唔減唔得

tokiha-mai

小弟今年19歲 讀毅進
175cm 250磅
幾年前阿麻中左風 已經想減...
點知講講講 講到而加
上星期 阿麻又入醫院
個心又有事 仲要發埋燒(已80歲了,可大可小)
我即去探佢 佢用佢郁得果隻手捉住我
叫我一定要減肥

因為太耐冇做運動了
慢跑的話 跑兩步就唔掂
所以快行 連續一個鐘
心跳都快既 但係有冇60-80%就唔知了

我一定要減肥

我想問下 check心跳果D手錶係邊度搵到呢?
洗唔洗買咩牌子 , 價錢幾多算好 , 等等

食野方面 我已通知母親 佢都好識做咁借D減肥書睇
幫我準備

同埋有冇提議比我 要樣去減肥
洗唔洗早睡早起(重要)
我屋企付近冇泳池 所以冇得油水
得跑步/踩單車

唔該大家

[ 本帖最後由 tokiha-mai 於 2009-10-2 23:00 編輯 ]

Ning

I think that swimming is better for you.

kito807

雖然我介紹唔到咩錶俾你, 不過為你打打氣吧, 加油呀!!

250LBS 要減都會相當慢長, 你要有心理準備! 無半年我諗都無乜成績
我有個同事之前有 280 磅, 身高 180CM 左右, 同你CASE 差不多,
佢搵營養師幫佢減, 返工我見佢食飯餐餐都有菜有飯有肉, 好似無乜野,
不過完全無油, 用係瘦肉, 無肥肉, 當然份量唔多, 菜都係, 菜又係只用水 "恰" 熟
無油, 鹽都唔會落, 我唔知點解, 不過佢話鹽都唔食得咁多, 只用黑椒黎調味

每日做1HR 有氧運動, 咁樣一個月好似都係減 5-8LBS, 如要減得健康, 就要慢慢黎,
係咁節食, 只會影響健康同埋好易反彈!

加油呀!!

tokiha-mai

咁我想問下 我既跑步/慢行 方便 要點攪好丫?

allanccl

原帖由 kito807 於 2009-10-2 23:35 發表

                               
登錄/註冊後可看大圖

250LBS 要減都會相當慢長, 你要有心理準備! 無半年我諗都無乜成績
我有個同事之前有 280 磅, 身高 180CM 左右, 同你CASE 差不多,
佢搵營養師幫佢減, 返工我見佢食飯餐餐都有菜有飯有肉, 好似無乜野,
不過完全無油, 用係瘦肉, 無肥肉, 當然份量唔多, 菜都係, 菜又係只用水 "恰" 熟
無油, 鹽都唔會落, 我唔知點解, 不過佢話鹽都唔食得咁多, 只用黑椒黎調味

每日做1HR 有氧運動, 咁樣一個月好似都係減 5-8LBS, 如要減得健康, 就要慢慢黎,
係咁節食, 只會影響健康同埋好易反彈!

加油呀!!

完全贊同 kito807 師兄既內容，千祈唔好節食呀，會映響健康、好易反彈、厭食甚至死亡的。
小弟兩年幾前都好肥，也是靠上述的健康飲食加埋帶氧運動(跑步)，輕易減了25%體重，由BMI 28減到現在BMI 21，閣下BMI 有 37咁高，應該好易減的，食方面最緊要係無---油、鹽、糖，運動方面要時間長過半小時的帶氧運動如慢跑、游水等等。
測心跳錶---唔洗啦，小弟都買過，用了幾次，結果係好煩，成日響，話心跳超過所set的度數，問醫生，醫生叫我咪用，佢話唔洗既，運動時留意自己個身體，佢會話比你聽既，當你覺得唔舒服就減慢d或者休息一陣就得架啦，如果心口哪住痛就要即刻停同埋睇醫生，佢仲話平時少運動的人，開始運動個身體未習慣，心跳一定高的，到習慣左之後，心跳率才回降番低。
師兄最緊要做既事係：一、映番d相先，減肥以後映唔番，這些相好有鼓勵作用的；二、量下血壓，有高血壓唔適宜做太劇烈既運動；三、每日磅重及記錄；四、食健康餐；五、急步行或類似運動(半小時以上，要行到氣羅氣喘、出汗的)。
健康餐可參考小弟數日前講過的：
我通常係一早跑步，跑步後回家沖完涼就食早餐，都無乜時間俾我等幾耐才食，其實小弟覺得唔係隔幾耐既問題，而係食物既質素，小弟的早餐很簡單，用滾水沖即食麥片一湯碗，什麼都唔落，想食甜就落十零粒提子乾，食咸就落十零粒杏乾或果仁，唔會落油鹽糖；加一個提子飽(或半個大麥飽)，咁就好飽，唔再食其他零食。有時會用自己煲既無糖渣咋或粟米粒代替麥片，也可以用粗麥方飽兩片夾切片的新鮮香蕉代替麥飽----好好味的，有營養有糖份有碳水化合物，多士或面飽千祈唔好搽野，果Jam太多糖，花生醬全是反式脂肪，不但止致肥仲會引致心血管疾病。
午餐同晚餐盡量係自己煮，經常出街食係好難減肥的，小弟減肥時係自己煮同埋用飯壺帶飯(可能唔係飯)。小弟煮最飽肚最有營養的餐給自己食，就係烚意粉或通心粉或螺絲粉等等用麥造的碳水化合物，護士話最營養同飽肚又唔會咁快消化及肚餓，意粉烚好就撈上碟或碗，不用過冷河，更不可再用油炒，小弟較喜歡湯意粉；之後煮 "食送"，小弟會依從食物一二三，即係一份肉(4兩全瘦豬肉/瘦牛肉)，兩份蔬菜(半斤菜/荷荳/什豆/番茄/洋蔥等等)，三份碳水化合物(烚意粉或通心粉或螺絲粉等)小弟大食所以係一大湯碗，閣下如果夠飽可減為一飯碗。
如果不能避免出街食，多拿一個碗及熱水，d菜要用水過下才食，可減油及鹽。盡量唔出街食。要在麥記，K記及任何快餐店門口畫一條紅線，唔准入!!!!!油炸野唔食，任何反式脂肪、植物脂肪，飽和脂肪都唔食；除左水，唔好飲罐裝包裝飲品，低糖無糖都唔好飲。
如果能夠實行食用這些營養餐，保証一定成功減肥，有幾個小弟的朋友都能成功減肥，佢地都無反彈，仲愛上跑步添。

tokiha-mai

我已經參考左師兄們既健康飲食了
但係...小弟好少會食早餐的
咁點算?
今日餐單
11點食左 一碗米粉
之後打算 3點幾食個大麥包
夜晚就唔知了

allanccl

原帖由 tokiha-mai 於 2009-10-3 12:07 發表

                               
登錄/註冊後可看大圖

我已經參考左師兄們既健康飲食了
但係...小弟好少會食早餐的
咁點算?
今日餐單
11點食左 一碗米粉
之後打算 3點幾食個大麥包
夜晚就唔知了

減肥都要食早餐的，試下改下d飲食時間丫，正常d，試諗下，個胃由晚上八點食過野之後，要到第二日11點先再有野黎消化，成15個鐘頭，飢荒儲糧效應所以食乜野落去都吸收晒，唔點減丫？
11點食左 一碗米粉，咁有d乜料先？有無加油鹽糖？點解唔係一二三，無肉無蔬菜淨得碳水化合物，吸收晒咪變糖囉，唔健康!
點解要食三點三？午餐夠飽就唔好食三點三了，大麥包=多過主餐既份量？點解？會唔會又飲奶茶咖啡？小心d奶，全脂=飽和脂肪，植脂=反式脂肪，唔好落啦，仲有糖，會令你減肥失敗的，唔好落!千祈唔好飲汽水或任何包裝飲品，有糖無糖低糖都唔得。
                                                                                       
tokiha-mai師兄，的起心肝，改變飲食習慣，成功是要付出的，但係一d都唔難!

tokiha-mai

真係要改下D飲食時間~

米粉冇油鹽糖 有一碗菜 冇肉
我岩岩冇得到個大麥包
幾個月前戒左奶茶咖啡了
汽水好少會飲 隨左水 最多都係奶同麥精
奶洗唔洗戒? 麥精都唔敢買了

allanccl

原帖由 tokiha-mai 於 2009-10-3 15:51 發表

                               
登錄/註冊後可看大圖

真係要改下D飲食時間~

米粉冇油鹽糖 有一碗菜 冇肉
我岩岩冇得到個大麥包
幾個月前戒左奶茶咖啡了
汽水好少會飲 隨左水 最多都係奶同麥精
奶洗唔洗戒? 麥精都唔敢買了

汽水直頭唔好飲，少飲都唔得既....減肥成功後才飲少少吧!
小弟贊成你d米粉要落d全瘦既瘦肉或瘦牛肉，比例係1份肉，2份菜，3份碳水化合物，營養均衡d，同埋無咁易肚餓，米粉太易消化了，試下改為湯意粉/螺絲粉/通心粉，噤飽d。
奶要飲低脂高鈣奶，麥精是不是維他奶？無糖就得，最好係用無糖荳漿代替奶，效果更佳，因為低脂奶都係有脂肪的。

tokiha-mai

餐單都明哂了
但係跑步果度話
唔係心跳錶 我驚個心跳會太低 做唔到帶氧

allanccl

原帖由 tokiha-mai 於 2009-10-3 19:03 發表

                               
登錄/註冊後可看大圖

餐單都明哂了
但係跑步果度話
唔係心跳錶 我驚個心跳會太低 做唔到帶氧

唔洗擔心太慢，慢慢黎啦，只要急行會出汗就得了，最重要係身體咁重，跑步會以體重幾倍既力壓落一隻腳度，唔好整傷對腳，急行都可以減肥架，小弟開始減肥時都行左兩個幾月，等減左30磅先開始學跑。重點係時間要半小時以上先開始消脂，所以，如果可以，運動一小時效果會易見d。

tokiha-mai

同埋想問
麥片係咪桂格果隻呀?我屋企桂格同雀X都有 今日食左桂格了
湯意粉/螺絲粉/通心粉 係唔係三種都唔洗過冷河
超市有得買果D冠頭蕃茄豆可唔可以食?
姐係 好多汁+豆 用黎撈飯果D

唔該~~

[ 本帖最後由 tokiha-mai 於 2009-10-4 15:29 編輯 ]

allanccl

原帖由 tokiha-mai 於 2009-10-4 10:43 發表

                               
登錄/註冊後可看大圖

同埋想問
麥片係咪桂格果隻呀?我屋企桂格同雀X都有 今日食左桂格了
湯意粉/螺絲粉/通心粉 係唔係三種都唔洗過冷河
超市有得買果D冠頭蕃茄豆可唔可以食?
姐係 好多汁+豆 用黎撈飯果D

唔該~~

小弟認為麥片乜野牌子都得，最緊要平，慳家d好，不過唔好買Ideal理想牌，d味好難食，好似蟑螂屎味，食完想嘔，桂X貴左d，小弟食開Select(佳X選)，味道OK。
湯意粉/螺絲粉/通心粉 三種都唔洗過冷河，煲淋就上碗。後淋煮好的 食送 上面便可食。
茄汁豆可以食，每日唔超過一小罐，佢裡便d鹽都唔少，食完又扯水，鈉質又會映響血壓的。

tokiha-mai

岩岩食完晚飯
食左...精魚 精蛋 烚菜
但係精魚...會有"士油"同埋爆香過既"薑聰"
咁點攪?
抖多陣 又要落去快行了~~~~~

allanccl

係呀! 瘋兄講得o岩，睇下閣下的家庭醫生，小弟睇政府醫生都會教減肥的，每個人都會不同，醫生會指出閣下肥胖既原因同埋適宜的方法架!

kito807

減肥最辛苦都係戒口唔係做運動, 而且唔係戒一日兩日咁簡單, 係好長時間,
Allan 兄俾左咁多意見你, 希望你可以減肥成功啦!

feifanchun

tokiha-mai  Ching : 加油....Add Oil....祝Keep Fit 成功...下年可與你一同跑比賽..

tokiha-mai

唔該哂各位!!!!!
照足哂各位做法
健康飲食已經幾日了
食少左野 比較肚餓
好野食....屋企人已經冇咩煮好野了

allanccl

原帖由 tokiha-mai 於 2009-10-5 01:14 發表

                               
登錄/註冊後可看大圖

唔該哂各位!!!!!
照足哂各位做法
健康飲食已經幾日了
食少左野 比較肚餓
好野食....屋企人已經冇咩煮好野了

師兄唔洗節食喎，早午晚三餐，每餐都要食飽，食慣左健康食物後，份量可以慢慢減，唔好一下子食少好多=節食，搞到手軟腳軟，唔洗一個禮拜你就放棄了。 小弟絕對反對節食，我認識既人有兩個都係節食變厭食，都死了。
唔好依賴屋企人啦! 發奮d，自己煮健康食物，懶得煮同埋經常出街食亦是減肥失敗既主因。
回想小弟自己煮食及帶飯既日子，小弟煮的健康食物，家人也搶住吃(証明唔會難食的)，所以小弟一煮就是一包500gm的意粉，留起一部份放雪柜做明日帶飯的午餐，吃其餘的做晚餐，一日只煮一次，辛苦極都有限，留多d時間放工後做運動。
師兄，加油! 成功或失敗都係好易的，最重要有決心! 記住婆婆的話呀!