香港長跑網 - 長跑長友

標題: 食得清淡備戰鄭融跑馬拉松Keep Fit [打印本頁]

作者: bunbun 時間: 2014-12-12 08:06
標題: 食得清淡備戰鄭融跑馬拉松Keep Fit
頭條日報 014-12-12

食得清淡備戰鄭融跑馬拉松Keep Fit

四年前，鄭融（Stephanie）愛上跑步，近年更經常參加馬拉松，早已報名明年初舉辦的「渣馬」半馬賽事。為了以最Fit狀態參賽，鄭融要加緊訓練，早晚餐亦要食得清淡。日子有功，體形Slim了，肌肉更結實，故現時着衫比以前好睇，她稱嬌小型女性要着短身衫、窄身褲，加點飾物點綴；而男友則最愛她着裙配高跟鞋，夠晒女性化。撰文：李佩儀攝影：李維隆

化妝：Vinci Tsang@vwmakeup

髮型：Kate Shek@hairculture

鄭融自小已愛游水，近年亦有做瑜伽，現階段更愛上跑步，她表示：「幾健康吖，所以一路Keep住，同埋跑步可以鍛煉意志力，我以前遇到困難會好易放棄，但家會試咗先，好似有啲歌好難唱，我以前好怕去唱，但家會不停試，直至唱好為止。」

跑上癮的她，過去兩年曾到洛杉磯、台灣和上海等地參賽，明年二月底的「渣馬」，為了積極備戰，她每星期要跑三十公里，還要調節飲食去配合。

「我早餐會食麵包、烚蛋同一杯咖啡或豆漿，晏晝通常做嘢，為咗方便會食燒味飯，但當然唔會食晒，至於夜晚返到屋企會煮麵、烚菜同煎三文魚，但咩調味料都唔落，我都唔怕食無味嘢。」由於食得健康，身體少了病痛，連肌肉也結實了，所以現時着衫都算容易，「我比較鍾意隨意嘅打扮，着衫舒服就得喇，唔會追潮流。」

不過最近卻愛上戴手繩，尤其是來自意大利的Cruciani，「我不嬲鍾意將啲鐲同鏈一齊戴，但呢個牌子嘅手繩因有唔同顏色同款式，幾條撞埋一齊又幾好睇喎。」

歡迎光臨香港長跑網 - 長跑長友 (https://www.longrun.hk/)