香港長跑網 - 長跑長友

標題: 你都做得到!!! [打印本頁]

作者: tetsu001 時間: 2014-1-8 17:51
標題: 你都做得到!!!
本帖最後由 tetsu001 於 2014-1-8 17:56 編輯

先自我介紹:
男36中坑, 哮喘底, 煙剷嗜酒, 近20年零運動, 晚睡晚起. 唯一好處係瘦底, 177M, 10年內維持56-58KG (應該係家族遺傳)
開始跑步原因:
身邊同事及朋友開始笑我有肚腩. 想像一下,一個56KG的人有肚腩就好似非洲營養不良的小朋友一樣(純比喻). 所以決定做運動修身. 而跑步就係最便宜而且最方便既運動. 只要著起對鞋任何時間任何日子都可以出動.但係踏出呢一步又談何容易呢!?
第一次跑步:
2013年3月4日,呢日我記得好清楚. 當日溫度約13度(唔明點解3月都咁凍). 晚上九點我落左街. 行左100米左右我就開始跑了. 跑左約200米,無錯係200米! 哮喘突然發作, 透唔到氣, 個心跳到爆咁劑. 我知道再做落去可能連命都無, 最後決定班師回朝. 回家後馬上食藥用噴霧先搞得掂. 老婆仲問我駛唔駛CALL白車. 而我一生人第一次自發性跑步就係呢200米結束左............
This is an alarm!
經過呢一次之後, 我了解到自己身體實在比想像中差太多太多了. 長此下去應該四十零歲就會收皮. 所以決定盡量抽時間運動. 上次跑兩下已經死咁劑, 所以我決定由行開始!!!!
頭一個月每星期行兩至三次4K包上斜, 原來行都唔係咁易, 上斜都會氣喘.
4月開始,上斜行,平路就跑. 但係跑盡最多300-400M就好累要停. 最後發現原來自己一跑就去盡完全係錯到極點. 開始上網及問朋友學習如何改善.
5-6月: 以極慢跑為主(7MINS/KM). 開始可以加長距離, 例如3K不用停. 而且一星期起碼跑到2-3次.
7月: 比前兩月有進步, 可以連續慢跑5K唔停. 正當開始感覺到跑步樂趣時候, 悲慘的事情發生了......
8月: 跟朋友行山後(約14K)膝蓋極痛. 原來是中了ITBS. 我根本不應該一下子加長距離, 呢個月簡直苦過弟弟, 每次開跑一到3K就自動痛到要停低. 唔通連個天都.......
9月: 以步行為主, 就算不能跑都KEEP住行. 維持一星期3晚.
10月: 我有一名跑開跑步的朋友問我有沒興趣一齊玩10K比賽, 我心諗點跑呀? 行都唔知得唔得. 不過最後還是報名了. 就係呢個時候, 隻腳情況有好轉而且能開始慢跑. 同月每星期跟同事行山但路程維持在10K內.
11月: 加緊訓練, 而且成績比想像好. PB: 5:45而且能保持10K不停.
12月: 完成人生第一次10K比賽: 成績55:17. 對自己算是一個交待. 同時亦把十多年的吸煙壞習慣介掉!!!!!
現時10K最快53:00, 黎緊星期日飛達馬鞍山10K希望見到你!!!!!
P.S. 小弟自知本人成績根本是垃圾級數,各位高手師兄請一笑置之. 此文目的純粹是個人分享, 就算幾弱幾唔健康的人只要有心就可以, 健康就是一切,祝各位新年快樂!

作者: newt3 時間: 2014-1-9 09:09
加油！
加油！

作者: tototo 時間: 2014-1-9 09:18
Ching 加油

作者: 红箭-8 時間: 2014-1-9 09:39
本帖最後由红箭-8 於 2014-1-9 09:40 編輯

tototo 發表於 2014-1-9 09:18
Ching 加油

同時亦把十多年的吸煙壞習慣介掉!!!!!
强！！

作者: Koma_rider 時間: 2014-1-9 09:41
36不是中坑呢... 師兄加油~~~

作者: chankerokero 時間: 2014-1-9 10:13
我三十五歲，唔煙唔酒，10km都係跑53mins，師兄你好勁！

作者: kofiyip 時間: 2014-1-9 12:53
我覺得我們只是業餘性質，不要說甚麼垃圾級數的成績。如果以這定義，呢度大把呢！作為興趣，跑步最好的地方不是要鬧快，只是自己同自己跑，成績只是向自己交待和比較。我覺得只要中途不放棄(師兄身體突發不適就另計)，成績比上次快的話，我覺得對自己已經有交待。當然如果要成為職業跑手，以上所有就變成另一番論調了。
師兄，真的欣賞你過去一年的努力和付出，繼續努力呀！

作者: CEC 時間: 2014-1-9 13:44
很熱血呢，加油啊

作者: Cchiufai 時間: 2014-1-9 13:53
我都係4張幾先開始跑，你好叻，加油!

長跑長有

作者: tetsu001 時間: 2014-1-9 14:44
感謝跑友們支持!
我覺得過程最痛苦不是練習,而是介煙.尤其是身邊大部份朋友都是煙民更加是苦不堪言,總是有"食埋呢支先介啦"的想法. 很多時候是心癮大過煙癮.

作者: NYHorse 時間: 2014-1-10 02:34
三十幾歲仲系後生仔一名，未夠資格自稱為中坑。等到好似我咁嘅年紀先算啦。

作者: Ah_Wing 時間: 2014-1-10 05:00
咁幾多歲先可以加入個中坑club？

36歲學跑未遲吖，我都係36歲時先開始。
師兄努力！

作者: tank1438 時間: 2014-1-10 08:05
至少都上先進一組先叫中坑吧，我咪係中坑囉

加油，你已經好叻叻！

作者: swan 時間: 2014-1-13 11:59
我已四張幾，跑了7個月。起初只為減肥，後來真係鍾意跑步。想像下，我由最初一百九十幾磅一減三十幾磅。最初起步時一樣舉步為艱！不過你嘅情況肯定比我更慘！我而家10K成績跟你差不多。其實覺得你已經 fit 咗好多。最佩服你嘅毅力，真係好勁！好開心又見到一個咁成功又咁正面嘅長跑例子！大家一齊努力，希望日後有機碰面吧！

作者: awolswat 時間: 2014-1-13 15:59
我都4張先開始跑步(正宗中坑), 起初都係跑得400m就冇氣...我第一個10KM 要1hr06min
不要跟人比較,因高手實在太多太多, 跟自已比會開心些!

師兄,加油嗎!

作者: minibt 時間: 2014-1-14 11:40
又一感人而富鼓勵性的分享，加油！

歡迎光臨香港長跑網 - 長跑長友 (https://www.longrun.hk/)