香港長跑網 - 長跑長友

標題: 2015.03.15 西班牙 Zurich Barcelona Marathon [打印本頁]

作者: brompton 時間: 2014-11-7 09:31
標題: 2015.03.15 西班牙 Zurich Barcelona Marathon
本帖最後由 brompton 於 2014-11-7 09:34 編輯

2015年3月15日，已報全馬，有無師兄、師姐已報？

http://www.zurichmaratobarcelona.com/inscripciones_i.htm

作者: digdigyuen 時間: 2014-11-8 20:16

正

作者: brompton 時間: 2014-11-14 08:49
如果有師兄，師姐報左，可以約埋自由行。

作者: YY524 時間: 2014-11-14 22:54
小叻ctse, any experience sharing, please?

作者: YY524 時間: 2015-2-17 23:50
卒之報了. 要搞機票酒店, 時問很趕呢, 請問各位師兄師姐有冇建議呢! 謝謝!

作者: brompton 時間: 2015-2-27 15:44
2月24日，到步Barcelona, 隨即係機場鑼車南下。首站Tarragona, 兩日前到左Valencia。我己預先係Barcelona, 預訂左一間兩房apartment, 連比賽日共三天。每人每日住宿，$120港紙。會係3月13日，去鑼選手包

作者: brompton 時間: 2015-2-27 15:51
我坐德航，因可免費運單車，$7500機票連稅。係Frankfurt轉機。轉機約需1.5小時。

作者: brompton 時間: 2015-2-27 15:54
西班牙，食住都平。住連每餐外出食，約$300一日。普通食得飽飲食。

作者: brompton 時間: 2015-2-27 15:58
我預訂3/13-3/15三晚係Barcelona的民宿，祇要步行十分鐘就到起步點，非常方便

作者: brompton 時間: 2015-2-27 16:01
Barcelona, 溫度適中，正午有20+度，吳凍。濕度低。我來了己四天，每天練跑，發現好好跑，幅心肺好起。空氣無塵，一望萬里，感覺好像澳洲黃金海岸咁清新，零污染

作者: brompton 時間: 2015-2-27 16:04
同一練習強度，係這裡快了些速度。空氣含氧量高，跑完吳太累，好似覺得自己重有得去。所以，今次希望PB。賽道差吳多全平。

作者: brompton 時間: 2015-2-27 16:07
今日離開Valencia, 繼續南下去Murcia。

作者: YY524 時間: 2015-2-28 00:58
嘩! 好吸引! 你的自由行多少天? 我假期, 只能頭尾9天, 只玩巴塞及馬德里. 但求安全完賽, 好好享受沿途風光.

作者: brompton 時間: 2015-2-28 03:55
我全程23日，會遊西葡。今日到左Cartagena, 住係旅遊區市中心。Cartagena係古羅馬時期己經是地中海一個沿岸重鎮，因此有羅馬古跡。係市內遊左四粒鐘。

作者: brompton 時間: 2015-2-28 03:58
明天會繼續南下，己預訂左兩晚民宿係Granada。Granada,旅遊資源豐富，好玩會住多一晚。

作者: brompton 時間: 2015-2-28 04:01
係西班牙，四處遊，全無難度。食住都平，交通網絡簡單。祇是語言有點障礙。但用手勢加智能即時翻譯的apps, 己可作基本溝通。

作者: brompton 時間: 2015-2-28 04:06
我都好期待跑arcelona Marathon的日子。這裡運動風氣都幾好。我前兩天係Valencia練跑的兩天，都見有當地的長跑隊隊訓，每個鐘數，都有人在練跑和操單車。跑友都主動互相打招呼

作者: brompton 時間: 2015-2-28 04:10
這裡的天氣，空氣的干淨度，紫外線強度，真係同澳洲黃金海岸吳多。天空天天藍到好似假咁，一望無制。

作者: brompton 時間: 2015-2-28 04:14
踩單車，係Valencia有差不多全市單車徑。行人路，馬路任踩。汽車大多讓路比單車。我踩左四天單車遊城市境點，感覺暢快。吳似得係香港，踩單車好似做賊咁，常驚阿Sir抄牌。

作者: brompton 時間: 2015-2-28 04:20
明天預訂左係Granada市的一幢兩層的民宿，家電全齊和有泊車位。每人每日$180港紙。日頭係市內踩完單車，遊境點。黃昏又可以係就近的跑步徑，操跑步。

作者: brompton 時間: 2015-2-28 04:26
我覺得西葡好玩過澳洲黃金海岸。我寧願去來這裡跑馬，好過去澳洲跑黃金海岸，除非要做時間，就另計。黃金海岸，祇是沿著個海灘，跑直線來回，有點單調。而且黃金海岸的旅遊點不多，除非加程飛機去Cairns。

作者: brompton 時間: 2015-2-28 04:29
加上澳洲食住消費貴，境點距離遠，交通時間頗長。例如，由黃金海岸渣車上Cairns玩, 要三天車程，每天要渣十小時車。如渣車落Sydney, 亦要12小時。

作者: brompton 時間: 2015-2-28 15:57
YY524兄, 可以Barcelona入，馬德里走。如果Lufthansa, 機票是一樣錢。我會13/3下午去鑼BiB, 踩住架Brompton仔，見到就打個招呼。

Barcelona吳凍，可短衫短褲出賽。天氣好，溫度適中，可考慮吳洗帶出賽雨衣

作者: brompton 時間: 2015-2-28 16:00
Barcelona有銀聯，可落機兌歐羅或ATM鑼錢。機場有電話咭賣，$10 Euro, 己有800mb用。如要電話咭必要係機場買，去到市便難買到

作者: brompton 時間: 2015-2-28 16:02
要帶跑步太陽鏡和帽，防曬，紫外線好勁。

作者: YY524 時間: 2015-2-28 23:52
謝謝你的資訊! 真係好期待! 很遲才決定報名, 剛找Agent訂酒店機票最平EK, $6700. 唔識找民宿, 也無時問研究行程到時至算. 希望到時見啦. 我也會13號去expo.

作者: brompton 時間: 2015-3-1 05:28
好。希望到時見到打個招呼。

我今日己到Granada, 睇皇宮花園。黃昏係跑步徑練跑，跑到8:00pm, 天全黑，有路燈，人影都吳多隻。但吳覺治安有乜問題。跑完就步行回民宿。

係皇宮境點區，就見到有兩個人為了爭客，打交。除此，吳見有乜抓手或搶野或扮好心偷野。

作者: brompton 時間: 2015-3-1 05:31
明天去Granada隔離的Sierra Nevada National Park，去行雪山的山路，希望有靚境影相。

作者: brompton 時間: 2015-3-1 05:37
天氣非常干燥，要帶Lip Palm, 吳係個咀會干裂。日飲兩/三支水，都好似吳夠。

作者: brompton 時間: 2015-3-1 05:47
練了四天跑，原來空氣清新有助提升自信心。今次跑Barcelona Marathon, 係我第一次，安排遊玩+練跑先，尾二個日才比賽，然後飛返香港。

以往是一飛到，就比賽，然後才安排遊玩。所以，未試過係外地練跑。

作者: brompton 時間: 2015-3-1 05:52
係西班牙跑左四日，越跑越順，個身體想必己開始適應，干燥，溫度低和空氣含氧量高的環境。心跳比起係香港練習時，還要低。吳覺個心跳overwork。心跳一般可保持係84%或以下，谷到行跑speedwork, 心跳都係92-94%

作者: brompton 時間: 2015-3-1 05:58
係香港練跑，濕度高，污染高，個心要做多好多野。兩種環境對比之下，體能表現高下立見。但奈何，身為香港人，祇有極少時間有機會去外國練跑。面對污染的環境，無奈都要接受。

作者: brompton 時間: 2015-3-1 06:02
今次有PB的環境和體能，現在未知的，就要睇睇比賽的環境係點。如人多，路窄，或起步次序的安排等等。

作者: 柔詠 時間: 2015-3-1 10:48
多謝師兄介紹……希望2016/將來，走到呢隻……

作者: brompton 時間: 2015-3-1 14:54
Barcelona這隻馬，香港人無乜人會留意，可能歐洲馬有大把選擇。排隊都未輪到Barcelona馬拉松。就算係歐洲人，都未必會留意這隻馬。

作者: brompton 時間: 2015-3-1 15:02
本帖最後由 brompton 於 2015-3-1 15:03 編輯

我報Barcelona馬拉松，初時本著休閒散心跑，遊玩為主，跑馬為玩。但黎左一星期，操跑之後，覺得這裡好適合跑步運動，而且西班牙有濃烈做運動的氣氛。就轉心態跑PB。

作者: brompton 時間: 2015-3-1 15:55
如果好似YY黎九天，$6800機票+$400 x 8日住宿(民宿或平價酒店, 一般飲食)一萬就得，好化算。如加上基本交通費，一般消費，可加上$2000預算。

咁，萬二，三，就可黎跑馬和玩八天，吳計飛機上一日。

作者: YY524 時間: 2015-3-2 00:09
其實去年已想跑, 但腳傷物理治療好耐搞唔惦, 現在心態是跑得一隻就一隻, 今年不跑不知何時有機會了, 所以最後都去馬. 看完你的帖文已心思思要黎多次西班牙! 順帶一提我不是兄是姐, 慢中之慢. 你黎到周圍玩+練跑+踩單車, so cool! 我呢d, 好趕好趕, 跑完就快速遊覽返港了.

作者: brompton 時間: 2015-3-2 00:28
今日去左Sierra Nevada National Park行左三小時山。風景雖不至靚絕，但漫山是淺粉紅色的杏仁樹，夾起遠處的大雪山，謀殺了不少SD Card memory

作者: brompton 時間: 2015-3-2 00:32
下午，就上左去2500米高的Sierra Nevada雪山頂。d雪好多，不少遊人滑雪。最好玩，就係踩住架Brompton仔由2500米高的雪山頂，沖斜路落山坡。正!。一個又一個灣咁轉，好好玩。

作者: brompton 時間: 2015-3-2 00:36
黎到Grenada, 玩行山和雪山，明天才上山睇皇宮，以免同人迫。Grenada幾好玩，有得玩，又有歷史睇，值得黎。

作者: brompton 時間: 2015-3-2 00:39
我住係Grenada的民宿，單車徑和跑步徑，好似蛛蛛網咁，係民宿一腳踏出去，就係跑步徑。

作者: brompton 時間: 2015-3-2 03:55
哦。YY師姐，腳傷就麻煩。我都係本著，趁重有心有力，就跑多一點。因吳知還有幾多青春，所以有機會就食左先。

作者: brompton 時間: 2015-3-2 04:00
我每次出外跑馬，總是玩多元化。行山+踩車+享受駕駛樂趣+歷史遊+跑馬+攝影。一味多食，吳會剩跑馬，或是剩旅遊。我鐘意四圍，但又吳鐘意plan行程。去到邊，才睇下有乜野玩。

作者: brompton 時間: 2015-3-2 04:03
本帖最後由 brompton 於 2015-3-2 04:04 編輯

好似今次上Sierra Nevada National Park, 無預先安排，亦事前吳知有雪睇。黎到Granada, 才睇當地旅遊資料，才知原來有大把山行，又可以上雪山。

我唸，如果參加跑馬團或旅行團，吳會帶上雪山或行山掛？

作者: brompton 時間: 2015-3-2 04:05
明天睇埋Granada的阿拉伯皇宮，下午就渣車去Seville。去到又睇下有乜好玩？

作者: brompton 時間: 2015-3-3 02:06
今日整個上午，去Granada的睇Al Alhambra富有阿拉伯特色的皇宮花園，好靚，好正。不能筆墨所能形容，就算睇相或video，都不能全感受。真係要親身黎，自己用眼睇，才可以感受。

黎歐洲咁多次，睇過無數皇宮，我覺得都比不上Al Alhambra。(個人感受，不喜勿插)

作者: brompton 時間: 2015-3-3 02:09
內部的雕塑，精細度令人感動。整個內部牆壁，每一吋都係用人手雕成。我睇到0曬咀，無言。

作者: brompton 時間: 2015-3-3 02:16
黎西班牙，這個境點，必看!吳睇實在是太遺憾。這個境點，驚喜度爆錶。

作者: brompton 時間: 2015-3-3 14:22
黎到Seville, 今日全日單車，25度，熱爆鏡。全個市都係古跡。係民宿二公里半徑內，己可看到七，八成。全市跑步，單車徑四通八達，吳踩對佢吳住。

作者: brompton 時間: 2015-3-3 14:26
明天去濕地公園，national park, 踩單車影下相。休閒一天。

今晚黃昏，跑步練習。Seville的跑步徑，同其他我跑過的西班牙城市一樣，係細沙石地，好好

作者: brompton 時間: 2015-3-3 14:30
細沙石地，減左沖激力，好舒服。跑步徑上上落落，好好跑，環繞古跡，有feel。黎西班牙練跑，就算剛入黑，都全是跑步/單車人，吳覺有乜治安問題。可能治安問題祇限個別境點。

相對係美國/澳洲，入黑，我就吳敢外出。

作者: brompton 時間: 2015-3-3 14:36
黎西班牙之前，比傳媒/朋友說到治安問題，嚇到死左咁濟。摸住石頭過河，睇下睇下，熱鬧境點又去左幾個，又吳覺有乜問題。可能，Madrid和Barcelona的境點會比較上品流複習掛？

作者: brompton 時間: 2015-3-3 14:40
本帖最後由 brompton 於 2015-3-3 14:44 編輯

係Seville, 民宿處於市中心位置，是service apartment, 一房一廳，四張床約五百呎實用面積。家電全齊，新裝修，不過無車位。我要泊架車係公眾停車場，$90 HKD泊24小時。

民宿$130 HKD每人每晚。西班牙比較有質素的民宿，大約都係咁價錢。我係Barcelona落機，頭一晚住農村酒莊，$90 HKD一晚。

作者: brompton 時間: 2015-3-4 00:56
黃昏係Seville市中心，沿著大河邊練跑。25度高溫之下，比較辛苦。今晚買左票去看Flemingo dance, $270 HKD, 包一杯酒精飲品。如果包食埋晚餐，就$450-540 HKD, 一個人。

睇Flemingo的餐廳離民宿不遠，踩單車過去，應是十分八分鐘就到。

作者: brompton 時間: 2015-3-4 01:03
明天一早，渣車去玩濕地公園，同埋出名買蜜糖的Sierra de Aracena。我係香港的超市睇過Aracena出口的蜜糖，差吳成千蚊一瓶(吳知有無記錯？總之好貴，貴過紐西蘭出個隻)

作者: brompton 時間: 2015-3-4 14:51
琴晚睇完Flemingo, 好睇。我係門外漢，雖然吳懂得觀賞，但覺得好正。熱鬧，力度十足。男的帥，女的多姿。男女互動效果，好好睇。

作者: brompton 時間: 2015-3-4 14:53
西班牙經濟吳好，歐洲客又無錢。全場得一個Korean團，兩枱大陸散客，加兩個法國夫婦，和我們四人。1/4滿都吳夠。

作者: brompton 時間: 2015-3-4 14:59
我地睇早場，19:00-20:30, 總共個半鐘。無悶場。$270去觀賞西班牙國技，值得。我地上星期到Valencia時，去到華倫西亞隊的主球場，本想買票睇西班牙的國技(足球賽), 但3月1日才開鑼，無得睇。

睇下，下星期到Madrid或Barcelona, 睇下買吳買到票睇足球？

作者: brompton 時間: 2015-3-4 15:05
西班牙有三大國技，Flemingo, 鬥牛和足球。鬥牛己無得睇，因問過祇有四月至七月才有得睇。

足球，要問問民宿的戶主，可否代買或網上買票？

作者: brompton 時間: 2015-3-4 15:10
今日玩完濕地公園和Sierra De Aracena之後，便渣車入葡萄牙,Lisboa。己預定左民宿，每人每日$130 港紙，有泊車位，兩房，兩廳。

作者: brompton 時間: 2015-3-4 15:13
歐洲經濟吳好，西班牙，葡萄牙就更差。歐羅，就越買越平。越黎越抵玩。境區，吳洗影人頭，吳洗同人爭，又吳洗排隊。淡季加上經濟不景，去旅遊，至好。

作者: brompton 時間: 2015-3-4 15:22
港元衰左10年+, 總算等到近年強勢。外遊兌換，好好洗。相對韓日台，歐遊平得重多。我記好耐我初出黎做野時，去歐洲玩，係好貴。公司有同事去歐洲玩，羨慕都黎吳切。

近年，歐遊己平過返大陸玩。這兩年，跑左幾個歐馬，越跑越平。

作者: brompton 時間: 2015-3-4 15:42
西葡，民宿約$130-150 港幣一晚，不是特別平，同年前去德國，法國等，差吳多。加上百多元一天食，約三百蚊食住一日。返大陸都吳得

作者: brompton 時間: 2015-3-5 05:40
晨咁早就出車去玩濕地公園，原來係古羅馬時期係Seville的港口，因河口不斷有堆積，而家就變左濕地。Seville由一個港口城市，變左為內陸城市

作者: brompton 時間: 2015-3-5 05:41
係濕地公園內踩完單車，己經過了正午，祇好放棄不遊Sierra De Aracena, 改直線渣車去Lisboa

作者: brompton 時間: 2015-3-5 16:39
琴晚到左Lisbon, 食左餐地道葡國菜。Main course都係$54 - $81 HKD。我地四人，有魚，有沙律，有豬，有雞，有紅酒，甜品，成枱都係野，埋單$450 HKD 四人。每人$110。抵過係澳門食。

作者: brompton 時間: 2015-3-5 16:41
基本上，入到餐廳，可任叫。食到你飽，都係翠華價錢，葡國正宗菜式。

作者: brompton 時間: 2015-3-5 16:44
我地會係Lisbon住三晚。這三天係跑步休息，係民宿做下基本體能，伸展等，吳會跑。係西班牙跑左七日，夠晒皮，祇要keep住個體能，等比賽。

黎左咁耐西班牙，日日都有踩單車。今日單車係Lisbon市內遊。

作者: brompton 時間: 2015-3-5 16:50
Lisbon的民宿係半山，單車落就爽，玩完返民宿就要推車上。陰公。團友話第二時book民宿，要睇埋個contour, 睇下係吳係要上斜路？

泊車就好方便，係屋前。慳返泊車錢或隨街泊

作者: brompton 時間: 2015-3-5 16:53
團友正忙於係網上睇下有無足球票買，我地想去Madrid睇足球。根據網上資料，最平位置要$450 HKD一張。

作者: brompton 時間: 2015-3-5 16:55
希望買到票睇，黎到西班牙，好似無睇過波，始終有點遺憾。

作者: brompton 時間: 2015-3-5 17:01
我地租左架5(7)人車，共23日。約$8000 港紙。行2000cc 柴油 VW TOURAGE TDI。好慳油，約$0.55港幣一公里。抵渣到雲。這裡柴油約$10 港幣一公升，汽油就$11港幣一公升。

作者: brompton 時間: 2015-3-5 17:03
載住四個成人，四部單車加行李，都咁慳油。我地上次去荷蘭/瑞士/法國，租左架Volve S80 Touring 電油，要$1.3 港幣一公里。

作者: brompton 時間: 2015-3-5 17:09
西葡d公路，好好渣。Tollway約$0.9 港幣一公里。Freeway, 二級公路，都容許跑到90-120公里時速。比起法國，瑞士好。法國二級公路，都係最高90公里時速。瑞士至衰，50-70公里時速。渣到火都黎埋。

作者: brompton 時間: 2015-3-5 17:12
西葡公路網簡單，路標清楚，路面吳夠德國咁靚，但比一般好。我地用離線導航，都好準。出錯路口，都有返回位，道路設計頗人性化。

作者: brompton 時間: 2015-3-5 17:16
德國租車自駕遊最易，而且一般價錢己有靚車租，如Benz, 寶馬或AUDI,大小跑都有。西葡租車，就祇有一般的平價實用車。所以，如果想玩渣車，可考慮跑番個Berlin或Frankfurt馬拉松，租架dream car去玩。

作者: brompton 時間: 2015-3-5 17:20
係德國渣車，基本上吳洗睇速度，你想渣幾快就幾快。一般高速己可渣200公里+的時速。無人會抄你牌。如果係西葡/法國/瑞等吳好，要依足指示的速度。吳係罰款會貴過全程旅遊的費用。

作者: brompton 時間: 2015-3-6 04:20
今日踩左整日單車，葡萄牙係bicycle unfriendly。祇得沿岸的一條單車徑，市內全無單車徑，要同汽車爭路行，馬路又窄，非常危險，汽車又吳讓單車。氣頂。

作者: brompton 時間: 2015-3-6 04:25
吳似西班牙，簡直係單車天堂，全市單車徑，汽車又讓單車。葡萄牙係市內踩單車，簡直係找死!而且多上落坡，坡度又太，街又窄，好辛苦又危險。今日執番條命仔，算好釆

作者: brompton 時間: 2015-3-6 04:28
沿海岸的跑步徑，可以用差黎形容。石磚地，而且斷斷續續，又轉黎轉去。吳好跑。西班牙的跑步徑，正好多，沙石地好跑

作者: brompton 時間: 2015-3-6 04:31
葡萄牙的運動氣氛都差d, 係西班牙，多人無時無刻都有踩單車和跑步。但葡萄牙，我見到吳多人做運動

作者: brompton 時間: 2015-3-6 16:45
今日渣車去大石角踩單車，然後去花地瑪(聖母顯靈的村莊)玩和住民宿。

作者: brompton 時間: 2015-3-6 16:51
由Barcelona渣到黎Lisboa, 總共2100公里。入左兩次油，共約$1000 港紙油錢。超抵渣，平過香港渣六成多。

作者: brompton 時間: 2015-3-7 06:02
今日係大石角踩了半天單車，葡萄牙總算有條似乎似樣d的單車徑。踩得幾過引，沿著海邊的沙灘和經過一個海岸公園。

係不用練跑的日子，踩單車keep體能

作者: brompton 時間: 2015-3-7 06:05
下午去左Sintra的一個山中古鎮玩，行左個多小時山路，睇古跡。吳練跑，今日運動量己經夠。

作者: brompton 時間: 2015-3-7 06:07
黃昏就渣車黎Fatima的民宿，離聖母顯靈的地方不遠。行去Fatima的教堂，影下相。今日，真係busy day。

作者: brompton 時間: 2015-3-7 06:14
明天book左間山區小屋，可以跑下山路。係就黎比賽的日子，練下斜路。

作者: brompton 時間: 2015-3-7 16:02
今日係最後一日係葡萄牙，早上係Fatima市踩下單車，再影下聖母教堂，飲下聖水。黎左三晚葡萄牙，感覺葡萄牙比西班牙經濟好一點。

作者: brompton 時間: 2015-3-7 16:06
下午渣車過番去西班牙Calacis，向著馬德里方向走。Calacis係古鎮，睇下有乜野玩？

自駕單車遊有好處，就係自由。出發前無book任何住宿(除左跑馬Barcelona個三晚之外),無plan實際行程，黎到睇下邊樹有野玩，就去。

作者: brompton 時間: 2015-3-7 16:09
黎個陣，想繞西葡一圈，玩曬南北線。但23日，減去跑馬的三日，飛機一日，十九日係做吳到。

西葡，旅遊資源豐富。南線玩歷史，北線玩nature。可能下次報個Madrid Marathon, 才有機會玩北線。

香港的旅行團，全是玩南線。

作者: brompton 時間: 2015-3-7 16:16
報左Barcelona Marathon之後，問去過西葡的友人，一般都話無乜野玩。所以黎之前，無乜期望。

但黎下黎下，發現又吳係bor。可能這是跟團和自駕單車遊的分別。我由Barcelona渣到黎葡萄牙Lisbon, 約共2000公里。如一般香港旅行團，十四日實得十二日，就要趕3000多公里(我的2000公里係未計Barcelona至Madrid)個一程。咁估計，跟香港旅行團，實為係車河團。

作者: brompton 時間: 2015-3-7 16:20
自駕單車遊，可以半日踩下單車，行下山，坐係大石角碳下咖啡，可以單車游市，又可以練跑。旅行團無可能做得到，還要加遊加餐。境點半個鐘就上山，載團友去預定購物區。

可能係咁，所以友人們一般都話西葡無乜野玩。

作者: brompton 時間: 2015-3-7 16:24
食左幾餐葡菜，好食吳貴。每人一個main course, desert, 沙律，紅酒。食左四餐，平均每人一餐約$120港元。頗抵食，菜色又多選擇。比起西班牙的海鮮餐，葡菜好食多。

作者: brompton 時間: 2015-3-7 16:32
黎歐洲(可能包括美加澳紐),發達先進的國家，真係吳洗亦吳好跟團。因這些地區，旅遊資源豐富，支援又多，治安一般上無問題(可能除左個別觀光點)。租架車，一張銀聯咭，一部有GPS功能的APPS。就可以。

係歐洲get around, 好容易。可以講話同返深圳差吳多。至於言語問題，裝上即時翻譯的apps, 一般對話係無問題。

作者: brompton 時間: 2015-3-7 16:40
歐洲人渣車，大多好禮讓(相對香港), 除左法國，葡萄牙(暫時知這兩個國家),比較吳讓。但佢地的吳讓車，己比香港人渣車好好多。

左右軑，我感覺無乜分別。渣番一陣，就吳覺左右軑。

作者: brompton 時間: 2015-3-7 16:45
係歐洲踩單車(除左德國，單車沖紅燈要罰款), 其它的，點踩都無問題，逆線，沖燈，行人路，等等，吳會理。

作者: brompton 時間: 2015-3-7 16:47
吳似得香港，無燈又話罰，無反光板又話罰，行人路上踩，又話要罰。係香港踩單車，真係無野講。個心態同做賊差吳多。

作者: brompton 時間: 2015-3-8 15:48
琴日黃昏到左西班牙中部城市Caceres，這是一個古鎮。簡單黎講，西葡土地上大把這些古鎮。一個山頂堡壘，一間教堂和密密麻麻的小屋圍繞著教堂和堡壘

作者: brompton 時間: 2015-3-8 15:51
我停在Caceres, 因為不想一日渣七百公里由葡萄牙的Fatima去馬德里。所以找一個中部的小鎮，把旅程減半。

歡迎光臨香港長跑網 - 長跑長友 (https://www.longrun.hk/)