香港長跑網 - 長跑長友

標題: 嘩！今時今日跑馬數據卡都準備定比你。 [打印本頁]

作者: leefs 時間: 2018-12-28 23:20
標題: 嘩！今時今日跑馬數據卡都準備定比你。
今時今日，隔離再隔離嗰個埠仔，都攪馬拉松賽，當然佢地嘅地理問題比香港及澳門有利得多，隨意咁劃个圈就可以攪場全平跑馬賽，唔需要走上捌拾樓咁高嘅咁近天堂嘅橋頭之上，亦唔使壹條路重複走兩次咁鬼悶！當然呢類地理條件國內個個都喺咁架啦！有乜方法突圍同優勝過人家呢？就喺要講服務！上星期汕頭馬拉松咁，基本上設定喺大路，人家有的佢都有，但講到賽道上發生嘅就.....(另文再寫"汕馬"點好食！)。
今天領取嘅地點在珠海會展中心，唔需要攪到日曬雨淋又成腳泥濘，

登錄/註冊後可看大圖

"橫琴馬拉松"跑手包，都喺應該有嘅都有，寄存包做得好實用，有分格及掛釣位，有幾包食嘅，包括鹽丸及沖劑、PowerBar、蛋糕，有一疊廣告、場刊，壹件便利雨衣，紀念Tee(尺碼可以即場唔啱換到啱)，

登錄/註冊後可看大圖

最後有个信封，開頭以為又喺廣告，拆開後原來喺"儲值電話卡"，卡內有¥100蚊，可打電話或上網，總結啲紀念品都非常實用及可以再用，製造少啲垃圾就喺積陰德吧！ps：香港馬嘅跑手包某程度垃圾袋都不如！
另外橫琴馬賽日憑號碼布坐上區內巴士免費，喺似足廣馬嘅做法，香港幾時會有呢?

歡迎光臨香港長跑網 - 長跑長友 (https://www.longrun.hk/)