綠色有機健康跑照片 Photo By PoTsuen

potsuen

少量綠色有機健康跑照片.

http://www.fotop.net/vincent_liwl/20100314#

賽後感受


今日有兩個比賽撞期, 但最終挑選了科學園的有機健康跑, 雖然路程(大會資料約5.2公里)短兼非比賽,但抱著支持主辦單位及鼓勵身邊同事參與有益身心運動(路程短易投入d),所以揀了呢個跑.


報名之後不段收到電話問長問短已經麻麻哋喇! 當我知道來電係無重要問題我已即時收線, 我係一個非常抗拒宣傳電話既人,雖然我唔敢肯定係唔係協辦既傳銷商來電借意推廣, 但我始終覺得報名跑步啫! 唔應該有呢d不必要既電話.


到了跑步今日, 真係好多人支持, 據大會提供既人數有4000人, 算係一個好利害既人數, 大會既動員能力好強,好多義工. 初初仲覺得安排得唔錯, 但一到開步就大件事喇!


由於知道大多兼好多一家大細,所以開步前30分鐘已經開上起步點, 但夠鐘後依然未起步, 心想都算啦! 始終都係嘉年華會式的跑步,緊會遲少少啦! 點知一遲遲成15分鐘,開步前仲要大家講一句大會口跑, 講完兩次試既講正式既,正式既又話攝影師唔收貨要來多個talk! 有無攪錯呀! 4000人夾錢做臨記咩? 前排耐心等待已久既跑友終於忍唔住報以開氣水聲, 我一直保持包容既態度都忍唔住噓埋一份.


而最離譜既你開步前仲要預留10多米俾VIP開步,如果d VIP係跑得既朋友都無所謂, 最閉呢班你一家大細有老有嫩既VIP, 當開步既時間一班跑得快既湧上前去,大家可以聯想到幾危險.


最最最離譜既係, 當我見到一公里既牌出現時, 望望手錶用咗兩分鐘鬆d, “唔係吓嘩! 一次渣打全馬可以令自己提升咁多!” , 次後去到2公里牌再望望手錶, 用咗4分幾鐘, 痴線架!! 點可以咁架, 就算唔係比賽都唔可以咁吓話, 點可以虛報路程架! 簡直離哂大譜.


最後我用咗11:50分完成 “5.2公里” ,平均2分17秒一公里, 推算10公里即係22:45,我諗呢個時間都應該破香港紀錄喇! 上述幾個問題個個多可以算喇! 但呢個虛報里數實在不可接受. 用自己完成時間推算,路程只有約2.7公里, 差成半…..


希望有人向大會俾俾意見作出改善啦! 如果唔係我諗下年多好難再有咁多人支持喇!

omnimax88

完全同意! 簡直搵笨 .. 杯葛呢個咁既綠色有機跑, 無la la 比amway搵左笨去做騎呢菲 .. 講起火都來 .. 最攪笑仲要係跑完送個慳電膽作記念品, 吹帳!

yh8046

跑完看看時間,嚇了一跳,以為早上吃了甚麼,可以超...........快速度完成5.2公里!

[ 本帖最後由 yh8046 於 2010-3-15 09:19 編輯 ]

hobbywet

我全程都行,20分鐘行晒,真快,算係pb

roy-lai

連同今次我玩過3次,之前二次在數碼港跑都足路程,今次路程唔夠問題唔大.最老土係被多番要求叫口號和有班嘉賓打尖排頭位,真係撞死都無命賠!

di692

完全同意，全程應該唔夠三公里，剛出汗就跑完，大會應該要改善下啦!!

Slowslowman

我已參加多年, 此類活動可作為家庭樂.

是次活動為籌款活動, 主要目標為"香港有機資源中心"籌經費及教育市民認識甚麼是有機耕種, 提倡環保, 因此不設獎項, 所以為健康跑, 帶出運動的重要性, 歡迎全家老幼參予.

跑完後, 從協辦長跑專業人士打聽, 為何改路線及長度, 應是某方面最後决定不開放路面, 所以臨時更改, 相信大會此料不及.

XOXO

唔係好店既比賽,跑完都唔知係為成績定為禮品!