香港長跑網 - 長跑長友

標題: 最近跑步後右後膝痛，請教是什麼問題？ [打印本頁]

作者: Shun_93202607 時間: 2013-12-16 23:40
標題: 最近跑步後右後膝痛，請教是什麼問題？
想請教前輩們，最近幾次跑半程以至全程距離，右腳膝蓋的右後方，在跑完以後都會痛一段短時間！請教是什麼的問題？
******
痛的位置：附圖紅圈的位置
近幾次跑完馬拉松以後，這位置都會痛！
過終點以後緩下來/去排隊攞行李/拿證書/更衣這段時間都不會痛，
但之後慢慢步行離開就開始有感覺，落樓梯、落斜、坐了一段時間起身伸直痛的感覺很明顯！！
痛時候冇腫冇咩表面症狀，㩒都唔痛！
根據過去幾次的情況，跑完半程第二天就不痛了；
而跑全程的話，跑完當日痛楚最大，第二日就輕點，到第三天就舒援了不痛了！
******
順便一提跑的感覺：其實近來在跑到大概近20公里左右，就開始有點感覺，
但唔係痛，係感覺好像果度位置有點不妥（好像將會痛咁樣）......
還有如果持續跑姿前進就沒事，點解咁講呢？事源有一次自己練一次45k左右的長課，
就在中途25km及38km左右停落來入7仔買水，隊付款等候期間，右膝蓋右後方的痛楚慢慢的湧現，
步行離開有痛的感覺，但慢慢加快步伐痛楚又輕下來，隨後又可以跑起來！
至跑畢以後這位置又痛起來，至三日後完全恢復沒感覺（即跟上面提及跑完全馬後的感覺一致）！
******
請教前輩們是什麼問題？

登錄/註冊後可看大圖

作者: bunbun 時間: 2013-12-17 05:58

common knee pain

作者: luiseem 時間: 2013-12-17 09:44
可能係ITB喎~

作者: marcus 時間: 2013-12-17 10:54
>>落樓梯、落斜、坐了一段時間起身伸直痛的感覺很明顯！！
師兄, 我早前都同你一樣痛法, 慢JOG冇事, 但一比力跑就開始痛, 尤其係坐一段時間起身痛到唔可以立即行, 痛左大半年......冇比賽成年 >.<
睇過E生, 照過都話冇事, 之後去睇物理治療, 佢話係膕肌太緊, (我自己成因係站立姿勢時身體傾前, 另膕肌成日拉緊) , 一做運動就好易會發炎, 只要拉鬆佢就會自然好返, 我拉左一個月就好返了
膕肌係比較深層, 伸直腳係摸唔到的, 要屈膝90度才會接近皮膚表面, 物理治療師教我自己按鬆佢, 方法係單膝跪在床邊(痛腳跪在床上90度), 另一隻腳企在地上平衡, 痛腳那邊的手向後按膝頭後面, 你會發現有條打直的肌肉/根, 之後左右用力撥+按, 初初會幾痛的, 忍著撥, 太細力按唔鬆的, 我覺得用手指唔多夠力, 所以用一支小木棒撥的
希望表達到你明白

作者: Shun_93202607 時間: 2013-12-17 13:29

marcus 發表於 2013-12-17 10:54
>>落樓梯、落斜、坐了一段時間起身伸直痛的感覺很明顯！！
師兄, 我早前都同你一樣痛法, 慢JOG冇事, 但一比 ...

師兄~動作方面明白！只是“發現有條打直的肌肉/跟”確實位置是哪個？有圖指明就最好、或者用上面2#師兄果幅圖邊個顏色圈的位置呢？謝謝

作者: marcus 時間: 2013-12-19 13:58
本帖最後由 marcus 於 2013-12-19 14:04 編輯

圖中紅圈位置, 有事的話, 撥落去自然會覺得痛, 我而家好返之後, 再撥佢係唔痛的
我見同你痛法有9成幾似先講, 如果你擔心可以睇下E生/+物理治療師
因為咁樣痛, 我都睇過兩個物理治療師, 兩個方法好唔同, 真係人夾人, 第一個跑友介紹的, 佢主張休息及拉根, 但去左6-7次都未見有好轉 (睇佢先因為平啲

)
之後都係試另一個物理治療師 (玩定向果, 好多人都知邊個啦), 佢主張以強化肌肉去自我治療, 係唔痛的情況下做復健動作(趴在床上做摺腿, 動作係快的, 痛要停), 同埋要KEEP住跑(如果跑5K就痛, 咁就跑4K休完再跑), 一痛就要停, 休完又跑, 睇左2次就叫我自己返去按及做復健

作者: Shun_93202607 時間: 2013-12-22 23:28

marcus 發表於 2013-12-19 13:58
圖中紅圈位置, 有事的話, 撥落去自然會覺得痛, 我而家好返之後, 再撥佢係唔痛的
我見同你痛法有9成幾似先講 ...

師兄~再試一次長課25k上上落落，跑完之後5分鐘就痛(只要一停就痛，奇怪？？)
跟住返去就按你教方法撥痛的位置，位置係膕肌始端，確實酸痛哦！（左腳係冇咁重的！）
又幾特別，撥佢分幾鐘，跟住又鬆晒..... 之後再有感覺，又撥下，跟住又鬆晒..... 原理係咩呢？

同埋呢，師兄你果一個月，是否痛唔痛都撥該位置？每日的密度是如何？

作者: marcus 時間: 2013-12-24 09:31
25K.....太長了吧
撥完係會鬆晒, 我果一個月都有撥的, 物理治療師叫我一日三次, 每次撥5分鐘, 但我返工唔方便, 只有訓前撥下
我而家長課後都重有撥的, 感覺係同平日唔同, 都會酸, 但就冇痛
其實咁樣撥就等同拉根, 所以好返都可以當係保健

作者: Shun_93202607 時間: 2013-12-24 18:04

marcus 發表於 2013-12-24 09:31
25K.....太長了吧
撥完係會鬆晒, 我果一個月都有撥的, 物理治療師叫我一日三次, 每次撥5分鐘, 但我返工唔方 ...

提起師兄冇時間撥呢點，其實我都係冇理由在工作期間成日咁做！
我想問其實是否只要屈膝90度就可以呢？既然“屈膝90度才會接近皮膚表面”，那麼唔一定要單膝跪在床邊，雙膝跪在地上… 或坐在凳上屈膝90度… 這樣動作應該都可以撥鬆條膕肌吧？
點解咁講呢…. 就以前日25k長課之後來講，痛就撥，撥完鬆了，但坐耐咗，又再有啲痛，馬上就坐著撥幾十下，起身又冇咩事喇喔！！

謝師兄回覆指點！

作者: shinsama 時間: 2013-12-24 23:05
我想問一問如果有痛証我應該睇咩醫生? 普通西醫?跌打?
我同一個位有時都會痛同埋近掛腳爭有時痛到跑唔到...

歡迎光臨香港長跑網 - 長跑長友 (https://www.longrun.hk/)