香港長跑網 - 長跑長友

標題: 朝陽撒網 [打印本頁]

作者: sunrise 時間: 2010-12-3 12:25
標題: 朝陽撒網
因為跑步寫blog, 還是因為寫blog而跑步, 有一段時期, 我的確弄不清楚; 但幾個月之前, 我已經再沒有這個煩惱, 因為我既沒有興趣寫blog, 更加沒有興趣跑步!

回想當初, 以blog會友, 將自己跑步生活, 記錄下來, 公諸同好, 至今已3年多了, 跑步有關的blog亦寫了兩百多篇, 如果輯印成書, 可能有一本字典那麼厚! 其實我是一個不愛說話的人, 可以幾天不發一言都沒有問題, 不過當愛上跑步的時候, 就同時愛上說話, 或者每次跑完步後, 總有些感覺要說出來, 可惜身邊往往找不着聽訴的對象, 唯有透過文字, 在網絡中魚翁撒網, 當然這個無形的網, 又點會撈到魚, 不過在跑步的世界, 魚總是會自己游埋來的!

最近朝陽又有興趣跑步, 所以又要出來網魚; 不過雅虎那邊的海, 可能過度捕捉, 已經沒有什麼魚獲, 故唯有冒險, 跑到這片綠色的大海, 希望碰到一群快快樂樂的魚!

作者: MatthewTse 時間: 2010-12-3 12:36
朝陽 Ching ~~ 我都是你 YBlog CD-rom fans.

作者: 燉奶佬 時間: 2010-12-3 13:03
歡迎你跑火重燃！共同努力！

作者: rockiec 時間: 2010-12-3 13:15
唔怪得呢排無見你比賽...

以你ge 實力, 唔跑真係好可惜!
好在依家又有番興趣跑,
下一場玩邊場賽事呢?

作者: 711MF 時間: 2010-12-3 14:31
提示: 作者被禁止或刪除內容自動屏蔽

作者: sunrise 時間: 2010-12-3 22:55
matthew, 我都係一口氣睇完曬你架跑步過程先有興趣係到開blog!
烏拉, 我幾鍾意食seshime架

奶奶, 我架跑火或多或少因你而起!
rocki, 下一場係飛鵝山7k呀
7兄, 多謝, 唔知幾時可以再同你同場較量呢!

作者: sunrise 時間: 2010-12-4 09:51
上週日首次30k長課後, 雖然無傷無痛, 只休息一天, 便可如常練習; 不過, 一種乏勁的感覺, 卻籠罩着整週, 每次練習, 總是跑不出水準!

第一課走1.6k x 4, 目標1'30/lap, 只有頭兩組勉強達標, 尾兩組要成4/k, 本來要走5組, 不過急c(運動場上練習以來第一次), 加上無態, 還早點收工!
第二課慢跑10k, 首次可以順時針走, 有點不習慣, 想跑45分內, 不過中段飲水後鬥志鬆懈,最後要46頭完成!
第三課慢跑9k, 4'45/k pacing, 竟然有喘氣><
第四課跑城門河約10k, 迷你飄移路線, 守規舉跑行人路, spacer的石墨底與石磚不時發出啪啪聲, 感覺好古怪, 似乎沙田已經唔再是一處練跑的好地方, 用了50分鐘!

比起長課, 期待比賽又有另一番滋味; 走長課, 會怕辛苦, 不過如果真的很辛苦, 理性下便走慢些, 結果又不會太辛苦! 但比賽就不同, 無論你有幾辛苦, 還是需要堅持下去, 直到捱不住, 才會慢下來, 結果很可能會造就出一個異常辛苦的感覺, 一種比死更難受, 令人心肺俱裂, 衝次後會哀嗚幾聲, 數分鐘後才回復理智. 這種感覺, 令人又愛又怕, 因為當它出現的時候, 跑出來的成績一定已超水準, 而怕的地方就是當它出現過後, 往後的比賽都會變得平淡!

我想這種感覺明天會出現, 畢竟我跟它, 已經一別廿年了!

作者: 燉奶佬 時間: 2010-12-4 11:44

原帖由 sunrise 於 2010-12-3 22:55 發表

 登錄/註冊後可看大圖

matthew, 我都係一口氣睇完曬你架跑步過程先有興趣係到開blog!
烏拉, 我幾鍾意食seshime架
奶奶, 我架跑火或多或少因你而起!
rocki, 下一場係飛鵝山7k呀
7兄, 多謝, 唔知幾時可以再同你同場較量呢!

你唔好諗字搵我出火就得架啦！

作者: 燉奶佬 時間: 2010-12-4 11:46

原帖由 sunrise 於 2010-12-4 09:51 發表

 登錄/註冊後可看大圖

上週日首次30k長課後, 雖然無傷無痛, 只休息一天, 便可如常練習; 不過, 一種乏勁的感覺, 卻籠罩着整週, 每次練習, 總是跑不出水準!

第一課走1.6k x 4, 目標1'30/lap, 只有頭兩組勉強達標, 尾兩組要成4/k, 本 ...

明天一同加油呀！找回廿年前既感覺？初練呀

作者: sunrise 時間: 2010-12-4 12:34

原帖由 燉奶佬 於 2010-12-4 11:46 發表

 登錄/註冊後可看大圖

明天一同加油呀！找回廿年前既感覺？初練呀

如果廿年前開始練跑, 到今時今日, 一係就跛左, 一係就做左教練了

其實我講架係廿幾年前, 讀緊form 5架時候的第一次校內長跑比賽之後的感覺, 跑完果次之後, 一直無參與長跑活動, 可能覺得跑步太辛苦了, 直三年幾前, 才跑下步鍛鍊下身體!

作者: sunrise 時間: 2010-12-5 15:37
大意失荊州!
今早飛鵝山10k賽, 由於第一次跑, 唔敢太進取, 起步時守在第二集團, 幾百米後帶頭份子慢下來, 我就保持輕鬆步伐, 好快就超越所有人!

還記得上年嘉道理賽快放了1k左右就大爆散, 所以雖然越跑越順, 還是保持均速, 向上慢跑. 中段已感覺後面的人越來越遠, 但再跑幾百, 又突然出現腳步聲, 而且來得很急, 回頭一看, 原來是遲起步的壯年精英, 他只是在我視野範圍內出現不夠半分鐘, 就絕塵而去!

上完斜路, 去到水站, 發現水原來是一枝枝的, 不過既然無同組在後追趕, 便花幾秒埋去攞一枝, 擰開蓋飲了一啖, 就擰埋個蓋放在路邊, 然後慢慢再加速向前!

雖然知道有絃十米的優勢, 可是都不敢放鬆手腳, 以最快的速度向下衝. 每衝一步, 腳底就同地面產極大的磨擦, 或者我真的不擅長落斜, 不懂卸力, 硬食了2k後, 腳踭底部的皮膚開始有一種灼熱的感覺, 好像起了水pop, 心中不期然在盤算, 如果繼續高速衝下山, 灼熱的位置好可能會磨損, 而若磨損了, 下星期的樂善盃便大受影響, 畢竟樂善盃還是我今季的重點賽事!

于是, 決定收油, 改為慢跑落斜, 結果不幸地最後200米比人介左, 想追都無法再加速了, 輸了3秒只係得分組第二! 總時間為30'33, 比預期中要好!

作者: blurmax 時間: 2010-12-5 17:19

Well done - congratulations!

Don't slow down next time lah^.^

http://hk.myblog.yahoo.com/blurmax

作者: MatthewTse 時間: 2010-12-5 17:27
朝陽 Ching 說跑到最後那撞牆的感覺,

無生無死心無罣礙別無他念

相當禪的....

作者: rockiec 時間: 2010-12-5 21:09
朝陽兄, 真係實力派, 慢慢跑都可以攞亞軍!
恭喜晒, 第一次復出即刻拎個亞軍!

期望下星期, 繼續攞獎!
下星期見喇!

作者: sunrise 時間: 2010-12-5 22:22

原帖由 rockiec 於 2010-12-5 21:09 發表

 登錄/註冊後可看大圖

朝陽兄, 真係實力派, 慢慢跑都可以攞亞軍!
恭喜晒, 第一次復出即刻拎個亞軍!" />" />" />" />" />" />

期望下星期, 繼續攞獎!
下星期見喇!

Rocki兄, 以我架實力, 下星期樂善一定無機會攞獎, 做到頭120名都偷笑! 同時見!

作者: sunrise 時間: 2010-12-6 10:04

原帖由烏拉於 2010-12-6 00:41 發表

 登錄/註冊後可看大圖

" />" />既然係咁.
個海咁大. 都係游開d先.
何況我魚毛仔一條黎架咋
都係遠遠睇下d師兄前輩. 係網內大魚食中魚. 中魚食細魚好啦.

烏拉, 講笑啫!
係海中撒網, 網到架野係唔駛錢, 所以作為跑手, 梗係想想拾......免費架野啦

作者: MatthewTse 時間: 2010-12-6 10:19
朝陽兄 ~~ 恭喜晒得分組第二, 飛鵝山7k賽 Yblog 改了, 上面麻煩改埋.

小 fans 上

[ 本帖最後由 MatthewTse 於 2010-12-6 10:24 編輯 ]

作者: MatthewTse 時間: 2010-12-6 10:47
朝陽兄 ~~~ 我是村上春樹散文 fan, 1Q84 book 3 是不是 ending? 之前兩 books 太沉悶, 我以為本 book 2以悲劇結尾 tim.

作者: sunrise 時間: 2010-12-6 11:12

原帖由 MatthewTse 於 2010-12-6 10:19 發表

 登錄/註冊後可看大圖

朝陽兄 ~~ 恭喜晒得分組第二, 飛鵝山7k賽 Yblog 改了, 上面麻煩改埋.

小 fans 上

Matthew兄, Yblog果邊寫得比較長氣, 唔啱呢邊d跑友睇! 其實每次寫yblog, 我就要提醒自己, 要盡量精簡, 畢竟blog友的時間係好寶貴架!

另外, 1Q84卷3後應該還有卷4, 因為有好多謎底還未打開, 好似點解little people要整空氣蛹, 而青豆同天吾呢對亡命情侶, 按常理應該仲要打大佬, 要好似harry plotter一樣, 來一個正邪大決戰! 不過, 村上作品中好多神怪的事情, 通常都沒有進一步解釋, 究竟呢d超自然點解會出現, 或者這就是佢攞唔到文學獎的原因都未定, 因為西方人始終都喜歡問點解!

作者: jshho 時間: 2010-12-6 11:12
樂善無風褸啦...

以朝陽兄的速度, 120 名內實無問題... ^O^

加油 !!

作者: sunrise 時間: 2010-12-6 11:19

原帖由 jshho 於 2010-12-6 11:12 發表

 登錄/註冊後可看大圖

樂善無風褸啦...

以朝陽兄的速度, 120 名內實無問題... ^O^

加油 !!

我知無風褸, 不過想攞條種子手帶, 下年可以排前些!
其實我都有想過一個比較貪心的目標, 不過, 講出黎一定比人話'不自量力', 畢竟今年無操過山, 跑步長課又少, 又點敢話要金榜提名呢!

作者: 大圍新跑手 時間: 2010-12-6 14:29

原帖由 sunrise 於 2010-12-6 11:19 發表

 登錄/註冊後可看大圖

我知無風褸, 不過想攞條種子手帶, 下年可以排前些!
其實我都有想過一個比較貪心的目標, 不過, 講出黎一定比人話'不自量力', 畢竟今年無操過山, 跑步長課又少, 又點敢話要金榜提名呢!

朝陽兄,
歡迎回到跑步既世界~
下星期樂善我目標都同你一樣，到時希望可以同你拍住上~

作者: 711MF 時間: 2010-12-6 14:39
提示: 作者被禁止或刪除內容自動屏蔽

作者: sunrise 時間: 2010-12-6 15:11

原帖由 大圍新跑手 於 2010-12-6 14:29 發表

 登錄/註冊後可看大圖

朝陽兄,
歡迎回到跑步既世界~
下星期樂善我目標都同你一樣，到時希望可以同你拍住上~

我唔係好識路, 最好就可以跟住你走!

作者: sunrise 時間: 2010-12-6 15:12

原帖由 711MF 於 2010-12-6 14:39 發表

 登錄/註冊後可看大圖

個個星期都有賽.一定有機會...

黎緊架沙田半馬應該見到面了...

作者: 711MF 時間: 2010-12-6 15:18
提示: 作者被禁止或刪除內容自動屏蔽

作者: 燉奶佬 時間: 2010-12-6 16:07
恭喜朝兄復出便掃獎，長掃長有呀！

作者: sunrise 時間: 2010-12-6 17:09

原帖由 燉奶佬 於 2010-12-6 16:07 發表

 登錄/註冊後可看大圖

恭喜朝兄復出便掃獎，長掃長有呀！

奶兄, 已經成年都無攞過獎了!
想沖喜下個狀態, 先搵呢d比賽仔較下牙啫, 以我架實力, 短期內應該無機會了!

作者: sunrise 時間: 2010-12-9 21:30
飛鵝山賽後雙腳異常酸痛, 好似跑完一個全馬一樣, 本來應該休足一個禮拜, 不過又怕keep唔住度氣, 今週唯有痛住跑

1. 30分鐘恢復跑
2. 慢跑12k, 4'35/k
3. 中速跑15k, 1'05'03
33 x 8線
1'56,1'58,1'55,1'58,1'56,1'55,1'55,1'57,1'56,1'59,1'58
1'59,1'59,1'58,1'56,1'58,2'00,2'02,1'59,1'58,1'58,1'58
1'57,1'56,1'59,1'57,1'56,1'58,1'57,1'59,1'59,1'58,2'01
pacing好亂, 跑完勁酸!
星期日架比賽, 應該回唔切了!

作者: MatthewTse 時間: 2010-12-10 10:04
預祝朝陽兄樂善30k 順利攞到風褸.

作者: sunrise 時間: 2010-12-10 10:57

原帖由 MatthewTse 於 2010-12-10 10:04 發表

 登錄/註冊後可看大圖

預祝朝陽兄樂善30k 順利攞到風褸.

今年已經無風褸派啦

作者: 燉奶佬 時間: 2010-12-10 11:30

原帖由 sunrise 於 2010-12-9 21:30 發表

 登錄/註冊後可看大圖

飛鵝山賽後雙腳異常酸痛, 好似跑完一個全馬一樣, 本來應該休足一個禮拜, 不過又怕keep唔住度氣, 今週唯有痛住跑
1. 30分鐘恢復跑
2. 慢跑12k, 4'35/k
3. 中速跑15k, 1'05'03
33 x 8線
1'56,1'58,1'55,1'58, ...

仲有兩日，回得切有突啦！投以信心既一票

作者: sunrise 時間: 2010-12-10 15:01

原帖由 燉奶佬 於 2010-12-10 11:30 發表

 登錄/註冊後可看大圖

仲有兩日，回得切有突啦！投以信心既一票

多謝奶奶支持!
其實就算回唔切, 我都係照原訂計畫跑, 跑爆先算, hahaha!

作者: sunrise 時間: 2010-12-12 21:01
樂善盃2010
在跑步生涯之中, 我經常都有幻想; 而上週比賽獲獎後, 我就覺得今天有機會得獎, 于是, 起步時便以頭10名為目標, 可是, 這個夢只發了17分鐘就完了, 當跑出郊遊徑到達大馬路上斜,  在我最強的斜路都無力再去, 給第十一, 第十二, 第十三超越時, 原來我是多麼天真, 多麼傻!

北潭往赤徑路段, 雖然敗象已成, 但我仍未放棄, 吃力地跟着前面10多人, 跑的速度, 比平日的長課還要快, 就算上斜往大浪坳那段斜路, 還堅持慢走, 到大浪坳隨便拿了一杯水喝, 然後將自己的一枝水棄掉, 只拿半支火龍果味的vitamin水!

開始上石級, 才發覺汗如雨下,  剛才喝的半杯水, 轉眼間已經流失了. 上石級一直是我弱項, 這次都沒有例外, 只給3幾個人超越, 已經幸運.

要到蚺蛇坳前, 只走一段崎嶇不平的山路, pass的遊戲終於開始, 又給幾個人越過.  爬上蚺蛇坳, 應該問題不大, 但原來我已是強弩之末, 爬到一半, 已無力再上, , 雙腳乏力下, 要用手攀爬, 但慢得可憐, 很多一邊爬一邊令沙石滑下的年青人, 都一個一個在我頭上經過!

很辛苦完成蚺蛇坳, 又要沿山頂的小徑走, 平路我走得不錯, 但當落那碎沙石坡時, 我就變成很異相, 別人是重心向前往下跳彈而下, 而我則重心向後, 戰戰兢兢一步一步行落去, 所以每次經過碎石坡, 前面又會多幾個人!

到達長咀, 吃了一包gel, 便繼續慢跑, 雖然只是慢跑, 但可以再越過我的人不多, 可能快馬已去, 剩下來的, 實力並不太強, 當然, 你超越我, 我超越你的情況還是會發生, 記得其中一位參賽者就最少叫了我三次"pass", 本來慢的讓給快的, 是一種禮貌, 不過, 你又為何過了我後又慢下來, 給我一次又一次反超越呢? 不過, 跑到這裡, 除了辛苦外, 其他的事我都不想去計較!

經過幾個沙灘, 大家在跑, 而我竟然是跑得最慢的一個, 去到西灣村, 名次大約是50, 而前面那位樂華的前輩, 還說跑步出身的人, 在這時發力, 可以再追到廿幾人, 我信以為真, 真的發力走, 向前狂奔, 但走了一大段, 竟然一個人又追不上, 之前慢走還可以勉強應付, 當快走了一段, 雙腳的肌肉異常繃緊, 特別是大腿, 有點提不起的感覺.

之後的整條可級路都是行, 而在差不多走出西灣時, 四頭肌終於抽起來,  痛楚難堪.  行往西灣亭cp, 大叫要寶礦力, 他們竟然要搵?  慢行了一段, 喝完整支能量飲品, 便嘗試跑, 但在四頭肌抽搐下, 令你無法提腿, 就算能跑, 都只能碎步, 而步幅只有一個腳掌, 跑下行下推了幾k, 有位認識的師兄輕鬆地經過, 我說抽筋跑不動, 他說跑到這裡, 大家都是咁上下辛苦, 我受感動, 唔理一切, 發力狂奔回終點!

北潭涌(起點) ->  蚺蛇坳，1:01， 9.35K
蚺蛇坳 -> 長咀，1:32， 13.5K
長咀 -> 鹹田灣，2:10， 18.3K
鹹田灣 -> 大浪西灣，2:34 ，20.3K
大浪西灣 -> 西灣亭，2:47 ， 23K
西灣亭 -> 北潭涌 (終點) ，3:20 ，29K

名次: 75

作者: 亞平 時間: 2010-12-12 22:31

原帖由 sunrise 於 2010-12-12 21:01 發表

 登錄/註冊後可看大圖

樂善盃2010
在跑步生涯之中, 我經常都有幻想; 而上週比賽獲獎後, 我就覺得今天有機會得獎, 于是, 起步時便以頭10名為目標, 可是, 這個夢只發了17分鐘就完了, 當跑出郊遊徑到達大馬路上斜, 在我最強的斜路都無力再去 ...

在如此狀態之下仍可以3:20時間完成，其實已經相當唔錯，時間並不是唯一令人尊重的東西，當中那份堅毅才是值得令人敬佩的..

作者: oscar 時間: 2010-12-13 00:03
提示: 作者被禁止或刪除內容自動屏蔽

作者: MatthewTse 時間: 2010-12-13 08:12
朝陽兄~~雖然成績吾理想，但覺得你相當有鬥志。印象中你很少長課操山，下次再跑過。

P.s.下年我留意下樂善，有机會試下路先！

作者: sunrise 時間: 2010-12-13 09:44
Matthew, 其實今年無操過山, 所以肌肉唔慣走山路, 抽筋是意料中事!
Oscar, 最痛苦的地方係那種任人魚肉的感覺!
多謝平哥讚許, 講到堅毅精神, 有你一半都不得了啦!

作者: MatthewTse 時間: 2010-12-13 09:57
朝陽兄無操過山都 320 PB 17 mins, 魚肉左幾千人, 山賽又唔係你強項，獨孤求爆, 爆得舒唔舒服?

[ 本帖最後由 MatthewTse 於 2010-12-13 10:24 編輯 ]

作者: 燉奶佬 時間: 2010-12-13 16:52
都話你得架啦！恭喜晒！

作者: runrun 時間: 2010-12-14 16:27

原帖由 sunrise 於 2010-12-12 21:01 發表

 登錄/註冊後可看大圖

樂善盃2010
在跑步生涯之中, 我經常都有幻想; 而上週比賽獲獎後, 我就覺得今天有機會得獎, 于是, 起步時便以頭10名為目標, 可是, 這個夢只發了17分鐘就完了, 當跑出郊遊徑到達大馬路上斜, 在我最強的斜路都無力再去 ...

恭喜你，可以攞到種子手帶，下年再報仇嘛！

作者: sunrise 時間: 2010-12-14 17:10

原帖由 runrun 於 2010-12-14 16:27 發表

 登錄/註冊後可看大圖

恭喜你，可以攞到種子手帶，下年再報仇嘛！

多謝runrun前來影相及打氣!
下年睇下有無態先, 如果無信心快過今年就唔會玩了!

作者: sunrise 時間: 2010-12-20 10:54
沙田半馬---皇者之戰

由於今年開操比較遲, 所以練習的進度是有點急, 12月頭三星個星期都安排了比賽, 本來打算寓賽于操, 先透過一場7k的短途賽燃起比賽的鬥心, 再用30k的山賽去鍛鍊耐力, 將近兩個月的訓練成果用于今天的半馬比賽!

未夠7點已經來到沙田體院, 可能太早的關係, 運動場上人丁單薄, 工作人員也是剛來到, 為比賽作出準備; 難得可以這麼寧靜, 獨個兒坐在草地旁更衣帶布, 拉筋慢跑, 罕有地可以做足熱身動作!

上線時排在一架三輛戰車後,  不過不知道他的起步速度, 怕會發生危險, 最後還是閃到一眾跑得比我快的高手後比較妥當.  起步後不敢搶得太前, 只保持均速, 徐徐跟着人群湧去.  兩k後才看錶, 不用8分鐘似乎比預期快了一點, 不過既然大家都沒有收步, 我還是繼續一貫的跑法, 但到3K時, 發覺速度原本已慢了很多, 但跑起來已有點不順暢的感覺, 再跑了一會, 開始發覺越來越多人超越我, 而且當中有幾個還是認識的, 究竟是他們快了, 還是我慢了?  其實答案心中有數, 不過又有誰可以接受一場半馬比賽, 不跑到5K就已要認輸呢?

後來華倫後來上前鼓勵, 說抖一抖再去, 不過我接收到的訊息就是要發力走.  當下咬緊牙關, 用力向前衝, 轉眼間就追回幾個熟悉的跑友; 可惜這股勁只是維持了2K, 又開始要墮後了.  雖然跑上馬鞍山藍色的緩跑徑上,  感覺很舒服, 不過仍無法加速, 夢遊的時刻又開始了.  對面線帶頭的跑手陸續出現, 這刻好像變成了觀眾, 而不是參賽者.

不久目擊了一次跑友的糾紛. 可能跑的時候發生碰撞, 一位跑手爆粗, 而另一位被問候者心有不甘, 停了下來跟他對駡, 在路中心互相糾纏, 但不見到結果, 我已經跑離是非之地了!

10K後小腿有一種很繃緊的感覺, 速度不期然又要再慢下來.  或者是連場大戰後, 體力及肌肉未恢復, 不過跑了一半就好似全馬35K後的狀態, 實在令人難以接受, 餘下來的賽事當然陷於苦戰, 而這種苦不單來至身體上的痛, 被一個二個對手超越的無奈, 在腦中拆騰, 雖然身經百戰, 原來還是放不開!

跑完回到球場休息期間, 腹部突然有一舊肌肉烈痛, 揭開衣服, 看到那舊肉突了出來, 十分恐怖,  像有隻異形要破肚而出一樣,  持續的痛令人擔心, 一直自以為身體健康, 可能有某種致命的疾病都說不定, 雖然以後都不能跑的念頭一閃即逝, 不過要愛惜身體的信念就一步加強了!

時間: 1'34'55

作者: oscar 時間: 2010-12-20 13:46
提示: 作者被禁止或刪除內容自動屏蔽

作者: dicksonyk 時間: 2010-12-20 14:33

原帖由 sunrise 於 2010-12-20 10:54 發表

 登錄/註冊後可看大圖

沙田半馬---皇者之戰

由於今年開操比較遲, 所以練習的進度是有點急, 12月頭三星個星期都安排了比賽, 本來打算寓賽于操, 先透過一場7k的短途賽燃起比賽的鬥心, 再用30k的山賽去鍛鍊耐力, 將近兩個月的訓練成果用于 ...

oh my god, 我未聽過有這種傷患的懲狀, 朝陽ching, 早日康復....

作者: runrun 時間: 2010-12-20 15:35
朝陽兄，就算依家冇事，都要揾醫生check 吓好D喎！

作者: sunrise 時間: 2010-12-20 19:22
oscar, runrun, diskson,
其實都唔係乜野危疾, 只不過6舊腹肌架其中一舊抽筋. 果日抽完一次後, 抖左一陣又再抽一次, 之後就無再抽了, 而抽筋的位置, 現在還有點痛!

可能腹部抽筋比較"騎呢", 引至大家擔心, 醫生就唔會睇住, 除非成日都抽啦! 不過, 短期內相信唔可以再向人展示d腹肌啦

作者: MatthewTse 時間: 2010-12-21 15:01
朝陽兄 ~~ Take it easy!

朝: 醫生 ~~ 我6舊腹肌, 其中一舊抽筋!現在還有點痛!

醫: 老老實實 ~~ 我得一舊腹肌, 突左20年都無事啦!現在每年增加20 cm tim.

作者: runrun 時間: 2010-12-22 23:08

原帖由 sunrise 於 2010-12-20 19:22 發表

 登錄/註冊後可看大圖
oscar, runrun, diskson,其實都唔係乜野危疾, 只不過6舊腹肌架其中一舊抽筋. 果日抽完一次後, 抖左一陣又再抽一次, 之後就無再抽了, 而抽筋的位置, 現在還有點痛!可能腹部抽筋比較"騎呢", 引至大家擔心, 醫生就 ...

冇事就好啦 !
我從來都冇6舊腹肌, 對呢啲腹肌問題真係一竅不通。
Take care !

作者: sunrise 時間: 2010-12-27 21:17
上次第一次走30k長課, 城門引水下花山, 跑完附近發現女屍, 好唔老泥; 今早再走同一路線, 同一距離, 仲邪, 直昇機跌落水塘, 下次跑之前真係要拜下神先得

分段如下:
城門引水道(0-5.9k)
4'47,4'53,4'51,5'02,5'03
4'43,
(荃錦馬路段)
1'35+1'31(走錯路><)
下花山
4'39,4'37,4'40,4'44,4'38,4'44,4'49,4'41,2'25(8.5k)
2'22,4'43,4'51,4'47,4'51,4'44,4'44,10'31(8.5k)
(荃錦馬路段)
2'51
4'38,4'54,5'07,4'59,5'04,4'56(5.9k-0)
共2:26:41, 慢過上次成兩分鐘, 單拖跑真係差d!

作者: MatthewTse 時間: 2010-12-27 23:15
下次跑請別忘記帶相機, 會出現 U.F.O.

作者: 燉奶佬 時間: 2010-12-28 11:03

原帖由 sunrise 於 2010-12-27 21:17 發表

 登錄/註冊後可看大圖

上次第一次走30k長課, 城門引水下花山, 跑完附近發現女屍, 好唔老泥; 今早再走同一路線, 同一距離, 仲邪, 直昇機跌落水塘, 下次跑之前真係要拜下神先得

分段如下:
城門引水道(0-5.9k)
4'47,4'53,4'51,5'0 ...

下次跑長課之前，不如先通知有關當局，有心理準備好過啦！

作者: sunrise 時間: 2010-12-28 11:56
Matthew,13奶:
渣馬前個個禮拜都有比賽, 所以都唔會有機會再跑呢條路線了, 你地下次可以安心去跑啦

作者: sunrise 時間: 2010-12-29 22:25
呢兩日勁流鼻水, 今日下午終於忍唔住, 拍左兩粒傷風素, 當堂藥到病除, 不過副作用就係手軟腳軟. 藥後跑步雖然危險, 但既然定左要跑, 就要頂下去!

2k x 5, 休兩分鐘
7'48, 7'48, 7'52, 7'54, 8'14
最後一隻爆左!

作者: sunrise 時間: 2011-1-1 21:59
長洲元旦10k越野賽

通常一些又遠, 又無晶片, 又唔專業的比賽, 除非有特別的理由, 否則我是不會去參加的, 今日入長洲比賽, 主要的原因並不是希望有獎拿, 而是因為在新的一年, 同好友相聚, 比賽其實只是一個橋樑吧!

雖然懷著輕鬆的心情而來, 但爭勝的心, 還是很強烈; 起步時要動點真力, 才可以跟到第二集團尾, 在第一段平路, 感覺可能走出10k比賽最快的頭2k, 而在我前面, 大概有10個對手, 要攞獎的話, 就要全程都保持這個速度, 所以未上斜路, 都已經知道今日要空手而回了!

第一段斜路比想像中辛苦, 上的時候越走越慢, 已經被兩三個人超越; 而落斜坡垂死掙扎, 用力衝, 希望收復部分失地, 雖然落斜追回一兩個, 但一回到平路, 已經有力盡的感覺, 同一條平路, 如果剛才是3'50/k, 現在則是4'10, 勁慢之下, 轉眼又被多人超越. 之後, 轉入山路小徑, 亦只能維持較慢的速度, 跑起來比長課還要慢, 不禁令人氣餒, 或者我太高估自己了, 畢竟我都是一個平庸的跑手!

最後3k, 終於見到k牌, 不過都是無法加速, 反正前面的人追不上, 而後面的人又追不上來, 而這個局面維持到終點都沒有改變!

時間:46'34 組別: 17

作者: blurmax 時間: 2011-1-1 23:10

Nice to meet U & other leisure runners today.

U'd a good run already^.^

http://hk.myblog.yahoo.com/blurmax

作者: 大圍新跑手 時間: 2011-1-2 14:59

原帖由 sunrise 於 2011-1-1 21:59 發表

 登錄/註冊後可看大圖

長洲元旦10k越野賽

通常一些又遠, 又無晶片, 又唔專業的比賽, 除非有特別的理由, 否則我是不會去參加的, 今日入長洲比賽, 主要的原因並不是希望有獎拿, 而是因為在新的一年, 同好友相聚, 比賽其實只是一個橋樑吧! ...

朝陽兄,
加油呀，祝你來年再創高峰~

作者: MatthewTse 時間: 2011-1-2 16:21
祝朝兄新年工作順利，身體健康，pb 再pb！

作者: sunrise 時間: 2011-1-3 10:20
大圍, 多謝支持, 希望今年大家都可以向目標進發!
matthew 兄, 今年真係要向你學習, 那股勇往直前的衝勁!

作者: 燉奶佬 時間: 2011-1-4 10:19
原來你去左長州跑！聽講個度猛將如雲！要攞獎一d都唔易呀！下次再努力呀！
我跑感差，最怕見唔到里數牌！唔知自己跑緊mub

[ 本帖最後由燉奶佬於 2011-1-4 10:21 編輯 ]

作者: sunrise 時間: 2011-1-4 22:30
今晚得13,4度, 走1k x 10, 雖然很涷, 但可滿足!
7分鐘一組, 連jog 200m到起點
3'47,3'48,3'43,3'43,3'44,
3'44,3'43,3'41,3'41,3'35

作者: sunrise 時間: 2011-1-6 20:53
今晚同樣得13,4度, 中速跑15k, 1'06'35, 尚可!
33個8線
1'49,1'51,1'54,1'56,1'57,2'00,2'01,2'01,2'00,2'00,2'02(21'35)
2'00,2'00,2'00,2'01,2'00,2'02,2'02,2'00,2'00,2'01,2'03(43'51)(飲水0'10)
2'00,2'04,2'00,2'06,2'06,2'02,2'07,2'03,2'06,2'02,1'53 (1'06'35)

作者: MatthewTse 時間: 2011-1-7 09:06
朝兄開始上鍊！

第八線即幾長呢？

作者: sunrise 時間: 2011-1-7 09:32

原帖由 MatthewTse 於 2011-1-7 09:06 發表

 登錄/註冊後可看大圖

朝兄開始上鍊！

第八線即幾長呢？

456米. 22個圈就足10k了.

我呢條鍊好難上, 上兩下就反彈返兩下, 比賽時就好快鍊盡人停了!

作者: 燉奶佬 時間: 2011-1-7 09:35
449m，跑11個就係4939m，不過我地當係5k架啦！

作者: 燉奶佬 時間: 2011-1-7 09:40
第一線內線圈係400，之後每1線道加7米！

作者: MatthewTse 時間: 2011-1-7 09:52
多謝兩位解答我心埋藏三十年疑惑。

仲有其他，例如大人問“你仲愛吾愛我？有幾愛？如果冇结婚你會吾會織第二個”之類。

作者: 燉奶佬 時間: 2011-1-7 09:56

原帖由 MatthewTse 於 2011-1-7 09:52 發表

 登錄/註冊後可看大圖

多謝兩位解答我心埋藏三十年疑惑。

仲有其他，例如大人問“你仲愛吾愛我？有幾愛？如果冇结婚你會吾會織第二個”之類。

代答１︰
大人，愛唔係單單講既，仲要係做既！ｃｏｍｅ　ｏｎ　Ｊｕｓｔ　ｄｏ　ｉｔ！

作者: sunrise 時間: 2011-1-7 11:26
係兩個一問一答, 已經等如我個blog一星期架留言啦, haha!
其實運動場門口, 應該有寫明一線幾長, 八線又幾長架! 有人話, 就算標準場, 每個都會有少少出入.

matthew, 不如將你架問題改為, 長跑問“你仲愛吾愛我？有幾愛？如果冇跑步你會吾會揀第二種嗜好”; 只要你將答案同你大人講, 肯定佢會開心死呀

作者: sunrise 時間: 2011-1-10 11:00
美津濃半馬

可能自己太貪玩了, 2011年開始, 到渣打全馬, 差不多每個星期都有比賽, 在沒有特定目標要達成的情況下, 為了不影響全馬的恆常練習, 比賽前不會減訓練量,  而比賽時亦不能太辛苦, 以免影響下星期的訓練; 故今天的半馬比賽, 就在這些條件下出賽, 而跑出來的時間跟去年相若, 不過感受卻大有不同!

去到大尾督, 已經7點20分了,  拿了號碼布, 換完衫, 離開跑不足半小時, 唯有省略常規的熱身運動, 隨便拉拉筋就上線. 舊年半小時前上線, 排在第一二行, 今年早15分鐘上線, 已被擠在二三十行外, 唯有厚面皮地向前鑽, 最後停在7-8行的位置.

同孝哥寒暄了一會, 才發覺Daniel 兄站在身旁, 胸有成竹, 只穿一件背心,  一副搏殺格, 同身穿三件衫的朝陽比較, 有無態的分別十分明顯!  站了十分鐘,  k神原來亦在身旁, 立刻握着他的手, 希望他可以過點功力給我, 讓我爆得沒有那麼快!

起步時隨大隊向前衝, 發覺我的速度是比前面的人快, 起初還在要左鑽右鑽, 不過很快便記起自己定下"唔搏命"的規則,  收步默默地跟着別人路就算, 相反, 搏命的daniel兄則走大外檔, 避開人群, 高速上斜, 直追前列份子.

之後保持均速, 每次上斜都要提醒自己唔好可快, 落斜就可以放鬆地乘勢而落, 可能均速走的關係, 前後的跑手變化不大, 要去到烏蛟騰平路段, 才開始有較多人超前我, 包括mark及包包,  又一次自我克制, 沒有跟他們的pacing走; 出烏蛟騰細米在我前面出現, 忍不住吊着他走, 可惜就算出力走, 還是給他越拋越遠!

回大尾督還未覺太辛苦, 不過一上到壩, 一種不安的感覺就出現了, 因為每次上壩都是痛苦的開始, 今次唔打算受苦, 故雖然還有力, 還是保持均速, 約4分廿幾的練習速度走, 不過到落碼頭的時候, 還是有疲倦的感覺, 速度又再降慢些, 直到再上壩時, 再重回剛才4分廿幾的速度. 本來打算以此速度跑回終點, 就算一個又一個跑手越過我, 都無動于中, 但在壩的中段發現久違了的stanley突然出現在身邊, 既然有陪, 辛苦點都無所謂, 于是主動同佢講一齊跑返去, 佢卻面有難言之色...

陪走了一會, 不斷有女fans同佢打招呼, 有點不是味兒, 我還是墮後一點, 保持十米左右的距離, 兩個男人擕手過終點, 始終不是一件浪漫的事!  但離終點百多米時, 我看到大會的時鐘正在顯示1:29:2x(全程一直都沒有看錶睇總時間),  自然反應就是向前衝, 可惜最後十米已經聽見倒數到最後3秒, 差幾秒攞唔到銀章有點可惜, 不過就僅僅pb, 總算有點安慰!

大會時間: 1:30:05

作者: MatthewTse 時間: 2011-1-10 11:32
沙田平路1:34:55, 美津濃跑上落斜都 PB, 朝兄跑斜好犀利 ~~

作者: 燉奶佬 時間: 2011-1-10 11:46
先恭起朝陽兄PB！
尋日開心有幸一齊起步吹水！
純感覺去跑！你都藝高人膽大！

[ 本帖最後由燉奶佬於 2011-1-10 11:48 編輯 ]

作者: 大圍新跑手 時間: 2011-1-10 12:47
恭喜朝陽兄PB~

作者: 711MF 時間: 2011-1-10 14:00
提示: 作者被禁止或刪除內容自動屏蔽

作者: sunrise 時間: 2011-1-10 14:17

原帖由 MatthewTse 於 2011-1-10 11:32 發表

 登錄/註冊後可看大圖

沙田平路1:34:55, 美津濃跑上落斜都 PB, 朝兄跑斜好犀利 ~~

只係快上年10秒, 練左成年都係得個吉><

作者: sunrise 時間: 2011-1-10 14:18

原帖由 燉奶佬 於 2011-1-10 11:46 發表

 登錄/註冊後可看大圖

先恭起朝陽兄PB！
尋日開心有幸一齊起步吹水！
純感覺去跑！你都藝高人膽大！

憑感覺跑其實即係亂跑!

作者: sunrise 時間: 2011-1-10 14:19

原帖由 大圍新跑手 於 2011-1-10 12:47 發表

 登錄/註冊後可看大圖

恭喜朝陽兄PB~

多謝大圍兄, 若非你有傷在身, 你都一定可以pb呀!

作者: sunrise 時間: 2011-1-10 14:22

原帖由 711MF 於 2011-1-10 14:00 發表

 登錄/註冊後可看大圖

恭喜朝陽兄PB...
我尋日差不多同你拍跑足全程...我著灰色長T..

7兄, 留意唔到你tim, 無同你打招呼, 唔好見怪!

作者: 711MF 時間: 2011-1-10 14:32
提示: 作者被禁止或刪除內容自動屏蔽

作者: sunrise 時間: 2011-1-10 15:16

原帖由 711MF 於 2011-1-10 14:32 發表

 登錄/註冊後可看大圖

傻啦..當時大家都同時間搏鬥緊...

係喎, 臨尾我比你睇住呢黎食呀

作者: sunrise 時間: 2011-1-11 22:20
今晚得10度, 加上有幾點冰雨, 場球上人丁單薄, 蛇影處處!
好彩仲有包包陪跑54321+1隻5k
時間如下:
2k(7'56), r2'0
1.6k(6'05),r3'0
1.2k(4'23),r4'0
0.8k(2'50),r4'0
0.4k(1'18)
r4
5k(22'07)

作者: 燉奶佬 時間: 2011-1-11 23:50
咁鬼凍都練跑！傻既！

作者: sunrise 時間: 2011-1-12 09:46

原帖由 燉奶佬 於 2011-1-11 23:50 發表

 登錄/註冊後可看大圖

咁鬼凍都練跑！傻既！

早左少少到, 去到都未見到蛇堆, 如果唔係一定跟大隊行動

作者: 燉奶佬 時間: 2011-1-12 09:51

原帖由 sunrise 於 2011-1-12 09:46 發表

 登錄/註冊後可看大圖

早左少少到, 去到都未見到蛇堆, 如果唔係一定跟大隊行動

我就係遲到，見到蛇竇，即刻物以類聚！

作者: sunrise 時間: 2011-1-12 21:24
中速跑15k
8線
2'01,1'56,1'59,1'57,2'01,1'58,1'54,2'01,2'02,1'59,1'59 (21'49)
2'01,2'00,1'58,2'01,2'00,2'00,2'03,2'00,2'01,1'58,2'04 (44'01)飲水0'08
2'01,2'02,2'01,2'02,2'00,1'58,2'01,1'59,2'01,2'01,1'48 (1'06'10)
無風, 加上放左大燈, 無噚晚咁涷!

作者: 大圍新跑手 時間: 2011-1-12 23:53

原帖由 sunrise 於 2011-1-10 14:19 發表

 登錄/註冊後可看大圖

多謝大圍兄, 若非你有傷在身, 你都一定可以pb呀!

朝陽兄,
我冇傷呀，只係比賽果腳痛發唔到力，跟住星期一二都有跑應該冇事，希望渣打跑返好d啦~

作者: oscar 時間: 2011-1-13 00:30
提示: 作者被禁止或刪除內容自動屏蔽

作者: sunrise 時間: 2011-1-13 10:24

原帖由 大圍新跑手 於 2011-1-12 23:53 發表

 登錄/註冊後可看大圖

朝陽兄,
我冇傷呀，只係比賽果腳痛發唔到力，跟住星期一二都有跑應該冇事，希望渣打跑返好d啦~

腳痛都當係輕微傷患, 不可掉以輕心!
大家努力, 希望渣打可以拍住走315!

作者: sunrise 時間: 2011-1-13 10:26

原帖由 oscar 於 2011-1-13 00:30 發表

 登錄/註冊後可看大圖

你地啲中速跑真係.....跑到我心贜爆烈.....

點會啫, 我呢個速度走得15k, 你就走到18k, 如果要我走多3k, 真係會心贜爆烈都似

作者: MatthewTse 時間: 2011-1-13 10:48

原帖由 sunrise 於 2011-1-13 10:26 發表

 登錄/註冊後可看大圖

點會啫, 我呢個速度走得15k, 你就走到18k, 如果要我走多3k, 真係會心贜爆烈都似

中速跑15k (22分/5k) 冇休息可? 好恐怖.....

作者: 711MF 時間: 2011-1-13 10:52
提示: 作者被禁止或刪除內容自動屏蔽

作者: sunrise 時間: 2011-1-13 11:35

原帖由 711MF 於 2011-1-13 10:52 發表

 登錄/註冊後可看大圖

朝陽兄..你地係咪定左逢星期三操架..青衣定葵芳..??

通常逢星期二會係葵芳跟跑食會走快課!
其他時間就無定, 噚日葵芳場更衣室維修, 走左去斧山跑!
有時會星期三去青衣跟跑步舍走快課, 不過近來少去了!

作者: sunrise 時間: 2011-1-17 11:44
好心情10k賽

今個星期繼續寓賽于操, 表現尚算穩定; 其實今年開始的比賽, 已經覺得跟以往有點不同, 雖然速度依然沒有進寸, 不過耐力的確是持久了, 就算跑到末尾, 仍沒有'爆'的感覺, 或者這就是專注馬拉松訓練的成果吧!

這個比賽第二年舉行, 雖然仍然在東涌出發, 不過集合地點和路線已改了, 我想除了大姐明外, 一切都不同了, 對于運動員來說, 或者當它是一個新的比賽較合適合.

起步又一次不知死活, 跟黑人thomas一起彈出, 跑了百多米後, 他仍在我10米之內, 之後當然逐漸拉遠, 不過我仍然不是慢他很多, 去到1k位左右, 他罕有地只是快我30幾米左右, 還以為會造出平路最快k速之際, 見到1k牌時看錶, 頂! 5分10秒!

之後跑到一條長長的海堤, 迎着強勁的北風, 非常難受,  故加速追上一個跑手, 希望找他來擋擋風, 不過相對大自然來說, 人實在太渺小了, 風仍然像冰水一樣, 湧進我每一吋肌膚, 就算逆風, 速度都不能減慢, 否則就很易着涼了.  見到2k牌時, 再看錶, 又要頂多次, 仍是5分鐘過外! 幸好之後都不用再頂了, 因為再沒有見到3k-9k的牌!

跑到長堤尾, 就立即要入隧道, 可能突然沒有了風, 落斜時走得份外快, 到落斜中段, 突然失卻了平衡, 人向前仆, 幸好在電光火石間及時回腳, 有驚無險, 否則比賽就要提早終點, 因為在如此高速下pk, 肯定要入院了!

之後在隧道中慢跑了幾步, 確保沒布拉傷, 再之後在賽道上的一隧道三天橋, 都沒有再衝了.

出了隧道, 又再走回長堤, 不過風卻停止了, 步速亦快不了, 之後的路, 都是平穩地走, 前面就是豹哥, 而豹哥前就有一位白背心跑手, 大家相距十米左右, 沒有其他人超前我們, 我們亦沒有超前其他人, 而這個僵局, 一直維持尾段,  當我看到大批跑食會好友在打氣時, 便發力衝, 轉眼已超越豹哥, 而且越拉越遠, 以為終點在望, 點知跑了幾分鐘都還未到, 無力再去, 好快又被豹哥爬頭!

不知捱了多久, 才看到回終點的路, 這次真的終點在望, 于是便再發力, 不但趕過豹哥, 到最後20米左右, 還追及白背心跑手, 想從外檔爬碰, 點知對手突然右擺撞開我,  算吧, 反正不同組, 還是收步讓他先過終點!

完成後再看鐘, 終於又要再頂多次, 要53分10秒走10k, 離譜!

作者: MatthewTse 時間: 2011-1-17 12:52
大會d賽道安排離譜d掛 ~~~ 跑手係紅燈位比警察截住?

黑人Thomas 都要跑 ~ 42min! 這10K 路線有什麼特別?

作者: sunrise 時間: 2011-1-17 15:23

原帖由 MatthewTse 於 2011-1-17 12:52 發表

 登錄/註冊後可看大圖

大會d賽道安排離譜d掛 ~~~ 跑手係紅燈位比警察截住?

黑人Thomas 都要跑 ~ 42min! 這10K 路線有什麼特別?

除左兩隧三橋外, 最特別的地方係"長", 有人估計真實距離成有13k幾!
而警察除了截人外, 還辱罵跑手, 警告會拉人兼封艇, 跑比賽淪落到呢個地部, 仲有人好意思講大部份香港市民都支持體育活動

作者: 711MF 時間: 2011-1-17 15:37
提示: 作者被禁止或刪除內容自動屏蔽

作者: sunrise 時間: 2011-1-17 15:50

原帖由 711MF 於 2011-1-17 15:37 發表

 登錄/註冊後可看大圖

都幾嚴重喎..唔通主辦單位無申請..

真係很嚴重, 而且唔係每個路口都有警察, 跑手唔睇燈就隨時比車撞都到! 其實那邊的交通很疏略, 就算封路都影響不大!
大嶼山警方應該同意賽事, 可能那位交通警比人安排呢份優差, 係嚴寒下吹風, 涷到慶, 要搵發洩下!

作者: 711MF 時間: 2011-1-17 15:59
提示: 作者被禁止或刪除內容自動屏蔽

作者: MatthewTse 時間: 2011-1-17 16:35
我們咁鬼凍辛辛苦苦都練跑！比賽又要睇紅綠燈真的可憐.

作者: sunrise 時間: 2011-1-17 16:55
跑友係別人眼中, 其實只是一小撮人傻佬, 人地歎冷氣架時候佢係出面曬, 人地放假訓到10點, 佢地就5,6點起身; 唔比人笑已經慶幸, 又點奢望得人尊重呢!

歡迎光臨香港長跑網 - 長跑長友 (https://www.longrun.hk/)