我個11歲女由短跑轉兼長跑分享

ufficiohk

我個女11歲, 入了田徑會練了2年多, 有時教練會叫D細O既去跟D大姐姐跑400M和1500M..跑出的結果教練好像很滿意..1.4米高的人仔, 400米跑1分18秒, 1500米跑6分, 但教練始終認為小朋友這年齡跑這些項目會影響發育, 所以間唔中試下當熱身.沒有正式接受操練
今年趁豬流感放假特別早, 俾阿女走去學游泳, 希望佢健康D, 無拉拉個教練遞了一張水陸兩項小鐵人比賽報名表(遊水會主辦), 膽粗粗經我呃呃騙騙, 她就去接受了第一次的挑戰. 賽程是游100米, 跑1K..可能參賽人少(得10個8個), 她竟然拿到第二名...如是者, 她就連續玩了水陸兩項, 三項鐵人比賽幾場, 有些跑程短則800米, 長至2.5KM.. 算佢肯挨肯博..半年間都拿到了一些獎牌, 阿女對此非常開心與自豪, 我亦當然感到欣慰, 所欣慰的並非是她拿到甚麼獎牌, 而是她居然可以為了玩運動而能早睡早起(並放棄了一些惡習..特別是打機) , 每日放學補習功課後去接受一星期五六天練習, 學業成績居然好左(進步左50名), 我覺得自己好好彩, 當初似戲言的約章:..."玩那麼多運動花好多時間,好支力的, 要早睡早起, 做好功課讀好書, 起碼成績不能比以前差 , 如果唔係就要CUT番一兩樣 ." 阿女竟然可以超額完成

因此, 我覺得, 不要少看一面小小的獎牌, 對小朋友來將確是一大大的鼓勵, 做家長只要從旁輕輕的煽風, 小朋友對運動熱情就會延綿不絕地燃燒起來

一點分享

sleung2002hk

好羨慕~~如果我早多5,6年開始就好啦
運動真係有好多正面既影響架~
我阿媽就成日驚我辛苦~成日叫我唔好跑咁多
但係其實我跑左一年步個陣~~成績都好左....少少
期待師兄既續集

ufficiohk

sleung ching說得沒有錯, 運動真係好多正面影響架.., 在我個人僅有的經驗裏, 除了眾所週知的促進小朋友健康成長外, 有幾點還可以說說:

個人單項上, 例如跑步, 游泳, 單車...等可以培養小孩設定自己的目標, 定這目標前通常我會分析俾佢聽, 例如她目前的實力, 包括她的身型,  跑姿, 步幅, 擺手, 耐力, 變速能力, 等她自己試完感覺到 "有D用" 叫她自己去定 . 這招我在跑步上沒有試過(因為還在起步階段) , 游泳訓練就試過, 覺得非常有用..試舉一例 , 在她游自由式呼吸的姿勢, 我會找些YOUTUBE教游泳呼吸的片段給她看, 然後算給她看 "妳小朋友游50米有60次-70次撥水, 如果撥一次水, 伸個頭出來透氣, 起碼要做30次, 做不好就每次慢多少秒...慢30次合共多少秒.."  其他姿勢如此類推我都試過效果都算十分有效, 當然大部分還需要專業教練去做, 和她自己肯嘗試, 我肯俾錢佢去 "操水"...兩者相輔相成..結果是..她每次試改後, 自己感覺到真的快左,  計一下從參加進階班時要1分鐘游50米, 到現在已經可以游到36秒, 這時間已經可讓她在三鐵項目中不用"包尾"上水  . 試想, 在這短短半年間設定了多少次 "短期目標" (每次快5秒) 改進成績後, 來達到 "大目標"完成鐵人比賽啊 ,

跟著阿女就這樣 被這樣的體育鍛鍊方式"潛移默化"了, 加上我囉唆監督一番, 她把這一招應用到平時的功課上, 特別注重平時分, 然後加加埋埋D平時分, 考試分自然會墊高下啦!  這我自己想只是其中一個原因, 其他可能是:

1. 我不會硬替他做主, 只是 "提示"者的角色, 小朋友最開心者, 我想莫過於 "自把自為"吧, 例如她定下大目標, 如 "攞牌", 我會問他有沒有 "小目標" , 之前的小目標 (幫他翻翻舊帳)做到未等等..最怕她口出大言, 吹大牛, 我自己亦常常警戒自己, 千萬不要隨便要求她拿這個牌, 拿那個牌, 不可吹大牛..以免她有壓力, 我也有壓力, 再而影響親子關係, 更嚴重是對該運動因拿不到獎而失去興趣... 這點是我這幾年間和一些家長交流後的肺腑之言啊!
2. 建立互信關係, 我這樣 "提"佢, 而每次她都很容易達到, 她自己開心, 又有我俾獎勵, 呵呵! 她唔信我先至奇..
重要的是, 她覺得我幫到手, 有些小朋友卻不同, 覺得 "被迫" "不是為自己而玩運動"
3. 我由始至終都會支持佢, 輸左我都會陪住佢, 因為我聽聞過一些小朋友輸了, 她媽媽即場就拉長塊面, 搞到小朋友都好尷尬, 身在其中感覺到氣氛都怪怪的..   其實我覺得小朋友在輸的時候正是一個很好的學習良機, 所謂 "敗不LU"只言鬥志的延續, 之外還有許多....例如可以認識自己的不足, 還可學會欣賞對方, 學習對方的優點..還有我會提"佢"同人握握手, 恭喜下得獎者, 鼓勵下無獎者,  趁這寶貴的時刻訓練一下她的風度, 和做人應有的禮貌..E.Q.. 還有.....下刪萬字.(請自行添加) ..

跑步方面因為我不懂, 所以沒有發言權, 留給CHING們賜教,

alfredyu

你個女真係有體育天份, 今年先學游水就可以50米36秒, 仲有個明白事理的父親 - 父母支持好重要, 肯定佢可以通過運動建立對人生的自信.

ufficiohk

alfred ching 客氣! 其實這個版面上的父母都好支持小朋友的, 好像ALFRED CHING咁就係皎皎者囉!
我很羨慕您可以做到親子跑, 我就做唔到...記得開始玩三鐵時,試過一兩次陪佢跑1KM,  跑到我心口喇住, 頂住, 幾乎想嘔 ,叫佢自己跑佢怕路黑怕悶, 所以轉用單車實行全程陪佢,  又怕自己教壞佢, 所以趁放暑假同佢報鐵人青苗, 等有牌教練train 下佢. 暑假完了, 因路途太遠所以係屋企附近揾條路俾佢跑, 而我就用單車跟著佢, 幫佢CHECK時間(事先可用GOOGLE定距離) ,  有時週六我踩單車,佢跑步去游泳池操水, 游完就在附近食埋飯先返歸, 一路有傾有講, 話題大都和運動有關, 好輕鬆愉快就可以過一天

明年阿女鐵人賽升呢, 第一場陸上兩項賽在1月24日開賽(1.5KM RUN+9KM BIKE+ 1.5KMRUN) , 賽程比11歲以下小朋友DOUBLE有多. 為了俾佢適應, 她鼓起勇氣參加了她的第一次長跑賽 - 南區沙灘跑, 希望她順利完成3K, 體能加強些, 並讓她自己去感受"單項長跑比賽"的樂趣, 見識多些

bluesky

原帖由 ufficiohk 於 2009-11-21 16:01 發表

                               
登錄/註冊後可看大圖

我個女11歲, 入了田徑會練了2年多, 有時教練會叫D細O既去跟D大姐姐跑400M和1500M..跑出的結果教練好像很滿意..1.4米高的人仔, 400米跑1分18秒, 1500米跑6分, 但教練始終認為小朋友這年齡跑這些項目會影響發育, 所以間 ...

加油呀

ufficiohk

原帖由 bluesky 於 2009-12-7 00:08 發表

                               
登錄/註冊後可看大圖

加油呀

謝謝BLUESKY CHING的鼓勵!
BLUESKY CHING D POSTs 我全部都看過了, 很有感染力啊! 你真是一位很民主, 很開朗的父親啊!

作為父親, 很希望小孩子童年時有一段美好的回憶! 親子跑我想是一個絕佳的方式 .  我能可以幫她製造美好回憶的就幫她, 例如幫她和她的隊友們拍些照片, 教她幫她POST到FACEBOOK裡面, 一旦佢唔跑幾年, 或者她看到兒時跑步或其他運動等照片, 她可能會再次提其興趣跑番都說不定..

前兩天阿女又去參加校際田徑比賽, 因為這是她小學最後一年代表學校出賽, 所以我幫她和她的接力隊友拍了些照片POST上網, 就是為了 "日後想當年之用" 啊! 到了明年各人升讀不同中學, 此情此景不再, 之後幾十年剩下的......就只有這些照片, 和幾面獎牌囉!

很奇怪我用了 這個圖像, 因為這隊小朋友三年多來共同努力, 寒溫不懼地練習, 連續三屆在4X100M都險勝對手贏了第一, 衝線時她們開心得哭出來了, 而連續三屆都屈曲亞軍的接力隊員傷心得也哭出來了, 做大人的看到了此刻, 除了被感動外,  真不知道說甚麼好...

ufficiohk

說到親子跑, 我估孖仔阿媽做得最足, 除了陪跑外, 她連田總的教練牌都考埋! 問你服未????

最近她為興趣開班教小朋友跑長跑, 看看成績真是嚇親人...除了孖子獲獎無數外,  剛剛學跑的小朋友於半年多一點的就有..學界3000米B組冠亞軍,GB組800米冠軍 元朗迎東亞小童冠軍., 南區越野跑1500米小童冠軍.大埔運動會1500米G 冠亞軍, UNICEF G組冠軍...這次更加拉隊出戰南區沙灘跑.. , 成班細路仔女都係玩埋鐵人..

阿女本來無壓力就無動力, 這次看到她的幾個朋友也參加了, 好勝的她就心動了!

教練們說她這種性格做運動員很合適, 但做佢老豆就很擔心佢會搏過頭, 所以成日提前潑定佢冷水, 並設定一個比較高的訓練目標俾佢 難一難佢, 到比賽前我先會話佢知這個目標是大人的...哈哈哈...係咁樣厄厄騙騙, 佢就唔會在佢既第一次長跑比賽輸得咁肉酸! 而訓練水平又可以提升   對付這種好勝的小朋友, 我暫時想不出比這招更有效!   想起都笑死自己!

bluesky

原帖由 ufficiohk 於 2009-12-7 17:25 發表

                               
登錄/註冊後可看大圖

說到親子跑, 我估孖仔阿媽做得最足, 除了陪跑外, 她連田總的教練牌都考埋! 問你服未????

最近她為興趣開班教小朋友跑長跑, 看看成績真是嚇親人...除了孖子獲獎無數外,  剛剛學跑的小朋友於半年多一點的 ...

孖仔真係跑得好快, 以前小兒有玩跑賽, 到遇過他們很多次, 當然, 每次都追唔到他們!

2006 南區越野跑

                               
登錄/註冊後可看大圖

2008 元朗青少年長跑賽

                               
登錄/註冊後可看大圖

小兒冇很玩長跑 la, 年半前開始學打乒乓波,

哈哈哈, 我又臨老學打乒乓波

[ 本帖最後由 bluesky 於 2009-12-8 23:19 編輯 ]

ufficiohk

謝謝bluesky ching的分享!

相信bluesky ching 每次翻閱這些照片都有莫大的滿足感吧! 因為我都係咁!
學 “柴九”話齋, 人生有幾個十年,  如每一小朋友在人生的頭十年, 都有父母陪跑, 陪游, 陪玩, 這是多麼的完美啊!  

回想獅子山下孩童年代, 孩童活動範圍不出一村一鎮一區, 父母都忙得要死, 小朋友要玩課外活動要先把家務家課做好才能出街. 如鄰居有大哥哥姊姊帶頭還好, 他們玩甚麼我們就玩甚麼, 如果無就靠學校的課外活動, 好采的被選拔到的家長會簽字, 吾好采的就算你玩運動的好勁都要返屋企幫手做野 , 可況那時最多只有簡單的田徑幾項, 短跑, 擲豆代, 跳遠,跳高等..大部分小學勉強都可以組隊參加小學學屆田徑, 但遊水隊就少之又少囉 !  我雖然入唔到校隊, 但我都好采無王管, 又有架單車可以四圍貢, 放學唔返屋企同D村校同學上山捉跑 “豹虎”, 爬樹, 打蟻巢蜂巢 (自制牛皮椏叉), 捉青蜓,蟬, 金牛; 放假就約埋幾個鄰居小朋友就去溪澗游水, 或者行路個幾鐘去沙灘游水 不知道這算不算是 “野外運動” 就咁樣, 在沒有家長看管下, 我和同學鄰居的童年就咁樣過了!  有時我同阿女提起, 佢都好聽得好過癮, 過癮到買左本 “XX阿馬遜森林探險記” 和 XX野外求生:” 之類的書去睇, 但我亦話俾佢知 個時這類活動的危險性, 隨時無命, 失蹤, D家長都唔知乜事 ,  佢地依家好好采云云, 乜野運動都有家長陪!!

您父子倆興趣真廣泛, 看到都替你高興!  連乒乓波都玩埋.  我就慘些, 阿女要做三項鐵人, 我則要升呢做四五代丐幫弟子, 陪佢比賽, 我起碼要背上四五個袋, 水壺, 相機, 衣服鞋襪, 工具, 眼鏡等樣樣齊全…在起終點轉項區跑來跑去幫佢打氣, 在炎夏氣溫34度, 陽光猛烈下做這家長真係好攞命!!  鬼叫自己鍾意同佢玩埋一齊咩 ! 唯有頂硬上囉!

ufficiohk

上次南區沙灘跑, 原想提高她對跑步的興趣, 只可惜賽前一週, 後十字韌帶在跑2公里後覺得疼, 大驚之下只好放棄比賽.
當日, 我們依然去到淺水灣觀賽, 同佢D朋友仔打氣, 雖然沒有上場, 但仍感受到比賽的歡樂氣氛, 分享到朋友仔獲獎的喜悅!

最近阿女要應付學屆賽, 光是校內訓練已經忙得團團轉, 長跑訓練只能斷斷續續地進行.  個多月來都不敢替他報其他比賽, 只是集中精神應付今年第一場鐵人賽事(1月24日), 跑2KM-踩9KM-跑2KM. 初看這賽程真有點卻步,  要完成的話最起碼要花40-60分鐘, 對一個尚未發育的11歲女仔都米話唔攞命!

為此在賽前一周不得不加長(不加強)訓練, 每晚維持一小時的運動量, 例如拉筋後邊看電視邊踩單車機, 30分鐘重, 10分鐘輕均頻練習(輕重相差一格), 然後即刻出去跑兩次1KM 或一次2KM.   昨晚踩足40分鐘後快砲2K, 時間還好, 約9-10分鐘左右跑完, 跑完仲有氣講野, "比打場波輕鬆咁話"  

[ 本帖最後由 ufficiohk 於 2010-1-20 13:12 編輯 ]

bluesky

比賽前受傷最痛苦, 無奈,難過 !
下次再參加吧!
加油

ufficiohk

原帖由 bluesky 於 2010-1-20 20:43 發表

                               
登錄/註冊後可看大圖

比賽前受傷最痛苦, 無奈,難過 !
下次再參加吧!
加油

謝謝關心和鼓勵啊!

比賽前有傷患的確很無奈的...我看到她在起跑線旁觀看大群小朋友出發時默不作聲, 就知道她在酸溜溜, 腳痕痕的啊!

明天出戰兩項鐵人賽, 女子少年組參賽人數實在少, 得三幾個, 捱得完就有機會俾佢拿獎牌囉!

ufficiohk

昨天得15-16度, 天色陰暗, 但都掩蓋不住參賽者的熱情, 各組比賽順利完成!

阿女和幾十個年齡97/98年兩組的小鐵人一同出發, 初段頭威頭勢, 第一個女仔完成2公里跑 .
在第二段9公里單車賽程以第三位完成單車賽段 ;
在最後2公里跑的賽段上, 我在終點等了又等, 看到佢彈彈下跑返來衝線, 有少許喘氣, 終於完成了佢升呢後第一個長距離賽程
結果在95/96/97/98同距C2組別總名次得第六  

賽後我係咁E問佢點解會彈彈下跑返來, 佢話比我知在單車賽段中出現大腿肌肉抽筋 , 幾乎要中斷賽事落車休息云云, 但捨不得那精美的水晶獎牌(人造) , 所以堅持繼續, 忍住痛跑埋佢... 仲話中途叫個朋友仔唔好等佢, 結果個女仔得第四. 兩人在自己年齡組別各得一(水晶)獎牌

看, 又一次證明獎牌對小朋友玩運動起了積極性的作用 , 心想: 好在鐵人會把獎座和獎牌擺放在起終點附近. 好計!  讚!

作為家長, 只要佢能做到堅毅不屈, 超越自己, 不管有沒有牌我已經感到十分欣慰

alfredyu

恭賀！也對支持孩子體育發展的父母致敬！