香港長跑網 - 長跑長友

標題: 從口輕輕出發 [打印本頁]

作者: billy_yau 時間: 2009-2-10 22:45
標題: 從口輕輕出發
記得打從兩三年前, 便有不定期跑步的習慣, 當初去跑步, 純粹因為跑步可以隨時隨意地進行, 不像其他運動般需要訂場地約朋友. 但跑比賽這個念頭, 是源於上年(零八年)渣打完結後的新聞片段. 當日從電視上看見很多跑手完成他們的賽事, 面上都帶上一臉滿足的面容, 於是便口輕輕地相約一名靚女網友, 一同於來年渣打參加比賽.

於是我便開始有點系統地訓練, 記得初時於運動場跑了三數個圈便會感到氣力不夠, 每次跑不到十個圈便會打道回府, 但慢慢地習慣了當中的苦, 便可以如運動上的跑友般, 跑上十多二十個圈, 但練習過了三個月後, 那位網友突然從網路上消失. 不過, 我的訓練並沒有放下, 雖然並不是很積極練習, 但都沒有放棄跑步. 記得於零八年九月份某一天, 電腦突然傳來一則短訊: "nike開始報名了, 你報了沒有?" 當日見到這則短訊, 心裡便即時決定了參與比賽的這個想法.

於成功報名後, 便開始更有系統的訓練, 每週兩次的運動場訓練, 每次最少二十圈, 終於成功克服了長跑所帶來的疲累. 人生第一次長跑比賽, 終於在十一月二十三日上演, 雖然未能跑出自己所期望的成績(預算一小時內完成, 最後成績為 1:04:27), 但都非常享受長跑所帶給我的快感.

成功完成10k賽事後, 便更了解長跑並不是可以馬虎了事的, 知道自己下一個挑戰一定要更積極地備戰 - 渣打半馬拉松.

訓練半馬拉松, 完全放棄運動場練跑, 全部都是以街道作為訓練的場地, 是因為跑過 Nike 後, 知道運動場與街道對雙腳的衝擊完全是兩回事, 經過兩個多月的街道訓練, 2月8日大清早, 終於踏上渣打的跑道, 因為一直的訓練都是於街道上, 由開始直至西隧前一段, 仍未感到有甚麼異樣, 半程時間還能做出自己的最佳時間(50min), 但當於西隧管道內, 準備開始上斜前, 左腳開始感到將會抽筋的預警, 心裡想著, 向上的斜路還未到, 就有快要抽筋的感覺, 這樣我如何可以完成所有跑手都稱為非常艱難的一段長命斜呢? 這時唯有減慢速度, 慢慢地跑上這長命斜,  一路咬緊牙關地跑, 直到由天橋轉入駱克道, 感受到沿途兩邊的途人的歡呼, 完完全全的忘記了雙腳上的痛楚, 一路跑到維園終點, 這次半馬比賽, 雖然做不出自己所預計的成績(預計兩小時內完成, 實際完成時間2:28:17), 但真正享受到長跑所帶來的吸引. 完成今次半馬後, 便即日作出了決定, 明年一定要參加全馬, 再次去享受這種非筆墨可形容的快樂.

----------------------------------------------------------------------------------------------------------------------------------------------------
比賽劣績

Nike 10k 23-Nov-2008 1h04m27s
渣打半馬  08-Feb-2009 2h28m17s
沙田河畔 10k 賽  08-Mar-2009 56m15s
元朗 6k 賽  05-Apr-2009 29m34s
馬鞍山夏日長跑 2009 8k 賽  17-May-2009 46m17s
元朗青年節長跑 8k 賽  14-Jun-2009 42m55s
荃灣 10 公里黃昏賽  12-Jul-2009 54m12s
中興盃荃灣 10 公里超級夏日挑戰賽  16-Aug-2009 54m34s
荃灣區國慶盃 2009 8k 賽  27-Sep-2009 42m15s
活力灣仔迎東亞 4k 賽  04-Oct-2009 18m49s
香港十公里挑戰賽 2009  15-Nov-2009 48m42s
聯合國兒童基金會慈善跑(半馬) 2009  29-Nov-2009 1h49m03s
第三屆美津濃石門 10k 賽  06-Dec-2009 48m10s
美津濃香港半馬拉松錦標賽 2010  16-Jan-2010 Target : sub 2h
2010 香港渣打馬拉松(全馬)  29-Nov-2009 Target : sub 5h

----------------------------------------------------------------------------------------------------------------------------------------------------
每月里程

Feb 09  154.76km
Mar 09  67.5km
Apr 09  61.60km
May 09  92.86km
Jun 09  67.69km
Jul 09  108.12km
Aug 09  144km
Sep 09  69.69km
Oct 09  121.04km
Nov 09  124.86km
Dec 09  158.71km

[ 本帖最後由 billy_yau 於 2009-12-26 14:09 編輯 ]

作者: 快活人 時間: 2009-2-10 22:57
CHING 第一次跑半馬成績已很好。

如明年跑全馬就必須有周詳計劃去練。避免受傷。

作者: 上水馬王 時間: 2009-2-10 22:58
感受到師兄那份愛上跑步的感覺，只要你多練習一定可以達成目標，預祝你挑戰全馬成功！

題外話：仲有無見過果位靚女網友呢？

作者: billy_yau 時間: 2009-2-10 23:17
標題: 回復 3# 的帖子
無啦, 已經失去聯絡!!!

作者: rayray 時間: 2009-2-10 23:24

師兄做乜佢唔見左GEI ?
冇佢電話GA ?

作者: 曲奇 時間: 2009-2-10 23:24
ching 能順利完成首次渣打馬拉松都算是不錯..
今年再加把勁練習，練多些長課，為下年的全馬進發...
加油呀~~

作者: 叮叮噹 時間: 2009-2-10 23:49

恭喜你順利半馬, 叻!

開blog大吉.
練全馬需要更多時間練習, 好好計劃規律的練習大計, 努力!
有目標, 勇往直前, 向著目標而努力.

作者: blurmax 時間: 2009-2-10 23:58

開blog大吉!

http://hk.myblog.yahoo.com/blurmax

作者: 肥哥哥KC 時間: 2009-2-11 09:25
開blog 大吉

努力為出年全馬作好準備~

作者: billy_yau 時間: 2009-2-11 22:33
渣打後首復課 : 再跑運動場

已經兩個多月無跑運場場, 今日突然心血來潮去左天水圍運動場練習.

由香島中學出發到流浮山消防局返轉頭去天水圍運動場, 跑左第八線二十二個圈, 粗略估計今日應該跑左15K, 感覺良好, 雙腳對個多小時的連續性跑步已經習慣, 希望往後的練習可以慢慢加長每次練習的路程.

沙田河畔10K賽己經寄出報名表格, 希望趕及報名, 到時可以穿上長跑長友的跑衣比賽啦!

作者: billy_yau 時間: 2009-2-11 22:35
標題: 回復 5# 的帖子
就係無佢電話, 只有MSN, 但佢失踨左!

作者: 龜速行 時間: 2009-2-11 23:04
cbts c hing

恭喜恭喜!!喜喜臨門!!

完成半馬 + 開blog大吉

向下年的全馬出發

c hing add oil ar!!!!
go go let' go

長跑長友 ar

作者: 最強幻像 時間: 2009-2-11 23:15
ching，小弟同你一樣都係今年踏上半馬之路，一樣在比賽中途抽筋，大家的遭遇可算一模一樣啦！今次的半馬小弟的感受是，除了身體上的操練要充足，管理危機的思維原來同樣重要，當有危機出現在自身時，第一時間應做什麼策略？點樣在有限條件下把損傷減低？如果第一個處理方案行不通的時候，還有第二個方案可用嗎？

其實小弟到了金鐘後，右腳已開始抽筋，但係當時自己心雄，覺得只剩下幾k，就忍著前進，結果邊抽邊跑返回終點。而家回想起來都覺得自己莽撞一點，抽筋是可大可小，停下來用小小時間拉筋可能會好一點，或者用碎步來前進都可以紓緩一下，但係當時頭腦就只係一心向前，忽略了可能隨後而來的危險，所以對小弟來說，今次係上了一課好好的危機管理課。

人生還有好多場比賽等緊你，祝ching來年全馬pb！

作者: billy_yau 時間: 2009-2-11 23:37
標題: 回復 13# 的帖子
其實我無抽到, 只係有一種想抽筋的感覺, 唯有減慢跑步的速度.

不過, 都恭喜你完成半馬, 希望明年在賽道上遇到你啦!

作者: billy_yau 時間: 2009-2-14 08:46
13-Feb-2009

香島中學 --> 流浮山消防局 --> 天水圍運動場 x 17圈

約 12km

作者: billy_yau 時間: 2009-2-17 08:56
16-Feb-2009

香島中學 --> 流浮山消防局 --> 天水圍運動場(經河畔) --> 第八線二十五個圈

估計約有 15~16km

今次跑既感覺唔錯, 無比高濕度影響, 但係跑到第二十五個圈果陣, 右邊"橫格膜"好鬼痛, 最後都係頂唔順要收工返屋企.

作者: hobbywet 時間: 2009-2-17 10:15
我的跑步歷程跟你差不多,明年全馬見

作者: billy_yau 時間: 2009-2-23 22:24
20 Feb 2009  17KM

膽粗粗地跟一班ching/ctse跑荃屯, 最後要行回終點收場.

經過幾日的思考, 總結少少要點.

1 準備不足  比起渣馬半馬, 今次明顯事前預備不足, 一心以為網友約跑只要玩玩性質, 實在無衡量過各位師兄/姐的慢跑, 已經是小弟的中跑, 由於前段一直在努力地期望與最後的師兄/姐同速, 杜致經過12k後, 便開始乏力, 再用意志努力跑多3-4k, 最後都要在屯門泳池外開始行回終點.

2 平日操練太短  平日操練多數以15k為目標, 而且全程都以慢速進行, 渣打可以跑畢全程, 全靠現場氣氛所推動, 所以在今次約跑尾段時未能再以意志"捱"畢全程.

今天開始, 日後操練都要增加距離, 以免日後再次跟一班師兄/姐約跑時再令大家拖慢完成時間, 以及明年不能夠完成全馬賽事!!

在此要再次特別多謝幾位師兄/姐

細明師兄陪小弟跑前半段, 知道對你來說, 實在是太難為了.

平兄兄陪小弟跑後半段, 就更加難為你, 前段你已經以變速去跑, 到後段還要遷就我的龜速, 實在深感抱歉

最後還有神童師兄及叮叮噹師姐, 要陪我行最後的3K, 大家都明白跑過17K後要行回終點比跑回去還更辛苦更容易抽筋呢!!

作者: billy_yau 時間: 2009-2-23 22:28
23 Feb 2009 16.8KM

今天試了一段對我來說是新的路段.

樂湖居(天水圍明渠) --> 鍾屋村 --> 屯門西鐵站(沿輕鐵路線) --> 洪水橋 --> 香島中學

登錄/註冊後可看大圖

[ 本帖最後由 cbts 於 2009-2-24 20:14 編輯 ]

作者: 亞平 時間: 2009-2-23 22:45
Bill兄.不要灰心,我之前都提過了,荃屯條路線,小兄頭2次跑最後都係上車收場.你第一次跑都可以捱到返三聖,已經唔錯了.
繼續努力,有一日必定可再次征服此路.

作者: 神童威威 時間: 2009-2-23 22:47

原帖由 cbts 於 2009-2-23 22:28 發表

 登錄/註冊後可看大圖

23 Feb 2009

今天試了一段對我來說是新的路段.

樂湖居(天水圍明渠) --> 鍾屋村 --> 屯門西鐵站(沿輕鐵路線) --> 洪水橋 --> 香島中學

仍未查出跑了幾多k, 希望比平時在運動場跑圈為多吧!!

Billy兄,加油呀！跑多d長課，下次約跑唔駛行返終點嫁喇！

作者: billy_yau 時間: 2009-2-23 22:57

原帖由亞平於 2009-2-23 22:45 發表

 登錄/註冊後可看大圖

Bill兄.不要灰心,我之前都提過了,荃屯條路線,小兄頭2次跑最後都係上車收場.你第一次跑都可以捱到返三聖,已經唔錯了.
繼續努力,有一日必定可再次征服此路.

下次再跑此路, 我一定要跑畢全程, 唔係明年點跑全馬!!!

作者: billy_yau 時間: 2009-2-23 22:58

原帖由 神童威威 於 2009-2-23 22:47 發表

 登錄/註冊後可看大圖

Billy兄,加油呀！跑多d長課，下次約跑唔駛行返終點嫁喇！

都重未多謝師兄關心我個鼻, 今日操練反而無流過鼻水, 真係奇怪!

作者: 神童威威 時間: 2009-2-23 23:01

原帖由 cbts 於 2009-2-23 22:58 發表

 登錄/註冊後可看大圖

都重未多謝師兄關心我個鼻, 今日操練反而無流過鼻水, 真係奇怪!

咁咪幾好！可能跑得多適應左

作者: 叮叮噹 時間: 2009-2-24 00:12
Billy,

如果平日最長號15k, 青公20.5K對你來說係長了一點, 加上有許多上落斜, 需要技巧同更高體能要求,你能夠頂到17K, 已經唔錯. 小妹第一次跑青公只跑到大欖涌便上車, 第二次才順利跑畢全程.
加油!

平日練跑慢慢

增加距離, 定期跑長課, 下次再戰青公.
跑步可以改善體質, 改善鼻敏感的困擾, 長跑長有.

作者: 亞平 時間: 2009-2-24 12:58

原帖由 cbts 於 2009-2-23 22:28 發表

 登錄/註冊後可看大圖

23 Feb 2009

今天試了一段對我來說是新的路段.

樂湖居(天水圍明渠) --> 鍾屋村 --> 屯門西鐵站(沿輕鐵路線) --> 洪水橋 --> 香島中學

仍未查出跑了幾多k, 希望比平時在運動場跑圈為多吧!!

Billy兄,下面果網可以計算距離
http://42.195km.net/e/jogsim/

作者: billy_yau 時間: 2009-2-24 20:25

原帖由亞平於 2009-2-24 12:58 發表

 登錄/註冊後可看大圖

Billy兄,下面果網可以計算距離
http://42.195km.net/e/jogsim/

唔該哂, 平師兄!!

作者: billy_yau 時間: 2009-2-25 22:39
25 Feb 2009 8.8KM

本來今天約了客戶於晚上維修電腦, 但於收工後突然興起, 所以一回家便換上跑步裝束, 向天水圍河出發.

由香島中學出發 --> 濕地公園 --> 水邊交匯處 --> 洪天路(沿輕鐵路) --> 天影路 --> 樂湖居

雖然只是短短 8k, 但由於是即興, 所以都已經可以解放腳痕. 今天白天時決定了, 星期五放工後會由天水圍跑往屯門碼頭, 由於晚上八時要返聖堂, 想請教各位師兄/姐, 蝴蝶邨附近有那個地方可以沖洗呢?

登錄/註冊後可看大圖

作者: billy_yau 時間: 2009-3-10 22:16
27 Feb 2009 14.66KM

一如當日的安排, 由天水圍跑往屯門蝴蝶邨.

第一次負重跑(背住個背包), 跑完雙肩非常疼痛, 但係有一樣野需要一讚, 就係蝴蝶灣賽馬會室內體育館(唔知係咪咁叫), 完全無人阻我或者問我, 我便响裡面沖左個靚涼, 非常梳肝

[ 本帖最後由 billy_yau 於 2009-3-10 22:18 編輯 ]

作者: 亞平 時間: 2009-3-10 22:33

原帖由 billy_yau 於 2009-3-10 22:16 發表

 登錄/註冊後可看大圖

27 Feb 2009 14.66KM

一如當日的安排, 由天水圍跑往屯門蝴蝶邨.

第一次負重跑(背住個背包), 跑完雙肩非常疼痛, 但係有一樣野需要一讚, 就係蝴蝶灣賽馬會室內體育館(唔知係咪咁叫), 完全無人阻我或者問我 ...

billy兄,係湖山遊樂場內,叫蝴蝶灣賽馬會體育館,果度係沒人理你,我地以前玩沖斜特訓時都入出沖涼.
今次跑左成15k喎,係唔係就來挑戰荃-屯?

作者: billy_yau 時間: 2009-3-10 22:49
02 Mar 2009  17.3KM  2h:01m:18s

分段時間:

天水圍 --> 屏山  33'48"

屏山 --> 藍地  31'55"

藍地 --> 屯門西鐵站  19'15"

屯門西鐵站  -->  洪水橋  36'20"

本來諗住做一課長課, 可惜回程返到洪水橋實在太攰了,唯有於洪水橋坐輕鐵返屋企.

題外話一則, 當日响洪水橋見到一位著網衣既師兄向屯門方向跑, 唔知有無機會响度相認呢?

[ 本帖最後由 billy_yau 於 2009-3-10 23:07 編輯 ]

作者: billy_yau 時間: 2009-3-10 22:54

原帖由亞平於 2009-3-10 22:33 發表

 登錄/註冊後可看大圖

billy兄,係湖山遊樂場內,叫蝴蝶灣賽馬會體育館,果度係沒人理你,我地以前玩沖斜特訓時都入出沖涼.
今次跑左成15k喎,係唔係就來挑戰荃-屯?

我其實諗住會自己跑一次屯荃(甚或天荃), 睇一睇自己既耐力有無增加左, 先至再同你地一齊跑荃屯.

作者: billy_yau 時間: 2009-3-10 23:06
08 Mar 2009 10KM 56m:15s

首次著網衣跑比賽, 而且更第一次pb成功, 非常開心.

可惜到左夜晚, 條腰開始陰陰地痛, 可能有關於當日比賽時最後果k衝刺太快而受左小小傷(平日甚少衝圈, 平均都係以六分零一公里), 希望休息返幾日會好返啦!!!

總時間 56:15

1K = 5'31"
2K = 5'39"
3K = 5'50"
4K = 5'35"
5K = 5'31"
6K = 5'43"
7K = 5'44"
8K = 5'45"
9K = 5'54"
10K = 4'59"

有左今次達標既成功, 同自己定左下一個目標, 元朗 6k 賽希望可以30min內完成.

[ 本帖最後由 billy_yau 於 2009-5-23 15:09 編輯 ]

作者: billy_yau 時間: 2009-3-12 22:37
12 Mar 2009 5KM

沙田賽之後，條腰陰陰痛，但係對腳又痕，心思思想跑步，所以就諗住跑運動場過下癮。

一落到場第一個圈就唔知做乜鬼，控制唔到個速度，唔自控地快跑完第一個圈，當去到第三個圈時，條氣已經好唔順，最後跑左十一個圈就決定收工返屋企。

分段圈速:

Lap 1 - 按錯錶，無紀錄
Lap 2 - 02'18"
Lap 3 - 02'29"
Lap 4 - 02'32"
Lap 5 - 02'45"
Lap 6 - 02'44"
Lap 7 - 02'43"
Lap 8 - 02'43"
Lap 9 - 02'44"
Lap 10 - 02'48"
Lap 11 - 02'43"

作者: B 時間: 2009-3-12 22:58
哈~ 我都係越跑越腳痕~ 成日心思思想落街跑步~
睇黎大家都中0左毒了~

作者: 亞平 時間: 2009-3-12 22:59

原帖由 BHa 於 2009-3-12 22:58 發表

 登錄/註冊後可看大圖

哈~ 我都係越跑越腳痕~ 成日心思思想落街跑步~
睇黎大家都中0左毒了~ " />" />

中毒係必然的,毒癮只會越來越深,美沙胴都冇用,落街跑係最佳解藥.

[ 本帖最後由亞平於 2009-3-12 23:02 編輯 ]

作者: sleung2002hk 時間: 2009-3-12 23:05

原帖由 billy_yau 於 2009-3-12 22:37 發表

 登錄/註冊後可看大圖

12 Mar 2009 5KM

沙田賽之後，條腰陰陰痛，但係對腳又痕，心思思想跑步，所以就諗住跑運動場過下癮。

一落到場第一個圈就唔知做乜鬼，控制唔到個速度，唔自控地快跑完第一個圈，當去到第三個圈時，條氣已經 ...

頭圈控制係幾緊要架~~通常頭圈有力~都會快d~頭200m睇一睇錶~會有幫助的
之後你就會發覺開始辛苦~keep住都做到均速~師兄都要記得休息先得架~長跑長友ma

作者: billy_yau 時間: 2009-3-13 22:11

原帖由 sleung2002hk 於 2009-3-12 23:05 發表

 登錄/註冊後可看大圖

頭圈控制係幾緊要架~~通常頭圈有力~都會快d~頭200m睇一睇錶~會有幫助的
之後你就會發覺開始辛苦~keep住都做到均速~師兄都要記得休息先得架~長跑長友ma

多謝師兄指點

作者: billy_yau 時間: 2009-3-15 22:39
15 Mar 2009  28.9KM (3h23m48s  平均 : 7min/km)

尋晚知道老婆今日有街去, 所以就決定今日要做一課長課, 當時一諗就諗起, 不如食返餐天荃都好喎!!

今日一起身, 就即刻食早餐, 再向屋企休息左個零鐘等d食物落左格, 就落街向住目標出發.

由天水圍一直向住荃灣方向跑, 用返渣打半馬果個速度, 去到近藍地又再見到上次响洪水橋見到果位師兄, 大家做左個豎起手指公既手勢之後, 就各自向相反既方向繼續進發. 一直跑到青山公路esso油站, 第一次補給飲品, 飲完枝飲品之後, 就繼續向荃灣推進, 一直去到深井, 雙腳開始傳黎疲倦既訊號, 不過心裡面諗住離荃灣其實不太遠, 應該可以頂到既, 所以就繼續跑, 沒有停低. 當去到機場展覽中心, 再次補給飲品, 當飲完枝水再起跑既時候, 雙腳傳上黎既感覺, 我知道我已經到左頂--爆左, 不過好勝心驅使之下, 一路死頂去到荃灣西鐵站, 當到達荃灣做cooldown既時候, 雙腳即時傳黎麻痺既感覺, 結果要响柏麗灣碼頭休息良久, 先至可以落西鐵站坐車返天水圍.

跑左長跑咁耐, 第一次跑咁長既距離, 雖然真係好辛苦, 但係當完成既一刻, 又再有當日完成渣打既興奮, 不過經過今日既長課, 知道如果出年要跑全馬, 今年真係要好好訓練, 做多d長課, 唔係既話出年容乜易被城巴食左架!!

分段時間 :

天水圍 --> 屯門西鐵站  58m40s (9.5k  平均 : 6m12s/km)

屯門西鐵站 --> 青龍頭碼頭  1h21m57s  (11.5k  平均 : 7m6s/km  總距離大約21k, 總時間係 2h20m38s 比起渣打半馬既時間為好)

青龍頭碼頭 --> 機場展覽中心  25m15s  (3km  平均 : 8m25s/km)

機場展覽中心 --> 荃灣西鐵站  37m55s  (4.9km  平均 : 7m48s/km)

作者: sleung2002hk 時間: 2009-3-15 22:46
師兄好野~今日咁曬都跑左3個幾鐘~加油丫~2010全馬一定有好成績
得閒黎鄧記練下速度~會對你長跑有幫助的^^

作者: billy_yau 時間: 2009-3-15 22:48

原帖由 sleung2002hk 於 2009-3-15 22:46 發表

 登錄/註冊後可看大圖

師兄好野~今日咁曬都跑左3個幾鐘~加油丫~2010全馬一定有好成績
得閒黎鄧記練下速度~會對你長跑有幫助的^^

家下塊面紅哂, 手腳都黑左, 好彩唔痛咋!!

作者: 亞平 時間: 2009-3-15 23:03

原帖由 billy_yau 於 2009-3-15 22:48 發表

 登錄/註冊後可看大圖

家下塊面紅哂, 手腳都黑左, 好彩唔痛咋!!

billy兄,終於完成了自己的一個心願,你應該可以感受到小弟當初首次完成此路後的喜悅.
現在輪到小弟去安排下完成自己今年既另一個小小願望,荃-屯來回,希望可以好快同你分享.

作者: billy_yau 時間: 2009-3-15 23:05

原帖由亞平於 2009-3-15 23:03 發表

 登錄/註冊後可看大圖

billy兄,終於完成了自己的一個心願,你應該可以感受到小弟當初首次完成此路後的喜悅.
現在輪到小弟去安排下完成自己今年既另一個小小願望,荃-屯來回,希望可以好快同你分享.

荃屯來回!!!我諗要到下半年我先可以試下挑戰

作者: B 時間: 2009-3-16 10:50
我都希望今年年尾之前跑到屯荃來回!!
跑唔惦0既話, 我應該唔報渣打全馬了...

作者: 叮叮噹 時間: 2009-3-16 12:16

加油! 昨天咁曬, 能夠完成30k, 強!
Billy上個月跑15k長課, 一次加量加咁多, 小心受傷啊! 前車可鑑.
長跑真係急唔嚟, 要時間浸.

作者: billy_yau 時間: 2009-3-16 12:42

原帖由 BHa 於 2009-3-16 10:50 發表

 登錄/註冊後可看大圖

我都希望今年年尾之前跑到屯荃來回!!
跑唔惦0既話, 我應該唔報渣打全馬了...

荃屯來回真係好高難度, 要操練多d長課先至可以試.

不過渣打全馬同平時練點都有唔同既, 我記得當日我都未跑過18k以上, 但係都可以完成到半馬, 跑完重覺得自己重有力添.

作者: billy_yau 時間: 2009-3-16 12:55

原帖由 叮叮噹 於 2009-3-16 12:16 發表

 登錄/註冊後可看大圖

加油! 昨天咁曬, 能夠完成30k, 強!
Billy上個月跑15k長課, 一次加量加咁多, 小心受傷啊! 前車可鑑.
長跑真係急唔嚟, 要時間浸.

多謝師姐關心, 其實尋日揀天荃都係諗住青山公路上面, 如果真係有咩頂唔順, 可以隨時上車走人, 不過最後都叫做完成到, 但係今日對腳仍然好痛, 我諗我要星期尾先可以再跑返啦.

尋日跑完, 都有為自己定左個小小目標, 就係以後一個月最少跑一次, 希望有助長途既耐力啦!!

講開又講, 早兩日睇到米拿兄個blog, 對我黎講真係當頭棒喝, 我跑完沙田10k之後, 就盲目咁去諗, 元朗6k要做到30min前完成, 都無諗過自己本身唔係經常保持到5min/k, 而且同我自己定既長跑目標有矛盾(明年可以限時內完成全馬), 我明白而家我係要訓練自己既耐力, 唔可以每一個距離都為自己定目標, 咁樣係訓練唔到自己想要既效果, 所以我已經重新定位自己既方向, 係繼續向著明年完成全馬, 以後要做多少少長課既練習.不過尋日又真係大膽左少少既, 一加就加左差唔多一倍, 不過當我去到機場展覽館, 遠望已經見到終點(如心廣場), 所以唔肯放棄繼續跑, 下次真係要再三諗清楚, 因為由於尋日跑完咁長, 而令到今個星期可能成個禮拜無得跑, 代價都唔細架

作者: 叮叮噹 時間: 2009-3-22 20:11
休息一個星期冇跑過? 傷定係疲累呀?
如果係肌肉酸痛, 可以慢跑短距離, 每天拉筋會有幫助.
以後唔好突然大幅度加量啦!

作者: billy_yau 時間: 2009-3-31 21:08
31-Mar-2009 6.3km

休息左足足兩個星期, 隻腳依然有d痛, 本來都諗住留到星期四至跑一次黎預備星期日個元朗6k賽.

不過見到今朝平兄個屯荃約跑傾到熱烘烘, 我又無份跑, 對腳即時痕到不得之了, 結果收左工就返屋企換衫跑步.

由屋企跑往運動場, 再响運動場第八線跑左八個圈, 不過一路跑隻腳依然有d痛, 結果都無夾硬跑至十個圈, 做完拉筋就收工返屋企.

香島中學 --> 天水圍運動場 15'59" 2.48km

第八線
Lap 1 : 2'49"
Lap 2 : 2'48"
Lap 3 : 2'47"
Lap 4 : 2'44"
Lap 5 : 2'45"
Lap 6 : 2'46"
Lap 7 : 2'50"
Lap 8 : 2'55"

雖然成績唔係太好, 不過都可以一解餓左兩個星期既跑癮, 希望可以快 d 完全康復, 可以跑返長 d 距離.

作者: 亞平 時間: 2009-3-31 21:25

原帖由 billy_yau 於 2009-3-31 21:08 發表

 登錄/註冊後可看大圖

31-Mar-2009 6.3km

休息左足足兩個星期, 隻腳依然有d痛, 本來都諗住留到星期四至跑一次黎預備星期日個元朗6k賽.

不過見到今朝平兄個屯荃約跑傾到熱烘烘, 我又無份跑, 對腳即時痕到不得之了, 結果收左工就返 ...

原來Billy兄腳痕,唔好意思,搞到你冇得玩荃屯,下次約你私奔一次,如何?

作者: 叮叮噹 時間: 2009-3-31 22:26
剛剛好番, 慢慢跑, 慢慢加量, 長跑長有.
星期一落鄧記一齊練吓基本功啦!

作者: billy_yau 時間: 2009-4-1 08:34

原帖由亞平於 2009-3-31 21:25 發表

 登錄/註冊後可看大圖

原來Billy兄腳痕,唔好意思,搞到你冇得玩荃屯,下次約你私奔一次,如何?

成兩個幾星期無跑, 一定會腳痕啦!!

隻腳未完全好返, 我諗我無咁快會再跑青公, 等對腳慢慢好返先再諗!!

作者: billy_yau 時間: 2009-4-1 08:37

原帖由 叮叮噹 於 2009-3-31 22:26 發表

 登錄/註冊後可看大圖

剛剛好番, 慢慢跑, 慢慢加量, 長跑長有.
星期一落鄧記一齊練吓基本功啦!

我會慢慢加量, 唔敢再心急架啦

至於落鄧記, 就....遲d先睇下點啦...

作者: 神童威威 時間: 2009-4-1 23:30
Billy兄,慢慢來！唔好加快呀！星期一我欠些又傷過，好在夠定力暫停冇再練。
星期日比賽一齊努力啦！

作者: billy_yau 時間: 2009-4-5 16:12
05-Apr-2009 5.8km 29'34"

終於等到元朗賽, 尋晚訓覺前, 隻右腳依然有 d 陰陰痛, 心裡面其實有左心理預備, 隨時响比賽途中退出, 好彩今日隻腳既狀態未有想像中咁差, 可以完成賽事, 還可以偷雞 PB 到添!!

一開始跑, 就按住一般步速黎跑, 一大班著網衫既師兄師姐已經絕塵而去, 眼前只有籣西．韋師姐, 頭1.4K 都係追著佢黎跑, 直到第一次折回點, 就由佢身邊趕過左佢, 當時個心係諗住佢會過無耐就過返我, 跟住同佢互相推大家去跑, 點知一直跑過第一次返終點同埋第二次折回點, 佢都無再响我前面出現, 去到第二次折回點之後, 右邊橫隔膜又開始痛(應該係太耐無跑, 適應唔到個步速), 到左大約唔夠700M, 蘭西終於由我身邊擦身而上, 可惜我想發力追翻佢既時候, 感覺橫隔膜既痛楚加深, 根本提唔到速, 最後連最尾100M都做唔到衝刺, 只係可以用返普通速度返終點...

第一次折回點  06'56"
第一次返終點  07'10"
第二次折回點  07'51"
終點             07'34"

作者: running-sue 時間: 2009-4-5 16:38
billy ching, 今日好高興見到你, 加油呀

作者: sleung2002hk 時間: 2009-4-5 17:00
yau兄~~今日認你唔到~好似冇同你傾過計~唯有下次啦

作者: billy_yau 時間: 2009-4-5 17:52

原帖由 sleung2002hk 於 2009-4-5 17:00 發表

 登錄/註冊後可看大圖

yau兄~~今日認你唔到~好似冇同你傾過計~唯有下次啦

梁兄, 我有同你傾過計架, 你一時諗唔起姐!!

作者: 亞平 時間: 2009-4-5 20:54

原帖由 billy_yau 於 2009-4-5 17:52 發表

 登錄/註冊後可看大圖

梁兄, 我有同你傾過計架, 你一時諗唔起姐!!

梁兄成日帶住黑超,邊認到人呀!嘻嘻

作者: 亞平 時間: 2009-4-5 20:58

原帖由 billy_yau 於 2009-4-5 16:12 發表

 登錄/註冊後可看大圖

05-Apr-2009 5.8km 29'34"

終於等到元朗賽, 尋晚訓覺前, 隻右腳依然有 d 陰陰痛, 心裡面其實有左心理預備, 隨時响比賽途中退出, 好彩今日隻腳既狀態未有想像中咁差, 可以完成賽事, 還可以偷雞 PB 到添! ...

Billy兄,你講左呁多野,又界人又俾人界,其實最終係邊個界邊個?
小弟理解,係你先界籣西,再俾佢臨尾界番野...對嗎?

作者: billy_yau 時間: 2009-4-6 23:21

原帖由亞平於 2009-4-5 20:58 發表

 登錄/註冊後可看大圖

Billy兄,你講左呁多野,又界人又俾人界,其實最終係邊個界邊個?
小弟理解,係你先界籣西,再俾佢臨尾界番野...對嗎?

我地唔係咁講既, 係我先過佢頭, 最後就比佢臨五六百米就過返我一直去到終點.

咁樣講, 係咪好好多呢!! 你用既用詞, 所以令你有咁多仇家!!

作者: 亞平 時間: 2009-4-7 00:50

原帖由 billy_yau 於 2009-4-6 23:21 發表

 登錄/註冊後可看大圖

我地唔係咁講既, 係我先過佢頭, 最後就比佢臨五六百米就過返我一直去到終點.

咁樣講, 係咪好好多呢!! 你用既用詞, 所以令你有咁多仇家!!

billy兄,界呢個字係長跑網係通用詞,貼切易明,好好用架...放心去用啦,唔會因為呢個字而結仇架..結仇主要係個人既關係...
我既仇家名單內有閣下大名喎~~以後小弟又多個地方放炸彈啦,睇住你個blog啦~~

作者: B 時間: 2009-4-7 00:55

原帖由亞平於 2009-4-7 00:50 發表

 登錄/註冊後可看大圖

billy兄,界呢個字係長跑網係通用詞,貼切易明,好好用架...放心去用啦,唔會因為呢個字而結仇架..結仇主要係個人既關係...
我既仇家名單內有閣下大名喎~~以後小弟又多個地方放炸彈啦,睇住你個blog啦~~

好彩我無 blog 0者~

作者: billy_yau 時間: 2009-4-7 07:51

原帖由亞平於 2009-4-7 00:50 發表

 登錄/註冊後可看大圖

billy兄,界呢個字係長跑網係通用詞,貼切易明,好好用架...放心去用啦,唔會因為呢個字而結仇架..結仇主要係個人既關係...
我既仇家名單內有閣下大名喎~~以後小弟又多個地方放炸彈啦,睇住你個blog啦~~

我有 b 哥睇住, 無有怕!!

作者: 亞平 時間: 2009-4-7 10:01

原帖由 billy_yau 於 2009-4-7 07:51 發表

 登錄/註冊後可看大圖

我有 b 哥睇住, 無有怕!!

B哥係保你唔到既,聽講佢都有唔少仇家,小弟就係其中之一啦

作者: billy_yau 時間: 2009-4-7 12:50

原帖由亞平於 2009-4-7 10:01 發表

 登錄/註冊後可看大圖

B哥係保你唔到既,聽講佢都有唔少仇家,小弟就係其中之一啦

beefing有大把手下, 一定照得住我既

作者: billy_yau 時間: 2009-4-10 21:07
終於都正正經經買左對長跑鞋, 今日一拎左對鞋, 就好想跑返轉, 可惜呢幾日紅日都要返工, 我諗最快都要星期一先至可以試鞋lu

作者: 亞平 時間: 2009-4-10 21:40

原帖由 billy_yau 於 2009-4-10 21:07 發表

 登錄/註冊後可看大圖

終於都正正經經買左對長跑鞋, 今日一拎左對鞋, 就好想跑返轉, 可惜呢幾日紅日都要返工, 我諗最快都要星期一先至可以試鞋lu

Rider 12有呢個色咩?粉紅色?

作者: billy_yau 時間: 2009-4-10 22:13
08 Apr 2009  12.09km  1h37m52s

當日跟左一班師兄/姐約跑青公, 七點幾去到集合地點, 可能受過傷, 今次做熱身比起以前都要認真, 由於腳傷未完全康復, 所以一早已經決定左只係會跑到深井就會調頭.

一開始果k零, 都係一大班人開開心心傾住計咁跑, 跟住d快腳就開始發力, 而我依然貫徹始終留守响最尾既位置, 今次亦都同上次一樣, 有師兄陪住我慢跑, 呢位師兄就係ming sir(希望無記錯啦), 真係好感謝佢陪住我呢隻慢腳跑到去深井.

去到深井就同叮師姐/大圍師兄同埋一位唔記得左佢叫咩名既師兄一齊補給飲品, 再休息左一陣就開始回航.

一路都同叮師姐泊住跑, 直到機場博覽館師姐就開始收腳, 但係我仍未跑夠喉, 所以就恨心咁無陪師姐自己繼續向荃灣進發.

跑完再沖埋涼, 一行十一人就去左荃灣廣場對面間x奶佬食飯, 席間同各位師兄/姐都吹水吹得好高興, 跟住就同叮師姐/小華師兄一齊搭西鐵返大西北. 沿途同師姐及小華兄傾個不停, 最後重同小華兄吹到返屋企, 上左長跑網一段時間, 其實一早知道小華係住天水圍, 但係直到當晚先至係第一次見面, 重估唔到佢係咁健談, 希望好快再有機會同佢一齊約跑啦.(不過小華師兄實在跑得太快, 根本無本事可以追到佢)

荃灣西  -->  深井  6.09km  44'19"
休息                               11'37"
深井  -->  荃灣西  6.09km  41'54"

作者: billy_yau 時間: 2009-4-10 22:14

原帖由亞平於 2009-4-10 21:40 發表

 登錄/註冊後可看大圖

Rider 12有呢個色咩?粉紅色?

銀同埋橙

你估我係師姐黎架咩...粉紅色....

作者: 亞平 時間: 2009-4-10 22:32

原帖由 billy_yau 於 2009-4-10 22:14 發表

 登錄/註冊後可看大圖

銀同埋橙

你估我係師姐黎架咩...粉紅色....

即係出左新色啦,之前男裝只有藍/紅二色..

作者: billy_yau 時間: 2009-4-10 22:39

原帖由亞平於 2009-4-10 22:32 發表

 登錄/註冊後可看大圖

即係出左新色啦,之前男裝只有藍/紅二色..

係啩, 你知我係初哥黎, 唔識架啦, 如果唔係有長跑網, 我都唔敢買跑鞋, 比佢呃三兩百唔係問題, 驚比人老點亂咁買左d唔岩長跑既鞋鞋黎跑, 傷到腳就大近事丫嘛!!

藍色無我碼, 紅色我唔鍾意, 跟住鬍鬚老板就話有款係銀橙色要訂貨, 咁我咪訂左銀橙囉, 其實我覺得藍色都ok架, 不過無我碼無計啦!!

[ 本帖最後由 billy_yau 於 2009-4-10 22:59 編輯 ]

作者: 亞平 時間: 2009-4-10 23:11

原帖由 billy_yau 於 2009-4-10 22:39 發表

 登錄/註冊後可看大圖

係啩, 你知我係初哥黎, 唔識架啦, 如果唔係有長跑網, 我都唔敢買跑鞋, 比佢呃三兩百唔係問題, 驚比人老點亂咁買左d唔岩長跑既鞋鞋黎跑, 傷到腳就大近事丫嘛!!

藍色無我碼, 紅色我唔鍾意, 跟住鬍鬚 ...

藍色係頭批貨,你留意吓著開rider12既師兄,有好多都係藍色,後來至出紅色,你果隻色係最新既,未見到!

作者: billy_yau 時間: 2009-4-10 23:12

原帖由亞平於 2009-4-10 23:11 發表

 登錄/註冊後可看大圖

藍色係頭批貨,你留意吓著開rider12既師兄,有好多都係藍色,後來至出紅色,你果隻色係最新既,未見到!

聽老闆講亞dee兄都訂左對

作者: B 時間: 2009-4-11 11:49

原帖由 billy_yau 於 2009-4-10 21:07 發表

 登錄/註冊後可看大圖

終於都正正經經買左對長跑鞋, 今日一拎左對鞋, 就好想跑返轉, 可惜呢幾日紅日都要返工, 我諗最快都要星期一先至可以試鞋lu

呢對好似係 wide 版?

作者: billy_yau 時間: 2009-4-11 12:11

原帖由 BeeFing 哥 於 2009-4-11 11:49 發表

 登錄/註冊後可看大圖

呢對好似係 wide 版?

唔識分喎, 有咩分別架?

作者: B 時間: 2009-4-11 12:57

原帖由 billy_yau 於 2009-4-11 12:11 發表

 登錄/註冊後可看大圖

唔識分喎, 有咩分別架?

鞋頭闊 d 囉~

作者: billy_yau 時間: 2009-4-11 13:00

原帖由 BeeFing 哥 於 2009-4-11 12:57 發表

 登錄/註冊後可看大圖

鞋頭闊 d 囉~

咁對跑步或者對雙腳有咩影响架?

作者: B 時間: 2009-4-11 13:04

原帖由 billy_yau 於 2009-4-11 13:00 發表

 登錄/註冊後可看大圖

咁對跑步或者對雙腳有咩影响架?

其實睇你腳形0架0者~ 0岩著就得~

作者: billy_yau 時間: 2009-4-14 23:07
14-Apr-2009 12.2km 1h20m53s

新鞋拎左幾日, 由於種種原因至到今日先可以為對鞋剪綵.

今日又再發掘多一條對我黎講新既路. 由屋企跑去元朗工業村兜左一個圈再回程返天水圍, 新鞋雖然好舒適, 但係右腳既腳碗仍然有d隱隱作痛, 究竟對腳有乜事呢? 令我非常困擾!!!

一路跑既時間, 腦裡面一直在諗, 會唔會係我一直都唔識得跑, 所以令到隻腳過左咁耐都好唔返呢? 回想起今日响公司上網果陣, 見到聽日邪神有班, 心裡面就念起一個明晚到跑馬地跟邪神學學正確跑姿既想法, 不過一切都要睇下聽日公司多唔多野做先可以決定到去唔去跑馬地.

原來我記錯左, 星期五先係邪神班第7課喎!!

[ 本帖最後由 billy_yau 於 2009-4-14 23:17 編輯 ]

作者: billy_yau 時間: 2009-4-18 15:52
17 Apr 2009 邪神分享會第7課

經過幾日既考慮, 終於都作出決定, 出席邪神既分享會.

登錄/註冊後可看大圖

堂上面邪神講左好多正確理論, 雖然我所領悟到既實在唔係太多, 但係都會留响心裡面, 希望他朝一日可以拎返出黎運用一下.

一開始熱身, 就係圍住足球場慢跑(對我黎講都唔算慢架啦)15min, 之後就係學習神腿三式(前/後), 全堂黎講, 我覺得呢幾式係最受用, 真係唔做唔知自己可以咁軟(對腳既肌肉). 再之後做左幾款唔同既體能操(年紀大...d名真係唔記得). 經過大約兩個半鐘既學習, 雙腳甚至腹部既肌肉, 都出現輕微抽筋, 年紀大機器壞真係無講錯.

另外, 邪神亦都傳授左近黎都幾困擾我既問題既解決方法,就係跑果陣如果出現橫隔膜痛既問題, 如果下次再遇到, 一定要試下!!!

登錄/註冊後可看大圖

落堂之後, 一行廿十多人去左鵝鵛橋熟食中心食晚飯(一個令我有無數回憶既地方...比起十多年前..成個熟食中心完全唔同哂), 食到成十二點先至返屋企, 返到屋企我個大人塊面黑到......唉......下次再去都係要考慮下唔跟佢地食飯, 選擇早d返屋企

[ 本帖最後由 billy_yau 於 2009-5-11 23:08 編輯 ]

作者: cu83 時間: 2009-4-18 17:09
同病相憐, 我第一次出席約跑返到屋企, 我個大人塊面都係黑到...
下次記得講清楚就無問題喇!!
大人如果批准咪番低食晚飯, 如果唔批只跑唔食飯囉, 無問題既!!

作者: billy_yau 時間: 2009-4-22 20:20
21 Apr 2009 9.5km (無帶錶, 無計時)

自邪神班之後, 因為小腿一直抽住抽住, 所以無去跑過, 尋日終於按捺不住去左跑步. 放工返到天水圍就換衫落街, 做左少少熱身跟住就慢跑去左運動場, 入到運動場之後, 見到個跑圈就忍唔住繼續跑落去, 本來諗住係咁依跑四五個圈就算, 點知一路跑就一路唔想停, 最後就跑左十個圈先至停落黎, 休息左兩三分鐘之後, 就開始做神腿三式, 不過响我做之際, 果班一直都响運動場操既天水圍"專業"跑手好似好奇怪咁望住我, 最後我就快快手做左3set就拿拿臨拉筋走人. 當我行出運動場門口果陣, 發現今日跑完都好似無乜料到, 就開步跑返屋企, 直到返到屋企樓下都好似唔多夠喉, 睇黎下次跑又要跑返街同埋跑遠d啦.

香島中學 --> 天水圍運動場
第八線 10 個圈
天水圍動場 --> 香島中學

[ 本帖最後由 billy_yau 於 2009-5-11 23:09 編輯 ]

作者: billy_yau 時間: 2009-4-23 22:52
23 Apr 2009 11.3km 1h13m45s

今日放工之後就即刻返屋企, 換過衫之後就開始跑, 原先係諗住由天水圍跑落屯門西鐵站再回程返天水圍, 不過一直跑左腳都一直痛, 最後就响回程跑到返兆康, 就買完野飲上左西鐵返屋企.

死喇..唔通應左自己果句吹得唔跑得....

香島中學 ----> 屯門西鐵站

屯門西鐵站 ----> 兆康西鐵站

作者: billy_yau 時間: 2009-4-25 22:27
24 Apr 2009 邪神分享會第8堂

繼上星期後, 又再上邪神既分享會. 對我個人黎講, 我真係覺得今次既體能訓練真係無上次咁甘, 可能細個成日紥紥跳, 單腳跳一個足球場真係唔係好辛苦. 最可惜係隻左腳唔知整乜鬼陰陰痛, 可能係同亞仔玩果陣比佢撞到自己唔知, 所以去到最尾慢跑15min我就變左疑似師姐物體跟班師姐跑.

一開始係例牌既15min熱身跑, 一路泊住法蘭師兄跑, 法法都算錫住我, 我同佢講我腳痛叫佢就一就我, 佢就慢少少黎就我. 跟住開始做神腿前後三式, 我發覺自己手腳好似唔多協調, 邪神話最難錯既野, 我居然可以完完全全錯哂(提左腳時應該右手向前, 我就岩岩好相反), 當做完六式神腿之後, 邪身就大聲問, 有無人星期日有比賽?有無人有腳傷? 之後, 我同一大班師兄都不其然叫左句, 今鋪大鑊啦, 原來今晚既戲肉係單腳跳一個足球場 x 10times, 我自己响開始前即刻試一試我隻左腳頂唔頂到, 感覺上可以, 所以就無走去師姐果邊, 照玩呢個單腳跳, 今次拉筋既帶領係由米拿師兄主持, 唔知點解次次做親一d屈住個身既拉筋, 我個腹部就會抽筋(可能係肚腩大個大個@@), 落堂之後又同左佢一齊食飯, 聽到邪神講星期五班重會有兩堂, 但係之後既就重未知, 黎緊果2個星期, 一定要盡可能出席啦.

作者: wadee 時間: 2009-4-25 22:42
好佩服billy兄
山重水遠都堅持黎到分享會
俾咗我唔一定做得到

作者: billy_yau 時間: 2009-4-25 22:44

原帖由 wadee 於 2009-4-25 22:42 發表

 登錄/註冊後可看大圖

好佩服billy兄
山重水遠都堅持黎到分享會
俾咗我唔一定做得到

咪咁講我啦...長毛師兄/ 蕉仔又咪係咁遠

作者: wadee 時間: 2009-4-25 22:47

原帖由 billy_yau 於 2009-4-25 22:44 發表

 登錄/註冊後可看大圖

咪咁講我啦...長毛師兄/ 蕉仔又咪係咁遠

所以你地都好值得我敬佩

作者: jsmleung02 時間: 2009-4-27 18:06
billy師兄你是什麼時侯會到運動場跑? 我很多時晚上(9點前後)都會去, 有機會一起跑好嗎?

作者: piyrag 時間: 2009-4-27 21:40
提示: 作者被禁止或刪除內容自動屏蔽

作者: wadee 時間: 2009-4-27 21:54

原帖由 大坑人gary 於 2009-4-27 21:40 發表

 登錄/註冊後可看大圖

所以billy真有心……billy...繼續撐你。

我都要向billy兄學習
以後多d衝出香港

作者: piyrag 時間: 2009-4-27 21:57
提示: 作者被禁止或刪除內容自動屏蔽

作者: billy_yau 時間: 2009-4-27 22:46

原帖由 jsmleung02 於 2009-4-27 18:06 發表

 登錄/註冊後可看大圖

billy師兄你是什麼時侯會到運動場跑? 我很多時晚上(9點前後)都會去, 有機會一起跑好嗎?

我無咁晏架...通常都係跑完返屋企食飯...

我到運動場既時間大約係六點半至七點咁上下...大八點零就會走架啦

作者: billy_yau 時間: 2009-4-27 22:47

原帖由 wadee 於 2009-4-27 21:54 發表

 登錄/註冊後可看大圖

我都要向billy兄學習
以後多d衝出香港

你430都黎跑青公啦

作者: billy_yau 時間: 2009-4-27 22:47

原帖由 大坑人gary 於 2009-4-27 21:57 發表

 登錄/註冊後可看大圖

最近都係去tko消遙跑..黎緊係4.30青公

你重叻...我都未去過消遙跑

作者: 肥哥哥KC 時間: 2009-4-27 22:49

原帖由 billy_yau 於 2009-4-27 22:47 發表

 登錄/註冊後可看大圖

你重叻...我都未去過消遙跑

你咪過黎跑下囉

作者: billy_yau 時間: 2009-4-27 22:52

原帖由 kcchu 於 2009-4-27 22:49 發表

 登錄/註冊後可看大圖

你咪過黎跑下囉" />" />

有興趣架...不過TKO真係好遠...除非搵到平停車場泊車...咁就有D機

作者: 肥哥哥KC 時間: 2009-4-27 22:53

原帖由 billy_yau 於 2009-4-27 22:52 發表

 登錄/註冊後可看大圖

有興趣架...不過TKO真係好遠...除非搵到平停車場泊車...咁就有D機

咁呢D真係要TKO 人答你啦..

作者: billy_yau 時間: 2009-4-27 22:56

原帖由 kcchu 於 2009-4-27 22:53 發表

 登錄/註冊後可看大圖

咁呢D真係要TKO 人答你啦..

無錯無錯

作者: jsmleung02 時間: 2009-4-28 16:14

原帖由 billy_yau 於 2009-4-27 22:46 發表

 登錄/註冊後可看大圖

我無咁晏架...通常都係跑完返屋企食飯...

我到運動場既時間大約係六點半至七點咁上下...大八點零就會走架啦

哦，6點半左右我先係香港收工，所以我通常都會在9點才跑。你6點半落去係咪好多時都會見到吹水會果斑跑友囉？其實佢地唔係咁快架, 比起長跑網斑快腳師兄仲有幾大段距離。

歡迎光臨香港長跑網 - 長跑長友 (https://www.longrun.hk/)