見咁多人都分享首馬感想，我又寫下野
參加全馬既人，可能比賽途中見過我，點解？一陣會解釋
第五年渣馬，今年終於鼓起勇氣參加全馬
由於本身都系夜鬼，唔到1,2點唔訓覺果d人
比賽前一晚跟本訓唔著，淨系到2點訓過下但系4點又要起身
由於朋友參加半馬多，轉登早d起身陪下佢地
影完相佢地都起步
得返自己一個都準備擺行李warm up
之後自己都好快上線
一如以往，全馬挑戰組起步由特首鳴槍
當然CY俾人hur既場面冇錯過到
一個連啟德體育城都想拆既政府，有幾重視體育運動都有眼見
似乎大會搵佢起步鳴槍實在騎呢
都好快起步，起步時大會播eye of the tiger，士氣高高哂
名副其實輸在起跑線上
初初都要左閃右避，亦唔敢快放
跑左2k 9分35秒都算好輕鬆，決定用呢個pacing去跑
過左2k就上西九龍公路，
望住自己半馬朋友o係對面線相反方向跑向西隧
都不忘向佢地講聲加油
跑下跑下準備要跑去另一邊係準備去昂船州大橋
跑左5k到望錶，24分正，繼續keep住，同開始上暗斜
一直keep住4"50 /k，上斜可能5min/k，落斜快d 4"38/k都過
跑左7k急尿要去成分鐘廁所
始終唔係高手準備上未做得足，白白冇左成分鐘
去完繼續跑，都差唔多到昂船州大橋
4-7k一直上斜，去到昂船州大橋中段至到頂
接著至到南灣隧道都系落斜，又可以加少少速咁
入到隧道裡面10km check point，49分18 (手計)，冇去廁所應該快多分鐘
而我今次首馬既衣著比較特別
以紅色背衫、再加戴上彩色爆炸頭假髮參戰
除左追求時間，目的亦系希望吸引工作人員、啦啦隊既目光
更重要多d機會上鏡同埋多d相
(雖然最後只系相方面多少少)
跑左13km左右準備入青馬大橋
已經見到賴學恩(本港全馬頭號選手)、
以及疑似幾個外籍快腳選手過完青馬大橋向汀九橋進發
入到青馬大橋，我個爆炸頭假髮開始起到作用
入到橋好多水站，開始有義工為我爆炸頭造型歡呼
有人話花花頭加油、爆炸頭加油等等
真系不忘拍手俾d反應
同埋多謝班義工勞苦功高提供飲料同打氣
如是者，青馬橋15k位置 1"13，
跑埋去汀九橋半程位置 1"43"36
長青隧道位置24km 1"58 (sub2)
無風無雨，一直keep住個pacing跑完汀九橋、長青隧道
當時好傻好天真諗住都有d機會sub 330下年入精英區
之後惡夢開始，去到26km開始有d爆
我隻腳肌肉開始痛，pacing急轉直下
一直慢到去6min/k
可惜肌肉痛已經唔能夠再加速上去，二來勉強用力腳跟位置受傷
要痛住跑埋餘下16km返去
知道sub 330無望，目標返返去賽前sub 4
即刻計計數，原來只要唔好行，就算7min/k都可以sub 4
所以死都堅持住以跑姿態去比賽
捱下捱下到左半馬轉折點
大概30km左右，時間已經2"31
同半馬1組既人相遇
成個比賽幾得意，初段見半馬挑戰組既人，回程見到1組既人
見到半馬1組帶頭果d既選手都到左呢個turning point
而身邊亦有朋友參加半馬1組，結果都真系見到佢地，
大家都俾個訊息大家加油
雖然我果陣已經系捱緊返去
一直去到西隧真系艱難
直情要7min/k上斜跑
直到上到信德中心果個位跑左段平路至上返6-6.X min/k
到左港島區，氣氛開始熱烈
到中環好多大學啦啦隊打氣
最搞笑我著既系紅色polyu背心
但系竟然見到hku cityu人為我起哄
叫polyu爆炸頭加油
真心都要多謝你地打氣支持我呢位跑手
關關難過關關過
尾16km好快就俾我捱返終點
入維園前又見到自己跑友，仲為我打氣
於是chok住個樣衝線
時間3"48"49 (個人時間)
親手由義工姐姐手上拎個完成全馬獎牌
感覺幾感動，跑到最後一直冇放棄，一步一步堅持以跑步姿態完成比賽
結果完成首馬之餘，仲做到原定目標sub 4
後話，其實配速做得麻麻地
我應該有能力上3"3X
眼見頭10k, 什至30k同我pacing既人都得
証明初段留力留得唔夠
不過亦為自己完成首馬
參加咁多跑步比賽
都系鐘意渣打馬拉松
唔好話成績幾好幾差，最緊要系全城參與
氣氛好、有人打氣，而且可以親自跑下青馬橋感受下
全馬真系唔同，唔一定要拎獎至得到認同
即使只系完成比賽都會得到人尊重
而且系得馬拉松至可以同世界級選手同場比賽
雖然唔知我跑步仲有冇進步空間
不過我一直會keep住
馬拉松的確一番體驗。
