香港長跑網 - 長跑長友

標題: 終點路段, 還容讓途人橫越賽道? [打印本頁]

作者: hahapoon 時間: 2013-2-28 16:35
標題: 終點路段, 還容讓途人橫越賽道?
灣仔, 銅鑼灣路段已是終點前的一公里。
跑手們都拼盡全力衝向終點(起碼我自己是), 但賽會在賽道中設立多個橫越賽道點, 更有些「樽頸位」, 豈不是太危險嗎﹖
跑了三年全馬, 每次到這裡都特別小心, 因為總是險象環生。而今年到最後還有力全衝, 本身很是興奮, 但就在此差點兒出事了。
我正全速前進之際, 一男士突然在樽頸位的過路人堆中衝出來, 一個直撞, 一個橫衝, 千鈞一髮, 你會怎麼辦﹖
他當然看不見我, 我正要撞上去的時候, 唯一的自然反應就是我大力的推開了他, 我不知道他有沒有跌在地, 因我當時的頭腦只有拼命衝向終點, 聽到的只是背後不斷的粗口聲。
可能有師兄會覺得我太過份, 我應該立即停下來而不能這樣推開人，我在此也特意向那位男士致歉。
我更希望的是, 賽會要關注選手和途人的安全﹗什麼爭取「金」比賽, 「金」賽道, 是沒有用的, 若跑手到衝終點時仍要左閃右避。

作者: kelvin71 時間: 2013-2-28 17:20
師兄,我記得舊年跑經此地,係有架木頭車出黎攔路囉!係好大架的手推木頭車...

今年情況已經好左...起碼多左好多警察幫手封住各個馬路口...

作者: tango 時間: 2013-2-28 20:59
可否搭建多條臨時行人天橋, 疏導途人, 警察先生又唔使做得咁辛苦

好似搭臨時舞台咁技術應可行, 每年可環保重用

作者: kokyan_lam 時間: 2013-2-28 22:08
木頭車咁過份?

作者: daniel0415 時間: 2013-2-28 22:32
說來奇怪，連續幾年我都差的在皇X堡附近和橫過馬路的人相撞。今年仲夸張，是個警察叔叔在等我前面的跑手跑過後，就叫一群包住頭巾的印傭橫過對面，當我沖到面前時，那些人仲嘻嘻哈哈望住我慢慢過。我幾乎就撞到，不得不夾硬收步，即時我就忍唔住大聲話那警察叔叔“有冇搞錯”

香港地少人多，安排個馬拉松比賽不容易，不過42.195K 其中40K都已隔開在高速公路及隧道跑啦，連最尾2K都咁難俾人包容到，唉......

作者: tango 時間: 2013-2-28 22:35
做到當然最好, 做不到就要互相包容, 跑慣街既我習慣收步避人, 離遠或離近幾公呎見勢色唔對, 其實係可以俾反應, 當然如果跑緊4min/km以下則作別論, 都係果句，互相體諒罷

作者: stunyap 時間: 2013-2-28 22:54
看返直播,全馬帶頭的跑手最後好似玩越野咁,隻隻慢腳個個陷阱
好心啦,全馬挑戰組一半時間前面都要越野? 見到都羞
最後幾百米用人鏈分開其他人吧,我是帶頭全力點避?

作者: daniel0415 時間: 2013-2-28 22:59
相信大部份跑全馬的人仕快到維園時都差不多筋疲力盡力，很難可以象平時練跑時咁敏捷收步避人了。相互體諒當然最好，但對於才一年一度的馬拉松在是否應給予多一點點的包容呢？！

作者: raccon_mama 時間: 2013-3-1 10:03
其實每年跑過呢段有點怕，去年見到有阿公公狂鬧警察唔俾佢過，亦有見跑手撞到人，但好似sorry都無句，希望大家多d包容，多d互相理解。

作者: AY60 時間: 2013-3-1 18:03
畢竟香港地少人多，一個早上多了幾萬人“高速”通過極度繁忙的街道實在不簡單。若大家能互相包容忍讓，警察及工作人員盡量維持秩序，大會再加強宣傳，三贏

目的是可以達到的。市民游客仍然可以開心地購物逛街，我們則暢快地跑步，享受一年一度的馬拉松嘉年華。

作者: cc6236 時間: 2013-3-2 00:20
好似樓上的師兄們講, 大家多多包容, 畢竟一年就只有一次

作者: hahapoon 時間: 2013-3-2 00:42
本帖最後由 hahapoon 於 2013-3-2 00:47 編輯

對對對, 若果真的有人趕時間要橫過賽道, 就算是冠軍人馬都要忍讓一下, 停一停, 等人過左先繼續跑

師兄, "多多包容" 跟 "安全" 是兩回事呢

一是警察每隔一段時間打橫完全封閉賽道, 先讓途人過。或者是完全不讓人過﹗
現在封又不是, 不封又不是, 遲早出意外...

作者: water 時間: 2013-3-2 05:17
其實我見好多香港人都好耐心等，係d賓賓真係衝出來⋯ 如果佢咁玩青蛙過河不如唔好封任人行好過可能仲冇咁危險。

作者: 1678 時間: 2013-3-2 10:19
本帖最後由 1678 於 2013-3-2 10:20 編輯

諗落其實個1K跑左入內街
行人要過對面又要唔影響跑手只有行個大圈
反而如果行到出面條軒尼詩道呢個問題就易解決好多

作者: ejpprun 時間: 2013-3-2 19:13
如果冇記錯, 舊年大會曾經提議過最後1k由駱克道改去軒尼詩道東行線, 咁樣路人可以利用行人天橋,避免跑手和路人爭路,也不用難為維持秩序的警察及工作人員....但好似因會影響好多巴士線而比區議會否決咗

; 希望來年可以再考慮這個建議,其實軒尼詩道一年都有好多個星期日下午都封路,一年一次馬拉松應該可以接受.

作者: kokyan_lam 時間: 2013-3-2 22:52

ejpprun 發表於 2013-3-2 19:13

登錄/註冊後可看大圖

如果冇記錯, 舊年大會曾經提議過最後1k由駱克道改去軒尼詩道東行線, 咁樣路人可以利用行人天橋,避免跑手和 ...

難道你會覺得我地政府會尊重體育運動？倫敦、紐約、東京，都比香港繁忙，佢地要封路相信比我地仲頭痛，但佢地既馬拉松路線都係貫穿政經心藏，例如倫敦馬拉松賽道，就等同一本大英歷史文化金融政治百科一樣，政府、賽會合力做到一種共融，全民尊重參與。我地既馬拉松係一種隔離式既比賽，跑手好以俾人發配邊疆一樣。連對體育既基本尊重都做吾到，遑論支持，或有心辦好比賽。再者，賽道大上大落，一d都吾好跑，亦吸引吾到世界級跑手來沖成績，比賽既知名度、認受性亦吾會增加

作者: derek_cat 時間: 2013-3-3 16:57
感觉今年渣打在这个问题上已经好过去年。。。。但还有行人横穿现象发生。。。俺也差点撞到。。。好像身边一个半马跑手碰到行人了。。。

或许他们不跑步的人不知道，这个时候，40k之后，选手基本靠惯性维持，很难停住或者避让行人的。。。

作者: eric0102 時間: 2013-3-3 23:18
其實臨時行人天橋絕對可行，點解賽會唔巧慮一下呢，我見到警察封路而好多行人正在等待過馬路我都有點不好意思！

作者: LHK 時間: 2013-3-4 22:33
而家唔係「包容」與否既問題，而係途人冇common sense 既問題，任意橫過賽道，咪同喺足球場打橫行一樣，畀跑手撞倒或者畀波省倒都只可以怪自己。

同意開放軒尼詩道會解決問題，但灣仔區議會先唔會放條軒尼詩道畀大家啦，「影響商戶生計」、「影響居民日常生活」嘛。

作者: little-fish 時間: 2013-3-5 08:19
香港一年n個無聊遊行又唔影響生計？政棍霸權？

作者: 餓龍 時間: 2013-3-5 16:35

tango 發表於 2013-2-28 20:59

登錄/註冊後可看大圖

可否搭建多條臨時行人天橋, 疏導途人, 警察先生又唔使做得咁辛苦

好似搭臨時舞台咁技術應可行, 每年可環保 ...

以前我都有相同既想法,但係當日五點先封路又要2點解封.唔可能做得到.

作者: 餓龍 時間: 2013-3-5 16:35

tango 發表於 2013-2-28 20:59

登錄/註冊後可看大圖

可否搭建多條臨時行人天橋, 疏導途人, 警察先生又唔使做得咁辛苦

好似搭臨時舞台咁技術應可行, 每年可環保 ...

以前我都有相同既想法,但係當日五點先封路又要2點解封.唔可能做得到.

作者: 肥鬼跑手 時間: 2013-3-11 21:41
唔知明年解放軍幫唔幫到手呢？

作者: zimbermen 時間: 2013-3-13 12:27
上年同今年都係波斯富街比啲夾硬嚟嘅國內旅客阻, 啲警察都搞佢地唔店, 佢地可能覺得好玩, 過完對面又過返過嚟, 有啲仲企係中間影相...

作者: 柔詠 時間: 2013-3-15 11:01
Hk marathon....唉!

歡迎光臨香港長跑網 - 長跑長友 (https://www.longrun.hk/)