香港長跑網 - 長跑長友

標題: 跑步真的可以減壓? [打印本頁]

作者: shan 時間: 2012-4-10 01:11
標題: 跑步真的可以減壓?
有人話跑步可以減壓，因為跑步的時候，精神集中於調節吸呼和身體動作，正好把一天的煩惱抛諸腦後，而且帶氧運動有助腦部分泌安多芬，能够使人心情愉快等等..........
小妹近日工作上遇到挫折，連帶影響到跑步時提不起勁，越跑越差，以往每星期都能抱住享受的心情跑倒20-30K，但過去嗰幾日發覺跑果陣心不在心弦，甚至感到冇晒意志，點解會噉架，又話跑步可以減壓嘅.....

作者: sumofjack 時間: 2012-4-10 09:11
我有時候覺得「跑」可以令到人放空個腦, 咩都唔諗, 令到自己可以係跑緊果半個鐘､ 1 個鐘､ 2個鐘完全放低平日既壓力､負面情緒。
但有時候, 我自己都會覺得放空個腦咁長時候, 會有D悶。我自己就會多D留意下跑道旁既一D趣怪野, 跟住呢, 就會係個心入面為呢D趣怪野作下故仔... 作下作下, 個人就會開心D, 唔覺唔覺又會跑長D! 我有時番到屋企都會將D見到既趣怪野寫番低, 等第時見到再笑下。

例如:
「第一位:
吞雲吐霧女團(共有4名團員)
雖然係女團, 但其實我估佢地係互不相識既。咁點解會以團隊入選呢? 因為呢4位妙齡少艾, 身材娟好, 面目可親, 雖然互不相識(我估), 但係佢地4個用同一個姿態, 一字排開咁坐左係花莆上面。咩姿勢咁吸引到我眼球? 放心, 唔係不雅姿勢。佢地只係不約而同咁翹腳坐, 仲要4個都係右腳翹左係左腳上面, 然之後係左手揸住部iPhone 4/4s, 右手揸住支煙, 低住頭咁係部電話上面劃下劃下。其實, 如果只係得一個女仔咁做呢, 都唔係好特別。不過, 4個唔識既, 一齊用同一個姿勢, 一齊玩iPhone就幾壯觀啦。不過, 吸煙危害健康, 最好都係唔食煙啦。

第二位:
皮褸檸茶俠
其實個名已經講得好清楚啦。今日氣溫21-25度, 濕度95%, 但係呢位哥哥仔, 著住件皮褸(條拉鏈拉到上頸), 長褲係條街到跑步。你以為佢唔正常? 我就話, 其實佢係幾正常既。點解? 因為佢一路跑, 一路仲手揸住盒375檸檬茶黎補充水份。嗱, 你話啦, 跑步識得補充水份, 又點會係唔正常呢? 只不過係, 我地D平凡人淨係識飲水, 最多都係揸住個水樽飲, 無呢個大俠咁創新0者!

再唔係, 我有時真係覺得唔開心/悶啦, 就會換部iPod shuffle既歌 (通常會用D rock D既歌), 換咩呢, 換叮噹呀､ IQ博士呀果D。效果幾好架!

作者: lewischan 時間: 2012-4-10 10:17

原帖由 shan 於 2012-4-10 01:11 發表

 登錄/註冊後可看大圖

有人話跑步可以減壓，因為跑步的時候，精神集中於調節吸呼和身體動作，正好把一天的煩惱抛諸腦後，而且帶氧運動有助腦部分泌安多芬，能够使人心情愉快等等..........
小妹近日工作上遇到挫折，連帶影響 ...

你試下出來約跑
你會想少很多東西!

作者: shogikin 時間: 2012-4-10 11:24
看來是心情問題

心情好時,真是可以好輕鬆咁看世人世事,仲好看過戲 eg: post2 sumofjack 說的情況
心情唔好,就連跑都無心情,更不會有心情享受跑步,分泌安多芬都覺得無用

建議可以試下少跑多次
一不開心就去運動場跑快d,可以每次跑少些時間,但要辛苦d,跑多幾次
適量增加強度,又可以多些時間休息

參加約跑一齊辛苦效果更佳

Kin in Running

作者: little-fish 時間: 2012-4-10 12:05
我只在太太生BB前兩星期難以集中

作者: Ichuni 時間: 2012-4-10 14:01

原帖由 shan 於 2012-4-10 01:11 發表

 登錄/註冊後可看大圖
有人話跑步可以減壓，因為跑步的時候，精神集中於調節吸呼和身體動作，正好把一天的煩惱抛諸腦後，而且帶氧運動有助腦部分泌安多芬，能够使人心情愉快等等..........小妹近日工作上遇到挫折，連帶影響 ...

你真係講左我現時嘅心情，有少少負能量，睇咗幾位師兄嘅回應，希望對我都有幫助啦，謝謝

作者: wgchris 時間: 2012-4-10 17:24
跑完，呼吸慢左，心跳慢左，身體是放鬆的

作者: wgchris 時間: 2012-4-10 17:25
跑完，呼吸慢左，心跳慢左，身體是放鬆的

作者: shan 時間: 2012-4-11 03:24
好多謝上面咁多位師兄師姐嘅建議同埋分享，近排工作上的壓力實在壓到有點吃不消，本來希望透過跑步將壓力息放，好使腦袋能夠清醒一點，但係反而發覺自己完全集中唔倒。或者約跑係其中一個好好的方法，但係小妹又唔想將負面情緒擴散比其他朋友，所以又未必過倒自己...........不過無論點都好，响哩個平台得到各位的回覆及鼓勵，感覺有人願意聆聽和分憂，閱讀時總算嘗到苦中一點甜的滋味，真的衷心感謝你們!

作者: tank1438 時間: 2012-4-11 09:10
或者ctse你搵d風景靚既路段跑吓,咩都唔好諗,欣賞吓風景,愈跑就會愈自在架喇,我經常都係咁...!!

作者: lewischan 時間: 2012-4-11 10:01
ctse,

出來跑大家吹下水,就會更加輕鬆,我雖然渣馬後就停了操練,
但一班人約跑我都盡量參加, 大家自自然然會聊其它話題
你想公司事情都好難

[ 本帖最後由 lewischan 於 2012-4-11 10:03 編輯 ]

作者: Turtle 時間: 2012-4-11 10:09
我反而喜歡跑步既時候去思考工作及生活上既難題.

減唔減到壓就唔知...但往往可以想出一D解決難題既方法.

作者: sunrise 時間: 2012-4-11 10:17
個人經驗, 跑得太輕鬆係減唔到壓; 要忘記心中不快, 最好就跑到死死下, 辛苦到極點, 到呢個境界的時候, 妳有乜野唔開心, 乜野的壓力, 都會完全忘記!

作者: tank1438 時間: 2012-4-11 10:30
呢個我認同..!!

原帖由 sunrise 於 2012-4-11 10:17 發表

 登錄/註冊後可看大圖

個人經驗, 跑得太輕鬆係減唔到壓; 要忘記心中不快, 最好就跑到死死下, 辛苦到極點, 到呢個境界的時候, 妳有乜野唔開心, 乜野的壓力, 都會完全忘記!

作者: moomoowaa 時間: 2012-4-11 15:06

原帖由 sunrise 於 2012-4-11 10:17 發表

 登錄/註冊後可看大圖

個人經驗, 跑得太輕鬆係減唔到壓; 要忘記心中不快, 最好就跑到死死下, 辛苦到極點, 到呢個境界的時候, 妳有乜野唔開心, 乜野的壓力, 都會完全忘記!

me too

作者: tyler 時間: 2012-4-11 22:10
跑步真係可以減壓，特別跑到一些少行人的地方我會大叫發泄一下

作者: sumofjack 時間: 2012-4-12 00:23

原帖由 tyler 於 2012-4-11 22:10 發表

 登錄/註冊後可看大圖

跑步真係可以減壓，特別跑到一些少行人的地方我會大叫發泄一下

我會啍歌....

有時, 我會一路跑, 一路笑笑口... 咁都work架...雖然路邊D人可能會以為我係傻既...哈哈!

作者: tmso 時間: 2012-4-12 13:54

原帖由 moomoowaa 於 2012-4-11 15:06 發表

 登錄/註冊後可看大圖

me too

me too x 2
我之前都係工作壓力大太而走去跑步, 我自己就覺得跑步真係可以減壓,
而跑步亦成我生活唧一部份
或者你試下跑下長小小距離, 睇下有冇改善

作者: chrislam 時間: 2012-4-12 15:19

原帖由 sumofjack 於 2012-4-10 09:11 發表

 登錄/註冊後可看大圖

我有時候覺得「跑」可以令到人放空個腦, 咩都唔諗, 令到自己可以係跑緊果半個鐘､ 1 個鐘､ 2個鐘完全放低平日既壓力､負面情緒。
但有時候, 我自己都會覺得放空個腦咁長時候, 會有D悶。我自己就會多D留意下跑道旁 ...

師兄的分享好抵死，可惜我晨咁早跑步，基本上冇乜嘢可以觀察．最多見到ｄ醉酒佬係街上大叫大嚷，講嘢九唔搭八，有次甚至衝嚟我到，我以為佢想襲擊我，後來比佢的友人捉住，算係比較特別的經歷．
講返減壓，其實我覺得真係得的，起碼每朝跑完之後，成個人醒晒，壓力全消，我唸一日的工作，最重要係有個精精神神，健康的身體．

作者: shan 時間: 2012-4-13 01:53
近哩個星期因為工作而日日都做到有氣無掟抖，更因錯敗感而失去對跑步的意志，幸得到各位嘅鼓勵，今晚收工終於的起心肝，換衫落街，咩都唔諗就一直向前跑，沿西貢公路一路跑到北潭涌迴旋處，足足跑咗個幾鐘，沿途曾不斷提醒自己唔好去諗工作上嘅野，可惜煩惱依然係陰魂不散，壓住個腦之餘更壓住對腳，中途曾出現多次放棄的諗頭...........勉強用意志keep住一路跑，總算唔駛停而跑畢全程，當回程差唔多到終點時突然有一滴眼淚不自覺噉流出，跟住就哇一聲喊咗出嚟，當時真係好樣衰，但好彩時值半夜，無咩人睇倒。雖然問題依舊未解決，不過總算有一刻息放咗啲情緒

希望今晚唔好再失眠，可以一覺瞓到天光喇，小妹再次誠意並衷心感謝你們呀

作者: moomoowaa 時間: 2012-4-13 01:55
you will get a good sleep tonight

作者: chengtszhang 時間: 2012-4-13 11:45
標題: 感同身受
Shan師姐.

看見到你開這個討論區, 見到你遇到的, 實在感同身受.

本人工作甚不如意, 升職無望, 回家曾將憤怒多次向家人發洩 , 令全家人關係十分差, 幸好跑步令我心境舒緩. 現在我都以跑步作為調節我心境及給我成功感的運動

恒恒

作者: sumofjack 時間: 2012-4-13 12:24
加油!

Share 多個自己既小故事...

題目: 我 vs iPod shuffle

日子: 大約一､兩個月前

話說, 前三日都因為有事做同有D煩野, 搞到無得去跑步! 去到今日, 實在有D唔跑唔舒服既感覺!

終於, 今日番到屋企, 拿拿臨就換對鞋落街! 原本諗住跑番10k就番歸, 點知跑左半個鐘度, 部iPod shuffle發出「Battery Low」既掃興notification。

我心諗:「頂, 你唔係咁掃興呀?」

但係點知我跑晒10k, around一個鐘度, 部iPod shuffle都未死wor!

於是, 我突然pat pat痕, 心諗:「好, 成半個鍾你隻死人iPod shuffle都未死, 我又keep住跑, 睇下你瓜先定我無氣先!」

但係去到1個鐘頭20分鐘, 我覺得唔對路啦:「你隻死人iPod shuffle, 死得未呀? 仲未死?」再跑, 隔幾分鐘, 我又再詛咒: 「你隻死人iPod shuffle, 仲唔快D死!」跑過左1個鐘頭30分鐘, 隻iPod shuffle都係未死, 但係時間已經係00:00(半夜)啦。雖則我自覺仲有貨, 但係真係太夜啦, 戰意不足, 惟有鳴金收兵, 下次再戰!最尾跑左1hr38min! 已經係個人最長既一次啦!下次, iPod shuffle我話你知, 下次, 我就會打敗你架啦!

作者: tmso 時間: 2012-4-13 13:53

原帖由 shan 於 2012-4-13 01:53 發表

 登錄/註冊後可看大圖

近哩個星期因為工作而日日都做到有氣無掟抖，更因錯敗感而失去對跑步的意志，幸得到各位嘅鼓勵，今晚收工終於的起心肝，換衫落街，咩都唔諗就一直向前跑，沿西貢公路一路跑到北潭涌迴旋處，足足跑咗個幾 ...

你有一刻可以釋放咗啲情緒, 即係有進步喇
試下放低D煩惱1-2鐘頭, 盡情享受跑步個一刻
努力呀....唔好放氣

[ 本帖最後由 tmso 於 2012-4-13 18:10 編輯 ]

歡迎光臨香港長跑網 - 長跑長友 (https://www.longrun.hk/)