香港長跑網 - 長跑長友

標題: runrun – 隨心去「跑」 [打印本頁]

作者: runrun 時間: 2009-2-27 18:31
標題: runrun – 隨心去「跑」

前言

大家在讀書的年代，老師一定給過你「我的志願」為題去作文章，小妹亦不例外，因為是女校的關係，同學們的志願不是當老師，便是做護士，這是那個年代被認為最適合女孩子的理想職業；但小妹寫的「志願」竟是去當記者，更要是戰地記者，老師好奇問我為何有此「奇」願？我告訴她我喜歡周圍闖，越多人不想去的地方我越想去，越難做的事情越想去克服，加上喜歡寫作，這個職業不是最合適我嗎？

當然，試問有幾多個兒時的夢想當真能夠實現？我從沒有打算去為人師表，但不知不覺又過了快二十年的教書生涯。

人生事，孰難料！眼前路，隨心跑？

或許在今天，讓我一嚐我的志願吧！讓我寫寫文章，但不要去戰地，不要世界上有戰爭！

我不是一個追求技術型的跑者，更是跑得沒有技術可言，所以不要期望在我的文章內有專業的數據和分析，我對數字的邏輯是白痴的，為跑渣打全馬買了一隻可以計算圈速的手錶，但看了多次說明書也不懂怎樣去計，在此要多謝slowrunner師兄曾耐心教導，總算能把當時每公里的速度記錄下來，但現在又弄不清楚是怎樣去翻查記錄了。

我只會用我的感性去寫圍繞著「跑步」而帶出的感受及隨想，大家只當是一則生活小品去看吧！如果不合口味，請見諒！也可快快轉看其他版區。

(一) 沉得住氣、重點出擊  ( pg.3  # Post 55 )
( 二*上 ) 看不見、跑得到 ( pg.4  # Post 69 )
( 二 *下  )  看不見、跑得到 + 後記 ( pg.8  # Post 141 )

[ 本帖最後由 runrun 於 2013-1-7 19:28 編輯 ]

作者: 上水馬王 時間: 2009-2-27 18:45
原來runrun師姐係教書的

恭喜開張大吉~

作者: cc 時間: 2009-2-27 18:54
提示: 作者被禁止或刪除內容自動屏蔽

作者: 花子阿DEE 時間: 2009-2-27 18:57
恭喜runrun 師姐~~

期待著師姐的文章~~

作者: 瘋瘋 時間: 2009-2-27 19:14
提示: 作者被禁止或刪除內容自動屏蔽

作者: schnix 時間: 2009-2-27 19:21

恭喜runrun ctse 開blog大吉!

作者: stanwong 時間: 2009-2-27 19:25
恭喜runrun ctse開blog

期待拜讀ctse的小品分享！

作者: 亞平 時間: 2009-2-27 20:40

原帖由 stanwong 於 2009-2-27 19:25 發表

 登錄/註冊後可看大圖

恭喜runrun ctse開blog
期待拜讀ctse的小品分享！

長跑網不再只有冰冷冷的技術數據,感性的文章,心靈分享也越來越多了.

作者: Parco爸 時間: 2009-2-27 21:09
runrun C姐....
二十個年頭的教書生涯...真的佩服佩服...
恭喜開張大吉...

作者: nc 時間: 2009-2-27 21:50

原帖由 runrun 於 2009-2-27 18:31 發表

 登錄/註冊後可看大圖

大家在讀書的年代，老師一定給過你「我的志願」為題去作文章，小妹亦不例外，因為是女校的關係，同學們的志願不是當老師，便是做護士，這是那個年代被認為最適合女孩子的理想職業；但小妹寫的「志願」竟是去當記者 ...

今天本來plan好放工後跑城門河的, 誰知遲收工, 不太想跑, 於是慢步彌敦道 (想快都唔得), 隨意地入到一間書店, 平時少看書的我, 特意看看chingctse介紹的村上春樹那本書, 沒多大感覺, 放下書再去喜愛的旅遊書籍look look, 看見自己欣賞的一位出版社女編輯/總編 (劉鳳群)出書眼睛已發亮, 再細看書的前言, 打從心底笑了出來, 沒有刻意去找, 卻給找到了. 仲要今個月才出版的, 新鮮滾熱辣, 真係很開心!!!

今晚看到runrun寫的前言, 我知道我一定會用心去追這本小說

謝謝妳讓我們分享妳的種種經歷

作者: running-sue 時間: 2009-2-27 21:53
runrun ctse, 恭喜開blog大吉,

作者: 亞平 時間: 2009-2-27 22:17

原帖由 running-sue 於 2009-2-27 21:53 發表

 登錄/註冊後可看大圖

runrun ctse, 恭喜開blog大吉,

點解分開2個 post 上既?

作者: running-sue 時間: 2009-2-27 22:22

原帖由亞平於 2009-2-27 22:17 發表

 登錄/註冊後可看大圖

點解分開2個 post 上既?

剛剛想問, 點知俾你快一步添

作者: nc 時間: 2009-2-27 22:23

原帖由 running-sue 於 2009-2-27 22:22 發表

 登錄/註冊後可看大圖

剛剛想問, 點知俾你快一步添

x3, 答完才知原來有另一個post

作者: 亞平 時間: 2009-2-27 22:28

原帖由 running-sue 於 2009-2-27 22:22 發表

 登錄/註冊後可看大圖

剛剛想問, 點知俾你快一步添

終於都可以快你一步啦

作者: 亞平 時間: 2009-2-27 22:32

原帖由 nc 於 2009-2-27 22:23 發表

 登錄/註冊後可看大圖

x3, 答完才知原來有另一個post

NC 姐,買左本乜書咁高興?

作者: nc 時間: 2009-2-27 22:52

原帖由亞平於 2009-2-27 22:32 發表

 登錄/註冊後可看大圖

NC 姐,買左本乜書咁高興?

"旅遊之味"

作者以"中國旅遊出版社"編輯身份在十年裡遊走了國內偏遠地方 (當然是間斷的去), 以西北 (西藏, 青海, 雲南, 湖南等)為主, 描寫她的驚險經歷, 特別著重人情, 手法輕鬆, 只看了幾頁...

作者: cc 時間: 2009-2-27 23:03
提示: 作者被禁止或刪除內容自動屏蔽

作者: 亞平 時間: 2009-2-27 23:05

原帖由 nc 於 2009-2-27 22:52 發表

 登錄/註冊後可看大圖

"旅遊之味" 作者以"中國旅遊出版社"編輯身份在十年裡遊走了國內偏遠地方 (當然是間斷的去), 以西北 (西藏, 青海, 雲南, 湖南等)為主, 描寫她的驚險經歷, 特別著重人情, 手法輕鬆, 只看了幾頁...

NC姐,咁鍾意睇旅遊書,一定去過唔少地方,上面講咁多地方,小弟一個都沒去過..

作者: 711MF 時間: 2009-2-27 23:07
提示: 作者被禁止或刪除內容自動屏蔽

作者: nc 時間: 2009-2-27 23:09

原帖由 cc 於 2009-2-27 23:03 發表

 登錄/註冊後可看大圖

nc姐....我都好鍾意dianna寫ge文章...

oh... 同道中人

第一次"認識"她是多年前港台星期五早上8點講述她在內地一些很特別的旅遊經歷, 之後自己有很多年是中國旅遊的讀者, 不過自去年便沒有再訂閱了, 因為沒有時間看..., 有一次在中央圖書館聽她的旅遊講座, 終於見到她了

作者: cc 時間: 2009-2-27 23:12
提示: 作者被禁止或刪除內容自動屏蔽

作者: slowrunner 時間: 2009-2-27 23:14
runrun 師姐，「人生事，孰難料！眼前路，隨心跑」！拜讀你的文章，使我有茅塞頓開之感，現在感覺比昨晚衝圈時更輕靈更快捷，是的，隨心跑！

作者: slowrunner 時間: 2009-2-27 23:14
nc 師姐，何時再跑城門河？

作者: pwong5618 時間: 2009-2-27 23:16
Runrun cmui,

跑步人生, 人生有時風和日麗有時如上戰場，跑步都一樣咋！

所以妳既志頤終於達成喇！開唔開心呢！

作者: nc 時間: 2009-2-27 23:18

原帖由 cc 於 2009-2-27 23:12 發表

 登錄/註冊後可看大圖

個年係幾時?我在2006年去聽佢ge講座

05/06年咁上下!!!

咁斜, 唔通妳就係坐係我附近的媽邊女....

作者: nc 時間: 2009-2-27 23:21

原帖由 slowrunner 於 2009-2-27 23:14 發表

 登錄/註冊後可看大圖

nc 師姐，何時再跑城門河？

隨時, "一切隨心去跑"

最緊要跑時用心去跑

作者: cc 時間: 2009-2-27 23:23
提示: 作者被禁止或刪除內容自動屏蔽

作者: cc 時間: 2009-2-27 23:25
提示: 作者被禁止或刪除內容自動屏蔽

作者: slowrunner 時間: 2009-2-27 23:32

原帖由 cc 於 2009-2-27 23:23 發表

 登錄/註冊後可看大圖

ching好久不見喇~你又幾時去食梅子吖?

hi cc, 學nc話, 隨時! 或者辰時，卯時，即時。

作者: cc 時間: 2009-2-28 00:27
提示: 作者被禁止或刪除內容自動屏蔽

作者: 力 時間: 2009-2-28 00:37
runrun ctse,
開blog大吉!

作者: runrun 時間: 2009-2-28 00:59

原帖由亞平於 2009-2-27 22:17 發表

 登錄/註冊後可看大圖

點解分開2個 post 上既?

唉！亞平兄，你知小妹電腦知識有限，
上次連真身也要靠平兄幫手才可post上網，
馬王兄已PM教我點搞架喇！
讓我下次再試試吧！

作者: 曲奇 時間: 2009-2-28 01:06
恭喜哂runrun ctse 開blog大吉..
駛唔駛我幫你2個post合二為一呀？..

作者: runrun 時間: 2009-2-28 01:12

原帖由 slowrunner 於 2009-2-27 23:14 發表

 登錄/註冊後可看大圖

runrun 師姐，「人生事，孰難料！眼前路，隨心跑」！拜讀你的文章，使我有茅塞頓開之感，現在感覺比昨晚衝圈時更輕靈更快捷，是的，隨心跑！

slowrunner兄，我寫的是，「人生事，孰難料！眼前路，隨心跑？」
我和你的心境不同啊！

作者: runrun 時間: 2009-2-28 01:58

原帖由 pwong5618 於 2009-2-27 23:16 發表

 登錄/註冊後可看大圖

Runrun cmui,

跑步人生, 人生有時風和日麗有時如上戰場，跑步都一樣咋！

所以妳既志頤終於達成喇！開唔開心呢！

真的很開心！
現時治療期間無法跑步練習，正好寄情寫作，
如果無人柴台的話，小妹願長寫長有！
心中已有新topic 想寫，希望能善用時間快點完成。

作者: 取水王長毛 時間: 2009-2-28 02:24
恭喜runrun開blog大吉
我好其代看到妳的文章

作者: slowrunner 時間: 2009-2-28 08:33
哈哈，原來我才是隨心跑，最愛是hea跑，教練都話我長課渣流灘！

cc, 我而家就去hea長課!

作者: runrun 時間: 2009-2-28 09:22

原帖由 slowrunner 於 2009-2-28 08:33 發表

 登錄/註冊後可看大圖

哈哈，原來我才是隨心跑，最愛是hea跑，教練都話我長課渣流灘！

cc, 我而家就去hea長課!

你就好啦！可以隨心hea跑；
未傷前，我都會愛在星期六，尤其早上去梅子林、城門河、科學園一帶
去hea 一個慢慢長課，一路hea一路聽歌，鍾意時甚至唱埋歌，
甚麽也不去想，悠然自得，人生一大樂事乜！
我現在是想hea也hea不到了！
你要珍惜每一個hea的機會啊！
原來有時就算很簡單的一個機會，
擁有的時候不覺得特別，
但失去了卻知道可貴！

啋！做乜講到自己好似以後都跑唔到！
不再講了，我一定很快就可以再hea過。
I have a dream ......
到時天氣熱，仲可以一邊食住雪條、一路hea住跑！

P.S. 時常聽人說"渣流灘"，不大清楚它的意思，
究竟是指甚麽呀？師兄請指點一下！

[ 本帖最後由 runrun 於 2009-2-28 11:09 編輯 ]

作者: runrun 時間: 2009-2-28 16:51

原帖由 上水馬王 於 2009-2-27 18:45 發表

 登錄/註冊後可看大圖

原來runrun師姐係教書的hgj091" />" />hj

恭喜開張大吉~

嘻嘻！我是教書，唔似呀？不過不是教傳統的文法科目；
我是教時裝設計，即係教人畫公仔同扮靚，
不過要做埋好多其他嘅野！

作者: ee_tpk 時間: 2009-2-28 18:25

原帖由 runrun 於 2009-2-28 09:22 發表

 登錄/註冊後可看大圖

你就好啦！可以隨心hea跑；
未傷前，我都會愛在星期六，尤其早上去梅子林、城門河、科學園一帶
去hea 一個慢慢長課，一路hea一路聽歌，鍾意時甚至唱埋歌，
甚麽也不去想，悠然自得，人生一大樂事乜！ ...

渣流灘既意思就係無盡力去完成一件事....

作者: 瘋瘋 時間: 2009-2-28 19:17
提示: 作者被禁止或刪除內容自動屏蔽

作者: 叮叮噹 時間: 2009-2-28 19:27

原帖由 runrun 於 2009-2-28 16:51 發表

 登錄/註冊後可看大圖

嘻嘻！我是教書，唔似呀？不過不是教傳統的文法科目；
我是教時裝設計，即係教人畫公仔同扮靚，
不過要做埋好多其他嘅野！

咁下次訂造網衫時, 師姐可以幫手設計剪裁同fitting,
長跑網已經有兩位設計師專責平面設計圖案,
三劍合璧, 相信新一批網衫又會更進一步.

作者: 亞平 時間: 2009-2-28 21:11

原帖由 瘋狂坦克車 於 2009-2-28 19:17 發表

 登錄/註冊後可看大圖

咁小弟真係做過唔少渣流灘的事...

渣流灘...哈~哈..小弟至愛!

作者: sleung2002hk 時間: 2009-2-28 21:43

原帖由亞平於 2009-2-28 21:11 發表

 登錄/註冊後可看大圖

渣流灘...哈~哈..小弟至愛!

呵呵~~過你3圈~~你記住喇

作者: 亞平 時間: 2009-2-28 21:48

原帖由 sleung2002hk 於 2009-2-28 21:43 發表

 登錄/註冊後可看大圖

呵呵~~過你3圈~~你記住喇

梁妹鵬兄,你好野,我會記住你,冇乜事少D行良景商場啊....嘿~嘿~嘿

作者: 上水馬王 時間: 2009-2-28 22:20

原帖由 runrun 於 2009-2-28 16:51 發表

 登錄/註冊後可看大圖

嘻嘻！我是教書，唔似呀？不過不是教傳統的文法科目；
我是教時裝設計，即係教人畫公仔同扮靚，
不過要做埋好多其他嘅野！
hgj088" />" />hj

runrun師姐都好有老師feel，不過之前覺得你有老闆娘feel多d~

作者: 上水馬王 時間: 2009-2-28 22:20

原帖由 叮叮噹 於 2009-2-28 19:27 發表

 登錄/註冊後可看大圖

咁下次訂造網衫時, 師姐可以幫手設計剪裁同fitting,
長跑網已經有兩位設計師專責平面設計圖案,
三劍合璧, 相信新一批網衫又會更進一步.

支持！

作者: runrun 時間: 2009-3-1 00:33

原帖由 ee_tpk 於 2009-2-28 18:25 發表

 登錄/註冊後可看大圖

渣流灘既意思就係無盡力去完成一件事....

哦！i see
唔該哂ee

作者: ee_tpk 時間: 2009-3-1 00:34

原帖由 瘋狂坦克車 於 2009-2-28 19:17 發表

 登錄/註冊後可看大圖

咁小弟真係做過唔少渣流灘的事...

我係經常性渣流灘

作者: runrun 時間: 2009-3-1 00:40

原帖由 上水馬王 於 2009-2-28 22:20 發表

 登錄/註冊後可看大圖

runrun師姐都好有老師feel，不過之前覺得你有老闆娘feel多d~

嘿？唔係嘛？唔好嚇我ma !以上兩種feel 都從來冇人話我有喎！
很多時我都係牛記笠記返工。

作者: ee_tpk 時間: 2009-3-1 00:50

原帖由 runrun 於 2009-3-1 00:40 發表

 登錄/註冊後可看大圖

嘿？唔係嘛？唔好嚇我ma !以上兩種feel 都從來冇人話我有喎！
很多時我都係牛記笠記返工。

feel 呢家野... 唔係由服裝都睇得出來...

作者: 瘋瘋 時間: 2009-3-1 01:09
提示: 作者被禁止或刪除內容自動屏蔽

作者: 欣 時間: 2009-3-1 13:51
....................

貓仔欣, 幫唔倒妳delete post.

[ 本帖最後由叮叮噹於 2009-3-2 01:06 編輯 ]

作者: runrun 時間: 2009-3-1 15:49
runrun – 隨心去「跑」之(一) 沉得住氣、重點出擊

      昨天早上重新去看物理治療，物理治療師老朱是已相識超過二十年的朋友，當初大家都是緣於攀石這項運動而認識的，他曾深造運動損傷專科。順理成章，我受傷後，便開始找他替我治療，他是不贊成我今次去跑渣打馬拉松，因認為時間太逼切，我是無法徹底康復去應付的。

         我一見到他，便像小孩子作了頑皮事的低聲向他說：
「老朱，我都是終於跑完了那42.195公里。」
「唉！……」老朱對着我只有搖頭歎息。

         當然，馬上又開始了那些針刺治療。
         我兩條腿滿佈新舊針孔，還有更多在腰背的他看不見，我坦白告訴他在新年期間因他的診所休假，我又心急要去跑渣打，所以曾找中醫做過幾次針灸，每次都針二、三十針，每針都又痛又痺，我嘆了句：「都不知道自己為甚麽要這樣！」

         「情願你是骨折，骨折了，你一定跑不到，康復後跑得到便可再跑！」老朱頗勞氣地繼續說：「你們很多跑手反而輕視這種輭組織受傷，它的康復期比骨折的還要長，很多時以為不痛了，便馬上去跑，跑不了多久又再痛，痛了再去醫治，一不痛又再去跑，結果沒完沒了，因為始終沒有耐性等到徹底康復。」
         我心想：「你應該高興才對啊！生意興隆。」但我知這位老朋友是仁心仁術的。

         「那我要等多久才可以再去跑？」我實在心急。
         「六個月吧！」

         我彷如晴天霹靂，這些日子裏只有看着別人跑，其實內心很難受，比腳痛還更痛苦。
         「我都知道這麽多年來，攀山攀石再加上近年的跑步，長久積累下，的確把雙腳勞損得很嚴重。唉！今次真是無法避免的了。」我有點呀Q精神。

         老朱馬上說：「我攀過的山多還是你攀得多？我的腳從來沒有受過傷。」
         老朱偏愛攀山，我則較迷戀攀石。所以我攀過的山當然不夠他的多。但我還是駁咀道：「但我癲過你很多啊！」直至現在，一生人認真地參與過三種不同的運動，每一次都非常投入；以前是，現在亦然。所以嚴重的勞損是日積月累下來的。

         我繼續乖乖地聆聽老朱的說教：「我一直沒有受傷，是因為我本着兩個宗旨去運動：一個是“沉得住氣”，我從來不會見人從冉蛇尖衝落山又跟着去衝！﹙衰人，擺明諷刺我跑樂善盃啦！﹚另一個是“重點出擊”，我會揀自己有足夠能力應付得來的山峯才去攀爬，所以我不會去攀K2﹙註：K2是世界上第二高峯，雖然高度僅次於最高的珠穆朗瑪峯，但山不在高，其攀爬的難度及危險程度比珠峯更甚，葬身K2的攀山者比珠峯可能還要多﹚；而且我貴精不貴多，我便會有充足的時間去操練及準備，以最佳狀態出擊，不會帶傷上陣。」
         我說不出話來了，老朱所說的兩個宗旨正是我的致命傷！

         「我不熟悉香港的跑步圈子，但我知道有個七十幾歲的葉伯﹙葉伯應該已經是八十幾歲了！﹚到現在還繼續跑步，我都希望你到七十歲仍然可以跑，現在忍一忍吧！」曾有算命的批我有七十歲命；好朋友，認真唔話得！居然祝願我可以跑到死為止！

         老朱，我沒有忘記在我人生低潮的時侯，你給我看『生命力』一書，鼓勵我去振作，十幾年來我都對你欠說一聲多謝，其實我心裏一直非常感激。

         老朱，祝您長攀長有！
         而我，爭取長跑長有！

[ 本帖最後由 runrun 於 2009-3-1 00:44 編輯 ]

[ 本帖最後由 runrun 於 2009-3-17 00:34 編輯 ]

作者: runrun 時間: 2009-3-1 15:51

引用:

原帖由 runrun 於 2009-2-27 18:41 發表

 登錄/註冊後可看大圖

昨天早上重新去看物理治療，物理治療師老朱是已相識超過二十年的朋友，當初大家都是緣於攀石這項運動而認識的，他曾深造運動損傷專科。順理成章，我受傷後，便開始找他替我治療，他是不贊成我今次去跑渣打 ...

ctse~真的是很寶貴的分享....請務必要聽醫師話....沉得住氣、重點出擊....長跑長有丫~hgj091

[ 本帖最後由 runrun 於 2010-8-18 18:18 編輯 ]

作者: 叮叮噹 時間: 2009-3-1 17:55
Runrun姐,

睇吓#43, 好唔好呀?

作者: runrun 時間: 2009-3-1 18:32

原帖由 叮叮噹 於 2009-3-1 17:55 發表

 登錄/註冊後可看大圖

Runrun姐,
睇吓#43, 好唔好呀?

no problem

[ 本帖最後由叮叮噹於 2009-3-1 19:59 編輯 ]

作者: 叮叮噹 時間: 2009-3-1 20:00

多謝Runrun姐先.
希望女跑友越來越多, 期待下次有啱女子fitting的背心誕生啦!

作者: runrun 時間: 2009-3-2 13:54

原帖由 slowrunner 於 2009-2-28 08:33 發表

 登錄/註冊後可看大圖

哈哈，原來我才是隨心跑，最愛是hea跑，教練都話我長課渣流灘！

cc, 我而家就去hea長課!

slowerunner兄, 現在明白了〝渣流灘〞点解啦。

真係要時時update吓自己，唔係真係會容易out架啦！

你只是長課渣流灘姐，比賽沒有喎！
如果你比賽渣流灘，都唔會SCM在20K抽筋捱到返去都仲係用咗3:3X啦！

有時在適當時候渣流灘都幾需要架，如果次次都去到咁盡，
真係唔襟玩！
渣流灘，其實我都經常有喇！

作者: slowrunner 時間: 2009-3-2 14:24

原帖由 runrun 於 2009-3-2 13:54 發表

 登錄/註冊後可看大圖

slowerunner兄, 現在明白了〝渣流灘〞点解啦。

真係要時時update吓自己，唔係真係會容易out架啦！

你只是長課渣流灘姐，比賽沒有喎！
如果你比賽渣流灘，都唔會SCM在20K抽筋捱到返去都仲 ...

係我唔好, runrun老師都係唔好說這俗語喇, 說返「得過且過」、「馬虎」或「敷衍了事」好些.

作者: runrun 時間: 2009-3-2 16:28

原帖由 slowrunner 於 2009-3-2 14:24 發表

 登錄/註冊後可看大圖

係我唔好, runrun老師都係唔好說這俗語喇, 說返「得過且過」、「馬虎」或「敷衍了事」好些.

咁又唔係呀！幾〝棧鬼〞幾貼切喎！我鍾意呀！
我都要跟你地啲後生仔學習多啲，應用多啲，唔係真係溝通唔到架！
其實我由開始無喇喇走去教書到依家，
都無乜感覺自己是一個老師，橫睇掂睇都唔似！
好似你仲似老師多過我呀！
嘩！break 完又要上堂喇！

作者: piyrag 時間: 2009-3-2 16:39
提示: 作者被禁止或刪除內容自動屏蔽

作者: runrun 時間: 2009-3-2 17:53

原帖由 piyrag 於 2009-3-2 16:39 發表

 登錄/註冊後可看大圖

runrun師姐，祝你快快康復，長跑長有。
係跑道上昂首闊步。

多謝您piyrag師兄/師姐。
大家都長跑長有啦！

作者: 洛虎添 時間: 2009-3-2 19:25

原帖由 runrun 於 2009/3/2 05:53 PM 發表

 登錄/註冊後可看大圖

多謝您piyrag師兄/師姐。
大家都長跑長有啦！
hgj088" />" />hj

作者: piyrag 時間: 2009-3-2 20:57
提示: 作者被禁止或刪除內容自動屏蔽

作者: runrun 時間: 2009-3-2 23:01

原帖由 piyrag 於 2009-3-2 20:57 發表

 登錄/註冊後可看大圖

其實我係師兄....我叫gary..多多指教。

Gary 師兄，
多多指教！

作者: runrun 時間: 2009-3-6 17:33
前兩晚再去見我的治療師朋友老朱，之前我已經send了
随心去跑之第(一)篇-- 沉得住氣、重點出擊條link給他看；
他一見我便說我記性咁好，可以把他所說的話一字不漏的
寫出來，當然啦，天生我才必有用！我雖然數學纙輯差，
但我記憶力挺好，每個人都必定有他的長處短處。

我告訴他我還會一篇一篇的寫下去，他有幸成為第一篇文章
的主角。他再問幾時有第二篇，我告訴他很快了，我會努力
的！

[ 本帖最後由 runrun 於 2009-3-7 00:10 編輯 ]

作者: runrun 時間: 2009-3-6 17:38
隨心去「跑」之( 二 *上 )看不見、跑得到

         平生從不想去做傷害人的事，但自己曾因一時無知幼稚，傷害了他人也懵然不知；當知道後，那份內咎與自責，使我非常難受，無論時間怎樣過去，仍然是耿耿於懷。

         有一位跑友，每次在賽場上或在城門河沿岸練跑時踫到他，我必會大喊：「亞偉，加油！」我一定要喊出來，否則他不知道遇到我，因為他是看不見我的！

         第一次見到亞偉，是在上世紀很多年前的一次學校陸運會，那時還是叫香港理工學院，還未升格為大學。那年是我快將畢業的最後一年，之前從未參與過陸運會，見既然是畢業前最後一次，除參與做工作人員外，還報名參加了800米及女子4 X 400米接力賽，記憶中兩個比賽都得了銀牌，但最令我深刻的不是那兩面獎牌，而是見到亞偉及知道自己曾經做了一件大錯事。

         我負責替陸運會的最後一個項目---男子5000米中的參賽者數圈數，當時大部分跑手已在場邊熱身，突然有一位高大英俊的西裝哥哥，手拿著公事包，趕過去跑手預備區，他二話不說，就在預備區裏表演他的解領呔、脫西裝行動，當時他的舉動令全場觸目，尤其是女生，原來在他的西裝之下是已穿了背心跑褲，他也是來跑的，不過，看不到他身上有號碼布；見他打開公事包，但拿出來的不是號碼布，而是一條毛巾，他把毛巾的一端交給身旁的一個男生，自己握着另一端，兩個人一同走上了跑道。

         開跑了，西裝哥哥一馬當先，跑得瀟灑有型，( 西裝哥哥現在是一位跑步教練，渣打馬拉松便有不少跑手是他的學生 )，被他用毛巾牽着跑的男生原來是失明的，全由西裝哥哥帶領着方向去跑，他也跑得很穩健，如果看不到他們之間的毛巾，根本就不會知道他原來是看不到路的。他們仍然受到注目，有些女生甚至跑到場邊替他們打氣，大讚西裝哥哥的風采吸引。我的眼光亦一直追隨着他們，但我留意的不是西裝哥哥，而是被他牽着跑的失明男生；一段記憶湧上了腦海，心裏對自己說：「不會是他吧！」但事實亦給我肯定應該就是他，因我知道當時只有一名失明學生在校就讀。

         我在香港理工學院就讀的五年裏，無論功課有多繁重，我始終不離不棄一個運動學會，每星期最少參與兩次練習，這個就是理大的武術學會 ( Martial Arts Club )，現時仍然存在，主要是學習空手道為主。我記得有一年學期開始了幾天的一個晚間練習，師父把我和另外兩位師兄的練習叫停了說有事商討，當時負責招收新會員的師弟對大家說道：「今天有一位新同學想加入我們的學會，但我不敢決定是否可以接受他入會學習，因為他是失明的，所以今晚匯報給師父，由師父決定，明天我才回覆他。」師父問我們的意見；我因被師父中斷了練習，一心想快些可以繼續苦練以應付即將來臨的升級考試，所以想也不多想就說道：「盲眼的怎麽去練啊？打他，他都看不到去避喇！我不懂得怎樣去教他。」我這麽說了，另外兩位師兄都不再給意見，師父一直都很疼錫我，見我不大贊同，便對師弟說：「你明天打電話回覆那位同學，這項運動可能不太適合他。」

         這件事我一直都沒有放在心上，直至當我看見這個男生，我己肯定他就是當天因我的無知而被拒絕入會的男同學，我剝奪了他的一個學習機會啊！

         弊！突然發覺我原來沒有做我應做的工作去替跑手 No.xxxx 數圈，馬上用眼在跑道上尋回這位跑手，心中盤算怎辦好呢？應該算他是跑了6個圈還是7個圈呢？當我尋找到他，心中不禁鬆了一口氣，只見他已口吐白泡，應該跑不完5000米的了，忘記幫他數圈也沒有甚麽問題；果然，他再跑多半個圈便停了下來，死吓死吓地行出賽道，就坐倒地上喘氣；我認得他，他與另外兩個男生經常坐在校園平台，口花花撩經過的女生；只經常練口不練腳的人，一下子要去跑，結果便是這樣的了！

         再看回失明的男生，他雖然跑得不算最快，但見他步伐穩健，跑得很是輕鬆；越是見他跑得那麽好，我心裏越是難受；知道原來只要給他有適當的協助，他一樣可以做到視力正常人所能做的，甚至做得更好，為甚麽當初我那麽無知幼稚，抹煞了他的機會，我心中內咎得不得了！

         比賽完畢，失明男生雖沒有得獎，但很多人都為他鼓掌；剎那間，我有衝動想走過去向他道歉，告訴他我所曾做過對他有損的事情。但始終我沒有這樣唐突地去做，只目送他和西裝哥哥離開運動場的背影。

         他走了後，我又很懊悔，為甚麽我沒有勇氣去坦白我的過錯呢？跟着的幾個月至到畢業，我都沒有在校園踫到他；不過，我亦懷疑自己即使再見到他，仍然沒法去面對他承認自己的過錯！

( 究竟我始終有沒有向失明男生認錯道歉呢？下回待續！ )

[ 本帖最後由 runrun 於 2009-3-7 01:10 編輯 ]

作者: piyrag 時間: 2009-3-6 17:42
提示: 作者被禁止或刪除內容自動屏蔽

作者: Alfred 時間: 2009-3-6 18:17

原帖由 runrun 於 6/3/2009 17:38 發表

 登錄/註冊後可看大圖

隨心去「跑」之( 二 *上 )看不見、跑得到

平生從不想去做傷害人的事，但自己曾因一時無知幼稚，傷害了他人也懵然不知；當知道後，那份內咎與自責，使我非常難受，無論時間怎樣過去，仍然 ...

runrun師姐，其實不需要睇你下一回，已經知道你已經道歉了，並不在乎當天或今天；師姐你值得小弟向你致敬。

作者: nc 時間: 2009-3-6 20:15
每次閱讀完runrun的文章都會令自己去反思, 思索一番, 期待下一回

作者: 亞平 時間: 2009-3-6 21:17
香港電台都曾經訪問過一對長跑拍檔,一個西人,一個華人.這個組合更加難得,平時我們想搵個同步速的人一齊跑都好難,而佢地就可以一齊鍊跑,一齊比賽.非常有默契.有時想想下,其實我們看得見,又跑得到,已經好幸福了.

作者: sleung2002hk 時間: 2009-3-6 22:08
runrun ctse寫得好丫~~~好文采~~小弟盲字都唔識多隻~~都係去跑步算

追看下期~

作者: 亞平 時間: 2009-3-6 22:26

原帖由 sleung2002hk 於 2009-3-6 22:08 發表

 登錄/註冊後可看大圖

runrun ctse寫得好丫~~~好文采~~小弟盲字都唔識多隻~~都係去跑步算
追看下期~

你條友仔,盲字都唔識多隻,咁你又寫左咁多隻字出來?

作者: jogging_cat 時間: 2009-3-6 22:35

原帖由 runrun 於 6-3-2009 17:38 發表

 登錄/註冊後可看大圖

隨心去「跑」之( 二 *上 )看不見、跑得到

平生從不想去做傷害人的事，但自己曾因一時無知幼稚，傷害了他人也懵然不知；當知道後，那份內咎與自責，使我非常難受，無論時間怎樣過去，仍然 ...

runrun ctse 好感人的分亨，人很多時都只從自己的出發點想，希望大家都能一起學習多從別人的好處著想，令世界變得更美麗更可愛。祝你早日康復！

作者: sleung2002hk 時間: 2009-3-6 23:29

原帖由亞平於 2009-3-6 22:26 發表

 登錄/註冊後可看大圖

你條友仔,盲字都唔識多隻,咁你又寫左咁多隻字出來?

我左copy右copy咪得囉~~~蠢

作者: 叮叮噹 時間: 2009-3-6 23:32

期待睇續集啊!
幫妳delete左個重覆了的主題.

作者: 亞平 時間: 2009-3-6 23:36

原帖由 sleung2002hk 於 2009-3-6 23:29 發表

 登錄/註冊後可看大圖

我左copy右copy咪得囉~~~蠢

咁你都有D小聰明...老實講..有好多字我都唔識打架..又係學你咁,週圍COPY,同埋我用速成,有聯想字可以選...都唔蠢得晒架..

作者: 亞平 時間: 2009-3-6 23:37

原帖由 叮叮噹 於 2009-3-6 23:32 發表

 登錄/註冊後可看大圖

期待睇續集啊!
幫妳delete左個重覆了的主題.

長跑網而家越來越多野睇啦...嘻嘻

作者: runrun 時間: 2009-3-7 00:08

原帖由 叮叮噹 於 2009-3-6 23:32 發表

 登錄/註冊後可看大圖

期待睇續集啊!
幫妳delete左個重覆了的主題.

叮叮噹，唔該哂！

作者: runrun 時間: 2009-3-7 00:14

原帖由亞平於 2009-3-6 23:36 發表

 登錄/註冊後可看大圖

咁你都有D小聰明...老實講..有好多字我都唔識打架..又係學你咁,週圍COPY,同埋我用速成,有聯想字可以選...都唔蠢得晒架..

最蠢是我！我唔識用倉頡、又唔識打速成，只懂得用手寫版。

作者: 亞平 時間: 2009-3-7 00:20

原帖由 runrun 於 2009-3-7 00:14 發表

 登錄/註冊後可看大圖

最蠢是我！我唔識用倉頡、又唔識打速成，只懂得用手寫版。

RUNRUN師姐,針冇二頭利,呢7-8年來,習慣左用電腦打字,用速成,只記每個字既前後碼,有時有人問我個字點寫,都寫不出,要係電腦前打比佢睇,有時直頭講速成碼比佢知..死未!

作者: runrun 時間: 2009-3-9 00:41
今天早上去了數碼港參加綠色健康跑，這是我最後一個已報了名的比賽；
完成後，在未完全徹底康復前，一定不容許自己再參加比賽；今天未開
跑前，本來同自己說，今次只是慢慢地去行完去吧！但開跑後，始終都
沒有行，只是慢jog，好在一路都比較多上斜，自己又久缺練習，想快
也快不來；但回程差不多全是落斜，雖收慢了脚步，但都感覺到落在
兩個膝蓋的壓力；跑完後，膝蓋間唔中有些痛，膝後近外側位置有些緊，
現在嘗試熱敷，希望明天會好些。

因早前曾對一些朋友說起我從未去過唱卡拉OK，他們都有点驚奇我咁好動，
無理由都未去過，但事實如此，以前一直都是日間返工，晚上不是自已
教夜校，便是去讀夜校，放假時，不是做功課，便是行山攀石，其他活動
一慨沒有。他們都很有心，見我好奇有興趣，今天便特地跑完後，一行
十數人帶我去了銅鑼灣CEO唱K，今次真的是我第一次走入卡拉OK，很好玩，
又唱又跳了幾小時，現在有点兒聲沙，仲辛苦過跑10K；不過，又真係好開心。
呀邊個邊個，如果你地咁啱路過睇到呢道，真係要說聲多謝你地帶我呢個大鄉里出城去見識啦！今晚可能瞓覺都會繼續唱歌呢！

[ 本帖最後由 runrun 於 2009-3-14 01:26 編輯 ]

作者: schnix 時間: 2009-3-9 00:56

原帖由 runrun 於 2009-3-9 00:41 發表

 登錄/註冊後可看大圖

今天早上去了數碼港參加綠色健康跑，這是我最後一個已報了名的比賽；
完成後，在未完全徹底康復前，一定不容許自己再參加比賽；今天未開
跑前，本來同自己說，今次只是慢慢地去行完去吧！但開跑後，始終都
沒有 ...

runrun ctse 今個weekend既節目咁豐富既

作者: nc 時間: 2009-3-9 01:03

原帖由 runrun 於 2009-3-9 00:41 發表

 登錄/註冊後可看大圖

今天早上去了數碼港參加綠色健康跑，這是我最後一個已報了名的比賽；
完成後，在未完全徹底康復前，一定不容許自己再參加比賽；今天未開
跑前，本來同自己說，今次只是慢慢地去行完去吧！但開跑後，始終都
沒有 ...

runrun ctse, 記住不要報比賽了, 給對腳休息吓. 就用這段時間去唱唱歌, 玩其他未試過的活動, 享受其他樂趣

作者: 曲奇 時間: 2009-3-9 07:44
runrun ctse 星期五參與了邪神兄的訓練後..
星期六 & 日都玩了2個比賽，之後仲去了sing K...
這個weekend的活動真是多姿多彩呀...

作者: 叮叮噹 時間: 2009-3-9 14:07

原帖由 nc 於 2009-3-9 01:03 發表

 登錄/註冊後可看大圖

runrun ctse, 記住不要報比賽了, 給對腳休息吓. 就用這段時間去唱唱歌, 玩其他未試過的活動, 享受其他樂趣

x2, 聽吓醫師話休息半年啦! 長跑長有.
多謝妳分享受傷的體會, 總結幾個受傷跑友的經驗,
小妹會引以為鑑, 好好保護對腳仔.

作者: DDduck 時間: 2009-3-9 14:10
Hi run run, 我就係呀邊個邊個喇! 真係咁啱lunch時間路過咋! 既然你要多謝我地, 咁我就代表大家答謝番你, 全靠你…我地至有藉口出來玩, 不過啲老骨頭依依散散地! 真係唱K攰過跑5.5K! 我多數留意本土賽事區, 經你介紹就入來看看女子討論區, 原來你有文章…! 好!...我是你的讀者了!

作者: runrun 時間: 2009-3-9 22:36

原帖由 nc 於 2009-3-9 01:03 發表

 登錄/註冊後可看大圖

runrun ctse, 記住不要報比賽了, 給對腳休息吓. 就用這段時間去唱唱歌, 玩其他未試過的活動, 享受其他樂趣 " />" />

我一直都唔識打麻雀，唔通趁呢半年去學？

作者: ee_tpk 時間: 2009-3-9 22:43

原帖由 runrun 於 2009-3-9 22:36 發表

 登錄/註冊後可看大圖

我一直都唔識打麻雀，唔通趁呢半年去學？

我入0左大學才識得打麻雀...
我唔打錢丫~

麻雀係住宿舍既社交活動之一

作者: cc 時間: 2009-3-9 22:44
提示: 作者被禁止或刪除內容自動屏蔽

作者: runrun 時間: 2009-3-9 22:45

原帖由 DDduck 於 2009-3-9 14:10 發表

 登錄/註冊後可看大圖

Hi run run, 我就係呀邊個邊個喇! 真係咁啱lunch時間路過咋! 既然你要多謝我地, 咁我就代表大家答謝番你, 全靠你…我地至有藉口出來玩, 不過啲老骨頭依依散散地! 真係唱K攰過跑5.5K! 我多數留意本 ...

Hi ! DDduck，你估唔到我顛顛得得，咁又去學人話寫文章喎！
唔怪得知D出版商成日話好書難求喇！
要柴台就靜靜雞得我地兩個嗰陣時先好呀！

[ 本帖最後由 runrun 於 2009-3-10 02:35 編輯 ]

作者: runrun 時間: 2009-3-9 23:12
今日雙腳似乎差了點，兩邊膝頭連行都有点痛，
昨晚己經再努力鬆筋，大腿後面的肌肉仍然有些緊，
本來今晚打算去做gym都取消了，留下在office
繼續工作，老細要我們每個人都對自己做SWOT analysis，
今日就是deadline。
唔通我寫我的 S(strength)是很熱愛跑步；
                  W(weakness)是跑得唔夠好，要花多点時間去練習；
                  O(opportunity)是很多跑步比賽等我去參加；
                  T(threat)是現在受傷了唔跑得，連由3樓office
                                    到10樓班房之來回都一定要花時間搭電梯，
                                    唔可以好似以前咁飛奔於樓梯間上落；
唔知咁寫會點樣處置我呢？
我又唔想做全職跑手住喎！

[ 本帖最後由 runrun 於 2009-3-12 12:20 編輯 ]

作者: slowrunner 時間: 2009-3-10 18:06

原帖由 runrun 於 2009-3-9 18:57 發表

 登錄/註冊後可看大圖

「假是真時真亦假，無為有處有還無！」

喂！呀拿拿兄，你話過我如果開帖以詩詞談跑步的話，
你會呼應左右的喎，
幾時可以欣賞師兄你的詩興雅意呢？
期待中！！

承runrun吩咐亂寫狗屁跑步詩(一)之觀察跑友有感

日奔夜跑似練仙  還有踩車兼做尖
難得幾回揸流攤  冀成快馬要加鞭
傷患困擾苦無奈  幸有跑友常勵勉
沉得住氣方為上  重點出擊待來年

作者: sapigeon 時間: 2009-3-11 23:11
標題: 回復 94# 的帖子
Hi Run Run,

忍耐四至六個月吧 ! 等傷全好才再慢慢復操吧 !!

2005 年受傷后我都要休了足足七八個月才能復跑, 但今年已可在半馬及全馬 PB !!

忍住及做其他足部非striking運動, 例如游泳等等 !!

Sapigeon

作者: runrun 時間: 2009-3-11 23:45

原帖由 sapigeon 於 2009-3-11 23:11 發表

 登錄/註冊後可看大圖

Hi Run Run,

忍耐四至六個月吧 ! 等傷全好才再慢慢復操吧 !!

2005 年受傷后我都要休了足足七八個月才能復跑, 但今年已可在半馬及全馬 PB !!

忍住及做其他足部非striking運動, 例如游泳等等 !!

Sapigeon

多謝Sapigeon師兄，定當緊記你的忠告及教勉！

作者: schnix 時間: 2009-3-11 23:54
runrun ctse, 星期五會黎邪神班練下體能嗎?
到時應該有d 適合既動作可以做的

作者: runrun 時間: 2009-3-12 00:39

原帖由 slowrunner 於 2009-3-10 18:06 發表

 登錄/註冊後可看大圖

承runrun吩咐亂寫狗屁跑步詩(一)之觀察跑友有感

日奔夜跑似練仙  還有踩車兼做尖
難得幾回揸流攤  冀成快馬要加鞭
傷患困擾苦無奈  幸有跑友常勵勉
沉得住氣方為上  重點出擊待來年

拿拿兄，真的文采非凡！
"尖" =gym 都比你諗得出，中、英文都能融滙貫通，勁！
說真的，小女子又點敢「吩咐」你做嘢呀？想死咩！

雖傷患困擾，但幸得各跑友時常勉勵，定當儘力爭取痊癒。

上星期六的Beer Dash 及星期日的綠色健康跑，我都已經揸流灘的了，
但這幾天膝痛又似乎多了，今晚放工追架89D只追了三、四＋米，便馬上感覺有点痛，
傷患經常反反覆覆、時好時壞，最是令人沮喪。

拿拿兄，現回你一詞，詞借李清照〝聲聲慢〞，詞中意思正好寫我現時的心情。

跑跑停停，痛痛悲悲，淒淒慘慘戚戚。
乍暖還寒時候，無奈休息。
縱已醫護連連，怎敵膝痛入心痱？
無力跑，正傷心，卻是舊時相識。
滿地跑鞋堆積，憔悴損，如今有誰知悉？
守著窗兒獨自，怎生得黑？
梅子林內細雨，到黄昏、點點滴滴。
到如今，怎一個愁字了得！

[ 本帖最後由 runrun 於 2009-3-12 00:42 編輯 ]

作者: runrun 時間: 2009-3-12 00:44

原帖由 schnix 於 2009-3-11 23:54 發表

 登錄/註冊後可看大圖

runrun ctse, 星期五會黎邪神班練下體能嗎?
到時應該有d 適合既動作可以做的

應該會去，但趕不及7:00pm，你們練住先。

歡迎光臨香港長跑網 - 長跑長友 (https://www.longrun.hk/)