香港長跑網 - 長跑長友

標題: 我與九歲孩子一齊跑步及比賽的經歷 [打印本頁]

作者: alfredyu 時間: 2008-3-10 14:59
標題: 我與九歲孩子一齊跑步及比賽的經歷
我個仔九歲，前幾年我跑渣打佢都會去終點等我，不過對跑步的興趣就唔大。同佢玩捉就可以，但單跑佢會覺得悶。舊年十二月南區沙灘跑有個一公里比賽同佢報左名，但之前都唔肯點練習，不過都算跑左第一次。一月份有個大潭水塘四公里比賽，我又同佢報左名，一月初我跑完中國沿岸，唔知點解一問佢去練習就應承去，仲好勸力兩個星期練左五次，當然跑完要帶佢去食餐好野。

我係元老組同少年組一齊起步，都係四公里，我跑左20分鐘，佢都努力跑完，唔太辛苦，慢我九分鐘，比練習時快了。

呢兩個比賽都有兒童或少年組，比賽係對任何人包括小朋友都有一個刺激鼓勵作用。長跑可以培養一個人意志和毅力，對一個人成長好重要，小朋友跑三至五公里己經好夠，可以幫到佢地身心發展。

作者: alfredyu 時間: 2008-3-10 15:03
星期日跑渣打全馬，孩子來終點等我，衝過終點一刻幫我拍照留念。跟住好開心一齊合照，好似佢都有份跑咁, 又幫我同的朋友映相。再一齊飲茶。

3月份有個3.2k慈善跑步比賽，問佢參加仲即刻一口答應。我想營造跑步歡樂氣氛，讓孩子聯想起跑步便是樂事。

登錄/註冊後可看大圖

作者: alfredyu 時間: 2008-3-10 15:05
雖然我比我九歲的兒子跑快得多，不過我用佢速度同佢跑都唔會覺得係浪費左我的時間。有時慢速跑下其實好舒服，係享受。我地一家三口一齊報名參加左3月16日星期日一個三公里比賽，我同個仔一個星期會跑兩至三次，大約半個鐘，有時中間休息下，任佢跑幾快都得。昨天與他從北角跑至太古城他同學家去玩，大約廿五分鐘。平時去維園跑完就比佢買D鐘意食D野，咁就有動力去跑。
我個仔唔係運動型，相反係書生型，以前經常擔心佢唔夠運動。但竟然舊年十二月底參加左第一個跑步比賽就有左興趣，我同太太都好安慰了。
下星期再同大家講下我地比賽成績。

作者: kenneth 時間: 2008-3-10 15:11
提示: 作者被禁止或刪除內容自動屏蔽

作者: alfredyu 時間: 2008-3-20 12:10
3月16日亞仔第一次全程全完三公里比賽，比練習快好多。佢仲問我下一次比賽幾時，於是又報左四月底南區沙灘跑。呢個比賽係Jessica雜誌舉辦，係籌款活動，好多贊助。亦好多小朋友跑，唔錯。

作者: alfredyu 時間: 2008-3-20 12:12
跑完左跳起影張相，好勁!

作者: michaelyw 時間: 2008-3-20 12:31
標題: 回復 6# 的帖子

真不簡單~
我9歲時400米都未必跑得到。
謝謝分享

[ 本帖最後由 michaelyw 於 2008-3-21 08:20 編輯 ]

作者: Alfred 時間: 2008-3-20 20:34
標題: 回復 6# 的帖子
ching, Jessica 我有幫手，係第一個turning point，見到D小朋友跑真係好鬼開心，小女就唔肯跟我跑！！

作者: 瘋瘋 時間: 2008-3-21 11:31
提示: 作者被禁止或刪除內容自動屏蔽

作者: alfredyu 時間: 2008-4-21 20:21
呢一個月小兒跑步興趣少左,又要出新招。約左佢同班同學一同學仔一齊練跑,一個星期一次,跑下玩下,起碼一個鐘 . 另外一個星期約另一個朋友仔一齊游水,咁都可以保持住基本運動量, 小朋友興趣要係有得玩,約他的朋友一起是一個好辦法, 我除左帶住個仔, 又可以幫多一個小朋友多d運動, 一舉兩得!人地家長亦好感激呢。

[ 本帖最後由 alfredyu 於 2008-4-21 20:22 編輯 ]

作者: bluesky 時間: 2008-4-21 22:21

原帖由 alfredyu 於 2008-4-21 20:21 發表

 登錄/註冊後可看大圖

呢一個月小兒跑步興趣少左,又要出新招。約左佢同班同學一同學仔一齊練跑,一個星期一次,跑下玩下,起碼一個鐘 . 另外一個星期約另一個朋友仔一齊游水,咁都可以保持住基本運動量, 小朋友興趣要係有得玩,約他的朋友一起是 ...

You are right. It's a good idea to let him practise running with his friends. More fun.

作者: alfredyu 時間: 2008-4-29 23:14
星期日一家三口參加左南區迎奧運火炬跑,有一千人參加,可能係政府有多d錢贊助,所以唔駛報名費又有件衫送 - 我個仔十歲個組係跑一公里, 我太太半跑半行完成左佢第一次比賽-4公里,我地一早就到左沙灘玩 - 我個仔跑完又問下一個比賽幾時, 可能係九月沙田個三公里又係迎奧運比賽，今年呢d親子比賽真係多，希望來年都會有，唔好完左奧運就唔攪。
其實小朋友只要練一星期練兩次,20分鐘就可以跑得好好。只係大人唔肯帶佢地跑 - 多數大人過左30歲，體能愈來愈差, 冇辦法。

作者: alfredyu 時間: 2008-6-23 11:41
星期日參加奧運歡樂跑, 呢次我係陪住個仔跑,所以唔辛苦,佢就勁辛苦,因為佢雖然今年都跑過幾個比賽,但未試過30度氣温太陽勁曬下跑步, 過左水站後基本上都係急步行, 條氣順番又衝一輪•塊面紅到發紫•跑完休息左十幾分鐘都仲係面紅紅.
不過真係比賽先能激發到呢種動力,夏天長跑對訓練小朋友意志力會好有用.
我太太則急步行畢全程 .

作者: alfredyu 時間: 2008-6-24 15:27
奧運歡樂跑兩張相, 睇番真係幾辛苦 -

作者: 瘋瘋 時間: 2008-6-24 15:39
提示: 作者被禁止或刪除內容自動屏蔽

作者: rockstarman 時間: 2008-7-6 00:58
跑步總好過玩虛無的遊戲機呢

，小弟還未有己出，真的千萬分之替各位大哥開心呢

。願祝各位大哥的兒女健健康康快高長大，聽聽話話，在人生的長跑道上，永遠是社會上領先的一群

。

作者: alfredyu 時間: 2008-11-18 23:25
暑假同個仔游水多,佢都終於可以1'30"游到50公尺。我亦係自己教個仔游水。我覺得咁對父子感情同關係建立有好大作用。
今個月亦開始同仔仔練番跑步，佢同意左參加12月中淺水灣三公里比賽。仲有四個星期練。

作者: alfredyu 時間: 2008-11-21 11:05
這個星期跑了兩次，每次約1.2公里，跑去最近的籃球瑒，然後打一小時籃球。

作者: cu83 時間: 2008-11-21 12:41
you are very energetic as well.

作者: alfredyu 時間: 2008-12-25 22:12
終於跑完南區沙灘跑，阿仔時間１９’３０”，　三公里。　唔快，但佢係以一個好穩定的速度跑完，不急不燥。這樣他會保持一個健康的體格。

作者: 叮叮噹 時間: 2008-12-25 23:53

原帖由 alfredyu 於 2008-12-25 22:12 發表

 登錄/註冊後可看大圖

終於跑完南區沙灘跑，阿仔時間１９’３０”，　三公里。　唔快，但佢係以一個好穩定的速度跑完，不急不燥。這樣他會保持一個健康的體格。

Good! 年紀輕輕就參加比賽, 重點係同爸爸一起, 相信將來會係美好的童年回憶.
不單身體健康, 心靈都健康啦!

Good DAD!

作者: Mr.Bus 時間: 2008-12-28 23:14
ha
c hing位小朋友都很叻仔呀

作者: coffee71 時間: 2009-1-6 13:26
剛剛過去的南區沙灘競跑，我都有參加5K賽事，除此之外，5歲半既小兒亦有報名參加，不過最少組別為7-9歲（小兒只好越級挑戰），由於小兒都有九個月練跑經驗，不過頭段跑沙灘對5歲既小兒的確係一個考驗，最後在一公里賽事中以7分55完成比賽！小兒的勝負不重要，當我陪跑時見到他好有紀律地用平時練習的速度，同時亦能輕鬆地完成賽事，作為父親好佩服兒子的勇氣及耐力，最後小兒還向父親說：雖然輸左，仲有跑得都幾辛苦，但係我都堅持完成比賽。當時作為父親的我真係有少少熱淚盈眶。

作者: 西環伏特加 時間: 2009-1-6 21:54

原帖由 coffee71 於 2009-1-6 13:26 發表

 登錄/註冊後可看大圖

剛剛過去的南區沙灘競跑，我都有參加5K賽事，除此之外，5歲半既小兒亦有報名參加，不過最少組別為7-9歲（小兒只好越級挑戰），由於小兒都有九個月練跑經驗，不過頭段跑沙灘對5歲既小兒的確係一個考驗，最後在一公里賽 ...

好好呀,....我個囡啱啱3 歲,...等我都開始同企跑下先,....

作者: alfredyu 時間: 2009-1-6 22:07

原帖由 coffee71 於 2009-1-6 13:26 發表

 登錄/註冊後可看大圖

剛剛過去的南區沙灘競跑，我都有參加5K賽事，除此之外，5歲半既小兒亦有報名參加，不過最少組別為7-9歲（小兒只好越級挑戰），由於小兒都有九個月練跑經驗，不過頭段跑沙灘對5歲既小兒的確係一個考驗，最後在一公里賽 ...

五歲半就可以跑到一公里，好難得。不過要Ｋeep住，保持興趣，做父親好容易工作忙就唔同個仔一齊玩。我個仔已經十歲了，經過一年的跑步活動，現在已可以與我一起跑（我怍為一般的輕鬆跑），跑完一起去點小食，其樂融融。

作者: alfredyu 時間: 2009-1-6 22:14
賽後我們在沙灘還玩了半天。媽媽雖然不跑，但也很享受在沙灘上的活動。

作者: coffee71 時間: 2009-1-7 08:53

原帖由 alfredyu 於 2009-1-6 22:07 發表

 登錄/註冊後可看大圖

五歲半就可以跑到一公里，好難得。不過要Ｋeep住，保持興趣，做父親好容易工作忙就唔同個仔一齊玩。我個仔已經十歲了，經過一年的跑步活動，現在已可以與我一起跑（我怍為一般的輕鬆跑），跑完一起去點小食，其樂融 ...

宜家無個星期有兩天晚上會同太太及兒子在家樓下既球場練跑，兒子每次約1至1.5公里，兒子每次跑前都很興奮，亦好快會完成功課，當然跑完步我地仲會在球場踢下波，還要等待太太跑完步才一起回家。

作者: alfredyu 時間: 2009-1-7 14:21

原帖由 coffee71 於 2009-1-7 08:53 發表

 登錄/註冊後可看大圖

宜家無個星期有兩天晚上會同太太及兒子在家樓下既球場練跑，兒子每次約1至1.5公里，兒子每次跑前都很興奮，亦好快會完成功課，當然跑完步我地仲會在球場踢下波，還要等待太太跑完步才一起回家。

一家人都跑步, 好難得。我太太就唔肯跑。最緊要小孩子跑完開心，有自豪感。快慢長短都好，持之以恒，佢地會越來越跑得。

作者: alfredyu 時間: 2009-1-20 22:02
18/1 我與兒子參加了大潭水塘長跑比賽, 我跑6.5公里,在先進組得第八名,還有個獎牌。孩子則是少年組，跑四公里，能順利完成，他不太累，不錯。

作者: 上水馬王 時間: 2009-1-20 22:17

原帖由 alfredyu 於 2009-1-20 22:02 發表

 登錄/註冊後可看大圖

18/1 我與兒子參加了大潭水塘長跑比賽, 我跑6.5公里,在先進組得第八名,還有個獎牌。孩子則是少年組，跑四公里，能順利完成，他不太累，不錯。

小弟睇過alfred兄的全馬準備實錄及親仔跑步的經歷，發現alfred兄係對跑步有無比的情熱~

作者: alfredyu 時間: 2009-3-9 11:32
標題: 數碼港長跑比賽
3月8日在數碼港的長跑比賽, 一家三口參加。我陪兒子跑，妻則自己快步走。前段人多路窄，只能快步走，後段三公里，兒子都是跑著去，４０分鐘完成。這種活動會吸引更多人參加跑步。

作者: hellobbandre 時間: 2009-3-14 09:41
樓主既感染力令1家3口都有興趣跑步,真係難得.

跑步係1種健康既活動,總好過比小朋友終日打機.

作者: alfredyu 時間: 2009-4-3 19:44
3月初比賽後, 跑步少了。４月份會試下一家人去遠兄露營。

作者: alfredyu 時間: 2009-7-29 08:39
暑假幫兒子安排了一係列的活動, 包括游泳, 跳水, 體操, 此三項每項約十課, 每課1至2小時. 星期六,日還安排了獨木舟, 滑浪風帆, 露營等. 這些活動是康文暑或康文暑贊助各體育會的活動, 價廉物美. 再加上其他活動,已經安排得滿滿了. 所以我反而不用抽時間和孩子玩.
不過九月份開始, 我和兒子約定還是會參加跑步比賽的, 我有個想法, 想約多幾位9歲至12歲的男孩子一起練跑, 怎樣去找呢?在長跑網發個帖試試.

作者: alfredyu 時間: 2009-9-16 10:55
兒子上中學了，他的學校在体育課有跑步，佢好開心。會到我報告成績，亦會主動話一齊去公園跑步。

作者: alfredyu 時間: 2009-11-10 11:37
我同個仔一齊報左南區沙灘跑, 練左一次. 今次係我地第三年一齊參加 .

作者: Harvey 時間: 2009-11-24 22:53
Alfred 兄，小弟剛巧看到你在今期親子便利的 Parent's Letter，你寫得很好

作者: alfredyu 時間: 2009-12-3 16:20
講真可以同個仔一齊跑真係好愉快的體驗, 今年佢十一歲, 體能好左好多, 每星期練兩次. 我希望今年可以令到老婆都肯跑 - 其實一定首先要陪住佢地跑, 如果陪得十幾次適應左就好易跑落去.

作者: alfredyu 時間: 2009-12-10 16:30
我的兒子不是運動型，跟我一樣（我跑全馬八次還不能sub4)。前年陪他一起跑開始，現在他已習慣了10月底便開始練習，到十二月跑南區沙灘跑，一月跑大潭水塘，三月至四月再參加一個比賽，那就有半年不錯的運動量了。
長跑比賽的好處是只要盡力，跑完都會有滿足和成就感，又可磨煉意志，運動量大。一齊跑更有一種心靈相通般的感覺，是一種不用言語的溝通。
昨天一齊跑了2.5公里，19.5分。

作者: ufficiohk 時間: 2009-12-11 12:35
為運動而運動才能體驗運動的樂趣與好處 ! CHING 和令郎加油!

我有些朋友都唔係運動型, 自讀書開始至今都沒有拿過甚麼獎, 到50之齡仍以挑戰自我為目標, 有的能完成半馬都十分滿足. 有的玩毅行兼越野到而家, 我對他們的意志,毅力非常佩服

我為小女轉項其一目的就是希望她在這幾方面加強些, 因為長跑, 鐵人這些運動都可以玩上幾十年, 而佢現時的小學短跑最多俾佢跑多幾年.為獎牌而戰只是提升佢對運動興趣藉口之一...故成日要佢問佢自己如果拿唔到獎係米唔玩拉? 所以要看項目而定囉! 長跑游水就最好, 它是所有運動的基礎例如玩籃球,足球, 羽毛球........ETC ETC, 幾乎都要跑步練氣, 要不想完成比賽都十分吃力!

一點看法!

作者: alfredyu 時間: 2009-12-11 13:40
長跑比賽夠多, 氣氛又開心, 真係好好玩.

作者: ufficiohk 時間: 2009-12-21 11:58
ALFRED CHING 我好似見到你跑啊!

我個女發骨節, 無跑, 但我都陪佢去感受下歡樂氣氛! 的確好正!

作者: alfredyu 時間: 2009-12-26 13:49
一月份還有大潭水塘比賽，四公里，也是很熱鬧的。這次我們一家人都報了名，太太在練習中。

作者: alfredyu 時間: 2009-12-26 13:52
長跑比賽的好處是跑得慢也可以感受快樂，我的兒子其實跑得不快，三公里跑了19分鐘多，不過完成了就是勝利，

作者: alfredyu 時間: 2009-12-26 13:54
我比賽時他也很高興地幫我拍照。

作者: alfredyu 時間: 2009-12-26 13:57
最後一家人合照。在海灘玩一下，然後到pizza hut 買pizza餐在海灘吃。這已經是我們一家人三年來的一個節日了。

作者: bluesky 時間: 2009-12-27 13:17

原帖由 alfredyu 於 2009-12-26 13:57 發表

 登錄/註冊後可看大圖

最後一家人合照。在海灘玩一下，然後到pizza hut 買pizza餐在海灘吃。這已經是我們一家人三年來的一個節日了。

Happy holiday

作者: alfredyu 時間: 2010-1-4 19:11
小兒並非體育精英，長跑便是一種尋求身體健康的方法和開心的家庭活動。今天他在學校班裏的3K練習，也能跑進五名内，就已經對他的自信有很大的提高了。

作者: alfredyu 時間: 2010-1-14 23:30
最近和兒子一星期跑三次，另外老婆在十二月也開始跑步，開始一個月我要陪她，現在她有點上癮了，自己每天慢跑半小時。下個星期六參加了大潭水塘長跑賽，一家人都參加了，希望大家都能完成。

作者: alfredyu 時間: 2010-1-27 11:25
星期日一家人去參加一個跑步比賽，我和老婆跑成年組，6.5K, 兒子是少年組，4.5K。地點是香港島南區的大潭水塘，要跑上山去，很斜的上坡路，我也只能很吃力的跑上去，兒子和老婆跑這段是都只是步行一段。
跑完了比賽，跑的時候盡了全力，但跑後不覺得累，倒是下午回家後，覺得很想睡。老婆則覺得大腿有點酸，疼了兩天。兒子從來都是慢慢玆油地跑的，不會搏盡。午餐去吃回轉壽司慶祝。

作者: alfredyu 時間: 2010-1-27 11:31
以下是比賽后合攝。

歡迎光臨香港長跑網 - 長跑長友 (https://www.longrun.hk/)