最近又有東亞運義工向我哋投訴，話一般安排喺大路上舉行嘅半馬拉松賽（俗稱半馬），竟然變咗喺條縮水馬路上來回兜圈跑，再一次甩轆。有議員直斥呢個係國際笑話，亦有選手擔心有關安排影響佢哋嘅表現。如果我係買咗飛睇比賽嘅市民，肯定會要求當局回水！
唔少香港市民都有喺電視睇過、甚至親身落場跑過馬拉松或半馬拉松賽，一般都會喺啲公路上起步同進行，到臨尾先至進入運動場跑多個圈作最後衝線，不過今次東亞運動會嘅半馬拉松賽，就好罕有咁安排咗喺早前爆出豆腐渣工程疑雲嘅將軍澳運動場起步，然後走出場外嘅一段馬路，好似啲小學生玩擲豆袋咁，前後來回兜圈跑足八次，最後再翻兜番入運動場兜多個圈衝線。
運動員恐影響表現一直關注東亞運籌備工作嘅立法會議員陳淑莊（Tanya），就直斥有關安排係國際笑話，話啲選手肯定轉彎轉到頭暈，影響比賽表現，如果因而受傷，香港就更加孭唔起。佢唔明白大會點解會咁樣安排，唯一解釋係當局規劃失當，晨早定咗喺將軍澳運動場作賽，之後發覺當地一封路就會引發大塞車，最後鬧出天大笑話。
將會參加有關賽事嘅香港半馬拉松及十五公里跑紀錄保持者陳家豪，尋日向我哋證實有關安排。佢話今次場地同以往不同，多咗U Turn轉彎位，佢要考慮喺彎位如何減速，將影響減到最低，惟有預早喺下月去現場訓練同熟習環境。佢又有啲阿Ｑ話，由於比賽集中喺同一段路來回進行，希望到時啲市民喺沿途打氣都會集中啲，比賽氣氛熱烈啲喇！
我哋就此問過東亞運公司，對方話有關路線係經該公司同政府部門多次磋商後決定，並得到香港業餘田徑總會認可，又強調國際長跑例冇規定賽道唔可以兜圈或最多只可兜幾多個圈，唔會影響跑手表現，但就冇解釋點解作出咁荒謬安排。我哋之後再追問田總，田總叫我哋問番東亞運公司。東亞運籌委會主席霍震霆更加好似完全唔知情。總之大家互相推卸，冇人夠膽企出嚟孭鑊解畫。

hobbywet

好在當年申辦亞運不成功，否則會笑死人

停雲

登錄/註冊後可看大圖

colemen

真羞家....

sunrise

政府根本就唔重視跑步運動, 覺得香港跑手無成績, 無得威, 呢d就係呢班所謂精英官員架精英心態看運動! 我諗遲d連單車徑都唔可以用來攪跑步比賽(單車有成績嗎!), 要跑步就唔該大家走遠d, 去水塘啦, 唔可阻住地球轉呀, 無奈!

Parco爸

係香港...全馬、半馬賽事都能走上街頭...偏偏東亞又攪成咁..真不幸...

力

半馬兜圈賽
咁不如好似Terry嘅講法, 在運动場跑圈, 改埋比賽名叫做21097.5M賽!

saki

原帖由 Lex 於 2009-9-9 11:20 發表

                               
登錄/註冊後可看大圖

半馬兜圈賽" />" />
咁不如好似Terry嘅講法, 在運动場跑圈, 改埋比賽名叫做21097.5M賽!

可能咁仲好睇, 不段有"扒頭"場面............

saki

原帖由 sunrise 於 2009-9-9 11:12 發表

                               
登錄/註冊後可看大圖

政府根本就唔重視跑步運動, 覺得香港跑手無成績, 無得威, 呢d就係呢班所謂精英官員架精英心態看運動! 我諗遲d連單車徑都唔可以用來攪跑步比賽(單車有成績嗎!), 要跑步就唔該大家走遠d, 去水塘啦, 唔可阻住地球轉呀,  ...

我想不只是政府不重視, 而是香港人根本不支持"運動"..................

spmho

之前都市日報出過條路.....o個時都係話係出面來回2野....已經怪
而家係來回4野....祝香港選手好運

花子阿DEE

原帖由 saki 於 2009-9-9 11:27 發表

                               
登錄/註冊後可看大圖

我想不只是政府不重視, 而是香港人根本不支持"運動"..................

呢單野值得去查究一下,提出呢條路線既人應該係為左方便籌備,但係所以項目都應該有專業人士去協辦,點解有關專業人士唔堅持呢??定係籌組既人士堅決唔接受專業意見呢?定係根本所有人都唔專業呢??

燉奶佬

原帖由 Parco爸 於 2009-9-9 11:13 發表

                               
登錄/註冊後可看大圖

係香港...全馬、半馬賽事都能走上街頭...偏偏東亞又攪成咁..真不幸...

渣打馬拉松成功，係因為係民間攪，又要賺錢，所以盡量滿足各樣要求先可以吸引不喜運動的香港人玩，東亞運係公家野，政府一落手就唔掂，佢地諗野決策係有好多盲點。

龜速行

oh...................