我個11歲女由短跑轉兼長跑分享
我個女11歲, 入了田徑會練了2年多, 有時教練會叫D細O既去跟D大姐姐跑400M和1500M..跑出的結果教練好像很滿意..1.4米高的人仔, 400米跑1分18秒, 1500米跑6分, 但教練始終認為小朋友這年齡跑這些項目會影響發育, 所以間唔中試下當熱身.沒有正式接受操練今年趁豬流感放假特別早, 俾阿女走去學游泳, 希望佢健康D, 無拉拉個教練遞了一張水陸兩項小鐵人比賽報名表(遊水會主辦), 膽粗粗經我呃呃騙騙, 她就去接受了第一次的挑戰. 賽程是游100米, 跑1K..可能參賽人少(得10個8個), 她竟然拿到第二名...如是者, 她就連續玩了水陸兩項, 三項鐵人比賽幾場, 有些跑程短則800米, 長至2.5KM.. 算佢肯挨肯博..半年間都拿到了一些獎牌, 阿女對此非常開心與自豪, 我亦當然感到欣慰, 所欣慰的並非是她拿到甚麼獎牌, 而是她居然可以為了玩運動而能早睡早起(並放棄了一些惡習..特別是打機) , 每日放學補習功課後去接受一星期五六天練習, 學業成績居然好左(進步左50名), 我覺得自己好好彩, 當初似戲言的約章:..."玩那麼多運動花好多時間,好支力的, 要早睡早起, 做好功課讀好書, 起碼成績不能比以前差 , 如果唔係就要CUT番一兩樣 ." 阿女竟然可以超額完成
因此, 我覺得, 不要少看一面小小的獎牌, 對小朋友來將確是一大大的鼓勵, 做家長只要從旁輕輕的煽風, 小朋友對運動熱情就會延綿不絕地燃燒起來
一點分享:) 好羨慕~~如果我早多5,6年開始就好啦
運動真係有好多正面既影響架~
我阿媽就成日驚我辛苦~成日叫我唔好跑咁多
但係其實我跑左一年步個陣~~成績都好左....少少
期待師兄既續集:lol sleung ching說得沒有錯, 運動真係好多正面影響架.., 在我個人僅有的經驗裏, 除了眾所週知的促進小朋友健康成長外, 有幾點還可以說說:
個人單項上, 例如跑步, 游泳, 單車...等可以培養小孩設定自己的目標, 定這目標前通常我會分析俾佢聽, 例如她目前的實力, 包括她的身型,跑姿, 步幅, 擺手, 耐力, 變速能力, 等她自己試完感覺到 "有D用" 叫她自己去定 . 這招我在跑步上沒有試過(因為還在起步階段) , 游泳訓練就試過, 覺得非常有用..試舉一例 , 在她游自由式呼吸的姿勢, 我會找些YOUTUBE教游泳呼吸的片段給她看, 然後算給她看 "妳小朋友游50米有60次-70次撥水, 如果撥一次水, 伸個頭出來透氣, 起碼要做30次, 做不好就每次慢多少秒...慢30次合共多少秒.."其他姿勢如此類推我都試過效果都算十分有效, 當然大部分還需要專業教練去做, 和她自己肯嘗試, 我肯俾錢佢去 "操水"...兩者相輔相成..結果是..她每次試改後, 自己感覺到真的快左,計一下從參加進階班時要1分鐘游50米, 到現在已經可以游到36秒, 這時間已經可讓她在三鐵項目中不用"包尾"上水. 試想, 在這短短半年間設定了多少次 "短期目標" (每次快5秒) 改進成績後, 來達到 "大目標"完成鐵人比賽啊 ,
跟著阿女就這樣 被這樣的體育鍛鍊方式"潛移默化"了, 加上我囉唆監督一番, 她把這一招應用到平時的功課上, 特別注重平時分, 然後加加埋埋D平時分, 考試分自然會墊高下啦!這我自己想只是其中一個原因, 其他可能是:
1. 我不會硬替他做主, 只是 "提示"者的角色, 小朋友最開心者, 我想莫過於 "自把自為"吧, 例如她定下大目標, 如 "攞牌", 我會問他有沒有 "小目標" , 之前的小目標 (幫他翻翻舊帳)做到未等等..最怕她口出大言, 吹大牛, 我自己亦常常警戒自己, 千萬不要隨便要求她拿這個牌, 拿那個牌, 不可吹大牛..以免她有壓力, 我也有壓力, 再而影響親子關係, 更嚴重是對該運動因拿不到獎而失去興趣... 這點是我這幾年間和一些家長交流後的肺腑之言啊!
2. 建立互信關係, 我這樣 "提"佢, 而每次她都很容易達到, 她自己開心, 又有我俾獎勵, 呵呵! :L 她唔信我先至奇..
重要的是, 她覺得我幫到手, 有些小朋友卻不同, 覺得 "被迫" "不是為自己而玩運動"
3. 我由始至終都會支持佢, 輸左我都會陪住佢, 因為我聽聞過一些小朋友輸了, 她媽媽即場就拉長塊面, 搞到小朋友都好尷尬, 身在其中感覺到氣氛都怪怪的.. 其實我覺得小朋友在輸的時候正是一個很好的學習良機, 所謂 "敗不LU"只言鬥志的延續, 之外還有許多....例如可以認識自己的不足, 還可學會欣賞對方, 學習對方的優點..還有我會提"佢"同人握握手, 恭喜下得獎者, 鼓勵下無獎者,趁這寶貴的時刻訓練一下她的風度, 和做人應有的禮貌..E.Q.. 還有.....下刪萬字.(請自行添加) ..:lol
跑步方面因為我不懂, 所以沒有發言權, 留給CHING們賜教, :lol :lol 你個女真係有體育天份, 今年先學游水就可以50米36秒, 仲有個明白事理的父親 - 父母支持好重要, 肯定佢可以通過運動建立對人生的自信. alfred ching 客氣! 其實這個版面上的父母都好支持小朋友的, 好像ALFRED CHING咁就係皎皎者囉!
我很羨慕您可以做到親子跑, 我就做唔到...記得開始玩三鐵時,試過一兩次陪佢跑1KM,跑到我心口喇住, 頂住, 幾乎想嘔:L :L ,叫佢自己跑佢怕路黑怕悶, 所以轉用單車實行全程陪佢,又怕自己教壞佢, 所以趁放暑假同佢報鐵人青苗, 等有牌教練train 下佢. 暑假完了, 因路途太遠所以係屋企附近揾條路俾佢跑, 而我就用單車跟著佢, 幫佢CHECK時間(事先可用GOOGLE定距離) ,有時週六我踩單車,佢跑步去游泳池操水, 游完就在附近食埋飯先返歸, 一路有傾有講, 話題大都和運動有關, 好輕鬆愉快就可以過一天
明年阿女鐵人賽升呢, 第一場陸上兩項賽在1月24日開賽(1.5KM RUN+9KM BIKE+ 1.5KMRUN) , 賽程比11歲以下小朋友DOUBLE有多. 為了俾佢適應, 她鼓起勇氣參加了她的第一次長跑賽 - 南區沙灘跑, 希望她順利完成3K, 體能加強些, 並讓她自己去感受"單項長跑比賽"的樂趣, 見識多些:) :) 原帖由 ufficiohk 於 2009-11-21 16:01 發表 https://www.longrun.hk/forum/images/common/back.gif
我個女11歲, 入了田徑會練了2年多, 有時教練會叫D細O既去跟D大姐姐跑400M和1500M..跑出的結果教練好像很滿意..1.4米高的人仔, 400米跑1分18秒, 1500米跑6分, 但教練始終認為小朋友這年齡跑這些項目會影響發育, 所以間 ...
加油呀 :victory: 原帖由 bluesky 於 2009-12-7 00:08 發表 https://www.longrun.hk/forum/images/common/back.gif
加油呀 :victory:
謝謝BLUESKY CHING的鼓勵!
BLUESKY CHING D POSTs 我全部都看過了, 很有感染力啊! 你真是一位很民主, 很開朗的父親啊!
作為父親, 很希望小孩子童年時有一段美好的回憶! 親子跑我想是一個絕佳的方式 .我能可以幫她製造美好回憶的就幫她, 例如幫她和她的隊友們拍些照片, 教她幫她POST到FACEBOOK裡面, 一旦佢唔跑幾年, 或者她看到兒時跑步或其他運動等照片, 她可能會再次提其興趣跑番都說不定..
前兩天阿女又去參加校際田徑比賽, 因為這是她小學最後一年代表學校出賽, 所以我幫她和她的接力隊友拍了些照片POST上網, 就是為了 "日後想當年之用" 啊! 到了明年各人升讀不同中學, 此情此景不再, 之後幾十年剩下的......就只有這些照片, 和幾面獎牌囉! :'(
很奇怪我用了:'( 這個圖像, 因為這隊小朋友三年多來共同努力, 寒溫不懼地練習, 連續三屆在4X100M都險勝對手贏了第一, 衝線時她們開心得哭出來了, 而連續三屆都屈曲亞軍的接力隊員傷心得也哭出來了, 做大人的看到了此刻, 除了被感動外,真不知道說甚麼好...:'( 說到親子跑, 我估孖仔阿媽做得最足, 除了陪跑外, 她連田總的教練牌都考埋! 問你服未???? :lol :lol
最近她為興趣開班教小朋友跑長跑, 看看成績真是嚇親人...除了孖子獲獎無數外,剛剛學跑的小朋友於半年多一點的就有..學界3000米B組冠亞軍,GB組800米冠軍 元朗迎東亞小童冠軍., 南區越野跑1500米小童冠軍.大埔運動會1500米G 冠亞軍, UNICEF G組冠軍...這次更加拉隊出戰南區沙灘跑.. , 成班細路仔女都係玩埋鐵人..
阿女本來無壓力就無動力, 這次看到她的幾個朋友也參加了, 好勝的她就心動了!
教練們說她這種性格做運動員很合適, 但做佢老豆就很擔心佢會搏過頭, 所以成日提前潑定佢冷水, 並設定一個比較高的訓練目標俾佢 難一難佢, 到比賽前我先會話佢知這個目標是大人的...哈哈哈...係咁樣厄厄騙騙, 佢就唔會在佢既第一次長跑比賽輸得咁肉酸! 而訓練水平又可以提升 :lol對付這種好勝的小朋友, 我暫時想不出比這招更有效! 想起都笑死自己! :lol :lol :lol 原帖由 ufficiohk 於 2009-12-7 17:25 發表 https://www.longrun.hk/forum/images/common/back.gif
說到親子跑, 我估孖仔阿媽做得最足, 除了陪跑外, 她連田總的教練牌都考埋! 問你服未???? :lol :lol
最近她為興趣開班教小朋友跑長跑, 看看成績真是嚇親人...除了孖子獲獎無數外,剛剛學跑的小朋友於半年多一點的 ...
孖仔真係跑得好快, 以前小兒有玩跑賽, 到遇過他們很多次, 當然, 每次都追唔到他們!
2006 南區越野跑
http://f20.yahoofs.com/hkblog/b7RpklWQHAIC5kg__DOT__Zhe_eFwdpMy7OQ--_8/blog/ap_20081101104210603.jpg.jpg?ib_____DqiFTP9_j
2008 元朗青少年長跑賽
http://f20.yahoofs.com/hkblog/b7RpklWQHAIC5kg__DOT__Zhe_eFwdpMy7OQ--_1/blog/ap_20080521084541953.jpg.jpg?ib_____DIP6ceAE1
小兒冇很玩長跑 la, 年半前開始學打乒乓波,哈哈哈, 我又臨老學打乒乓波:)
[ 本帖最後由 bluesky 於 2009-12-8 23:19 編輯 ] 謝謝bluesky ching的分享!
相信bluesky ching 每次翻閱這些照片都有莫大的滿足感吧! 因為我都係咁!
學 “柴九”話齋, 人生有幾個十年,如每一小朋友在人生的頭十年, 都有父母陪跑, 陪游, 陪玩, 這是多麼的完美啊!
回想獅子山下孩童年代, 孩童活動範圍不出一村一鎮一區, 父母都忙得要死, 小朋友要玩課外活動要先把家務家課做好才能出街. 如鄰居有大哥哥姊姊帶頭還好, 他們玩甚麼我們就玩甚麼, 如果無就靠學校的課外活動, 好采的被選拔到的家長會簽字, 吾好采的就算你玩運動的好勁都要返屋企幫手做野 , 可況那時最多只有簡單的田徑幾項, 短跑, 擲豆代, 跳遠,跳高等..大部分小學勉強都可以組隊參加小學學屆田徑, 但遊水隊就少之又少囉 !我雖然入唔到校隊, 但我都好采無王管, 又有架單車可以四圍貢, 放學唔返屋企同D村校同學上山捉跑 “豹虎”, 爬樹, 打蟻巢蜂巢 (自制牛皮椏叉), 捉青蜓,蟬, 金牛; 放假就約埋幾個鄰居小朋友就去溪澗游水, 或者行路個幾鐘去沙灘游水 不知道這算不算是 “野外運動” 就咁樣, 在沒有家長看管下, 我和同學鄰居的童年就咁樣過了!有時我同阿女提起, 佢都好聽得好過癮, 過癮到買左本 “XX阿馬遜森林探險記” 和 XX野外求生:” 之類的書去睇, 但我亦話俾佢知 個時這類活動的危險性, 隨時無命, 失蹤, D家長都唔知乜事:L ,佢地依家好好采云云, 乜野運動都有家長陪!!
您父子倆興趣真廣泛, 看到都替你高興!連乒乓波都玩埋.我就慘些, 阿女要做三項鐵人, 我則要升呢做四五代丐幫弟子, 陪佢比賽, 我起碼要背上四五個袋, 水壺, 相機, 衣服鞋襪, 工具, 眼鏡等樣樣齊全…在起終點轉項區跑來跑去幫佢打氣, 在炎夏氣溫34度, 陽光猛烈下做這家長真係好攞命!!鬼叫自己鍾意同佢玩埋一齊咩 ! 唯有頂硬上囉! :lol 上次南區沙灘跑, 原想提高她對跑步的興趣, 只可惜賽前一週, 後十字韌帶在跑2公里後覺得疼, 大驚之下只好放棄比賽.
當日, 我們依然去到淺水灣觀賽, 同佢D朋友仔打氣, 雖然沒有上場, 但仍感受到比賽的歡樂氣氛, 分享到朋友仔獲獎的喜悅!
最近阿女要應付學屆賽, 光是校內訓練已經忙得團團轉, 長跑訓練只能斷斷續續地進行.個多月來都不敢替他報其他比賽, 只是集中精神應付今年第一場鐵人賽事(1月24日), 跑2KM-踩9KM-跑2KM. 初看這賽程真有點卻步,要完成的話最起碼要花40-60分鐘, 對一個尚未發育的11歲女仔都米話唔攞命!
為此在賽前一周不得不加長(不加強)訓練, 每晚維持一小時的運動量, 例如拉筋後邊看電視邊踩單車機, 30分鐘重, 10分鐘輕均頻練習(輕重相差一格), 然後即刻出去跑兩次1KM 或一次2KM. 昨晚踩足40分鐘後快砲2K, 時間還好, 約9-10分鐘左右跑完, 跑完仲有氣講野, "比打場波輕鬆咁話":loveliness:
[ 本帖最後由 ufficiohk 於 2010-1-20 13:12 編輯 ] 比賽前受傷最痛苦, 無奈,難過 !
下次再參加吧!
加油:victory: 原帖由 bluesky 於 2010-1-20 20:43 發表 https://www.longrun.hk/forum/images/common/back.gif
比賽前受傷最痛苦, 無奈,難過 !
下次再參加吧!
加油:victory:
謝謝關心和鼓勵啊! :)
比賽前有傷患的確很無奈的...我看到她在起跑線旁觀看大群小朋友出發時默不作聲, 就知道她在酸溜溜, 腳痕痕的啊! :L
明天出戰兩項鐵人賽, 女子少年組參賽人數實在少, 得三幾個, 捱得完就有機會俾佢拿獎牌囉! 昨天得15-16度, 天色陰暗, 但都掩蓋不住參賽者的熱情, 各組比賽順利完成!
阿女和幾十個年齡97/98年兩組的小鐵人一同出發, 初段頭威頭勢, 第一個女仔完成2公里跑:lol .
在第二段9公里單車賽程以第三位完成單車賽段:L ;
在最後2公里跑的賽段上, 我在終點等了又等, 看到佢彈彈下跑返來衝線, 有少許喘氣, 終於完成了佢升呢後第一個長距離賽程
結果在95/96/97/98同距C2組別總名次得第六:lol
賽後我係咁E問佢點解會彈彈下跑返來, 佢話比我知在單車賽段中出現大腿肌肉抽筋:o , 幾乎要中斷賽事落車休息云云, 但捨不得那精美的水晶獎牌(人造):L , 所以堅持繼續, 忍住痛跑埋佢... 仲話中途叫個朋友仔唔好等佢, 結果個女仔得第四. 兩人在自己年齡組別各得一(水晶)獎牌:loveliness:
看, 又一次證明獎牌對小朋友玩運動起了積極性的作用:lol , 心想: 好在鐵人會把獎座和獎牌擺放在起終點附近. 好計!讚!
作為家長, 只要佢能做到堅毅不屈, 超越自己, 不管有沒有牌我已經感到十分欣慰:loveliness: 恭賀！也對支持孩子體育發展的父母致敬！
頁:
[1]
