香港長跑網 - 長跑長友

標題: 問路大㰖效野公園 [打印本頁]

作者: clau 時間: 2013-3-6 08:28
標題: 問路大㰖效野公園
請問有無師兄／師姐參加3月17日的大欖
郊野公園的比賽（Hysan Healthy Hike & Run）
有無GPS路線可以分享一下?

我本來打算由水壩方向開始跑，但試過沿
大㰖湧路往水塘方向跑，到了女懲教所門
口就找不到路往水壩。

如果找不到入口，唯有坐車入大棠山路的
起點開始跑。

作者: paulsham 時間: 2013-3-6 09:23
http://connect.garmin.com/activity/158967729

可以試下呢個
上星期我同FRIEND去跑左一轉21KM, 不過有段路搵唔到....

作者: tank1438 時間: 2013-3-6 09:44
http://sportypal.com/Workouts/Details/2021883
呢個係我舊年比賽的apps紀錄,今年係咪會另一方向走架,今年我報左lantau50無玩呢個!
其實到了女懲教所門口直入就到水壩!

作者: dmy 時間: 2013-3-6 13:34
今年anti-clockwise 走.

"女懲教所門口就找不到路往水壩"... 喺女懲教所門口靠右條車路直上 (條路左手面有construction, 你見有建築工程就啱喇條路), 之後有分叉路, 靠左邊走就返去水壩. 不過你咁走同今年方向不同.  我今個星期日會同恒恒師兄喺大棠走一次條路, 你唔怕早可以join我哋, 我諗住早啲出發.

坦克師兄如果一早有你個紀錄, 我二月就唔會同我朋友迷路喇, 嗚嗚.  我哋過咗水壩就揾唔到條路上圓墩.  跟住落咗女懲教所再過條村到轉咗好耐, 就腰斬咗個試行.  我仲要打去問搞手問清楚條路.  你個紀錄仲清楚過搞手嗰個呀.  Thanks!

作者: paulsham 時間: 2013-3-6 14:31

dmy 發表於 2013-3-6 13:34

登錄/註冊後可看大圖

今年anti-clockwise 走.

"女懲教所門口就找不到路往水壩"... 喺女懲教所門口靠右條車路直上 (條路左手面 ...

" 我哋過咗水壩就揾唔到條路上圓墩. 跟住落咗女懲教所再過條村到轉咗好"

same here!!
上星期試跑一轉, 但google map搵唔到路上圓墩, 唯有跑返石崗30km果段路, 結果試唔到最甘上山果條路

作者: tank1438 時間: 2013-3-6 14:35

dmy 發表於 2013-3-6 13:34

登錄/註冊後可看大圖

今年anti-clockwise 走.

"女懲教所門口就找不到路往水壩"... 喺女懲教所門口靠右條車路直上 (條路左手面 ...

上圓墩條樓梯好隱閉,我舊年比賽時都諗左陣先上到去,比賽時d工作人員都唔太夠!

作者: dmy 時間: 2013-3-6 14:44

paulsham 發表於 2013-3-6 14:31

登錄/註冊後可看大圖

" 我哋過咗水壩就揾唔到條路上圓墩. 跟住落咗女懲教所再過條村到轉咗好"

same here!!

你唔會喺google map 見到條路架, 政府個行山地圖都冇架! 我打咗去同搞手 Michael Maddess 傾咗一輪, 佢話我知條路應該係 Town Gas 之前鋪設施走出嚟, 嗰段路會見到Town Gas 啲標誌. 你跟坦克師兄個紀錄啦. 總之, 如果你喺水壩過嚟, 過咗水壩, 過埋條話去田夫仔上斜嘅路, 前啲會有條分叉路, 右手落懲教所, 左邊有條小路唔知去邊, 你去左邊條小路就啱, Michael 話前行50米嘅右手邊有應該有條trail, 佢講法同坦克師兄個紀錄符合.

我星期日會再去一次, 到時照啲相放喺度等大家參考.

作者: clau 時間: 2013-3-6 17:45
多謝各位師兄，今個星期六可以按圖索驥走一趟。

dmy師兄，你們打算幾點鐘出發及預計甚麼步速啊?如果我星期六找不到路再跟你們走一次好嗎?

作者: dmy 時間: 2013-3-6 20:16

clau 發表於 2013-3-6 17:45

登錄/註冊後可看大圖

多謝各位師兄，今個星期六可以按圖索驥走一趟。

dmy師兄，你們打算幾點鐘出發及預計甚麼步速啊?如果我星期 ...

我係師姐喇. 星期日我諗住最遲會喺九點起步. 試路唔會跑, 會半行半跑. 上次喺大棠出發去到女懲教所附近都兩個鐘左右. 試路唔全跑你最好帶嘢食同飲品, 因為條路除咗大棠我唔知邊到有補給. 你揾腳同你去啦, 唔好一個人去. 星期日一齊去冇問題呀. 不過細節未定.

作者: clau 時間: 2013-3-7 08:01

dmy 發表於 2013-3-6 20:16

登錄/註冊後可看大圖

我係師姐喇. 星期日我諗住最遲會喺九點起步. 試路唔會跑, 會半行半跑. 上次喺大棠出發去到女懲教所附 ...

唔好意思師姐。我原意都是慢行探下路，仲擔心太慢會拖累妳。
不過因為時間安排關係，我會星期六早上八時左右開始行。
結果到時告訴太家。

作者: dmy 時間: 2013-3-7 11:38

clau 發表於 2013-3-7 08:01

登錄/註冊後可看大圖

唔好意思師姐。我原意都是慢行探下路，仲擔心太慢會拖累妳。
不過因為時間安排關係，我會星期六早上八時 ...

唔緊要, have a nice trip. 嗰度風景好靚. 玩得開心啲.

Michael 話大欖涌上圓墩嗰程有啲路你可能要揾啲樹幹拉住借力行 (佢話佢平時跑), 你小心啲. 佢話每年都有一個跑友會喺比賽扭親腳, 所以我叫你揾腳一齊走一轉, 安全啲.

作者: dmy 時間: 2013-3-7 11:49
本帖最後由 dmy 於 2013-3-7 11:53 編輯

嗰次揾唔到路, 問咗幾個行山人士都話唔知, 有行山人士叫我同朋友不如跟佢哋上咗另一條路上山睇風景. 咁我哋就上咗有個行山人士改名嘅桃坑峒, 地圖冇呢個名, 但地圖有地政署地標344 嘅地方, 如圖. 上到去, 風景好靚, 又睇到應該係我哋揾唔到入口, 但本來要上去嗰條路. 如圖2.

作者: clau 時間: 2013-3-12 01:43
星期日上午跑了一趟，原來由懲教署的閘口可直入，
經過職員宿舍，直行到尾就會見到指示牌往主壩。

上了主壩後一時興奮，跟住眾多單車一路往越野單車
徑跑，到發現時已經離原路線好遠了。最後將錯就錯
草草跑到錦上站就坐車離開啦。

雖然跑錯路，但沿途風景真係幾優美，下次可作為練
習路線及試下往石崗方向跑。

dmy師姐，妳找不找到路啊？希望真正跑那天有足夠
指示就好啦。（考慮是否星期五再去走一趟...）

作者: dmy 時間: 2013-3-12 13:59
Hi clau 師兄,

我哋一行四人星期日都試咗路.  揾到條上圓墩條隠閉小路.  不過可能有點探險feel, 入小路時心情有點興奮, 唔記得影相.  淨係喺分叉路影咗.  (照片後補).  小路上十分鐘後條路開始闊啲.  一直上圓墩都幾花體力, 仲有幾個地方有分叉路, 又唔記得影相!  之後落山, 我個人覺最難係喺呢度, 因為多碎石, 容易線親, 唔單只要拉住啲樹枝, 有啲位我寧願用手扶住地借力落, 落山快不得 (當然, 如果你似搞手michael maddess咁, 毅行者12小時內完成作別論, 可能落山都照跑....).  之後都揾到條圓墩郊遊徑.  我唔記得太清楚, 上山落山好似用咗一個小時左右...呢段時間冇跑過, 跑唔郁, 落山更加唔敢跑.

落咗山, 太high, 冇拎比賽地圖對路, 所以M10之後帶錯咗啲跑友行錯第條路返大棠 (不過都幾好行架, 人少少少), 嘻嘻, 所以m10 至終點應該叫未跑過, 不過當日都跑/行咗19.5k.  時間好似.. 少於四小時 (半行半跑).  不過, 大家對呢條路都幾有好感.

我個人覺得, 頭10k 最輕鬆, 我哋一個小時多幾分鐘跑至大欖涌, 上/落山最甘, 之後我行錯路所以唔知會發生咩事. 嘻嘻.  不過之後都係郊遊徑所以應該okay.

提多你一次, 你試路應該係反方向嚟行, 你清楚架呵?  星期五唔好試咁甘喇, 其實上星期應該試山路.  因為嗰度最易行錯.

仲有, 嗰日得三個水站, 其實上星期天氣熱, 唔夠水好麻煩.  星期日我打算咩住水袋跑.  你睇清楚佢哋 email 個memo, 希望分叉路啲指示足夠.

希望幫到你.

作者: paulsham 時間: 2013-3-12 14:27
好有用既資訊~
唔該晒師姐~

作者: dmy 時間: 2013-3-12 18:09

paulsham 發表於 2013-3-12 14:27

登錄/註冊後可看大圖

好有用既資訊~
唔該晒師姐~

唔駛客氣.

補充一下, 上圓墩條小路時, 開頭條路窄, 又多樹枝. 不過我雖然著短褲, 但係腳啲皮同面皮一樣厚, 所以冇刮花到, 但係呀cat 師姐話佢對美腿被刮花. 你哋小心啲啦.

記得上山, 下山條路唔闊, 希望大家要過人時小心啲.

作者: clau 時間: 2013-3-12 23:28
多謝師姐詳盡說明及提醒。

我次次跑山都行錯或行多路。
最近一次是去年十二月大嶼山愉景灣，
我同一個朋友用多半小時時間及上多
一座山，最慘係後面有十零人跟隨我
們行錯路。諗起都唔好意思。

作者: dmy 時間: 2013-3-13 11:25

clau 發表於 2013-3-12 23:28

登錄/註冊後可看大圖

多謝師姐詳盡說明及提醒。

我次次跑山都行錯或行多路。

"...上多一座山..."

嘩哈哈哈哈.....其實有時間有資源都唔係問題, 我哋當日水源不足, 冇地方補給行錯路先係大問題. 最後幾k一心只想回到大棠可補水, 冇心機欣賞風景.

星期日見啦, 會著網衫跑嘛?

作者: clau 時間: 2013-3-15 12:14
大家星期日見。我發現著網衫會逼自己跑快D

歡迎光臨香港長跑網 - 長跑長友 (https://www.longrun.hk/)