星期日明報，如果由我來搞馬拉松．．．莊曉陽

hychong

http://news.mingpao.com/20100228/vzb1h.htm

kofelix

如果好似佢講既咁,真係好正~

不過太"夢想"啦....

Anthony

莊兄的意見我非常同意，尤其是覺得賽會欠缺熱誠，似乎渣馬是例行公事，一切都照舊、翻抄，T-恤一樣(唯一是改左年份)，電視廣告都翻炒。

好多安排都不是為推廣全城運動，例如設時限，令新手不能以自己的步速完成賽事，我中段放慢，到25K後已成為後排，各補給站已陸續關閉，香蕉固然無，水也剩下很少，好像要懲罰你跑得慢，阻住清場。講到清場真係快手，我在奧運站時竟然有架貨VAN駛入嚟賽道搬物資，工作人員是截停我，而不是截停架車，究竟是賽跑還是賽車？有冇尊重過跑手呢？

捱過西隧後雙腳已磨損，決定放棄，預備做網中人，想搵救護員攞塊膠布，在快到港澳碼頭時，見到有救護員，但只見他們急急地收拾行裝，速步離開，我嗌也嗌不住，又有一種被遺棄的感覺。

所以要藉馬拉松推廣全民運動(可能是我一廂情願，這並非大會的目的)，應該先要尊重一下能力較弱的跑手，多點照顧、鼓勵和支持，才能吸引更多人參與長跑活動。有機會我都要到外地參與下真正的馬拉松體育運動。

shogikin

好方法呀
同地產商一齊搞

未吹有西九藝術區之前
邊有聽過地產商搞藝術呀

政府吹個
東九龍運動區
咁d地產商很快很重視運動

Kin in Running

[ 本帖最後由 shogikin 於 2010-3-2 16:26 編輯 ]

kalok

呢位莊生資料準備好似麻麻......
"誰是我們馬拉松的搞手？我們也不知道。他們是誰？有沒有到外國考察一流的比賽？他們跑什麼成績？甚至有沒有參加過馬拉松比賽？"-----場刊有講.

hychong

Kalok君，謝謝補充！

我沒有參與渣打馬拉松，沒有機會收到場刊。我是看過網站才行文，但裡面找不到有介紹主辦者的資料。是否也應該在網站上講呢？

若果有經驗，是否更應該妥善一點呢？看到跑手辛苦，真係好唔開心，香港跑手應該有更好的比賽。

馬飛

渣打果邊話 係新年後攪係因為
怕封左d主要幹線會對物流有影響喎........

剛剛睇有線就有個議員出泥講話
星期日封~跟本對佢地物流完全無影響

pires7

賣名額比慈善團體呢個做法幾好, 可行性應該都係最大.
改賽道改時間, 佢地會做o既機會微乎其微.

utt

我覺得年年渣打馬拉松都加名額係有d重量不重質，
如果賣比慈善機構，參賽者要價高者得，
未嘗唔係一個控制人數之餘又賦予比賽更大意義既方法。

但話分兩頭，香港咁細既地方成日都話要爭咩咩城市第一、地區第一等等，
我自己係有「以有涯隨無涯」既感覺。
香港地資源就得咁多多，醫療、經濟、文化、體育、教育…
認真數分分鐘仲多十樣八樣，樣樣都要搞，
邊得咁多資源滿足咁多要求，所以講到尾都係優先問題，
時間未到就算點講都無用。
同埋依家跑上公路其實都塞人，如果跑市區塞人情況會唔會仲嚴重呢?

forget

唔敢話無可能,但筆者建議條賽道成功舉辦嘅機會真係大家都知有幾大,尋日睇報紙已經有舖頭話無晒生意,賽後亦唔見有跑手幫襯,要成功爭取跑入鬧市,首先都係要解決咗商舖嘅利益問題,邊個做得到

kofelix

原帖由 utt 於 2010-3-2 10:56 發表

                               
登錄/註冊後可看大圖

我覺得年年渣打馬拉松都加名額係有d重量不重質，
如果賣比慈善機構，參賽者要價高者得，
未嘗唔係一個控制人數之餘又賦予比賽更大意義既方法。

但話分兩頭，香港咁細既地方成日都話要爭咩咩城市第一、地區第一等 ...

但搞搞下會唔會變左質,窮人連馬拉松都冇得跑呢....??

utt

原帖由 kofelix 於 2010-3-2 11:32 發表

                               
登錄/註冊後可看大圖

但搞搞下會唔會變左質,窮人連馬拉松都冇得跑呢....??

所謂價高者得其實係指籌款額，當然唔係話搞個拍賣會啦
同埋馬拉松/長跑比賽其實仲有好多選擇丫，
睇唔到話非渣打唔跑既理由。

colemen

我不敢講賽事無械可擊, 但渣打變得一無是處或二流, 我就覺得對策劃的工作人員不太公平. 至少由十公里與半馬全馬分流, 到今年有昂船洲大橋, 每項都是得來不易的改變.

我認識一個大肥仔, 差不多三百多磅, 在很多精英或跑得快的朋友眼中, 佢係一個阻街份子, 但係佢最後用 1 小時 45 分完成人生第一個 10 公里, 獲得身邊朋友一致驚嘆及好評.

但若果用左另外一些方法, 大家可能會跑得輕鬆 D, 會開心 D, 但係我呢位朋友就未必有機會參加, 因為價高者得, 要籌到一千幾百才可以參加, 你可以話佢市儈, 但這就是香港人的心態.... 今年我唔知道佢出年會唔會再黎, 但至少現行方法佢都有機會來一次, 縱然是趁熱鬧的心態, 佢都獲得一次運動的機會.

我自已不幸都是網中人, 差幾分鐘過不了西隧一關, 那一刻我以參加者身份去想, 要我上車都好唔開心. 但乘巴士回維園途中, 中環與灣仔一帶真是塞實得很利害, 真係比我行返去仲快, 但那一刻我又以乘客身分去睇, 有無搞錯...

其實兩個睇法係咪可以求同存異, 互相體諒呢 ?

在普及運動領域上, 渣打是現時全港難得一個有五六萬人參加的運動盛事, 當中涉及參加者及不參加者的不同需要. 我雖然不是先知, 但都估計到策劃時的難度. 在多元化的社會, 提出及接受批評有時無可避免, 但都應該多接受及別人不同的需要..包括贊助商, 工作人員, 食肆老闆, 交通使用者, 精英與步兵, 大家都一定有他支持及不支持的理由......但假使大家都只站在自已的角度去睇自已的需要, 不嘗試去了顧及他人的感受, 我想這才是一個很可悲的城市.

[ 本帖最後由 colemen 於 2010-3-2 16:32 編輯 ]

LMF

香港成年都唔係得渣打一個賽事,大把10K比賽,點解係要o係渣打先挑戰自己?
唔明
如果唔限制數量,只係重量不重質,出現大量志在東廊散步,影相的人,同百萬行無分別,
令有心pb的人望門興嘆

相反,香港全馬及半馬的賽事唔多,集中搞好仲好,
賽道如何,舉行的時間如何,小弟個人覺得不是最重要,
因為呢d都係跑手的挑戰之一,要去克服,
有人話因為賽道,天氣,令自己唔可以完成比賽,唔可以pb
咁唔通今年冇人完成比賽,冇人pb?問題o係邊?
我唔否認賽道同天氣有重要的影響,
但自身的鍛鍊,下多少工夫,一落場,就o厄唔到人

有時d人話政府淨係識得學外國,照搬過o黎,
將旅遊景點學似外國,冇自己本土特色,
咁本土的馬拉松又如何呢?
(呢度唔係只講渣打,香港唔係只有一個渣打馬拉松)

Ning

原帖由 colemen 於 2/3/2010 12:06 發表

                               
登錄/註冊後可看大圖

我不敢講賽事無械可擊, 但渣打變得一無事處或二流, 我就覺得對策劃的工作人員不太公平. 至少由十公里與半馬全馬分流, 到今年有昂船洲大橋, 每項都是得來不易的改變.

我認識一個大肥仔, 差不多三百多磅, 在很多精 ...

100% agree with Colemen Ching. For Tokyo Marathon, their route is also run into the city.

全馬

條LINK過左期, 睇唔到! 可唔可以QUOTE出黎?

Mike_Li

(支持)頂！

原帖由 colemen 於 2010-3-2 12:06 發表

                               
登錄/註冊後可看大圖

我不敢講賽事無械可擊, 但渣打變得一無事處或二流, 我就覺得對策劃的工作人員不太公平. 至少由十公里與半馬全馬分流, 到今年有昂船洲大橋, 每項都是得來不易的改變.

我認識一個大肥仔, 差不多三百多磅, 在很多精 ...

hychong

謝謝各位討論，至少是拋磚引玉了。

首先是引入籌錢，是否令窮人無得參加的問題。首先，全馬其實只有8000名額，加到16000，8000要籌錢，大家一樣有參加機會。反正10K不同賽道，擇日再搞又得，10K籌錢，可以籌得仲多添，多人想玩10K嘛。

而且香港仲有其他短比賽，亦照顧到其他人需要。倫敦係，若連續五年抽唔到簽，第六年唔駛抽直入。

引入籌款的理由是，正正是為了令封路、塞車變得合理，令大家接受，因為呢項賽事，的確可以回饋其他，唔參加的人。馬拉松唔單止係呢幾萬人玩，同時也變成一項公益活動，其他香港市民也簡接受惠，令大家的汗和淚有多一份意義。

至於生意問題，若果賽道放市中心，等大家都可以出來打氣，每個跑手有四五個朋友出來打氣，講緊的係20幾萬人，還有湊熱鬧，有如一項大型花車巡遊之類的活動，同睇煙花差唔多。咁，打氣的人，係咪都要食野買野呢？係咪都有商機？

塞人的問題，倫敦街道仲窄，但係46000馬拉松，頭幾公里會密些。

只有將馬拉松的效應發大，令城市，居民和政府睇到效益，咁樣先叫得郁政府去封路。至於如何爭，要睇睇搞手有幾多意志了。

我以前未去外國跑，都覺得香港算係咁，再插連跑都無得跑。但試過後，又的確發現，有高些要求係應該。

點解香港地鐵咁有效率？因為遲五分鐘都係新聞。點解意大利皮鞋咁好？因為意大利人對手工挑剔。

跑手有多些壓力給賽會，賽會進步些，得益的係大家，香港跑手咁認真，值得有搞得更好的比賽。

hychong

或可以去我的blog, somewhereintheplanet.blogspot.com


還有一點想補充。

要改善馬拉松，一定要讓政府認同，馬拉松的效益是全城受惠。

若果馬拉松的定位，是首要讓跑手拼PB，把活動精英化，減少不夠認真練習的跑手，你便要說服政府：「為甚麼要封這麼多道路，給一小部份精英跑手？」結果很可能是，政府只會給你一些條件更差的賽道，因為不值得為小部份人封路。

所以，一定要馬拉松普及化，讓慢跑手、要多些時間完成的跑手，都有機會參與，讓活動成為大眾活動，才有多點理由要政府配合。

我提出的意見，只是希望借外國大城市的經驗，說明馬拉松是可以既有商業效益，跑手又過癮，其他市民又可以受惠，這樣才可以推得郁政府。

倫敦馬拉松是party，但也是英雄地，名將在這裡破世界紀錄。搞party和運動，其實未必有衝突的。

謝謝！