|
|
在這裡特別感謝位skin head 揸旗師兄，冇你完成唔到sub four. 小弟在此鞠一個躬.
前言: 年初8 Sat afternoon 做 GYM做大腿重量訓練, 晚上13℃持續寒冷, 沒有 warm-up 開始用上了8分力跑, 到 3 km 只覺小腿的肌肉繃緊, 腿部仍然冰像石頭一樣硬, 到 9km 尖東海濱長廊洲際酒店, 自長跑小成以來頭一次左邊膝蓋突然劇痛難忍, 幾乎倒地, 腦際剎間閃過毛骨悚然, 驚恐地呆坐著一會兒. 按摩推拿膝蓋休息一下, 站起稍試跑跑,感到很痛,沿著天星碼頭步行去廣東道,感覺舒服番 D, 慢跑 3 km 回家.
28 Feb 2010 渣打馬拉松 ~~ 話說星期日 5:00 am 醒來進早餐 + 1 x香蕉, 乘計程車去 JR + 1x 香蕉, 半馬已經開始, 天氣又焗又熱, 未跑已經出晒汗, 去指定貨車寄背包, 做 warm-up 熱身準備拉筋伸展, 7:15 開始跑, 雖然有7200人跑, 但 42.195 km 仍然是一個人孤獨的跑, 一直保持著有規律穩定速度呼吸和姿勢, 儘管有長達1.6公里的昂船洲大橋段「長命斜」昂船洲大橋, 因為上斜係緩緩咁斜上去起伏不大, 尤其昂船洲大橋在初段, 實際上比預計容易, 上斜之前 highway上和許多師兄背著幾千人小便 . Keep住 5’30內 pacing 過南灣隧道, 隧道內的空氣質素 OK, 經青馬大橋在馬灣折返, 然後回沿汀九橋返回，Highway寬闊唔使逼埋一齊.
到27kmKW 貨櫃碼頭左邊膝蓋突然劇痛, 停一會兒檢查膝蓋, 跟隨慢慢跑, 因為把步速弄亂加擔心膝蓋, 其他的大腿開始大抽搐, 恐怕未能破personal best, 要離開，好容易，間或有 Citybus 經過接中途放棄跑友, 要留低，需要很大的勇氣,腦際剎間閃過男兒當入樽櫻木花道面對球員生命, 但當時看見一個長跑網 skinhead師兄渣住支 SUB-4旗 跑, 支旗幾重, 一定有影響, 我感動莫名, 摸了摸膝蓋, 頂得幾多得幾多啦, 嘗試跟住支旗跑, 打開祕密武器Rocky Balboa soundtrack…………登登登…登登登…漸漸地控制步速, 根本上我對脚同精神上都分裂, 不敢停下來不敢慢下來, 不可能再一次重新 restart 對脚, 吃盡苦頭到達西隧, 看見西隧出口d日光已經差不多係現在最深印象, 除了腳前 3 m 的賽道之外, 世界是空白的, 完全記不到餘下的6公里怎樣穿過 Central 到 Wanchai運動場, 雖然返維園末段真係好難捱, 但我自己重複重複想…一年多期間努力汗水痛苦正正為了最後的2公里, 有許多素未謀面的人在 CWB打氣, 喚醒我最後衝線, 時間 3小時 50分鐘.
能夠在本地的兩項全馬賽道上留上足印，現在已經感到無憾了. 比較兩項全馬, 賽道上中國沿岸馬拉松最難但天氣好, 渣打馬拉松是和潮濕和悶熱天氣對抗.
P.S. 現在仍然全身痛持續中,腳跟腫, 大腿小腿疼痛, 尤其左邊膝蓋咬著牙死忍落樓梯....
[ 本帖最後由 MatthewTse 於 2010-3-1 15:58 編輯 ] |
|
[複製鏈接]
發表於 2010-2-23 17:29:59
發表於 2010-2-23 17:44:58
.gif)
發表於 2010-3-2 01:38:09
