香港長跑網 - 長跑長友

標題: 小弟的跑步歷程 [打印本頁]

作者: boyboybb 時間: 2013-3-6 23:20
標題: 小弟的跑步歷程
本帖最後由 boyboybb 於 2013-3-8 16:51 編輯

本人由26歲已患有血壓高,須要長期食藥,一路都控制得唔錯,但隨著年紀增長,步入中年後,由於身體發胖,又缺少運動,血壓漸漸超標,醫生已加了藥的份量,亦提醒我要減下肥,做下運動,我42歲那年,體重有178磅,我只有166cm高,明顯重左好多,由這年開始下定决心減肥. 我選擇左去跑步,相信好多人最初都係由跑運動場開始的,我住屯門置樂區,最近的運動場係兆麟運動場,須然不是一個標準400M的場地,但因為近我屋企,記得第一次落場只跑了3個圈已經冇氣了,之後的日子由5個圈,7個圈,10個圈,15個圈,慢慢加上去,跑左三四個月後加到20個圈,兆麟20個圈大約只有7K,我平均要用42-45分完成,跑左1年幾已減到155磅,當時平均一星期跑4-5曰,在偶然的機會同一些同事聊天,原來有幾位同事都有跑步,他們好多時話約埋我一齊跑下,但初時我都唔敢赴會,因為自知比較水皮,怕跟唔上佢地,直至有一次大家都可早收工,約埋一起上引水道跑,結果當時我地跑左1小時15分,已超過我平時的距離,原來自己係可以跑到長D架. 自從那一次我地便每個星期曰一齊練跑,有跑去白泥,南生圍,尖鼻咀,青公,三五知己一齊跑步,吹下水,已經係我地D中年人仕的一大樂事,由舊年5,6月開始報下比賽,10K都報過6,7個,由第一次跑左56"分左右,最快試過跑石門10K 49"20"估唔到我成47歲都可低於50分完成,雖然這個時間並不是好快,但已是我的代表作了,越跑越長,繼續進軍半馬,先後跑過,大尾篤綠色半馬,沙田皇者半馬,萬宜地質20K,中國沿岸半馬,美津濃半馬,當然唔少得24/2/13渣打半馬啦,咁多個半馬都能低於2小時內完成,回想當初跑3個圈都冇氣,現在可以跑到21K以上,真係奇妙,2014年度的渣打馬拉松我已決定向全馬進軍,希望到時能於4:30完成!

作者: kokyan_lam 時間: 2013-3-7 00:43
ching的跑步歷程又係一個自強故事, 好期待你的日誌, 我會一直追睇, 從中學野的! 一齊加油!

作者: jpg_chu 時間: 2013-3-7 00:51
ching add oil

作者: little-fish 時間: 2013-3-7 05:07
本帖最後由 little-fish 於 2013-3-7 05:09 編輯

比賽經驗豐富••••••我都想減至150，現在172/168cm
師兄加油，仍然可以更快的，我識一位50多歲，可以跑42/km，仍在進步中，所以俾信心自己，努力

作者: boyboybb 時間: 2013-3-7 06:29
本帖最後由 boyboybb 於 2013-3-8 16:53 編輯

多謝各位師兄鼓勵,其實我覺得跑步並不需要追求更快,只係向自己交待便可,我最大的決心係為左身體健康著想,有左健康，才可好好生活，照顧家庭，大家在過年時，經常聽到好多老人家向別人講的恭賀說話,[最緊要係身體健康]，其實身體健康並不是講下就得，係要自己爭取的，大家同意嗎?另外，我見過懲教署有隊犀牛隊的口號，[唔須要跑得快,最緊要跑得哂]，大家唔好放棄，繼續向自己訂立的目標邁進啦!

作者: awolswat 時間: 2013-3-7 09:53

Support! 長跑長有!

作者: Joeilo2005 時間: 2013-3-7 11:13
我以前也是住屯门,但因家離運動場太遠所以疏懶.現十分後悔,如早点開始跑,之後就不會百病纏身.
Ching 又是一个成功例子,我現需搬到荃灣,但會急行綀氣,由荃灣行到屯门,元朗,大埔等.
我也會开始參加一些公开賽事,訂下目標,以Ching做榜樣.大家一起努力.

作者: Professor 時間: 2013-3-7 11:20

Joeilo2005 發表於 2013-3-7 11:13

登錄/註冊後可看大圖

我以前也是住屯门,但因家離運動場太遠所以疏懶.現十分後悔,如早点開始跑,之後就不會百病纏身.
Ching 又是一 ...

荃灣到大埔?

一個來回真係唔野少啊~!

作者: Joeilo2005 時間: 2013-3-7 11:24

Professor 發表於 2013-3-7 11:20

登錄/註冊後可看大圖

荃灣到大埔?

一個來回真係唔野少啊~!

有去冇回.真係吾嘢少.

作者: boyboybb 時間: 2013-3-7 12:04

Joeilo2005 發表於 2013-3-7 11:13

登錄/註冊後可看大圖

我以前也是住屯门,但因家離運動場太遠所以疏懶.現十分後悔,如早点開始跑,之後就不會百病纏身.
Ching 又是一 ...

參加比賽係會另自己加速進步的,我下一個比賽係畢拿山古蹟越野賽15K,唔知有幾多個網友及會員參與呢?

作者: Professor 時間: 2013-3-7 12:44
師兄年紀比我大, 但又跑得比我快~!

我開頭都是幾個圈便玩完, 到2013 渣馬2小時多完成, 跟你一樣, 希望下年參加全馬~

為左唔阻住跑道使用者, 我會加緊練習!

作者: boyboybb 時間: 2013-3-7 12:57
其實我覺人到中年已不是要爭取有很大的凸破,始終每個人的體質有別,我半馬最好時間係1"54"18,但已覺好難再超越,年近半百,我認為已相當不俗了,長跑長有,我地要好好保養身體,要造好時間,留比D年青人吧!

作者: mic 時間: 2013-3-7 13:12
師兄, 我以前都是住青山灣那邊, 都跑過兆麟運動場, 不過通常都係由青山灣跑去大欖或掃管笏, 開始時都係因為發覺身體狀態下降(因為以前有吸煙習慣), 直到戒煙後開始跑步, 由跑1個圈都冇氣, 到今年渣打 10km 在 59mins, 之後果種喜悅真係只有自己才知道及感受到健康多可貴, 及想不到自己都可以有這種毅力

現在搬了出市區才發覺以往住新界多麼好, 有好多地方可以跑, 空氣又清新 d 車又小 d, 而家只可以吸埋廢氣

好彩見到呢個 website 有好多師兄提供跑線, 真係獲益良多

作者: boyboybb 時間: 2013-3-7 13:26
本帖最後由 boyboybb 於 2013-3-8 16:58 編輯

我通常每星期1,3,5每晚跑10K左右,由屋企沿青山公路過萬能閣，沿單車徑有時跑向碼頭方向至蝴蝶灣,有時會向澤峰花園回頭返屋企,跑得幾日又會沿青山公路向黃金海岸,落埋海豚公園回頭,但此段青公路比較窄所以比較少跑,不過我有日閒日放假,試過由屋企跑出荃灣西鐵站一個來回,跑左36K,用左3"52"左右,每逢週日就會陪同事跑課長的,大約半馬路程,住屯門可跑的路線都唔少,大家加油!

作者: little-fish 時間: 2013-3-7 13:42

boyboybb 發表於 2013-3-7 12:57

登錄/註冊後可看大圖

其實我覺人到中年已不是要爭取有很大的凸破,始終每個人的體質有別,我半馬最好時間係1"54"18,但已覺好難再超 ...

以師兄一星期4課，半馬1：53 還未行人止步的，空間仍有，信我。
跑步要較全面cover .不單要做長慢課，短而快的也要，100、200m 的重複短衝，可以有效提高跑步的效率。

作者: boyboybb 時間: 2013-3-7 13:44
多謝師兄意見!

作者: gary928 時間: 2013-3-7 15:59
好感動，我自已的跑步歴程才四個月，已有不少進步（無論體重還是跑步的成績），很喜歡上這個FORUM，因為能夠看到好多同自己差唔多諗法的人的故事，很有鼓勵作用。各位CHING，加油，努力﹗

很喜歡依句︰[唔須要跑得快,最緊要跑得哂]

作者: little-fish 時間: 2013-3-7 17:35

gary928 發表於 2013-3-7 15:59

登錄/註冊後可看大圖

好感動，我自已的跑步歴程才四個月，已有不少進步（無論體重還是跑步的成績），很喜歡上這個FORUM，因為能 ...

不少進步即係幾多先？

作者: gary928 時間: 2013-3-7 22:27

little-fish 發表於 2013-3-7 17:35

登錄/註冊後可看大圖

不少進步即係幾多先？

哈﹗你話體重定跑步先？

Pace由8：30／km--->6:30/km

體重︰120kg ---->106kg

我知道仲有好大的進步空間，我會努力的。

作者: boyboybb 時間: 2013-3-7 22:51
師兄,繼續努力,如果可減輕Ｄ磅數,5-6分/Km,絕對可以,加油!由120kg減到106kg已好唔錯,但106kg仲超標好多,唔知師兄有幾高呢?加油!唔好放棄呀!

作者: gary928 時間: 2013-3-7 23:12

boyboybb 發表於 2013-3-7 22:51

登錄/註冊後可看大圖

師兄,繼續努力,如果可減輕Ｄ磅數,5-6分/Km,絕對可以,加油!由120kg減到106kg已好唔錯,但106kg仲超標好多,唔 ...

180CM，仲超好多呀，所以仲有排減呀。

作者: 龜兔競跑 時間: 2013-3-8 04:36
Ching 加油! 只係短短四個月,減得很好啊

作者: lastdance 時間: 2013-5-16 16:42
加油

作者: allmyfriend 時間: 2013-5-16 16:59
好佩服師兄能夠用跑步來減肥, 漸漸與跑步成了朋友的心路歷程. 我年紀比你大, 起初都是為了健康問題, 都開始跑了二年, 但可能個人體質及心肺功能的原因, 我只可以慢跑, 參與比賽都只是同朋友茶餘飯後吹水藉囗. 樓主可能安排跑步方面較為自由, 而我有較多限制, 所以我好珍惜每次跑步, 順祝各位都能跑出興趣, 跑出健康

作者: boyboybb 時間: 2013-5-16 19:35

allmyfriend 發表於 2013-5-16 16:59

登錄/註冊後可看大圖

好佩服師兄能夠用跑步來減肥, 漸漸與跑步成了朋友的心路歷程. 我年紀比你大, 起初都是為了健康問題, 都開始 ...

每個人的體質不同,未必要參加比賽的,但能保持慢跑這種運動,對身體健康絕對是好事,可以跑步係一種福氣!

作者: boyboybb 時間: 2013-6-10 23:03
今個年度,係自己的一個大挑戰,將會第一次参與毅行者,我和我的同事有幸被抽中,要加强訓練,明年要報揸打全馬,大家加油!

作者: kokyan_lam 時間: 2013-6-10 23:09

boyboybb 發表於 2013-6-10 23:03

登錄/註冊後可看大圖

今個年度,係自己的一個大挑戰,將會第一次参與毅行者,我和我的同事有幸被抽中,要加强訓練,明年要報揸打全馬, ...

加油!

作者: boyboybb 時間: 2013-10-29 23:00
本帖最後由 boyboybb 於 2013-10-30 05:19 編輯

大家好,已一段時間冇分享自己的歴程了,在10月中,小弟先後參加了Two peaks 21K及 HK50K兩個賽事,這兩個賽事都帶給我十分難忘的經歷,前者要8小時內征服大東及鳳凰兩個山峰,賽後雖然兩隻大肶痛足幾日,但卻十分回味,而HK50更是畢生難忘,這賽事我係同兩個同事一齊参加的,聽佢地講,今次賽道加插了幾段山徑小路,難度增加了好多,比賽限時10小時完成,小弟用了9"52"19完成,總算於限時完成,賽後先知道只有172人可跑畢全程,原來能完成賽事已唔容易!回想幾年前178磅重的我,現在可完成難度頗高的賽事,真係奇妙!黎緊三個賽事,11月3日苗圃42K,11月15-16日毅行者100K,及明年首次報名的渣打全馬,都係我的第一次参與,大家一齊努力,加油!

作者: boyboybb 時間: 2014-3-5 13:39
2014年2月16日，我第一次參加揸打全馬，在此之前已有足夠的準備，但估唔到比賽前的星期四，感染流感，仲有發燒，星期五早上睇醫生量到39.1度，好采到星期六下午已完全退消，身體大约回復八，九成，衡量過自己的狀態……決定出赛全馬，本來都害怕會手軟脚軟的，但一路跑落去都keep到，仲有機會同長跑網的師兄合照，雖然未能達到預算中的4:30完成，以4"40"51過終點，對自己已有所交待，4:30的目標等2015年再試啦！

歡迎光臨香港長跑網 - 長跑長友 (https://www.longrun.hk/)