2019.12.22 烏魯木齊冰雪馬拉松
一年內舉行兩次既馬拉松, 好奇怪, 但真係有發生, 新疆烏魯木齊冰雪馬拉松就係其中之一, 今年年頭(1月13日)舉行完, 年尾又舉行既原因 估計係因為下年農曆新年是在一月尾, 如果比賽日期繼續好似往年在1月中舉行既, 會影響新年期間既安排, 所以原本下年既既比賽提早於今年12月底舉行.比賽地點住於新疆烏魯木齊, 如果想挑戰內地所有省及直轄市既馬拉松, 新疆其中可以參加既, 就係烏魯木齊冰雪馬拉松, 睇過賽事相片, 成個雪山風景好靚, 本身都有興趣去跑, 但估計唔係近期既事, 而同時間係相片中亦感受到應該好凍, 怕凍既跑手唔駛諗住去跑.
全馬起跑點是位於海拔1650米新疆冰上運動中心, 而比賽總爬升有897米, 跑起上來應該都幾辛苦, 所以真係要去跑, 一定要做足準備同有能挑戰先好. 而報名要提供身體健康證明. 包括心電圖, 所以應該都幾蝦香港人報名(雖然有D 歐洲馬都要).
比賽日期為2019年12月22日
比賽報名日期由11月13日至12月1日, 以先到先得方式進行.
比賽分全馬, 半馬, 10公里同家庭跑(4.2公里)
全馬: 1000 人 (報名費為180人民幣)
半馬: 2000 人 (報名費為150人民幣)
10公里同家庭跑 2000人 (報名費分別為100 及 80人民幣)
全馬, 半馬及10公里比賽起點及終點都係新疆冰上運動中心, 而家庭跑就終點就位於冰雪特色小鎮北鎮
以下為官網, 有興趣可以入去睇下
http://www.wlmqmls.com/
如选手近1年内参加过半程马拉松或马拉松比赛，则只需提供半程马拉松或马拉松完赛证书（复印件即可），不再提交体检证明。
頁:
[1]
