香港長跑網 - 長跑長友

標題: 京都馬拉松 2013 (10-Mar-2013) [打印本頁]

作者: 第三街大頭 時間: 2012-10-29 18:26
標題: 京都馬拉松 2013 (10-Mar-2013)
http://www.kyoto-marathon.com/outline/index_tcn.html
有無人抽中呀?

作者: distancerun 時間: 2012-10-29 19:02
有呀！想偷懶唔跑都唔得。

作者: 第三街大頭 時間: 2012-11-1 01:46

原帖由 distancerun 於 2012-10-29 19:02 發表

 登錄/註冊後可看大圖

有呀！想偷懶唔跑都唔得。

我都抽中左, 但旅費太貴, 心大心細唔知去唔去馬好...

作者: wongkel 時間: 2012-11-12 11:57
抽到，宜家 book 緊機票酒店，不過第一次出外跑，有D擔心。

作者: 第三街大頭 時間: 2012-11-13 17:21

原帖由 wongkel 於 2012-11-12 11:57 發表

 登錄/註冊後可看大圖

抽到，宜家 book 緊機票酒店，不過第一次出外跑，有D擔心。

我上網BOOK 左呢間, 好平

京都哈頓酒店
http://zh.hotels.com/hotel/details.html?hotelId=242446&tab=description

機票就等緊樂桃(PEACH)減價~

你可以諗諗...我都係第一次去京都, 不用太擔心, 好好享受旅程吧!!

作者: JonesCheung 時間: 2012-12-20 21:44
師兄, 我都抽中左~
酒店要咁快book?
因為未請到大假, 所以我諗住一月尾先去買package.....會唔會太遲?

作者: tango 時間: 2012-12-20 21:59
今年311跑過京都馬拉松，都有唔少香港跑友，旅館唔難找，1月都ok, 但如果要找經濟一點，就要早訂

日本幾個大型馬拉松賽，外國人都唔使抽而有配額，建議報得就最好出席，因為留一個名額俾外國人，本土人就少一個機會，如果甩底多，或將來因此再無呢個"優惠"

[ 本帖最後由 tango 於 2012-12-20 22:11 編輯 ]

作者: JonesCheung 時間: 2012-12-20 22:15
嗯~唔好放棄比賽的機會

作者: Anthony 時間: 2012-12-21 09:02
我有跑2012京都馬拉松，氣氛一流，沿途42k差不多都有當地居民打氣，令人感動。

我 book 左 J-HOPPER 背囊旅館，好有風味，又唔貴，6000日元一晚。近京都駅，交通都算方便。師兄不妨考慮一下。

作者: JonesCheung 時間: 2013-1-18 21:44
我可能去唔到啦, 因為公司唔批假

作者: JonesCheung 時間: 2013-1-30 20:36
經過各同事幫忙, 上司終於批我3日假

作者: derek_cat 時間: 2013-1-31 00:42

JonesCheung 發表於 2013-1-30 20:36

登錄/註冊後可看大圖

經過各同事幫忙, 上司終於批我3日假

祝贺师兄可以去京都了。。。。

作者: miko_lol 時間: 2013-2-6 13:14
hello, 新手打聲招呼先, 本來我都想報. 不過自己未有能力全馬..

我9/3會一個人去京都呀, 10/3會去為跑友打打氣!
各師兄師姐有咩想搵人support即管開聲睇下我幫唔幫到手

作者: JonesCheung 時間: 2013-2-6 19:55

miko_lol 發表於 2013-2-6 13:14
hello, 新手打聲招呼先, 本來我都想報. 不過自己未有能力全馬..

我9/3會一個人去京都呀, 10/3會去為跑友 ...

多謝支持！幫我地影多幾張相同打氣就足夠了

作者: ChowChow 時間: 2013-2-15 20:22
師兄收到信拎選手包未？

作者: 第三街大頭 時間: 2013-2-18 09:11

ChowChow 發表於 2013-2-15 20:22

登錄/註冊後可看大圖

師兄收到信拎選手包未？

未到郵件喎, 你呢?

上年東京馬拉松係公文袋入面有膠FILE 寄來的...唔知京都會係點呢?

我估今個星期會收到掛~

作者: JonesCheung 時間: 2013-2-19 14:00
我都未收到………但不是先收到確認e－mail再到京都領取選手包嗎？

作者: 第三街大頭 時間: 2013-2-22 10:11

JonesCheung 發表於 2013-2-19 14:00

登錄/註冊後可看大圖

我都未收到………但不是先收到確認e－mail再到京都領取選手包嗎？

今日終於收到EMAIL~

作者: JonesCheung 時間: 2013-2-22 20:50
我都收到E-MAIL 啦~

作者: tango 時間: 2013-2-22 22:04
enjoy.

我舊年跑完第2日落雪, 但可惜3月唔係去京都最好時間, 風景唔靚

作者: 第三街大頭 時間: 2013-2-24 02:16

tango 發表於 2013-2-22 22:04

登錄/註冊後可看大圖

enjoy.

我舊年跑完第2日落雪, 但可惜3月唔係去京都最好時間, 風景唔靚

當然無期望有櫻花、楓葉的靚景..不過第一次去京都, 相信大自然及古色的建築會吸引了我.

無靚景, 但相信無咁迫人, 仲輕鬆!!!

積極與太太準備她的第一個全馬中, 希望可以同佢攜手衝過終點!!!

作者: wongkel 時間: 2013-2-25 14:59
已收到 email，機票酒店都 confirm 好，不過岩岩跑完渣打全馬，未能達自已目標時間（＜5hrs），身心仲未 ready。過兩星期就係，仲要第一次出外跑，又唔識日文，真係有少少擔心。不過正如CHing講，唔好白白浪費機會，盡力而為同好好 enjoy。

上面跑過既師兄，知唔知條路好唔好跑？會唔會好似香港條路咁咁多上斜落斜？有冇咩野要特別留意？

作者: JonesCheung 時間: 2013-2-26 23:08

wongkel 發表於 2013-2-25 14:59

登錄/註冊後可看大圖

已收到 email，機票酒店都 confirm 好，不過岩岩跑完渣打全馬，未能達自已目標時間（＜5hrs），身心仲未 re ...

ching 唔駛太擔心, 記得我第一次出外地跑時都有d緊張, 但好快被當地比賽氣氛感染變得興奮, 好好享受比賽

作者: marlin14 時間: 2013-2-27 17:21
各位參賽Ching請留意一樣野，就係京都得兩條地鐵線，上年我住係火車站附近，去起跑點必須係一個站轉車，結果係轉車站一落車已經排晒長龍，好亂，排左好耐先見到龍頭d人唔係排隊上車，只係買車票，所以好慢，最後有職員出黎就咁收錢比地鐵票你，但實在太多人，亂到死，所以大家一定要提早出門！另外京都馬條路唔易跑，因為大部分路線會經過廟，所以基本都係上山落山，同埋京都係細城市，沿路風景係好靚，但路太窄，我記得有段山路會經過一條橋仔，但太多人，停晒係到，最後大部分男人去山邊小便後出返黎都未行得，又記得去到中段上斜，前面發生意外，有人跌親，結果唔比跑，要讓路比救護車行，又無左10分鐘，同埋起步點唔大，人多，排尾段出發的要預6~10分鐘先通過起點，所以如果跑開5個多鐘頭的ching小心，要抓緊時間，唔係隨時會上車！切記！

作者: 第三街大頭 時間: 2013-3-4 13:16

marlin14 發表於 2013-2-27 17:21

登錄/註冊後可看大圖

各位參賽Ching請留意一樣野，就係京都得兩條地鐵線，上年我住係火車站附近，去起跑點必須係一個站轉車，結 ...

多謝師兄分享, 今次首要任務, 要協助老婆完成佢人生第一個長跑比賽, 京都馬拉松.
希望真的可以6小時完成, 一齊同佢衝過終點!!

作者: 第三街大頭 時間: 2013-3-4 13:21
仲有6日就比賽喇,

有幾多人會參加呢?打算幾時出發? 我會3月7日晚零晨機去大阪, 即日JR 到京都~

天氣好似都唔錯, 唔會太凍, 唔落雨就OK 喇
http://www.weather-forecast.com/locations/Kyoto/forecasts/latest

作者: wongkel 時間: 2013-3-4 13:47
我3／8機，Yes 天氣 14－19度有D似HK，good 喎。

死火，多山路就死得啦， well... 盡力而為啦，我最初仲想跑得好過向香港渣馬既時間，睇黎都未必得。

其實... 上星期渣馬之後，我都未完全 recover 好... 唉！

作者: JonesCheung 時間: 2013-3-4 21:29

第三街大頭發表於 2013-3-4 13:21

登錄/註冊後可看大圖

仲有6日就比賽喇,

有幾多人會參加呢?打算幾時出發? 我會3月7日晚零晨機去大阪, 即日JR 到京都~

師兄, 我都係3月7日晚零晨機去大阪, 可能見到你

作者: 柔詠 時間: 2013-3-4 22:14

第三街大頭發表於 2013-2-24 02:16

登錄/註冊後可看大圖

當然無期望有櫻花、楓葉的靚景..不過第一次去京都, 相信大自然及古色的建築會吸引了我.

無靚景, 但相信 ...

師兄, 你就好啦..........
小弟女友仲未肯跑全馬.....話要走左半馬先....

作者: JonesCheung 時間: 2013-3-5 00:14

第三街大頭發表於 2013-3-4 13:21

登錄/註冊後可看大圖

仲有6日就比賽喇,

有幾多人會參加呢?打算幾時出發? 我會3月7日晚零晨機去大阪, 即日JR 到京都~

搞錯左......我8號晚先真

作者: JonesCheung 時間: 2013-3-7 23:05
明晚出發, 我NO. 40155 ,
京都見~

作者: JonesCheung 時間: 2013-3-10 17:47
跑完了，又凍又大雨真攞命。

作者: wongkel 時間: 2013-3-12 10:01
跑完了，從未試過個咁既 condition 去跑，11－12K左右就開始落雨，越落就越大，我仲著件短衫短褲，由頭濕到落腳，最慘係對鞋都濕埋。濕完之後就開始凍，十幾 K時心唸，咁Q大雨大會會唔會停賽？當然唔會啦。但心唸，大獲，咁跑法點頂埋餘下個30K，一係就跑到病返HK。

落左一陣又乾返，乾左又落過又濕返。之後越跑越凍，最後10幾K我雙手已經硬晒，要不時 "Hall" 氣保暖。最辛苦係20K條上山路，真係超斜同長，辛苦過出西隨好多。之後又玩埋泥地。好多郊外地方，又當風，跑完仲要慢慢排隊攞行李，我全身都不斷凍到向到震。

不過真係好好玩，落住雨都不斷有途人支持，最後我雖然make唔到5小時內，不過都比我之前向HK跑快左好多。唔怪得個個都話向HK跑 D氣氛好差。

作者: ChowChow 時間: 2013-3-13 00:55
京都真係唔錯, 比東京跑更好風景, 氣氛當然東京好, 始終首都。京都啲山路同渣打比係濕濕碎
香港有香港好, 自己主場, 青馬風光都幾好, 就算得閒會去外地跑, 都唔會放棄渣打

作者: wongkel 時間: 2013-3-13 10:58
都唔會唔跑渣馬，因為會多D friend 一齊跑，此終出去外地跑其實好難約埋班跑友一齊去。不過唔多鍾意渣馬（特別係今年）冇乜氣氛，入到灣仔D自由行好似係到睇 show 或等過馬路咁。

作者: JonesCheung 時間: 2013-3-13 20:52
本帖最後由 JonesCheung 於 2013-3-13 21:34 編輯

終於有時間寫返比賽過程

我係星期六零晨上機, 在機上又訓唔著, 只有在去京都的JR火車上訓左一個鐘, 因為早上八點己到達酒店所以未能入房, 陽光普照清風送爽, 我同老婆大人放低行李後就去觀光金閣寺和二條城...........下午再去攞號碼布。去攞號碼布時大會安排左一個姐姐廣東話翻譯, 安非十分貼心。

會場的運動用品特賣場好多野都好平, 我買左一對腿套都係二千日圓 ......同老婆四維影相行足一日, 雙腳都有D攰, 加上睡眠不和有少少傷風在身, 都有D擔心第二日的比賽。

第二日六點起身, 天色有d 陰, 天氣清涼十分適合跑步, 由於知道京都天氣可以好涼, 所以著左一件背心加短袖T打底, 約七點十五分到達西京極運動場, 場地安排與指示都十分清晰。由於比賽後一天是311兩周年, 開步前先為死難者默哀。我的起步點在G 區, 由起步到正式起步點也用左七分鐘。開始時十多K都幾順利, 但正如wongkel 兄所講之後落起大雨,真係勁大雨o個隻, 但因為因已熱身所以仲頂得住, 我keep 住用9.5km/h 前進, 大約跑到23k 開始上山, 不枉我的梅子林訓練令我這時可堅持上山的步伐。去到最後7km 左右又開始下雨, 雨勢雖然冇之前咁大但氣溫明顯下降, 相信只得十度以下。本以全身濕透, 真係凍到雙手紅晒又彊硬, 這時體力亦明顯下降, 最終以4小時40分完成不過不失。

比賽後感: 由於比賽是紀念311, 所以安排在3月舉行, 但3月唔係欣賞京都風景的最好日子, 冇紅葉又冇櫻花, 加上今次落雨令風景再打折扣。不過, 沿途經過很多寺院同古蹟景點也值得欣賞, 還有一樣值得欣賞就係義工同市民的熱情, 落最大雨時d 義工都冇走開又冇遮, 照樣同我地打氣。全程42.195km 都有市民不怕風雨熱烈的"奸爸爹" 非常感人。始終是第二介, 大會在終點的安排在D 經驗不足, 三月京都天氣都較清涼, 就算唔落雨有時都幾凍下, 終點只得大會的一條薄薄的大毛巾不夠保暖, 大會應吸取經驗準備錫紙或膠布等保溫, 因為眼見有好多選手到終點後凍到震, 要坐輪椅加毛毯。

作者: wongkel 時間: 2013-3-15 16:19
大會有相可以 download 啦，不過死火，我唔知 password 喎。D flyers 好似冇攞到留左向日本，點算？

作者: 柔詠 時間: 2013-3-15 18:27
京都....若不做時間下年都可以想想。又未去過旅行！

作者: JonesCheung 時間: 2013-3-15 19:24

wongkel 發表於 2013-3-15 16:19

登錄/註冊後可看大圖

大會有相可以 download 啦，不過死火，我唔知 password 喎。D flyers 好似冇攞到留左向日本，點算？ ...

師兄, PASSWORD : 7050
快d去睇都, 我都有十幾張相呀~

作者: 第三街大頭 時間: 2013-3-15 19:28

wongkel 發表於 2013-3-15 16:19

登錄/註冊後可看大圖

大會有相可以 download 啦，不過死火，我唔知 password 喎。D flyers 好似冇攞到留左向日本，點算？ ...

pasword 2013

有相, 有成績喇~

或者直接用以下LINK, 轉XXXX 為BIB No.

http://p.kyoto-marathon.com/numberfile/XXXX.html

http://km13eng.allsports.jp/phot ... 145123&tag=XXXX

作者: 第三街大頭 時間: 2013-3-15 19:51

第三街大頭發表於 2013-3-15 19:28

登錄/註冊後可看大圖

pasword 2013

有相, 有成績喇~

我竟然有成八十幾張相...但要成九千幾YEN...都幾貴~

作者: wongkel 時間: 2013-3-27 17:03
Thx，CHing

80幾張？9000Yen 咪抵羅，我同一價錢20張唔夠。＝）

作者: gonavy 時間: 2013-3-28 12:44
我想問買相，仔CD係唔係會寄HK？因我見地址一欄好似無海外？

作者: JonesCheung 時間: 2013-4-8 22:15
各位知唔知幾時有證書呢?

作者: 傑少 時間: 2013-4-13 01:02
d氣氛好到呢....不過...天氣變化太大...起跑至終點跌左7度...我30k後爆左了...最後3'2x返到...失望

作者: 傑少 時間: 2013-4-13 01:05
沿途都好多人打氣~~

作者: 傑少 時間: 2013-4-13 01:06
大批日本學生妹不停奸爸奸,又同你GIVE FIVE

作者: 柔詠 時間: 2013-4-15 15:40
近起點的酒店平嗎?

作者: 傑少 時間: 2013-4-16 20:16
如果要選,,,我寧願選近終點...跑完可以行返酒店沖涼...抖一陣再去終點影下相...

作者: nic_wing2002 時間: 2013-4-16 21:24
我上年住抵園, 行返去都無問題
今年氣溫相差都好大 ??

作者: 傑少 時間: 2013-4-17 00:33
起跑至終點跌左7度, 中途下大雨

作者: 傑少 時間: 2013-4-17 00:34
加多張相

作者: 第三街大頭 時間: 2013-4-24 00:21
今日收到證書喇!!!

作者: JonesCheung 時間: 2013-4-25 11:04
我在星期一時也收到證書了！

歡迎光臨香港長跑網 - 長跑長友 (https://www.longrun.hk/)