日誌
跑齡2歲LA
兩年....
兩年對好多有理想既人黎講可以籌劃一個十分詳盡既目標
而對於視發佝瞀為興趣的我...
兩年可以在家煲劇..訓晏覺..去攪人地D狗...咁就好快過左
但唔知痴左邊條線...我竟然走去跑步
還記得挺著192磅既身軀,朝早5點9起身,
充滿鬥志咁衝落去公園...幻想緊跑返十幾廿個圈就返屋企沖涼..
仲諗緊如果一星期跑3日好快減到肥
雖然我知幻想同現實有差距的
但係從來.....從來無諗過十萬八千里有幾遠
六點既公園已經有3~4個人練跑
因為唔熟路..跟著其中一位叔叔跑了一圈
叔叔的步伐望落悠閒.但身為都算做後生仔的我心里切了左一聲
用自己既均速過左佢
但跑多半園時..已經發覺
頭暈..心翳..冒汗..雙腳乏力
咦...呢D咪傳說中既更年期症狀!!!??
望住前面既上斜,我心情就好似碌左落豈懸崖底咁
幾經艱辛上到"山頂"...唔得啦..行啦
果位步伐悠閒既叔叔當時就豈我身邊經過....
如是者行2~3圈跑半圈...
豈公園成個鐘頭時間..幻想的十幾廿個圈
湊湊埋埋跑得4圈..
果然現實永遠係一個冷血無情既幻想殺手....
捱過炎熱既夏天,終於可以連續咁跑到半個鐘
原以為冬天真係可以好舒服跑
點知
呃人既.....凍到唔想出門口咯!!!
但始終肯踏出門口就可以跑!!
報左人生第一個10K之後
就好似發左顛咁
凍到痴線都跑,落雨又跑
不斷跑...
NEVER STOP..
第一個10K就咁完成左
果時唔知45分跑完唔知算好定壞
不過豈目標時間1小時內完成自己都已經好開心
因為從來唔知10K有幾遠
到完成左都唔知10K其實係幾遠....
到第二年
人懶左...2-4月都無跑過咁濟.....
5月時再練返時已經發覺
係完全唔同既感覺
比初初跑更辛苦
縱使比第一次跑能跑更遠更長時間
但重拾那種感覺真係好痛苦
果時先知逆水行舟既意思
辛苦到7月尾先重拾返以前果種舒服感覺
之後不斷練
估唔到
10月就傷左....
但明白到只要停,身體就提唔返
唯有游水KEEP住體能
到11月中腳全好了
可惜..
上年既半馬係1月開
唔夠時間去調整返自己最好既狀態
雖然只係幻想可以衝入優先組名單
也都期望過
但明白到係無可能
終於大會時間1:51...個人1:48
3分鐘....只差3分鐘
果一刻真係悲喜交雜
可以豈2小時內完成其實係非常之高興
但與優先組名單差3分鐘...果一刻
我痛恨腳傷更痛恨自己無好好咁去調整自己
好多師兄同朋友都安慰甚至打氣
跑唔夠2年有咁既成績其實你應該開心
嗯
我開心既係無白費自己呢1年幾既練習
但我取痛恨自己既無知
可能就係呢份痛恨
豈完成左半馬後我依舊操練
在進行逆跑時又因過度練習傷了...
這次傷真的痛了
每天起床的痛...
連行路都痛...
但依然捨不得不練習
由每星期4-7日降到2日慢跑+游水
調整了3個月
腳終於好了
到6月重新出發時
雖然辛苦
但我明白...每一步都係自己辛辛苦苦咁堆砌出黎
2015年7月終於跑齡2歲啦
對自己只有2個字要說:
加油
