香港長跑網 - 長跑長友

標題: 只講人數不講人性「叫我哋袋住先」資深跑手籲　罷跑渣馬 [打印本頁]

作者: bunbun 時間: 2014-9-10 07:27
標題: 只講人數不講人性「叫我哋袋住先」資深跑手籲　罷跑渣馬
http://hk.apple.nextmedia.com/news/art/20140910/18861449

蘋果日報 2014-09-10

只講人數不講人性「叫我哋袋住先」資深跑手籲　罷跑渣馬

【本報訊】摸黑跑公路、補給品不足、輪椅賽苛刻、收入不透明……渣打馬拉松主辦單位多年來無視指控，終於激怒資深跑手。一群主場跑步博客昨發表文章，列出十個罷跑渣馬的理由，有16年渣馬年資的發起人斥業餘田總不尊重跑手，安排遠遜其他國際城市的大賽，直言渣馬和假普選無異，「叫我哋袋住先、跑住先，袋足十幾年，始終都得唔到我哋呢個城巿值得有嘅馬拉松」。

記者：張嘉雯

一群跑手昨日以「高達奔」名義發表題為「【抗命時代】十個罷跑渣馬的理由」的文章，狠批舉辦渣馬只是「肥了田總」，多年來用在長跑精英運動員和體育發展上的款額甚少，每年要跑手深夜出發，「流放」高速公路、三橋三隧等偏遠地區，食物和飲品補給不足之餘，又阻止巿民送上食物飲品，與公眾完全脫節，大會有歧視傷殘運動員的「案底」，令香港的蒙羞。

台灣日本賽事更吸引

文章指其他城市辦的馬拉松不斷進步，開始了短短五年的東京已升格成為六大，但香港大會只講人數、不講人性，所謂「從心出發」，只是「蒼白的口號」，呼籲巿民罷跑，支持其他本地小型賽事。

其中一名發起罷跑的主場博客周達志指，業餘田總不尊重跑手，不尊重城巿，多年來懶理批評，毫無進步，「叫我哋袋住先、跑住先，袋足十幾年，終於都得唔到我哋呢個城巿值得有嘅馬拉松」。他指不少資深跑友已放眼國際，「要跑嘅話家有好多選擇，台灣又平又靚，日本後來居上，個個夢寐以求，係dream marathon，抽到跑日本嘅話，根本唔會再跑香港，家渣馬係啲未去過第二度，或者初初跑10K、半馬，再全馬先會報」。

周達志指，渣馬今年雖已改善比賽日子，但他仍然不會參加，「改喺1月搞，唔會就個農曆新年，天氣會predictable啲，不過我都唔會報」。

跑手有話說

康宏金融集團主席王利民

全馬跑手

渣馬年資6年

「今年唔會跑，渣馬同其他國際賽事水平差太遠，叫人跑公路，你有你跑，無人理你。係咪因為香港得佢一個搞，大家就要安於接受？同普選有票就要有咩分別？連攞嘢食畀跑手都唔得喎，8.17反佔中就可以封路，一個真真正正香港人嘅運動就唔封得路？香港唔係一個落後城巿吖嘛，點解一個盛事可以搞到咁？」

立法會議員梁耀忠

全馬跑手

去年擔任領跑員

「無諗過罷跑，不過啲跑手提嘅問題真係存在，好似補給品咁，同其他國際賽事好唔同，人哋通常喺旺街跑，沿途好多人打氣，家搞到好似練跑咁。仲有我哋每人畀300幾蚊，有乜嘢畀我哋呢？民安隊、聖約翰救傷隊，好多都係義務，啲補給又係贊助嘅，咁佢啲錢用咗去邊呢？又冇乜交代㗎喎。」

作者: allmyfriend 時間: 2014-9-10 11:00
歡迎罷跑

作者: Ziramas 時間: 2014-9-10 14:18
歡迎罷跑, who cares ?

作者: little-fish 時間: 2014-9-11 13:45
由蘋果講收入不透明，真係好有說服力

我跑賽事只會留意跑道上環境及身體狀態，旁邊觀眾？主觀上並唔存在

作者: Pepe 時間: 2014-9-11 18:31
咁唔滿意，咪跑囉！冇人迫你報喎！

作者: lotustower 時間: 2014-9-11 18:53
再攪，香港之社會真是永無寧日，凡事總有正負面，不包容的話、只顧自己之論點才是正確，這是全香港人之福嗎？

作者: siushant 時間: 2014-9-11 19:53
毒蘋果

作者: chtang 時間: 2014-9-15 23:21
香港不單有言論自由，生活亦可自決。罷跑与去跑一樣可以，毋須大驚小怪。

作者: chuen3182 時間: 2014-9-15 23:33
人各有志，大家成年人，不喜歡旁人指指點點。

作者: july1107 時間: 2014-9-16 07:22
No comment

作者: mtkdc 時間: 2014-9-16 09:38
意見接受，行動照舊！
跑？唔跑？隨便你，自由及民主社會嘛！

作者: 齋老味 時間: 2014-9-16 14:33
生果日報 OR 文匯大公
都被人插左十幾年啦
咪一樣有人睇有人罷睇
世界一樣係度轉

你罷還罷
唔好搞到想袋既人袋唔到呀.........

作者: Ziramas 時間: 2014-9-16 16:53
罷跑

Full marathon already full la.

http://www.hkmarathon.com/

作者: ahleung 時間: 2014-9-16 21:18
我支持佢地！我都會出聲鬧。但係報左先、跑完後至鬧

作者: little-fish 時間: 2014-9-16 21:38

齋老味發表於 2014-9-16 14:33
生果日報 OR 文匯大公
都被人插左十幾年啦
咪一樣有人睇有人罷睇

做大生意，文滙報係一定要睇。
相反，要破產，生果經濟版是首選。

How are you,still running?我回到原點了，兩年前的距離和速度，相差只是輕鬆咗。

作者: wlau 時間: 2014-9-16 22:21
本帖最後由 wlau 於 2014-9-16 22:24 編輯

我唔LIKE 佢講到仲選跑渣馬既人, 係D 未出去見過世面既人咁.. 永遠只識外個的月亮特別圖既人, 先係最井底之蛙..想高人一等, 睇低別人.. 先來拿個香港馬拉松冠軍先再好睇低人..

P.S 我跑外國馬既機會少, 只係跑過SUNDOWN 全馬同太魯閣半馬.....但...跑完, 會覺得渣馬好過SUNDOWN 十幾倍..
來緊會跑大阪, 那霸, 廈馬, 橫濱...但我會繼續我既香港渣馬之路..

作者: luiwai5 時間: 2014-9-16 22:48

little-fish 發表於 2014-9-11 13:45
由蘋果講收入不透明，真係好有說服力

我跑賽事只會留意跑道上環境及身體狀態，旁邊觀眾？主觀上並唔存在 ...

我個人都覺得淨係開頭同尾段有觀眾都足夠了,
全程都有, 習慣左, 其實無咩鼓舞作用.

作者: purejoey 時間: 2014-9-16 23:02
本帖最後由 purejoey 於 2014-9-16 23:07 編輯

將會跑阪馬、福岡馬。
四月跑過關島馬。
只能說唔同賽事唔同特色，各有優點缺點。
年頭第一次跑渣全馬第一次上昂船洲大橋心情有少少激動，完走三橋三隧的賽道非常滿足，或者是初馬的喜悅吧~
跑關馬，體驗小島風情、周圍搜索AKB妹子們蹤影、工作人員很熱情地打氣~
港渣馬，大部份路程都無市民打氣反而可以更專心做成績。
要感受氣氛未出外跑lor，又唔係幾個馬拉松同一日要揀一個，大家無衝突~

作者: little-fish 時間: 2014-9-17 00:01
其實我都唔明，一個專心而經過認真訓練的馬仔跑手，點會係跑比賽時食'街邊野'？有冇人見過elite 跑手會食？我咁廢成績，所有站的食物：朱古力、蕉見到哂都冇食過，只站站停飲啖水/power drink.更加唔會食街邊的。
不過田總唔認該提供松節油，或強行用者要離場

作者: 齋老味 時間: 2014-9-17 10:24

little-fish 發表於 2014-9-16 21:38
做大生意，文滙報係一定要睇。
相反，要破產，生果經濟版是首選。

我都係回到起點, over 200lb, 家陣跑緊 6k 44mins, 慢到屎........

作者: 齋老味 時間: 2014-9-17 10:28

luiwai5 發表於 2014-9-16 22:48
我個人都覺得淨係開頭同尾段有觀眾都足夠了,
全程都有, 習慣左, 其實無咩鼓舞作用.
...

贊同, 全程 42k, 頭尾幾K有觀眾就夠, 中段我想欣賞風景......

作者: little-fish 時間: 2014-9-17 16:39

齋老味發表於 2014-9-17 10:24
我都係回到起點, over 200lb, 家陣跑緊 6k 44mins, 慢到屎........

哈哈，回想三年前追隨師兄減肥步伐，估唔到現在大家仍然係這個.....

作者: 齋老味 時間: 2014-9-18 10:33

little-fish 發表於 2014-9-17 16:39
哈哈，回想三年前追隨師兄減肥步伐，估唔到現在大家仍然係這個.....

你追隨我? 小魚兄你兩三下就過左我頭啦

尼幾年都要照顧囡囡
太少機會跑步啦
你都好似有個BB囡?

作者: ChowChow 時間: 2014-9-19 21:27
本帖最後由 ChowChow 於 2014-9-19 21:30 編輯

彈咪彈, 一樣幾個鐘full, 唔like咪唔好跑囉, 睇下個乜鬼街馬3子攪的乜鬼淘寶跑, 吹到點正點正, 咪又係無人玩

蝦人未去過吹到外國幾好幾正, 唔work嘅, 大把人去過日本啦, 我呢幾年都去日本跑, 但渣馬都一定跑, 渣馬其實唔太差

作者: speedpurple0 時間: 2014-9-21 23:33

little-fish 發表於 2014-9-17 00:01
其實我都唔明，一個專心而經過認真訓練的馬仔跑手，點會係跑比賽時食'街邊野'？有冇人見過elite 跑手會食？ ...

松節油並非由田總提供，係由醫療團體提供

作者: purejoey 時間: 2014-9-22 00:13
老實講，就算依家即刻開放多D街道做賽道，都未必吸引到好多人前來打氣~
馬拉松文化是要慢慢培養，多D人係兩旁打氣我會更努力跑~

作者: Samuel 時間: 2014-9-22 10:01
其實係咪渣打香港馬拉松一定要好似東京、大阪馬？個人覺得香港有香港特色，當然想大會辦好啲有真係無可口非……
另外如果大家玩過韓國首爾馬拉松(11月嘅)，就算市區都無乜觀眾，冷冷清清，但可以安靜都係另一種享受。

作者: Samuel 時間: 2014-9-22 10:08
日本富士山馬拉松、北海道馬拉松、台灣太魯閣馬拉松等都係頭、尾有觀眾，中間段真係睇下風景，沿路有跑友們一起努力就已經好足夠……

作者: ckmchris 時間: 2014-9-23 17:18
香港搵適合場地跑全馬已經難，仲有香港人嘅「特性」，唔係個個包容你封路，仲要企幾個鐘幫你打氣，係咪個個屋企人都會到場打氣先﹖

作者: jchip 時間: 2014-9-23 18:34
如果唔參加就叫罷跑，咁我一定支持罷跑街咩野馬同淘咩野跑，邊個有心攪，邊個攪黎cap 水一眼就知。又好似舊年咁開個post 罷跑街咩野馬睇下幾多人支持

作者: purejoey 時間: 2014-9-24 00:02
叫人罷跑，參加佢果D，不太理智，攪到參加佢的賽事好似變左支持罷跑咁~
但多一班有心人搞賽事係好事~

作者: 大文DaiMan 時間: 2014-10-8 16:13
罷跑?! 報到先算....

作者: forget 時間: 2014-10-29 11:38
馬拉松你去為咗跑步,點解要有人理你,幫你打氣,真奇怪,仲有啲小型賽事就越跑越貴

作者: YY524 時間: 2014-11-15 09:54
感覺香港跑壇大小賽事各有各搞一向相安無事, 起碼唔會柴人地賽事台, 各有辦賽喜好和擁躉, 不會妒忌或嘲諷人搞成點, 資源足夠單位和資源不足溉賽各有特色, 真係跑步呀麻. 有打氣係好, 但不必強求!
題外話, 最難明現在有些人搞比賽宣傳重點是話人地賽事點晤好或諷刺人地, 很討厭這種文化. 某些人常吹噓外國跑點好點好, 去過外國跑好巴閉咩, 大把衰過香港又唔講. 真心講句各有特色限制(地理天氣交通當地文化政府/社區支持度…也有摸黑跑橋甚至無觀眾只有工作人員義工打氣) 但坩至好玩, 不必倒模賽事. 香港報名$300想要咩?日本隨時要比$1000又唔講. 如笑人因無跑過外地而跑渣打的人,又何曾尊重沉默愛跑的跑友?
最後, 個人意見, 晤報名或報唔到名係冇得跑 ! 唔算罷跑.

作者: Startrek 時間: 2014-11-17 22:00
小弟十月到多倫多市跑全馬,算是國外第五次的馬拉松. 我簡單說說; 比賽氣氛相比香港好,但是以半馬來說. 因為全馬到郊外一邊氣氛又差一點. 沿途只有水及能量飲料, 十, 二十,三十公里才有power gel,可任攞. 完成後食品比香港多少少; ( 有乳酪一杯,能量條二件,香蕉一條,小型薄餅一件,水一樽) 每人一份,預先準備好. ***所有食品只有三日期限*** 除水之外. 証書自己列印. 只欣賞就是完成的獎牌做工十分好.
另外郊區的馬路比香港差,破爛到處可見,因為市政府負債太多.
所以香港渣馬唔好亦不算太差.
純個人意見!!!

作者: hei.911 時間: 2014-11-18 12:52
客觀而言, 香港渣馬有優有劣.
跑三隧橋固然有其特色, 但大家都是為本土賽事好.
要比較, 當然要與其他好的例子作比較, 否則只會流於自滿而無法進步.

作為參加者, 首先補給係多年既問題, 蕉都冇多條...我真係諗唔到派左去邊度.
第二路線可以增加返多少少打氣區, 有人打氣不論氣氛及選手都會係好事.
大會衫... 唔需多講...
紀念品及expo, 可以更好.....
人數真的不用再加, 反而要減. 否則只會做成負面因素...
當然, 大會用錢方面好應該透明.

暫時講住咁多.

作者: speedpurple0 時間: 2014-11-21 19:22

hei.911 發表於 2014-11-18 12:52
客觀而言, 香港渣馬有優有劣.
跑三隧橋固然有其特色, 但大家都是為本土賽事好.
要比較, 當然要與其他好的例 ...

World majors 嘅Berlin Marathon 有冇講D 錢用左去邊？
有冇講入籤同抽中嘅人比例係幾多
有冇講俾左幾多位旅行社
旅行社俾左幾多錢買佢地D位？

作者: chrislam 時間: 2014-11-24 15:45
自己罷跑就算，唔好係度搞搞震。

作者: hei.911 時間: 2014-12-3 18:22
提示: 該帖被管理員或版主屏蔽

作者: hksis8888 時間: 2014-12-4 12:26

YY524 發表於 2014-11-15 09:54
感覺香港跑壇大小賽事各有各搞一向相安無事, 起碼唔會柴人地賽事台, 各有辦賽喜好和擁躉, 不會妒忌或嘲諷人 ...

有道理

歡迎光臨香港長跑網 - 長跑長友 (https://www.longrun.hk/)