香港長跑網 - 長跑長友

標題: 王利民人生只可跑1次半馬 [打印本頁]

作者: bunbun 時間: 2013-5-16 07:07
標題: 王利民人生只可跑1次半馬

「有些事情要速戰速決，否則夜長夢多！痛苦一下好短暫，你仲喺度典床典蓆？極地賽才40公里多一點，爬都爬到去啦。最差莫過於凍甩晒啲手指囉。做生意亦一樣，要做決定時，馬上就做。思考太久不代表甚麼，如果做生意齋靠分析，那麼大學和政府隨處都是商業精英啦，他們擁有最多數據庫，最掌握到當地經濟環境，但事實是否如此？」

　　「人生只可跑1次半馬，點解呢？因為你唔可以返轉頭。跑完半馬，就要跑全馬或超馬，甚至極地喪馬，因為你會不斷有追求。人生有限長，為何不讓自己多嘗試？難道次次都跑半馬咩？」

　　「有些人一個職位做10年，仍拒升職，只因不想承擔更多責任，免煩。但人一定要經過試煉，如跑極地，心裏面有許多對話，試過了，才會成長。」

~ 康宏理財王利民馬拉松管理學香港經濟日報 2013-05-16

作者: tank1438 時間: 2013-5-16 10:53
"人生只可跑1次半馬"...奇怪的想法,要跑好一隻半馬都唔易的,而且跑過全馬又唔係唔跑得半馬既...

美記半馬金戰衣難度仲高過全馬sub 3,唔可以一味以長度作為成長標準!

作者: snail 時間: 2013-5-16 13:16
口氣太大, 真係跑步唔係講距離. 係講進步! 跑得長但每次都慢有乜意思.

依D稿上下報紙吹牛還可以, 放係跑網只係得啖恥笑.

作者: chuen3182 時間: 2013-5-16 13:34
王利民以生意佬眼光睇跑步⋯⋯想法差勁。他本人似冒險王多啲。

作者: coolmanlai 時間: 2013-5-16 16:22
跑得長固然可以體現出個人耐力同意志,但任何長短路程都有其挑戰性,只一味着眼于長程而又只能以慢速來完成的話,我個人認為此舉無意義!倒不如在較短路程自己又可能有機會攞獎的賽事出賽較實際,始终攞獎是開心事!

作者: kokyan_lam 時間: 2013-5-16 18:21
全馬, 半馬同10k根本唔同跑法, 距離愈短反而強度愈大, 跑全馬, 途中有位俾自己回氣放慢d都仲得, 10k認真來沖成績的話, 成敗之差可能係十秒八秒之間, 基本上要時時刻刻開turbo, 冇得回氣的, 如果話跑得愈長就代表愈叻, 咁奧運馬拉松冠軍就同時可以橫掃3000, 5000, 10000了.

要跑好任何距離真係要花好多年時間的, 人生只可一半馬, 以佢的邏輯, 即係人生只可一全馬, 人生只可一極馬, 好快佢可以功成身退離開跑界了

作者: JIMTSE 時間: 2013-5-16 22:00

kokyan_lam 發表於 2013-5-16 18:21

登錄/註冊後可看大圖

全馬, 半馬同10k根本唔同跑法, 距離愈短反而強度愈大, 跑全馬, 途中有位俾自己回氣放慢d都仲得, 10k認真來 ...

佢所講既，根本用錯例子，對於跑步者而言，根本不是這樣，無錯，10K、半馬、全馬、甚至超馬，大家距離確實不同，但每個距離都有其挑戰性，跑步並不是跑得越長就代表有進步，跑一個全馬能用6個鐘頭完成為成功還是跑10K能用30幾分鐘成功呢？根本不能相題並論！反之如果能在同一距離內能不段創造記錄、相比能跑一個超馬的成功感，相信有著不同意義！每次自己能越跑越快就是進步的代表，著名冕“長跑運動員，基比沙拉斯，曾先後創出多個10k、半馬、全馬記錄，但他跑完全馬還是會參加10k的比賽，難道他是退步嗎？生意成功的例子根本不能與他所說的觀念並論！

作者: Ah_Wing 時間: 2013-5-16 23:23
可以挨得苦，不等於做得好。商場上肯搏，不保證會成功。馬拉松式管理，是否要下屬做牛做馬？

作者: vcbid 時間: 2013-5-16 23:35

kokyan_lam 發表於 2013-5-16 18:21

登錄/註冊後可看大圖

全馬, 半馬同10k根本唔同跑法, 距離愈短反而強度愈大, 跑全馬, 途中有位俾自己回氣放慢d都仲得, 10k認真來 ...

其實一直以黎短跑比長跑既認受性更高, 好簡單既例子, 是但出街問下人, 奧運100米金牌係邊個, 好多人都知係保特, 而馬拉松金牌係邊個? 我諗問100人都未必有1個知

為0.01秒而努力, 都係一件好浪漫既事

作者: kokyan_lam 時間: 2013-5-17 01:35

vcbid 發表於 2013-5-16 23:35

登錄/註冊後可看大圖

其實一直以黎短跑比長跑既認受性更高, 好簡單既例子, 是但出街問下人, 奧運100米金牌係邊個, 好多人都知 ...

認受性, 奧運最後一個項目係馬拉松, 係奧林匹克精神授予長跑既認受性; 吸引眼球, 有助提高收視, 廣告及銷量, 係商業體育給予短跑既認受性. 奈何現今社會係金錢掛帥....

作者: Mickey 時間: 2013-5-17 07:58
在某一領域有少許成就，便到其他領域指指點點，還是請他多點謙卑。

作者: chankerokero 時間: 2013-5-17 13:32
外行扮內行~

歡迎光臨香港長跑網 - 長跑長友 (https://www.longrun.hk/)