第七屆的廣州馬拉松 奇蹟！真係有奇蹟
本帖最後由 leefs 於 2018-12-14 10:26 編輯第七屆的廣州馬拉松
上星期在社交網站見到這段跑馬金句*沒有奇蹟 只有累積* ，但本星期日好驚訝地比我見到啦！奇蹟！真係有奇蹟架，佢發生在我們很熟悉我一向視為半個主場的地方 廣州。今屆為第7次的廣州馬拉松，以一個這樣有多次成功經驗的賽事籌備，早2年前已經超越了香港馬的大型活動，應該可以說是駕輕就熟及拾拿玖穩的事情，由報名至領物上每個幾細可以說得上"一絲不苟"，今年亦找到了adidas贊助，更討得參加者歡心，沿途支援設施沿用往年設計，沒有任何挑剔，賽前亦得悉大會延長了關門時間15分鐘即是6小時15分鐘關門，不要少看這15分鐘，它對很多業餘或初馬跑手是極為重要的，當然扣去D起步區的起步延遲，亦即是給足6小時你跑，這個安排是合情理的。
但做慣做熟唔代表不會出問題！今年竟然搞個*提早關門*！由25公里起，沿途各個檢查點都提早咗三十分鐘收檔，官方水站及補給站亦同時撤走，跑手被驅趕上馬路邊或行人路，仲有十幾公里先返到終點(點算)？唔知出事邊個會負責呢？
好在"跑手在民間"各跑團嘅自發補給站，都冇折走到仲喺度，即係由"唔跑嘅跑手幫跑手加油及補給"！我私人真係想頒個*諾貝爾獎*比佢哋！！！
奇蹟亦在這一刻發生了，賽事由20公里開始，已經有大量"掛上號碼布"跑手使用共享單車代替跑步，我目睹超過100人，是否"廣州馬拉松"由跑步比賽，已改變為"二項鐵人賽"？
https://scontent.fhkg3-1.fna.fbcdn.net/v/t1.0-9/48380009_10212580873229762_3182005578704617472_n.jpg?_nc_cat=100&_nc_ht=scontent.fhkg3-1.fna&oh=e46853056e9a5ade32e62789b63ce96a&oe=5CAF2881
廣州馬拉松中使用共享單車是否違規？我問過多位*二鐵跑手*他們都說(美斯、美斯)，又關美斯事，呵！
既然關美斯事，即係我多事，算吧啦，下年唔嚟就喺啦。
頁:
[1]
