|
參加了淺水灣的3000M長途泳賽. 其實它並不是比賽. 它沒有名次, 只要完成便有CERT. 游水時要拖住塊浮板或浮條, 點綁法就各適其式. 有d人就咁拖住, 我最後就把浮板綁在腰間. 賽事原本11:00AM開始, 但又演講又呢又路, 攪到成11:30AM先開始. briefing個位仁兄就brief得唔係幾專業, 但大概都明白遊戲規則. 參賽者之後分批落水. 由於出發時急左D, 右邊鏡入左水. 不過唔理咁多. 半盲咁游. 可能冇乜人游水, D水好清好乾淨, 水溫有點凍, 但適合長途比賽. 比賽一開始, 不久便見到大量浮板在水中載浮載沉, 好多人一落水, 便"失去"了浮板. 由於海水有浮力, 游得比泳池舒服, 到500M時只游了8'30", 比平日的11分鐘快. 之後一路都覺得路程縮短了. 過左最後的浮標, 以為仲有一個轉埋先返終點, 點知愈游愈冇人, 再停下來看, 才知過了最後一個浮標就可以直接返終點. 於是馬上急轉彎返終點, D工作人員都奇怪點解我响另一邊上水. 最後用了56:55完成. 不過我諗應該冇3000M咁長, 應該大約2500M左右而已. 不過都好好玩, 天氣又好, 下年應該會再參加的. |
|