我的練跑日誌

Samuel

遲先寫返點解/樣開始跑長跑…

[ 本帖最後由 Samuel 於 2010-1-25 15:03 編輯 ]

Samuel

清晨五點起床，只係瞓咗約四個多小時，兼瞓得吾係幾好，吾知係咪上次錯過咗部專車，所以發夢今次又錯過部專車，夢裏仲講吾會好似上次咁搭的士，而且仲係個好籍口吾去，聽講今次條路比上次難，整晚就發咗啲咁無聊的夢。最後都準時起床、冲凉、刷牙、收拾行裝，5：35出發，今次好順利找到部專車，差吾多七點先至到達北潭涌，拿號碼布、換衫褲、寄存行李、影埋張團體相，時間已經七點半，肚吾舒服，想去厠所但又鬼死咁多人，攪攪下上到起點已經七點十，結果係冇熱身兼肚吾舒服下起跑。
經過0.5km平路就上斜坡，越跑越急，想溫過草叢解決，但一來不雅、二來比人影低擺上網就一世囉，咁唯有繼續跑，大約3km或4km 後，終於有厠所，咪那那聲走去解決啦，入咗去都未有十五秒，都吾知的人點解吾明寫注“使用中”就即是有人用緊，係咁用力開門，嚇到我大聲叫“有人呀”，出邊個人竟然問係咪有人呀？真激死！唯有快快攪掂，不過出來時個位姐姐都講咗聲“Sorry”。
好！繼續！跑到堤壩，開始有車經過，唯有小心啲啦，跑過尼段平路，又開始上上落落的路段，每次上斜睇到有跑手行，都令我想行，但念念如果連尼點嘅堅持都無，咁我應該吾來跑，留在屋企瞓吓覺，就咁一路跑到約十五km，忽然覺得右小腿有一吓抽筋，停低check吓，好似無事，咁又繼續向前跑。
前面有位弟兄著着件衫有聖經金句，腓立比書三章十三節「忘記背後努力面前」，沒錯，前面跑過的路已過，現在要努力完成餘下嘅路程，一路跑到起程時嘅斜路頂，以為只需要跑落去就完，點知吾係落去，而係要轉右繼續跑，望吓好似仲有好長段路，果刻真係有啲灰灰哋，唯有同自己講“努力”，到約十九km，又有一下抽筋，行幾步又可以跑，最後一公里感到自己仲好有力，打算爆到終點，但又有抽筋嘅感覺，只好慢慢跑完啦，好過完成吾到。
總結，比起上次雖然沒快到，但今次應該係難啲，能夠完成都好開心。
8 14:17

                               
登錄/註冊後可看大圖

2010-1-18 14:17

                               
登錄/註冊後可看大圖

[ 本帖最後由 Samuel 於 2010-1-25 14:56 編輯 ]

Samuel

我的第一次鄧記練跑
當仲住係屯門桌爾居時，便常見樓下鄧邵堅運動場有班人練跑，後來無意中在網上發現長跑網，哦原來佢地係長跑網既師兄師姐，但知道又如何，佢地跑得咁勁，我就吾使睇都知係屎，兼三吾識七，無啦啦點黏埋去喎，雖然平時我係多嘴，但其實我既怕羞又怕瘀，咁點算？無法啦，既然定要完成一次馬拉松，自己一個又唔知點練跑，為由硬頭皮+厚面皮參加下佢地的活動，攪二個幾月，屋都搬埋去大角咀，今晚先dig 起心肝，放工走入屯門鄧記跟操。
多謝wong sir指導，係練習時亦多謝kin提點，新學時唔好心急，先學好個形，真有道理，我會好好注意。由於我係新來，wong sir 另有安排，唔使跟大家跑Interval，只係跑十五個圈，本來跑十五個圈係好平淡的事，都係咁跑啦，精彩既時刻係係十二/三圈時，跑跑下感受到後面有股壓迫感，有位師姐係咁跟貼，攪到我都唔知點算好，當時令我想起周星馳的電影，阿叻大叫「師太做吔追我呀？」周星馳就話「你成轆葛咁，唔追你追邊個喎。」我就念我身形似個ball，佢唔係想踢我呀？我都想大叫「師姐做吔追我呀？」總之比佢追到我氣咳，最後我收步投降。
總括，今晚學一鍛鍊既動作，得到wong sir 提點要減磅，我會努力。

[ 本帖最後由 Samuel 於 2010-1-19 09:46 編輯 ]

亞平

原帖由 Samuel 於 2010-1-19 00:58 發表

                               
登錄/註冊後可看大圖

我的第一次鄧記練跑
當仲住係屯門桌爾居時，便常見樓下鄧邵堅運動場有班人練跑，後來無意中在網上發現長跑網，哦原來佢地係長跑網既師兄師姐，但知道又如何，佢地跑得咁勁，我就吾使睇都知係屎，兼三吾識七，無啦啦 ...

被女追...會是一種動力...想當年小弟唔止俾女追..仲俾女界...界到滿身傷痕...依家見到身後有腳步聲時...都有D驚驚地...

恭喜開BLOG....繼續寫....繼續跑...繼續進步啦..

Samuel

摘引自 http://run.idc.scu.edu.tw/faq/faq.php
提倡"跑無痛苦馬拉松"的觀念，許多人為了成績，用高於自己能力的配速跑馬拉松，固然完成了，但是跑42K的過程卻一點也不令人懷念，因為處於有氧與無氧的灰色地帶，表情是絕對笑不出來的。其實對於業餘者來說，健康已經在準備參加賽事的過程中獲得，不是在跑完那一場比賽而且是幾小時幾分跑完才能有健康的回報。用十分的力氣練習，用九分的力氣參賽，才能享受比賽，微笑通過終點。跑完的感覺應是意猶未盡，不應該是歷劫歸來，氣若游絲，舉步艱難。我們不是古時希臘的那一名傳令兵，跑完力竭倒地，而是永遠有很多賽事在等我們微笑完成。

bello

偶然路過,看見師兄寫得很有趣
再看下去,很有意思
特別是最後這篇
謝謝分享！

happy running!

喪Ken

原帖由 Samuel 於 2010-1-19 00:58 發表

                               
登錄/註冊後可看大圖

我的第一次鄧記練跑
當仲住係屯門桌爾居時，便常見樓下鄧邵堅運動場有班人練跑，後來無意中在網上發現長跑網，哦原來佢地係長跑網既師兄師姐，但知道又如何，佢地跑得咁勁，我就吾使睇都知係屎，兼三吾識七，無啦啦 ...

鄧記啲ctse 都十分利害...小弟都成日俾佢地追/界到氣咳...

燉奶佬

歡迎ching 加入西北塔利班，放心他們一定會將你訓練成恐怖分子的。

亞平

原帖由 Samuel 於 2010-1-20 11:29 發表

                               
登錄/註冊後可看大圖

摘引自 http://run.idc.scu.edu.tw/faq/faq.php
提倡"跑無痛苦馬拉松"的觀念，許多人為了成績，用高於自己能力的配速跑馬拉松，固然完成了，但是跑42K的過程卻一點也不令人懷念，因為處於有氧與無氧的灰色地帶，表情 ...

好似講緊我...最近大半年..場場賽事都跑到死死下....平時自己跑時才可以感受得到跑步樂趣....但我不會刻意去改變..因為我覺得這是一種過程，我必須要經歷的過程...我會順其自然而努力取得二者間的平衡...時間與樂趣間的平衡..或者在下一個階段，我可能重回以前..做番個悠閒而開心的長跑者...

Samuel

第一次參加長跑網的活動，便是逢二、四的從荃灣花園出發的青公夜跑，那晚只有領隊Tarry師姐及另一位也是新來的Ecco師姐，就只有三人，好不冷清噢！但冇問題啦，反正跑步本來就是一項個人的挑戰。雖然我們都是第一次見面，都只是簡單的打招呼，然後便沿著荃灣碼頭海旁邊跑上青山公路，原來這裏夜景真的很美，遠望可看見青馬大橋，旁邊是靜靜的大海，在上停泊幾艘船，間中亦有船隻在海面上漫漫地畫出一度輕輕的波浪，跑上青山公路後，經過石灘或沙灘，還可以聽到浪泊打的聲音，時快時慢，時大時小，確能使人忘掉繁喧，即使不跑步，亦都可到這裏來慢步觀光。我們三人一直跑至酒店的位置，然後分道揚標，二位師姐折返荃灣，而我繼續往屯門方向前進，到達大欖時已經八點四十五分，老婆還等我晚飯，而自己也沒有什麼鬥心，便坐K51回家去。

Samuel

早上九時多起床，感覺還是很困倦，刷洗後往食早餐，其間收到通知下午五至六時要在家等收Sofa，心裏盤算今天跑步該如何安排，食完早餐回家再定案。
約十二時正在廁所辦公中，訪客對講機響起，心念唔係又call錯呀？尼兩日管理處都將D座裝修攪錯成B座，又打電話又call上問係咪裝修，都話唔係啦，係人舒暢當中煩住晒，真係唔想應call，但係咁響，為由拿拿聲攪掂接聽，如果尼次又攪錯，一定要去投訴，結果係送Sofa，十二點就送到，好野！唔同尼個係神既安排，讓我何以試試自己跑長課既能力。
約下午一點到達荃灣碼頭，稍作熱身，便開始往大欖跑去，今午沒有陽光，溫度不算太冷，但有風，總括來說，我認為今午的天氣對於跑步是適合的；由於上次未能跑畢荃灣碼頭至大欖來回，而今天要走的比上次還要多十多公里，所以一路看手上nike的計速器，保持約6分半一公里的慢速度，其實我跟本都跑唔快，呵呵呵！另外隻錶係運動場用都ok，係街上用就唔人準確，雖然係咁，但好過冇啦。
大概用一小時二十分到達大欖K51巴士站，稍作休息，然後便往回跑去荃灣碼頭，這時開始覺得肚餓，原來我冇食午餐，好彩有天鬼師兄係ccm比賽時比我既power gel，講起仲未比錢天鬼師兄，跑到返深井，即刻去七仔補水，見到有腸仔飽，價錢都冇睇，就買啦，邊行邊食，食完又開始跑，大約係汀九上斜遇到城城師兄，佢跑緊去屯門，奇怪得佢一個唔見貓貓師姐，後尾得知師姐病，我倆打個招呼，然後各自跑往目的地，用二小時四十五分回到荃灣碼頭，雖然倦但有信心可以再跑遠，回頭再往大欖跑，雖然好倦但都捱到深井，在這再次補水及食埋第二包gel，然後以超慢速前行，差唔多一公里就到直路迴轉處時，再遇上從屯門回來的城城，打過招呼又繼續，今次在迴轉處便回頭，開始提唔起勁，越跑越慢，越來越凍，心只想快快到深井完成今天的旅程，實在冇勁，最後兩公里是行回來的，回家上google map度下，應該都有三十八/九公里。

[ 本帖最後由 Samuel 於 2010-1-25 15:05 編輯 ]

亞平

原帖由 kenneth 於 2010-1-25 14:56 發表

                               
登錄/註冊後可看大圖

小弟跑全馬都冇閣下咁勤力...真大鑊...

晶哥咁叻仔..一跑就38-9k...話時話...自09年渣馬後...都未跑過超過38公里，(澳馬例外)....
寄望2月7日終極一課可破晶哥記錄啦~~

Samuel

原帖由 kenneth 於 2010-1-25 14:56 發表

                               
登錄/註冊後可看大圖

小弟跑全馬都冇閣下咁勤力...真大鑊...

老大，以你老既實力，唔使點操都冇問題啦，而且小弟都只係偶然發神經啦…

Samuel

原帖由 亞平 於 2010-1-25 15:05 發表

                               
登錄/註冊後可看大圖

晶哥咁叻仔..一跑就38-9k...話時話...自09年渣馬後...都未跑過超過38公里，(澳馬例外)....
寄望2月7日終極一課可破晶哥記錄啦~~

平師兄見笑啦…

Samuel

原帖由 oscar 於 2010-1-25 15:27 發表

                               
登錄/註冊後可看大圖

晶哥，唔好再跑咁長啦！如果唔係會手尾好長........其實可能你已經賴咗嘢啦！" />" />

O兄.......同意.......

Samuel

原來已經有七、八個月無update，哈哈哈! 最近報左幾個賽事，兼希望渣打跑全馬，又係時候開始用心練習啦。<br />
一直都想由荃灣跑往屯門，上次430跑到黃金比平兄叫左上車，未能到達屯門有點感失望，星期二見到平兄約跑，B兄又承諾領跑兼背行李，點能錯過咁好既機會，即刻向老婆大人請示，就咁樣星期三晚決定跑荃西至三屯門。<br />
岩岩一出荃灣西鐵站，平兄既追命call就到，拿拿林買水後就即係到碼頭會晤平兄及B哥，B哥話天氣唔好，擔心我跑唔到屯門，建議以小欖為第一目標，當然平兄係以鄧記為終點; 稍稍熱身後便起跑，開始時大家都慢慢跑，B哥一邊跑就一邊同平兄談心，講講下講到跑步Gel頭，B哥認為平常練跑唔需要Gel頭，比賽先至就有需要，但平兄話唔Gel頭點都唔得，儀表好重要，比d師妹(s)見到無Gel頭，以後點...點算喎! 兩位師兄就咁一路跑一路爭辯，大約四公里後，平兄終於頂唔順，大步離我們以去，B哥要領我慢跑，無辦法只有陪住我蟻跑，好辛苦下終於到三聖。<br />
今日:17k

[ 本帖最後由 Samuel 於 2010-9-5 20:33 編輯 ]

燉奶佬

終於又有野睇勒！你當天有跟平兄gel頭跑嗎？