香港長跑網 - 長跑長友

標題: 跑品 [打印本頁]

作者: raychan 時間: 2013-2-24 21:22
標題: 跑品
今日跑全馬, 有個哥仔一味在人後叫人睇住睇住來讓佢過頭, 樣子還不可一世.
想人讓你你可以講聲唔好意思借借, 下次再用這種態度我睬你都傻.

作者: kenwong 時間: 2013-2-24 21:25
呢個世界咩人都有,睇開D啦

作者: raychan 時間: 2013-2-24 21:31
我最樂意讓人, feel到甚至還主動讓. 但這種態度我下次一定唔讓.
希望個哥仔在這裡看到好好反省吓.

作者: eric0102 時間: 2013-2-24 21:44
咁長路程大把時間追啦，係高手既已經在前面果堆啦，我丕！

作者: raychan 時間: 2013-2-24 21:59
那個時候快極都只是sub4而已.

作者: little-fish 時間: 2013-2-25 08:39

eric0102 發表於 2013-2-24 21:44

登錄/註冊後可看大圖

咁長路程大把時間追啦，係高手既已經在前面果堆啦，我丕！

你一係好勁玩elite,一係冇玩全馬，係西九撞半馬班步兵，多到真係••••

作者: little-fish 時間: 2013-2-25 08:41

raychan 發表於 2013-2-24 21:59

登錄/註冊後可看大圖

那個時候快極都只是sub4而已.

那時你在做半馬步兵？挑戰組？三五成群一字排開？

作者: little-fish 時間: 2013-2-25 09:05
有時真係要自問先，半馬在西九就話只跑了10餘km，但對全馬來說，已是30多km,真係已經冇乜力去避班半馬步兵，還有很多全馬人已經在扺受緊撞牆、抽筋的痛苦中，仲何來閒情理班步兵大帝感受，識叫睇住的已經好，又些已經跑到冇氣冇力，全馮一股意志在跑，撞人機會已很大，尤其很多人轉線唔後望。

作者: ritalau 時間: 2013-2-25 11:19
我第一年5點幾起身睇10k賽, 前面跑手5:43已回程在西灣河西行線.
但點解有5:30起跑的挑戰組, 6:05可在西灣河東廊行?
唔係要50分內完成才參加挑戰組咩? 噤咪會阻著6:00起跑嗰班?

作者: pp3824 時間: 2013-2-25 11:20
(已是30多km,真係已經冇乜力去避班半馬步兵，還有很多全馬人已經在扺受緊撞牆、抽筋的痛苦中，仲何來閒情理班步兵大帝感受) 非常認同.

作者: MW_Run 時間: 2013-2-25 11:29
我就在隧道埋位飲水比左邊飲水的人迫左向右，我後面果位（我沒回頭看）竟發出不滿聲音。我也是避人沒辦法，其實大家比賽該體諒一下！

作者: raychan 時間: 2013-2-25 11:36

little-fish 發表於 2013-2-25 09:05

登錄/註冊後可看大圖

有時真係要自問先，半馬在西九就話只跑了10餘km，但對全馬來說，已是30多km,真係已經冇乜力去避班半馬步兵 ...

我係全馬挑戰組, 那時個pacing大約5:4x左右. 而叫人睇住睇住那個最多5:3x.
我當時一個人在靠最右跑, 我左面無人. 你都識講大家都在撞牆、抽筋的痛苦中, 佢好聲好氣叫人讓無問題, 我無力都跑橫來就佢又點話.
但在佢心中有沒有理他人感受? 人人都想跑直線, 但我跑了十幾次全馬都唔會騷擾其他跑手來讓條直線俾我過, 要過我自己兜, 更何況用這種語氣.

作者: KAIMING 時間: 2013-2-25 11:45
其實大家都咁應該,又何來跑品?

同意raychan睇法,辛苦大家都辛苦,禮貌仍需要的.

作者: meia 時間: 2013-2-25 12:07
本帖最後由 meia 於 2013-2-25 12:09 編輯

我跑得慢，我只係跑半馬。
但我相信我無阻人，全程冇自拍，埋水站亦好小心，我比一個粗心大意的跑手用isotonic 淋到成日痴lap 唒，都繼續跑。
半馬同全馬相遇，是不是大會安排的問題，奌解講到好似跑半馬的人"阻住地球轉＂咁呢?
禮讓不是適用於所有參加者的嗎?

作者: tomcat 時間: 2013-2-25 12:26
要過頭,就睇后,有位的就抽頭.
大家都在跑道上,前面唔係一要讓后上的.
(識走位,都係比賽的技巧)

作者: little-fish 時間: 2013-2-25 12:31

raychan 發表於 2013-2-25 11:36

登錄/註冊後可看大圖

我係全馬挑戰組, 那時個pacing大約5:4x左右. 而叫人睇住睇住那個最多5:3x.
我當時一個人在靠最右跑, 我左 ...

你的情況應該可能是挑戰組被一組跑手追過，那跑手可能很想sub4,可以名正言順下年報挑戰組，避開挑戰組慢人。要sub4, 5:35/km 真係分秒必爭，仲有幾條天橋在前面！
師兄聽住那人講了多小次睇住？理論上一次，至多兩次佢應該已經爬你頭吧？

作者: little-fish 時間: 2013-2-25 12:46
本帖最後由 little-fish 於 2013-2-25 13:17 編輯

meia 發表於 2013-2-25 12:07

登錄/註冊後可看大圖

我跑得慢，我只係跑半馬。
但我相信我無阻人，全程冇自拍，埋水站亦好小心，我比一個粗心大意的跑手用isoto ...

大會安排肯定有問題啦，不肯對跑手落年齡group能力門檻，一味谷人數，唔理跑手質素，半馬應該係10：30am開一組俾班半馬步兵，咁係西九相遇全馬的就大家都係慢腳！
我全馬一組，係西九遇著班步兵，真係左閃右避，當時應該仲有一組半馬快腳的到咗（見班人有氣有力，pace 較快），即兩組全馬人及至少有兩組半馬齊齊在西九。
我係西隧入口俾一條鯊魚一路迫向右邊，佢在我左前方向右迫，我都唯有同佢講：睇住

其實大部份跑手不滿的不是跑得慢的人，誰人冇只可慢跑時刻，可況一山還有一山高，全馬sub3 的一樣可以俾sub230的話阻住地球轉，而是那些諗住柴娃娃，一班人報，上到跑道只顧映相，亂切線的人，夠鐘就上巴士！

作者: raychan 時間: 2013-2-25 12:47
簡單啲講唔係多少次問題, 而是態度問題.
我讓個位佢上之後佢用同一種態度對前面嘅跑手叫睇住睇住.
佢分秒必爭, 人地就唔需要? 人地聽到睇住睇住轉頭望, 轉線讓個位佢上使唔使花體能?

作者: little-fish 時間: 2013-2-25 13:00

meia 發表於 2013-2-25 12:07

登錄/註冊後可看大圖

我跑得慢，我只係跑半馬。
但我相信我無阻人，全程冇自拍，埋水站亦好小心，我比一個粗心大意的跑手用isoto ...

講真心話，我人到中年因太肥220多lbs 才開始跑步，由200m 都完成唔到，到第一次完成半馬，都係半年時間，那時在8月厦天，第一次完成時間都係sub230,那時仍多過200lbs ,所以我一向認為半馬門檻對跑手（高齡跑手例外）應該是2：30 小時，根本上230的跑手已經是準備不足者，大會容許這類即興玩家參加，根本是不負責任。跑步比賽係會死人的！

作者: raychan 時間: 2013-2-25 13:15

little-fish 發表於 2013-2-25 12:31

登錄/註冊後可看大圖

你的情況應該可能是挑戰組被一組跑手追過，那跑手可能很想sub4,可以名正言順下年報挑戰組，避開挑戰組慢 ...

我跑到去32Km嘅時間大約3小時, 如果呀睇住睇住係一組跑手佢個pace就真係勁. 似乎佢係想Sub-3:30.

作者: little-fish 時間: 2013-2-25 13:28

raychan 發表於 2013-2-25 13:15

登錄/註冊後可看大圖

我跑到去32Km嘅時間大約3小時, 如果呀睇住睇住係一組跑手佢個pace就真係勁. 似乎佢係想Sub-3:30. ...

師兄，我一組只勉強sub355，係30km 位置，時間是240，我係一組rank係200多，即前面有約莫150名一組跑手係西九前過你。我本人就西隧中/後過你。
今年太快爆場，很多能跑的都迫於無奈要報一組，由一組能夠sub4的人大幅高過上年可見一班。一組能sub330的多咗很多人。

作者: little-fish 時間: 2013-2-25 13:36

raychan 發表於 2013-2-25 12:47

登錄/註冊後可看大圖

簡單啲講唔係多少次問題, 而是態度問題.
我讓個位佢上之後佢用同一種態度對前面嘅跑手叫睇住睇住.
佢分秒必 ...

我自己有個習慣，在比賽中當我要爬頭時，如果空間不大，我都會發聲提示前面跑手留意唔好轉線，以免大家相撞，而非叫前面壤路。
至於當我要切線時，我會望向切缐後方是否有人爬頭中。

作者: raychan 時間: 2013-2-25 13:46

little-fish 發表於 2013-2-25 13:28

登錄/註冊後可看大圖

師兄，我一組只勉強sub355，係30km 位置，時間是240，我係一組rank係200多，即前面有約莫150名一組跑手係 ...

我意思係如果佢有這種pace就唔會因為趕個sub4來叫人讓.

作者: little-fish 時間: 2013-2-25 13:57

raychan 發表於 2013-2-25 13:46

登錄/註冊後可看大圖

我意思係如果佢有這種pace就唔會因為趕個sub4來叫人讓.

有否想過那人沒有睇錶，只想跑到最好時間？我自己就全套電子跑手裝備，就係唯獨唔睇時間，由開始起跑後，唯一望時間的就係過終點那個鐘。

作者: raychan 時間: 2013-2-25 14:05

little-fish 發表於 2013-2-25 13:57

登錄/註冊後可看大圖

有否想過那人沒有睇錶，只想跑到最好時間？我自己就全套電子跑手裝備，就係唯獨唔睇時間，由開始起跑後， ...

這正是跑品嘅問題. 條比賽路不是佢一個人的.

作者: little-fish 時間: 2013-2-25 14:12

raychan 發表於 2013-2-25 14:05

登錄/註冊後可看大圖

這正是跑品嘅問題. 條比賽路不是佢一個人的.

每人各有參賽目的，anyway,have since day,一切已是過去

作者: raychan 時間: 2013-2-25 14:15

little-fish 發表於 2013-2-25 14:12

登錄/註冊後可看大圖

每人各有參賽目的，anyway,have since day,一切已是過去

最重要係希望佢會反省.

作者: ccomeout 時間: 2013-2-25 14:50
人多比賽，輕微碰撞少不免，報得大賽，大家小心至如，亦應多加禮讓；別人無品，唔等如我都要無品。
我今年跑，被人噴到成臉運動飲料，我估佢都係無心，但我唔知佢點解要噴（我估佢chuk親），咁啱風向吹到正

去到高速公路，跟一位跑友一齊拍住跑，前後左右大罷位，係都要係我倆中間過，咁即係點啫。

不過都算啦，為左呢D野唔開心，不值！最緊要自己跑得開心。

作者: kokyan_lam 時間: 2013-2-25 17:23

ritalau 發表於 2013-2-25 11:19

登錄/註冊後可看大圖

我第一年5點幾起身睇10k賽, 前面跑手5:43已回程在西灣河西行線.
但點解有5:30起跑的挑戰組, 6:05可在西灣 ...

邊度有審查過, 我跑10k一組, 係領先集團, 3k左右太古城上斜已經零星追到挑戰組既人, 6k左右趕上步兵大隊, 當時我既時間係27分鐘左右, 即係話挑戰組步兵跑左近60分鐘先至6k...大部份已經係行, 影相, 8k水站大把人停住飲水, 排廁所, 返到銅鑼灣塞人仲嚴重, 我當時已經開始博命, 落斜pacing去4分頭, 又要閃避佢地, 諗起都覺得好危險...

作者: 炒炒 時間: 2013-2-26 12:53
有 D 人 Cut 線真係望都唔望

我去到一個水站, 正想伸手拿杯水之際
有個人由右邊高速 Cut 入黎
我差 D 撞埋去

Fine 我繞過你拿下幾杯啦
當我就過佢之際
同一個人高速 Cut 返出去
唔急停的話我就撞咗埋去

Well....

作者: iceman0491 時間: 2013-2-26 16:07
我切線習慣就先遞出手2秒比後面跑手意識到,自已不會回頭望, 唔知咁樣會唔會阻到別人

作者: maytai 時間: 2013-2-26 17:05
本帖最後由 maytai 於 2013-2-26 17:08 編輯

炒炒發表於 2013-2-26 12:53

登錄/註冊後可看大圖

有 D 人 Cut 線真係望都唔望

我去到一個水站, 正想伸手拿杯水之際

係水站有時真吳知點做好, 前面D人突然停低, 後面D人不減速, 點都有碰撞, 請問Ching, Ctse會點做?

作者: little-fish 時間: 2013-2-26 18:14

iceman0491 發表於 2013-2-26 16:07

登錄/註冊後可看大圖

我切線習慣就先遞出手2秒比後面跑手意識到,自已不會回頭望, 唔知咁樣會唔會阻到別人 ...

會，除非你速度至快

作者: cc6236 時間: 2013-2-26 20:31

little-fish 發表於 2013-2-25 13:00

登錄/註冊後可看大圖

講真心話，我人到中年因太肥220多lbs 才開始跑步，由200m 都完成唔到，到第一次完成半馬，都係半年時間， ...

我唔明點解你地班跑得快的總是想叫大會減少限時. 有人跑步追求速度, 有人只求完成. 你們要做時間, 我們也要追完成時間. 半馬比賽差不多都是230限時, 給一個長一點給我們這班人完一完夢也阻了你們嗎. 你們就不能去參加限時短一點的嗎, 連一點機會都不給我們嗎. 有人跑步是為完成, 跑不了就行, 行不了爬也想爬到終點.

作者: little-fish 時間: 2013-2-26 21:07
本帖最後由 little-fish 於 2013-2-26 21:12 編輯

cc6236 發表於 2013-2-26 20:31

登錄/註冊後可看大圖

我唔明點解你地班跑得快的總是想叫大會減少限時. 有人跑步追求速度, 有人只求完成. 你們要做時間, 我們也 ...

講緊挑戰組呀，連基本都做唔到，學乜人報10km,半馬挑戰組？唔同全馬，10km半馬就算狀態唔好，至多咪5-10mins分別•••••可況以挑戰組來講，50min (10km),半馬（2小時）門檻真係唔高•••

掉轉來講，想追成績的跑手，可唔可以對慢腳講，要慢走、步行、映相團可否自律唔好報挑戰組？就算在其它組別也請企在大後方？在賽道上也請遵守大會呼喚＂半馬靠左、全馬靠右＂？而非一字排開阻路、交談、映相呢？
唔同即興、柴娃娃跑手，追成績的跑手可是付出整整一年、很多人風雨不改、日曬雨淋地練習，只求一個突破，俾班不守規矩步兵一阻，可能突破冇望，你又可有體會？

利申：我首次玩全馬，在半程折反點下斜嚴重失去狀態，到西九時已心知目標時間冇望，班步兵至多令我失去5-10分鐘，與目標仍相差很遠，所以我已冇乜所謂•••••但我仍了解其他被阻跑手心情••••••小弟也曾零晨半夜，狂風橫雨中，凍到隻乜咁去跑，亦於35c高溫下練習啊！
又唔知你又曾付出過多小呢？

作者: little-fish 時間: 2013-2-26 21:15

cc6236 發表於 2013-2-26 20:31

登錄/註冊後可看大圖

我唔明點解你地班跑得快的總是想叫大會減少限時. 有人跑步追求速度, 有人只求完成. 你們要做時間, 我們也 ...

雖然我冇玩過半馬，但我印象中每組半馬也有時間指引吧？不知師兄可有遵守？

作者: cc6236 時間: 2013-2-26 21:37

little-fish 發表於 2013-2-26 21:07

登錄/註冊後可看大圖

講緊挑戰組呀，連基本都做唔到，學乜人報10km,半馬挑戰組？唔同全馬，10km半馬就算狀態唔好，至多咪5-10mi ...

抱歉, 我說的絕不是挑戰組. 我相信你們的時間比大會限時差很遠. 收窄大會限對你們沒有影響, 但對在限時邊緣努力的人影響卻很大. 在你們眼中, 六小時完成全馬根本不用準備, 也許我們真的沒你們付出那麼多, 但也是付出不少努力. 並不奢望你們認同, 但也最少給點尊重.
利申:我也是首次全馬一組, 而且是最後才到的一班人. 除了一開始站在比較前, 我都是在最後的一班人中. 我沒有時間, 當進入最後幾公里, 我已經不可能向前看, 只能向地望. 因為看到還有很長的路, 意志就會崩潰. 你們有你們追求佳績的熱情, 我們也有我們完成賽事的鬥志. 不求你們認同, 但求一點尊重. 能跑的沒人想做步兵.

作者: tkoman 時間: 2013-2-26 21:49
反而我覺得平時跑開步跑友大多數好有禮貌
10K,半馬，拍照，步行團的朋友可能根本唔知跑步應有禮讓、態度，而引至一連串問題出現。
幾年前多數都係10 K步行影相遊，但現在發展到半全馬步行影相半天遊。

作者: armanxd 時間: 2013-2-26 22:04
小弟係半馬一組
明知一定同全馬撞所以一開始沖左上去先大約頭十多個到折返處
匯合後唔算迫大家都好禮讓小弟睇清楚安全就一口氣CUT去最右慢慢過全馬既人
但西九回程中途見返同組既人真係有點可怕...聽歌..吹水..影相....廁所排哂隊

不過樓上講得岩人群入面一定有D人係好比心機
怪就怪大會....似係一味谷參加人數想揚威海外咁

作者: little-fish 時間: 2013-2-26 22:09

cc6236 發表於 2013-2-26 21:37

登錄/註冊後可看大圖

抱歉, 我說的絕不是挑戰組. 我相信你們的時間比大會限時差很遠. 收窄大會限對你們沒有影響, 但對在限時邊 ...

都唔係講全馬要全面cut 時間，係設年齡組別呀，如全球知名的boston一樣，它也設年齡分組時限。
能認真去準備一個全馬，本身已値遵重，始終它已是透支了一般人的體能去完成。唔似半馬，基本上些少付出已冇乜可能要行！

講些少你知，去年3月底人到中年跑一次全馬的念頭第一次冒出時，我也是目標為完成，當時左計右計是530完成。在此次參加途中，在28km大腿肌肉開始抽蹜時，小弟心裡只冒出一樣嘢：無論多慢，我也要是跑足全程去完成，唔要有步行，已經冇咗華麗的初次，唔好連最基本要求的＂跑＂都做唔到！

提提你，長跑時因疲倦而向下望，已經是犯了大錯了。腰一定要自然挺直，視線向前！

作者: 靜水 時間: 2013-2-27 13:17
講起跑品我也要訴下苦, 在青馬橋13-14K水站处, 一名穿營光綠的大學短T的洋女子在外線設入減速取水, 由於她的設入, 為備免相撞, 本人就用手輕力推一推其腰部, 她亦沒有被影響至減速，但回頭却是两句洋粗口。
跑步是怡情養性的運動, 只好吞落肚, 繼續跑我的全馬。不過在此提醒大家穿隊衣的要注意你的言行, 不要影响集體之聲譽。

作者: little-fish 時間: 2013-2-27 13:38

armanxd 發表於 2013-2-26 22:04

登錄/註冊後可看大圖

小弟係半馬一組
明知一定同全馬撞所以一開始沖左上去先大約頭十多個到折返處
匯合後唔算迫大家都好禮讓 ...

師兄應該撞是全馬300-330那班吧？都有4：57-4:18/km pace

作者: armanxd 時間: 2013-2-27 13:46

little-fish 發表於 2013-2-27 13:38

登錄/註冊後可看大圖

師兄應該撞是全馬300-330那班吧？都有4：57-4:18/km pace

速度一定係4:40內
但實際唔知幾多...小弟其失敗之處就係無帶錶

作者: laylomay 時間: 2013-2-27 16:26
睇寫呢個投訴thread既大哥, 一定係"高手", 其他慢腳/步兵睇完真係獲益良多, 下年跑唔到pacing有返5分鐘都唔好報名喇, 唔好阻住人

作者: little-fish 時間: 2013-2-27 16:34

laylomay 發表於 2013-2-27 16:26

登錄/註冊後可看大圖

睇寫呢個投訴thread既大哥, 一定係"高手", 其他慢腳/步兵睇完真係獲益良多, 下年跑唔到pacing有返5分鐘都唔 ...

你啲理解力•••••••

係講緊在賽道上大家應有的禮儀呀！

Ps:半馬5min/km 有幾難？

作者: 光中跑者 時間: 2013-2-27 17:23

maytai 發表於 2013-2-26 17:05

登錄/註冊後可看大圖

係水站有時真吳知點做好, 前面D人突然停低, 後面D人不減速, 點都有碰撞, 請問Ching, Ctse會點做? ...

我通常會在水站後段才取水,那裡少d人.

作者: little-fish 時間: 2013-2-27 18:03

光中跑者發表於 2013-2-27 17:23

登錄/註冊後可看大圖

我通常會在水站後段才取水,那裡少d人.

這個我最後幾個水站終於知道點做

作者: raccon_mama 時間: 2013-2-27 18:07

光中跑者發表於 2013-2-27 17:23

登錄/註冊後可看大圖

我通常會在水站後段才取水,那裡少d人.

我都會去後d的水站取水, 人少d, 又無甘多人衝埋去, 其實, 香港的水站算很長, 義工多亦算快手, 我玩過外地的, 跟本完全水都jump唔設, 又少table, 變在要迫住, 有時仲要稍稍等下.

作者: lrm 時間: 2013-3-7 12:05
唔講又講，講開又講，我見到個人仲PK.........一路跑一路吐口水，你吐口水，ok，無問題，但希望你走去一邊吐，唔好跑中間時，一路跑一路吐，仲要連續四五啖口水，點解可以咁唔衛生

作者: maytai 時間: 2013-3-7 12:18

lrm 發表於 2013-3-7 12:05

登錄/註冊後可看大圖

唔講又講，講開又講，我見到個人仲PK.........一路跑一路吐口水，你吐口水，ok，無問題，但希望你走去一邊 ...

我跑渣馬時有個人都是一路跑一路吐, 仲要左面無人的吳吐, 吐在右面多人跑的一邊, 真是好無品

作者: SEA 時間: 2013-3-8 00:15
其實跑幾快,跑幾慢又點
每人有每人參加目的
如果連個小小的包容都無
香港人幾時變成咁 ?

我跑到30幾公里見腳痛入返去左手邊
點知有個男人推一推我,
隻腳都夠軟,如果佢再大力d 真係成個訓左係到

其實我都第三次跑全馬
我明有人想追時間
但也請尊重每一個跑手
時間只是數字
我都係跑五個幾鐘的人
係我地呢個時間完成的人,我見到好多都好堅持

享受比賽,尊重別人,做人開心!
跑得快的人我好欣賞!
不過跑得慢的人也有他們的堅持

有決心走上呢條路,希望大家都開心快樂

作者: little-fish 時間: 2013-3-8 23:33
如果同組別，又自知在下限時間，那便不用企太前，反正冇乜人會阻到

作者: boyboybb 時間: 2013-3-9 10:49
本帖最後由 boyboybb 於 2013-3-9 11:06 編輯

24-2-13渣馬,我係報半馬挑戰組的,由於小弟係第一次跑渣馬,知道一定好多人,所以比較早就在起跑線前列位置排隊,當仲有2-3分起步時,在後面聽到一個年青跑手一直講唔該借借，一路向前想企上頭排,期間已有一位跑友講,借也野借借,個個都係排隊啦,但這人繼續左穿右插擁上前,去到我背後時............其實前面已好迫,我亦同佢講借也野借借,個個都係排隊啦,這年青跑手同我講..........我跑得快過你架!我馬上回應,你跑得咁快點解唔去前面邀請組呀?他見到小弟有些發火,佢的打尖行動終於到此為止,這人的跑品真係不與置評!

作者: tango 時間: 2013-3-9 10:58
本帖最後由 tango 於 2013-3-9 11:03 編輯

ching 話下次一定唔讓, 我唔係好明, 你今次係點樣讓佢?

大家都向前跑跟, 直線跑, 點讓?

我估佢叫睇住係提醒前面唔好cut線姐, 跑品應先由自己做起

作者: PABBPA 時間: 2013-3-9 20:32
只要大家做任何事都肯講聲唔該, 世界就變得更美好喇, "唔該借借"

作者: raychan25 時間: 2013-3-10 00:20

tango 發表於 2013-3-9 10:58
ching 話下次一定唔讓, 我唔係好明, 你今次係點樣讓佢?

大家都向前跑跟, 直線跑, 點讓?

Ching，佢跑在我正身後叫睇住睇住，不是在我左或右後邊。我咪跑向左横讓佢過。點知佢繼續跑向前面的跑手後面叫睇住睇住。可以肯定佢唔係叫人睇住cut線，因為佢唔係向空位上，而係跑在跑手後面叫人閃開。

作者: raychan25 時間: 2013-3-10 00:34
本帖最後由 raychan25 於 2013-3-10 07:17 編輯

PABBPA 發表於 2013-3-9 20:32
只要大家做任何事都肯講聲唔該, 世界就變得更美好喇, "唔該借借"

我一向最鍾意讓人過，你唔出聲跑在我後面而我又feel到你個速度快過我，我一定俾個位你過！
但大家唔好跑在我後面叫睇住，聽到我都唔會再讓條直線。

作者: 長跑傑 時間: 2013-3-16 09:31
突然諗起果日好多人超前係咁撞我, 又有人左穿右插, 我唔質疑佢地爭分奪秒真係要做PB, 但咁樣影響人真係好有問題, 跑得慢不是罪吧.....

作者: raychan 時間: 2014-3-11 15:08
今年無被人叫睇住睇住.

雖然今年照舊被半馬啲人阻, 但花小小氣力便可以過了.

作者: Jona 時間: 2014-3-11 16:21
我跑半馬在皇室堡位置有位跟我後面的參賽者忽然大叫，被佢嚇到彈開左，比佢過左，真係O 左咀。

作者: raychan 時間: 2014-3-11 16:50

Jona 發表於 2014-3-11 16:21
我跑半馬在皇室堡位置有位跟我後面的參賽者忽然大叫，被佢嚇到彈開左，比佢過左，真係O 左咀。 ...

好特別的過人方法.

作者: Jona 時間: 2014-3-14 16:41
這應該是臨近終點最有效的過人方法，又學到野，但我終生不會採用。

作者: Glad222 時間: 2014-3-15 07:07
人生百態，跑道盡顯

作者: lotustower 時間: 2014-3-15 12:41
係呀我都有同樣事情發生，跑跑吓聽到有人大声講，這條是快跑線要跑就跑外面 la，我回頭看看是否向我說話，看見後面一位肥仔跟在我後面，再回頭多看一次他的跑速還慢過我，還說我阻他，我立即炳他，我說你能跑得快過我嗎? 阻人的是你自己不是他人，依家D後生真無品。

作者: little-fish 時間: 2014-3-17 09:26
成年前都掘出來...
今年我冇時間付出練全馬，所以冇報囉....樂得自在，又唔使阻人，又唔使被阻

作者: gc9543 時間: 2014-3-17 17:02

raychan 發表於 2013-2-25 12:47
簡單啲講唔係多少次問題, 而是態度問題.
我讓個位佢上之後佢用同一種態度對前面嘅跑手叫睇住睇住.
佢分秒必 ...

我會講" 唔該借借" , 但太數無人理

=== === ===
本文地址︰https://www.longrun.hk/thread-19180-1-1.html
內容來源︰香港長跑網 - 長跑長友（ https://www.longrun.hk ）"

作者: alexlau 時間: 2014-3-19 17:51
快腳和慢跑者可以共存, 不過大會要安排得好, 將快腳和慢跑者分開區域起步. 跑手也要自律, 根據自己pb去報屬於自己既組別. 但事實上, 大部份人都不會自律, 所以先有咁多問題.

作者: kofiyip 時間: 2014-3-19 20:57
我最憎人在我好近距離直CUT我線，其實好易會踢到佢ｐｋ的！

歡迎光臨香港長跑網 - 長跑長友 (https://www.longrun.hk/)