香港長跑網 - 長跑長友

標題: 毅行出哲學：佢好乖，唔咬人 (轉自 Apple Daily) [打印本頁]

作者: lewischan 時間: 2012-10-12 10:24
標題: 毅行出哲學：佢好乖，唔咬人 (轉自 Apple Daily)
終於有人說出我的心底話，而且不是普通人，是權威跑步雜誌《Runner's World》。原來我不孤單，這是跑步者一個切切實實須面對的問題，我說的是─狗。跑步練山時，遠遠聽到狗聲，我立即閃在隊友後面；遇到狗，我假裝冷靜，其實好驚。
10月號《Runner's World》有一篇長文，講述在美國加州，兩兄弟在郊外跑步時，被一群Pit Bull襲擊，兩人身受重傷，慶幸保住條命。Pit Bull好勇鬥狠，在美國，狗襲擊人致死個案，Pit Bull是頭號兇手。我知道這篇文章不容易看，但我強迫自己去看，或者我永遠不能克服被狗咬的恐懼，至少要從文字體驗被狗咬的經驗。過程太恐怖，我不想詳細描述，讀者好奇想睇的話，我提出警告，篇文包含相片。

跑步遇狗　保持冷靜勿尖叫文章指出一個不多人談及的課題：跑步時被一群狗追，是很多跑步者的噩夢。我不怕看驚慄電影，不過最近看了關於狼食人的《The Grey》（極地戰狼），恐怖片段仍不時在腦海閃過，想起也打冷震。這套戲全球收得，我相信跟人心底裏這種被狗咬的恐懼有關。被狗咬的恐懼甚普遍，只是我們不公開討論。
專家指，跑步者對於狗通常有兩種態度，第一種是知驚，走開一點或揀另一條路，總之避開。第二種是若無其事，這些人不是不知道有被狗咬的風險，但這些人告訴自己，狗咬人不會發生在自己身上，這些事只會發生在別人身上，加州兩兄弟被襲擊前可能也是這樣想。
在美國，每年跑步者被狗咬數字多至不能統計，被狗咬至死亡偶有發生。專家指，狗咬跑步者，主因是狗覺得跑步者是在逃走的獵物。狗很聰明，欺善怕惡，牠們以為人逃跑因為受驚，獸性告訴狗，跑步者是獵物。

專家教路，跑步者遇到來勢洶洶的狗，要注意下列幾點：1）不要作聲，聲音刺激狗的鬥心，特別是高音，例如女人尖叫；2）不要突然掉頭走，冷靜行動，否則狗把你當作弱者；3）避免有眼神接觸，狗可能覺得你有敵意；4）即使好驚，也要挺直身體，表現自信，千萬不要閃縮，記着狗是欺善怕惡。這幾招都冇用，狗向你衝過來，假如一剎那之間你仍冷靜至懂應對，專家教一招，向狗潑水，打亂狗的陣腳。
我屋企曾經養狗，亦從未被狗咬，沒有心理陰影，但每次跑步時遇到狗，都好驚。看完這篇狗咬人文章，個心舒服了一點，我希望自己不是特別膽小或多疑心，更不希望是無知，跑步者被狗咬是一個需要正視的問題，其他人不敢說出來，由我說吧。
還有，麥理浩徑我行過不知多少次，但每次經過金山公園路段，我立即提高警覺，因為我也好驚馬騮。

蔡東豪
http://hk.apple.nextmedia.com/financeestate/art/20121012/18038680?ref=fb

作者: didirene 時間: 2012-10-12 11:12
我試過, 真係好驚, 黃昏跑到馬游塘村, 一群十多廿隻山狗欄住條衛奕信徑, 對住我狂吠, 週圍人影冇個, 好狗唔欄路, 我一步步退後, 轉頭發覺又多4,5隻在我後面檔著條路, 我扮睇佢地唔到, 龜速行過佢地, 平安回家, 事後想起都猶有餘悸!

作者: kelvin71 時間: 2012-10-12 12:21
如果即刻播歌,增加人聲有冇用呢?

作者: 亞邊個 時間: 2012-10-12 13:56
馬騮欺善怕惡就肯定既, 狗就好難講. 有一年行毅行者, 成堆馬騮企響面前好似等食咁, 我怒啤佢地就即刻四散

作者: JohnsonC 時間: 2012-10-12 17:57
我早幾晚經斧山道跑上慈雲山
去到殯儀館門口花店突然被三隻野狗追
當時諗住自己呢次凶多吉少
迫於無奈下對唯有住 d 狗大喝一聲諗住壯下膽然後肉博
幸好佢地即時疾一疾仲掉頭走左無再追來

之後我再跑經果段路都專登避過對面馬路

同埋紅磡至土瓜灣一帶夜晚都幾多人放大狗唔拖狗繩
最誇張我見過一個大概 5 呎高既女士
一個人拖 2 隻細狗 + 4 隻洛威那全部無用繩
心諗就算佢用繩都唔夠力控制 d 狗啦

作者: kelvin71 時間: 2012-10-13 14:21
標題: 回復 5# 的帖子
師兄,斧山道上慈雲山你是跑那邊馬路?

我之後應該都會經常跑嗰邊,希望避得幾多得幾多...

作者: JohnsonC 時間: 2012-10-13 21:52

原帖由 kelvin71 於 2012-10-13 14:21 發表

 登錄/註冊後可看大圖

師兄,斧山道上慈雲山你是跑那邊馬路?
我之後應該都會經常跑嗰邊,希望避得幾多得幾多...

Hello, 街坊

因為我係由其他地方跑過黎而唔係兜圈
所以如果淨係講斧山道上斜的話
我係先由向山上方向既左手邊上山架
即係真鐸中學、帝峯豪苑、宏景花園果邊
直至去到富山村對面新果幢浸信會上少少個燈位
先至過馬路去右手邊即係"外彎"果邊繼續上慈雲山

附近範圍我遇過野狗既地方有：
(1) 志蓮淨苑橋底
(2) 志蓮淨苑入口
(3) 斧山道運動場對面上山果個巴士站
(4) 浸信會燈口位
(5) 殯儀館門外花店
(6) 保良一中 & 中華電力夾住中間果條小路
唔跑街跑場內亦唔見安全好多......
- 蒲崗村道緩跑徑我遇過綠色既蛇
- 配水庫遊樂場有野狗落黎搵野食
- 慈雲山中央球場有 PK 無用繩放成年大狗任由佢追我唔喝止 (但隻狗追人地 d 遙控車狗主就立即制止, 驚咬爛人地 d 車要賠錢

)

作者: kelvin71 時間: 2012-10-14 00:06
標題: 回復 7# 的帖子
咁大鑊...

遲啲仲諗住由沙田坳道上，試下跑去沙田馬鞍山或者飛鵝山添，似乎要打退堂鼓，另覓路線了。

作者: JohnsonC 時間: 2012-10-14 00:32

原帖由 kelvin71 於 2012-10-14 00:06 發表

 登錄/註冊後可看大圖

咁大鑊...
遲啲仲諗住由沙田坳道上，試下跑去沙田馬鞍山或者飛鵝山添，似乎要打退堂鼓，另覓路線了。

沙田拗道超多野狗喎!!
我有次開電單車經過
試過突然殺出一群多到唔知幾多隻山狗一路吠一路追我架車
唔係講笑

作者: jwcjwc 時間: 2012-10-14 03:56
如果野狗太多至可能危害途人，
係咪可以報魚農處派人捉晒佢？

作者: 1678 時間: 2012-10-14 19:56

原帖由 JohnsonC 於 2012-10-13 21:52 發表

 登錄/註冊後可看大圖

Hello, 街坊
因為我係由其他地方跑過黎而唔係兜圈
所以如果淨係講斧山道上斜的話
我係先由向山上方向既左手邊上山架
即係真鐸中學、帝峯豪苑、宏景花園果邊
直至去到富山村對面新果幢浸信會上 ...

唔知係師兄咁好彩定係我好彩
呢幾年跑經呢D位都冇見過野狗

定係師兄好夜先跑

作者: JohnsonC 時間: 2012-10-16 00:25

原帖由 1678 於 2012-10-14 19:56 發表

 登錄/註冊後可看大圖

唔知係師兄咁好彩定係我好彩
呢幾年跑經呢D位都冇見過野狗
定係師兄好夜先跑

係我好夜先跑
多數 11:40pm 附近先去到山腳

作者: hoowin 時間: 2012-10-16 12:43
標題: 回復 1# 的帖子
前兩日跑新清水灣道大斜路，昏暗既街燈，跑到其中一段左手山邊有狗不停叫。。
下意識望一望咩都睇吾到。。黑色一片。。維持正常步速離開果段就無野。。
我仲以為系我自己細膽，原來大家都有呢個問題

作者: runner.nick 時間: 2012-10-17 16:12
茶果嶺道
沿途的冰廠, 船塢, 木廠, 五金回收場, 大量惡犬

我試過俾幾隻追到我剩番一個身位都冇, 就黎掂到我咁滯

作者: 亞邊個 時間: 2012-10-18 10:57
茶果嶺道可以跑對面路, 但試過d 狗如果過埋對面路, 唯有跑出馬路中線一陣

新清水灣道d 狗應該響山坡上, 未見過會衝落黎

斧山道d 狗唔常見, 細個時去後面七號墳場玩, 俾成堆狗追, 但走得甩, 心諗可能d 狗只係想趕走不速之客

作者: didirene 時間: 2012-10-18 11:38

原帖由 hoowin 於 2012-10-16 12:43 發表

 登錄/註冊後可看大圖

我仲以為系我自己細膽，原來大家都有呢個問題

X 2, HAHA

歡迎光臨香港長跑網 - 長跑長友 (https://www.longrun.hk/)