約你跑呢度 7-10-2018
“約你跑呢度，跑會大龍鳯”覺得呢兩句口號好正、好盞鬼。
拱門、頒獎台、奬座和完成牌都做得好別緻，完成牌係開瓶器，好有心思。
最特別係個奬座，好靚，好想擁有，可惜第四和五名係冇奬座的。
呢個比賽係邀請各大跑會來呢度，以隊際形式比拼。高手如雲，心想唔係分齡組別比賽，好難呛到奬，一心諗住柴娃娃去跑吓，湊吓熱鬧，支持吓跑會。
所以比賽前一個星期唔想停練習，只係減低強度訓練：
星期一～國慶跑10K
星期二～練龍舟
星期三～練跑
星期四～練跑
星期五～龍舟陸操
星期六～游水(recovery）
賽前有哥帶拉筋熱身，舒筋活絡。
起跑前，跟兩位隊友講，我地只要盡做自己時間，唔駛同人比較，開頭唔好開快。點知比啲快腳嗰陣風帶快咗，點㩒住自己第一畸都開快咗 4:51/K。 之後一路跑番慢啲，諗住後段跑番返快啲，但係跑極都去到 5:30/K 以上，好慢想加快啲都唔得，唔覺好熱，又唔覺對腳好攰，但係就唔知點解跑唔得快，國慶跑最慢都係 5:28/K，唔知係咪還未 recovery 得夠呢？
最後一畸見時間唔係好慢，好似可以博 PB, 便加把勁，用 4:42/K 速度衝終點。
結果做唔到 PB, 仍然一直徘徊喺 52:xx
大會時間 53:01
個人時間 52:53
好幸運，好驚訝我地奪得女子隊際第五名，有得上凸台，我地新丁班得咗。
多謝香港長跑網，多謝前進主席多年以來嘅教導，
我八月因傷痛，醫師要我全面休息三個星期，停止手跑步和龍舟訓練，傷後表現大跌，幸好前進主席都比我加入隊際跑呢度。
記得佢問我可以操得番起嗎？我梗係話可以囉，幸好都保持番過往成績, sub 53，不過我都希望我快些可以有突破。
恭喜兩位隊友 PB, 佢哋好叻呀，大有進步。
呢個賽事辦得好好，有聲有色，攪手好有諗頭。
另外又有奬座、奬牌、奬品、選手包等等，好豐富呀。
希望 ”香港長跑網” 下年繼續舉辦呢個賽事，邀請多些跑會參加，再 ”約我跑呢度”。
#香港長跑網
#約你跑呢度
#跑會大龍鳯
#新丁班
#恭喜男女子隊齊齊奪得第五名
頁:
[1]
