香港長跑網  - 長跑長友

 找回密碼
 註冊
搜索
查看: 18892|回復: 274

毅行事後發嗡風區(各毅行隊員回憶錄集中在P.1-2)

 關閉 [複製鏈接]

升級   0%

該用戶從未簽到

發表於 2009-11-24 18:55:58 | 顯示全部樓層 |閱讀模式
..........

[ 本帖最後由 Parco爸 於 2011-10-3 09:39 編輯 ]

升級   100%

  • TA的每日心情
    奮鬥
    2014-5-14 11:12
  • 簽到天數: 92 天

    [LV.6]常住居民II

    發表於 2009-11-24 19:18:37 | 顯示全部樓層
    好, 既然有個咁既POST, 我又發下嗡風, 霸佐個位先


    毅行後的話:

    5個月的準備,4個月的操練,挑戰終於來臨。

    口中雖說不緊張,但身體的反應騙唔到自己,出發前1星期,不斷吃多點東西作儲碳準備,但食完又必定回吐,體重不增反降,身體機能又失調,心中的憂慮漸漸湧現。

    出發日,大家高漲的情緒及環境,令我忘記一切,一心一意向前進發。每到達一個檢查站,就表示已征服一個關卡。每到達一個支援站,見到一個一個親切而熟悉的面孔,令我感到無限的力量。支援成員每一個眼神、每一個笑容、每一個動作或每一句說話,都令我忘卻痛楚、疲倦及寒冷。

    B隊隊員經過5個月的相處,他們心中的目標我是知道的,我曾經自責,為何腳仔那麼早開始投訴?一路上太多太多的為何,可能這又是上天的安排。好多謝隊友的不離不棄及沿途照顧,令我可以靠自己的雙腳去完成這100公里,令我可以精神奕奕地享受這100公里,這100公里我是完全沒有空白過。

    從網上收集捐款至活動後各位的留言及慰問,我完全感受到,其實B隊已經打勝了一仗。當然,亦有好多人會話唔值得,但無論怎樣,我始終覺得非常值得。

    如果要我選擇,要嬴時間定嬴友誼?當然雙嬴就是最好的,但若只能2選1的話,我一定選擇友誼。我和隊員、十卜成員及幕後軍師之間的友誼,是無人可以搶走的。

    想質疑我隊隊員是否真的合拍?是否真的4個人8條腿一條心?不用問,看相片吧!!!

    同一個步伐.同一個目標
    300_0871.jpg


    [ 本帖最後由 running-sue 於 2009-12-1 23:28 編輯 ]

    升級   0%

    該用戶從未簽到

    發表於 2009-11-24 19:21:30 | 顯示全部樓層
    我的毅行回憶錄太長..............啦,不放上來了,各位如想打發時間,或幫助睡眠者,請入小弟blog內睇啦...現時進程已準備離開城門..

    http://www.longrun.hk/forum/viewthread.php?tid=2966&page=171#pid412161

    [ 本帖最後由 亞平 於 2009-12-1 12:56 編輯 ]

    升級   0%

    該用戶從未簽到

    發表於 2009-11-24 21:30:06 | 顯示全部樓層
    柏爸的發嗡風真係好詳盡喎....

    其實我於23號就寫了篇毅行後記啦......
    放在o係我個blog入面,可能冇乜人留意~~
    有時間睇下啦~~~


    [url=http://www.longrun.hk/forum/viewthread.php?tid=2808&page=87#pid411889]http://www.longrun.hk/forum/viewthread.php?tid=2808&page=87#pid411889[/url]

    [ 本帖最後由 曲奇 於 2009-12-3 16:48 編輯 ]

    升級   27.6%

    該用戶從未簽到

    發表於 2009-11-24 22:01:49 | 顯示全部樓層
    毅行當日的經過在各大blog均有描述, 待小弟補充一些個人所見所聞和感想.

    我幾年前已行過三次毅行, 沒想到會有第四次!
    好一段時間沒有再行山, 起初只是想和大家一起練習, 因當時AB隊的目標為25小時,
    對一個參加了三次毅行, 最佳時間只是35-36小時的我來說, 25小時真是個遙不可及的層次.

    之後知道隊友們全無毅行經驗, 而一再確定25小時為完成目標,
    心想如我連參加的勇氣都沒有的話, 真是太差勁了!
    就這樣, 加入了Sue的791小隊(B隊).

    還記得第一課操練是麥徑第一至二段, 當時(五個月前)的情況尤如昨天發生, 因實在令人難忘!
    Sue隊長: 弱質女子, 上西灣山時腳軟軟, 落山時腳震震, 回到西貢時腳拐拐;
    亮哥: 退休中年漢, 東壩都未行到(少於10km), 貌似爆左和冇貨;
    John兄(前隊員): 年輕力壯, 但又和大家格格不入, 似有代溝的問題;
    平兄(後成為隊員): 私生活極不檢點, 行山時裙拉褲甩, 唯一的優點是揹著一間"平記士多";
    而我則自小欠缺運動, 近年才愛上跑步, 腳傷多多, 舊患未清.
    不是說笑吧! 這種組合, 可否完成100km都是一個疑問 ...

    反觀A隊就不一樣:
    有毅力型的屈老大, 耐力型的Alex, 力量型的Kopo, 和行山多過行街的勝哥.
    當時慶幸自己入了B隊, 反正都不太相信自己可於25小時內完成毅行.

    隨著操練的增加, 隊友們的實力開始提升:
    隊長上下山時已沒有腳震震, 間中會領頭快放;
    亮哥可邊快行上山(如大帽山頂), 邊唱懷舊流行曲而不會喘氣;
    平兄健步如飛, 經常揹著背包飛奔入洗手間飲可樂;
    這樣的改變, 不是單單行幾次山可做到的.
    應大家默默地下了一番苦功, 才能有此變化!

    慢慢地, 大家的信心和默契開始增加, 目標初改為24, 之後再改為22小時.
    時光流逝, 比賽日趨接近, 各人也十分珍惜每次操練機會, 有局必到已成習慣.

    不知不覺間, 毅行正日來臨, 眾人懷著興奮的心情去迎戰.
    但世事就這樣奇妙, 活著就充滿挑戰, 我於毅行前幾天觸動舊患, 連普通的步行都有痛楚, 心裡有點擔心.

    毅行當日起步後, 每步慢跑小腿均會傳來痛楚,
    但知道只要跑到東壩, 往後的上下山便可改步姿, 改變用力的方向, 痛楚應會減少.
    之後十分順利地去到水浪窩, 路程已完成三份之一, 痛楚已受控制, 心才定下來.

    吃過晚餐後, 發覺隊長步速慢了下來, 初時只以為入夜天氣冷加上大風, 和她手電筒的問題.
    但在茅坪看到隊長除鞋的時候, 知道情況並不樂觀!
    隊長平常不會輕易浪費時間, 於小休時除鞋, 只有在極度痛楚難當時才有此需要.
    更知道隊長一定會一聲不響, 獨自強忍痛楚, 去完成一個超越雙腳負荷的任務.
    說真的, 那一刻有過放棄的念頭.
    當時路程尚有大半要走, 只有我自己剪手帶, 才可終止隊長的痛楚.
    但想到這樣做雖可終止痛楚, 但隊長應會更加自責及難過.
    再看看隊長堅定的神情, 放棄己從我腦海裡消失.

    另有一事要提一提, 在城門水塘時, 我是最後離開Support Team的據點.
    原因是被Parco爸捉住, 他說不要再勉強, 怕隊長腳痛加深, 慢慢行, 完成便算.
    當時我只是隨便應了幾句, 心想如要放棄目標, 早於基維爾營已做了, 現時已無任何可改變791的決心.

    之後第七段一齊行, 第八段天亮後發力, 要於隊長到達CP前完成一些鎖事,
    如換制服, 安排我和平兄的早餐(我食野比較慢, 而平兄則要時間入洗手間多食一樣小吃),
    所以在上大帽山途中要求Support增援, 目的在於節省CP等待的時間.

    隊長當然冇令隊員失望, 繼績完成了沒有止痛藥的第9-10段, 最後以達標的22小時多完成100公里!

    對我來說, 毅行不是100公里的路, 而是四個多月的過程.
    十分慶幸能成為791的一份子, 亦慶幸有一班支持791的Support Team和朋友!

    如時光可倒流, 我依然會加入791小隊, 和大家一起努力, 一起擁有難忘回憶!

    P.S. 這張相雖不似四人合照, 但細心一看, 三人眼裡均有亮哥的影子!
    IMGP2314_small.jpg



    [ 本帖最後由 Patrick 於 2009-12-2 21:29 編輯 ]

    升級   78.3%

    該用戶從未簽到

    發表於 2009-11-24 22:03:36 | 顯示全部樓層
    C 隊唔執輸, 留位...

    升級   0%

    該用戶從未簽到

    發表於 2009-11-24 22:11:57 | 顯示全部樓層

    回復 1# 的帖子

    Parco爸真係冇得頂~

    升級   0%

    該用戶從未簽到

    發表於 2009-11-24 22:19:29 | 顯示全部樓層
    亞亮的毅行感想

    回想今年四月尾拉筋拉傷了左髖關節,醫生命令唔准做任何運動休息兩個月,所以當時見到話報毅行等抽簽,小弟都唔理,因為髖關節就是痛、痛、痛。六月中的時候,有人PM小弟問有無興趣毅行,對毅行一無所知的我就話要試吓對腳跑唔跑得先決定,落運動場試過慢跑,又好似好番好多咁,所以就應承參加,當時見A隊好似好強,唔敢加入A隊,而B隊是個女隊長,雖然一早都知她不可睇少,都係揀咗B隊,內心十五十六,一方面怕自己未好得番晒,會越弄越傷,另一方面又怕拖累佢地。好想拒絕,但又好想試吓,結果連續兩個星期都打風落雨取消,直至七月頭才操第一課,那次好甘,原來佢地麥徑一段已經係咁跑都唔理上斜定落斜---完全違背左約操山既
    操練方式 : 平路/落斜慢跑,上斜/上山行,總之就是跑、跑、跑。食左止痛葯死頂咁跑,到上西灣山,兩個月完全無跑步,一跑番步就係咁激烈,難為對腳已經抽筋抽到九彩,幸得壞人兄借膊頭給小弟扶住做拉筋,拉鬆番少少後,全部人都走晒,為了跟上大隊,雙腳抽住筋係咁追,唉!最後都總算完成麥徑一二段。回家之後來個自我檢討,究竟自己好番未呢?最後不知是自我安慰定係了解自己,認為係傷病休息太耐,體力未回復狀態。比多次機會自己,同時每日自己加操上斜及行樓梯鍛練。
    接住落黎既操山,體能一次比一次好,因為知恥近乎勇,淨係得自己知道自己傷患初愈,其他人原來唔會體諒你,只會用怪責既眼神望你,所以的起心肝,每朝早上都由屋企跑去石澳隔離既大浪灣,摸一摸第二號救生亭就回頭走,這條路線有成二千級石級,又有1.5K既大斜路--龍躍徑,又有少許山路,短短地,但係功效非常好,感覺到以前的體力不但回復了,而且比受傷前更好添。
    接住落黎既操山,多次都令小弟失望,其中一次最難忘,亦係最唔開心既,就係一個曾經參加多次毅行既隊友,大家心目中都希望佢提點一吓,點之,一次又一次令人失望,佢有佢自己行,隊長和我地三個人迷路既事竟然會發生,心中極之不快,咁既隊友,何來團隊精神,算了,唔好再指意佢;好彩發現隊友平兄原來講嘢風趣幽默,隊長又經常對住小弟個鏡頭笑,咁就捱埋去啦。跟住之後的操山,發覺自己的體力同佢地已經有一段距離,有一次行麥徑7-10,起初7-8段小弟同A隊既力士兄只用了兩個鐘頭四十五分鐘,到左大帽山小食亭等左一個鐘其他隊友先到齊,為維護團隊精神,由該日第9段開始小弟決定以後會全程殿後,其實殿後好辛苦,前面d隊友慢吞吞時,對腳要一吓一吓咁行,好難受,如果可以跑,慢跑係舒服過行的。
    其實只想解釋下操山初期既身體狀況,以正視聽。
    唔想再寫落去,因為傷害人的事不能說,過去了的事不想再說。
    總括來說,毅行是人生裡非常難得既經驗,好多謝SUE隊長同各隊員並且各支援隊隊員!


    [ 本帖最後由 allanccl 於 2010-1-31 21:24 編輯 ]

    升級   100%

    該用戶從未簽到

    發表於 2009-11-24 22:21:45 | 顯示全部樓層
    提示: 作者被禁止或刪除 內容自動屏蔽

    升級   0%

    該用戶從未簽到

    發表於 2009-11-24 22:33:53 | 顯示全部樓層

    升級   0%

    該用戶從未簽到

    發表於 2009-11-24 22:34:38 | 顯示全部樓層

    升級   0%

    該用戶從未簽到

    發表於 2009-11-24 22:36:17 | 顯示全部樓層
    "約在兩個月前B隊各人已開始籌備十仆工作,我聽著他們愈說愈多,愈說愈複雜,心想我不是只當司機一職嗎! 呢鑊我又奶嘢啦,但既然應承咗,總要做好呢份工,聽過各人毅行當日要求、需要,我亦不敢怠慢,為佢地準備各樣事宜。"

    P爸你奶嘢唔止呢鑊..你回心諗下..
    起初是司機...簡單D易做易落搭.
    然後是陪操...其實是想拉你落水做後備,可惜不多成功
    再來是十卜隊長...既然是隊長梗係狗屎垃圾都搵你既啦..

    未完..有鑊更加大鑊既等緊你...出年毅行....你落場玩又死,唔落場玩你都做死...你點揀?



    升級   0%

    該用戶從未簽到

    發表於 2009-11-24 22:41:07 | 顯示全部樓層
    各隊員終於比預期早30分鐘出現我眼前,個刻各人都好興奮,我地即帶各隊員到開壇位置,各隊員各自補給後、進食,過程中因行李太多難於辨認,差D遺失平兄小包(從未見過他咁緊張,估計內裡是一包香煙) ,各組員忙著幫各人補給各樣事,轉眼十多分鐘後,時間判官P兄大叫12分鐘啦,平兄叉電後即趕回來,Sue即刻加穿長褲,亮哥、P兄亦點算所需用品,各隊員再次出發。

    反駁..個小包裡有件新買的保暖內衣,CP2開始,由於只穿網T,凍死咁制,來到cp3,梗係緊張取回件內衣,唔係漫漫長夜點捱落去..至於尼古丁,我分別收埋2個秘密地方,唔會講你知既.

    升級   0%

    該用戶從未簽到

    發表於 2009-11-24 22:44:41 | 顯示全部樓層
    寒風比隊員們更早到達,冷風撲面而來令我地個心愈是冰冷,組員們跑到小食亭買來各式熱飲,在此冰冷天氣下一杯熱奶茶到肚,感覺就是世間最好飲品,在此說說,為免隊員途中出現攪肚情況,各隊員喺嚴禁飲用非指定飲品,亦即是只有水、水特、味精湯選擇,而呢杯熱奶茶令我想起平兄,佢除左愛平嫂之外就只有奶茶,只怕佢見到情願放棄餘下路程都要一口而盡,


    奶茶確是我至愛,尤其是果晚天寒地凍,簡直是救命茶,你地估下我全晚飲左幾多杯?

    升級   100%

  • TA的每日心情
    奮鬥
    2014-5-14 11:12
  • 簽到天數: 92 天

    [LV.6]常住居民II

    發表於 2009-11-24 22:47:44 | 顯示全部樓層
    唔係喎, 每個人寫番一篇, 等我整理好, 整個記念版(pdf/hardcopy)好喎

    升級   0%

    該用戶從未簽到

    發表於 2009-11-24 22:48:21 | 顯示全部樓層
    原帖由 上水馬王 於 2009-11-24 22:33 發表


    留番俾壞人做啦

    X 2 過左幾日,而家好多野都唔記得使,個心已經諗定明年再戰毅行~

    升級   0%

    該用戶從未簽到

    發表於 2009-11-24 23:13:29 | 顯示全部樓層
    奇實當日小弟係冇咁早到的...
    當日係諗住去到西貢歎個茶先慢慢因時間去cp2,點知我係鑽石山入完補充物資正想上巴士入西貢碼頭時,有個啱啱到香港的印度人問我點搭94去"阿公灣",我見佢咁無助咪叫佢跟住我搭車轉車囉...結果神咁早到咗cp2。

    p.s. 其間佢係咁問我嘢...問我做邊行,去西貢做乜,又問我手上楂嗰三碌嘢係乜,真係俾佢考起...(行山杖英文係咩?)...好在sue兄枝杖上邊有少少英文描述...我叫佢自己睇好了

    升級   0%

    該用戶從未簽到

     樓主| 發表於 2009-11-24 23:14:44 | 顯示全部樓層
    當日最衰是電話無足夠電...
    好多朋友們來電查問情況都只能極速傾30秒就收線...
    在此說聲對不起...

    升級   100%

  • TA的每日心情
    開心
    2016-10-8 23:29
  • 簽到天數: 2 天

    [LV.1]初來乍到

    發表於 2009-11-25 00:32:04 | 顯示全部樓層
    睇完真係好感動呢~~~練左咁耐~~~又咁辛苦
    成功感真係完全唔同架~~未玩過真係FEEL唔到架
    哈哈~~人生起碼玩一次呢

    升級   100%

    該用戶從未簽到

    發表於 2009-11-25 02:09:32 | 顯示全部樓層
    原帖由 上水馬王 於 2009-11-24 22:33 發表


    留番俾壞人做啦


    擺咗响隔離添
    您需要登錄後才可以回帖 登錄 | 註冊

    本版積分規則

    香港長跑網

    小黑屋|手機觸屏版|電腦版|Archiver|香港長跑網 |網站地圖

    GMT+8, 2016-12-3 19:41 , Processed in 0.231908 second(s), 28 queries .

    Powered by Discuz! X3.2

    © 2001-2013 Comsenz Inc.

    快速回復 返回頂部 返回列表